彩虹串燒專門店

營業中

休息中

好彩訂咗位，仲留埋海膽🤤🤤🤤去彩虹可以滿足哂我想食嘅野，生蠔、海膽、牛扒、串燒，堅係正😋😋都唔知幾耐無試過咗成板海膽咁樣食，正都不能形容🤩🤩生蠔、海膽、牛扒呢個配搭真係無得輸🤤😍食飽飽之後，再過埋斜對面嘅 彩虹環球食品 買啲水果同急凍食品，又食又買好開心🥳🥳樣樣都好吸引，但個胃就得一個，試唔到咁多野，唯有下次又再去食過😋#大埔 #串燒 #彩虹串燒專門店#彩虹環球食品 #生蠔 #牛扒 #海膽 #水果

第一次去感覺似入咗間居酒屋，好熱鬧，好有氣氛，老闆娘好熱情招呼每枱客人，佢會遂枱傾計問吓啲嘢啱唔啱食，又會推介有咩抵食好食。講返食物先，我地一行三人，先上枱嘅係芝士焗什菇，因為成8點幾剛放工，所以係一輪狂風掃落葉式被KO，陸續上串燒、焗蠔、同牛扒套餐。個牛扒套餐2百幾蚊，竟然仲要送全隻波士頓龍蝦同一大兜大大隻嘅酒煮大蜆，仲要係質素十分高，肯定唔係cheap貨。焗蠔上枱仲要有兩款口味，芝士同蒜蓉同樣肥美多汁。串燒就真係一定要食燒鱔同燒茄子，真係兩樣都不得了，茄子真係心機之作，每一啖都係平均佈滿香料，非常惹味。鱔就係要encore 再encore之選，皮脆肉滑，非常肥美。最後，我仲買咗即食日本蠔同海膽返屋企食，加上第二日約咗啲老人家去拜年，買咗好多生果，同樣高質，非常值得推介比朋友。

服務態度差,經常錯單,食物上枱時間十分漫長,落order後30分鐘都未有得食,追單時服務員不會回應,地方坐得唔舒服...食物質素一般,價錢雖然唔係貴但係整體上唔會再嚟.

時間係情人節既夜晚，排左一個鐘左右終於入得🥹🥹夜晚10點幾都仲係滿座😲感覺老闆娘同客人都幾熟，似乎好多熟客🤗♥️兵庫縣生蠔必點🩷超抵食6隻98蚊，鮮甜creamy又大粒，好正🤤串燒都好好食😋有特色，調味做得好好，辣辣地吃起來香口惹味🍥🩵日本生啤🍺配埋熱辣辣串燒🍢🍢啱曬深夜宵夜吹水🎇🌃叫咗個蜆烏冬嘅主食，啲蜆唔係太靚，有沙😶‍🌫️大家食串燒就OK了🫡

兩個人叫咗個牛扒拼龍蝦，再加粥同加小食，就叫咗兩杯特飲，加埋唔使$500。牛扒好食，龍蝦雖然係冰鮮貨同細隻啲，但味道唔錯，性價比超高。老闆態度好，定會再幫襯的。

此店已食過數十次一直品質穩定（不是特別好食 只係附近沒有同類選擇），是次點了清酒煮蜆烏冬(已食過多次)及其他食品 包括炸雞翼、炸雞軟骨等等，今次嚟到時個湯竟然好似飲緊酒咁，酒味濃到完全食唔到個烏冬，迫不得意要在外賣平台上申請退款（店家完全可以收回食品檢查 但店家不予理會），我都係第一次在此店及平台上申請退款，店家以口味沒有問題而拒絕，以此方式做生意確有問題，意見不接受沒關係，在此祝貴店生意早日蒸發。🙂