86
42
51
電話號碼
26676025
付款方式
現金
座位數目
40
其他資料
電話訂座
外賣服務
室外座位
招牌菜
彩虹 雷沙湯圓
食評 (191)
等級4 2017-10-09
324 瀏覽
新界人,晚上泊部車係街,行去不遠處的地方食甜品糖水,可以說是人人都會做的事情。單是在我常去的大埔,夜媽媽找到一個地方可安心泊下車子不阻街,一家人,一 pair 人,一班好友,去附近的糖水店排隊食甜品,是週末的日常。這一天是星期六,我們把長輩們送回大埔後,帶著小兒子的我們想起了食糖水。結果,我們來到位於大埔中心,位於昌運中心的老字號,《 彩虹甜品屋》食糖水,食甜品。 綿綿冰,是小朋友叫的。我們兩位大人早已經看厭了,吃厭了。厭了的主要原因,應該要多謝當年的綿綿冰熱潮,當年的熱潮,令到間間糖水舖都推出一模一樣的東西。令人吃不厭也看厭了,該熱潮過後,好多因為綿綿冰熱潮殺出了一條血路的甜品店都結業了。熱潮過後,仍然掛著傳統糖水店的甜品店,有不少都依然有綿綿冰食,是晚小兒吃的朱古力綿綿冰,用上了很濃的朱古力,而下面又充滿了小丸子等等的台灣式彈彈珠。味道是好食的,不過食食下,也許朱古力太濃味了,兒子說苦。 我同太太都係選擇較為傳統的香港式甜品,不會錯亦冇得輸。太太要了楊枝甘露。夠甜,有芒果味,有柚子味,芒果的果肉不酸,而且可以說是香滑,當然,楊枝甘露內也有足夠的西米,很滑,很是可口。 近來的我,要吃甜品的時候,總會朝最最最傳統的口味上看。而我既選擇,又係簡單的西米露,椰汁西米露。我要了熱的,更顯椰汁的香味,當然,熱食的西米更加之香滑,充滿了椰汁香的甜品,熱熱的,暖和的,會令人很開心。 《彩虹甜品屋》,好多人已覺得不及從前了。雖如此,亦的確如此,但單是以他們的傳統糖水出品來品評,依然是好味道,依然是值得推一推的。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-29
486 瀏覽
之前都食開上水同大埔的彩虹, 一直都覺得吾錯而且價錢抵食,今日難得黎到大埔當然都要去食彩虹啦,今日食完飯大約9點黎到已全滿座,講真坐滿係幾迫,所以我地2個寧願坐邊位的二人位坐。今次我地叫左2個甜品黎食,平時食開這店的椰奶湯丸,但男人又話想食凍所以今次試入面係雪米糍的椰奶,黎到依然都見到笑面好開心,一開蓋幾粒粉紅色的雪米糍就浮左係度,食左去就普通啦,但椰子水味道都幾好而且入面仲要西米,竟然仲有心型jelly..十分漂亮再上味卜廿竹月山不錯,抵食!~(仲可以食到椰肉添),之後再叫左我最愛的大西米加生果椰汁,大西米口感十足而且生果都新鮮,我地2個食完都幾飽肚。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-30
530 瀏覽
冬天來到,吃量亦增加了。吃完晚飯後,總是口痕想繼續吃甜品。這家甜品店在大埔算是出名,其開心甜品更差不多每枱都點。特別喜歡它的特大西米粒,口感十分煙韌。一碗有齊各式各樣的水果,而且粒粒新鮮。熱哄哄椰奶配上甜甜的奶黃湯圓,吃完馬上暖笠笠,很適合冬天食。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-09-11
499 瀏覽
彩虹甜品屋喺大埔都幾出名。我都係忠實fans 黎架。招牌「椰紫湯圓」頂呱呱。試過就知跨啦啦。紫米皮+奶皇餡皮薄餡靚。一個椰皇有五粒湯圓。湯圓味道自由選擇。有花生。芝麻。紫晴。。。椰汁味道濃。飲多兩啖喉嚨都滋潤埋。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-03-20
780 瀏覽
去完大尾督bbq之後,友人提議去食糖水,雖然聽過大埔有好多糖水店,但傻傻的我根本分不清邊度係邊度,所以都係由地頭虫帶路會比較好,費時又跟某路痴行,次次行冤枉路除左餐牌上既食物,牆上都貼滿各種推介,因為燒完野食,所以我都係揀番個下火既糖水較為適合呢個係我叫既西瓜涼粉加大西米加忌廉奶西瓜好甜起沙涼粉有微微涼茶既苦澀味,令我可以自我安慰可以清下熱忌廉奶不會太甜,剛好配合好成碗糖水雪糕涼粉雪糕有六款味道可以選擇芒果,雲尼那,香芋,豆腐,薄荷,朱古力雪糕一般聽友人講,呢間甜品店已經係度超過十幾年,當日我地去到都坐滿哂人,座位同座位間比較迫,希望下次有機會再試其他甜品 繼續閱讀
(以上食評乃用戶個人意見 , 並不代表OpenRice之觀點。)