彩福皇宴 (iSQUARE國際廣場)

營業中

休息中

平時每個星期日都會同屋企人飲茶，今日因為要去尖沙咀睇戲，所以喺阿媽極力推薦之下我地就去咗彩福飲茶。 酒樓環境好靜好舒適而且可以望到海景，雖然坐窗邊比較熱，但係望住個海景飲茶已經值哂☺️ 呢度點心選擇好多，全部點心都睇落好吸引！我地都叫咗好多款一齊食，上菜既速度都好快，食物黎咗2,3round都差不多齊哂～ 呢度嘅燒賣蝦餃都好出色，蝦夠哂爽口彈牙，大大隻，皮薄餡靚。燒賣仲係呢個鮑魚燒賣，睇落去高級，食落好鮮味好正！之後介紹埋呢個流沙包都好正🤤 真係夠哂流沙，好濃蛋黃味，包都好鬆軟💗

今日跟朋友約會，去左ISQUARE 26樓「彩福皇宴」，估唔到個景好靚喎👍🏻可以望到維港景色，連對面海都好清楚，外面仲有個高空平台，淨係個景都已經贏晒🤗而且成個大堂無乜柱位，空間感夠，配上紫、白色主調，好啱結婚擺酒，真係唔錯👍🏻入番正題，睇吓有咩點心先，睇落都唔貴兼好有特色，嗱嗱聲點番幾款先，價錢都係三十元起，OK喎😬彩福蝦餃皇$30，旋風黃金流沙包$30，兩款都要趁熱食，唔好以為係好普通嘅點心，呢度真係做得好有水準，蝦餃皮薄蝦爽口，流沙包，蛋黃醬又香又滑，正👍🏻特別推薦呢個芝心海皇千絲春卷$33，酥軟香脆，口感好特別，值得一試🤗雙拼燒味飯$51，係尖沙咀區咁嘅環境，都係收咁嘅價錢，真係講都唔信，而且叉燒鬆化又入味，燒腩仔，又脆又香😋金箔芝麻卷$20，已經有6件，係我嘅童年回憶，加埋金箔，零舍矜貴🥰中午時段都好旺場，客似雲來，呢度招呼好、環境掂、食物又得，真係唔錯😄

平時酒樓多數是地下個層或者上一二樓，外面比廣告牌遮蔽陽光，但是這間彩福就位於26樓，景觀開揚光猛，而且還對住個無敵大海景，真係食都食得開心d。原隻鮑魚燒賣皇：得獎點心一定要試啦，雖然鮑魚唔係好大隻，但都幾有咬口，燒賣的豬肉肥瘦均勻。黑松露帶子鳳眼餃：淡淡的黑松露香，有帶子的鮮甜及爽口的蝦仁，鳳眼餃餡料十足。咸菜胡椒豬肚：原煲胡椒豬肚上枱，咸菜又不會太咸，豬肚爽腍，湯底有濃香的胡椒味，味道都幾辣。鹹水角：炸至金黃煙韌，比一般的較細粒，但有四件，餡料有肉碎及菇等。海螺片滑雞扎：雞扎裏面有片爽口的螺片，味道都正常。XO花姿片蝦球炆伊麵：伊麵大碟而且有很多人花姿片及蝦球，海鮮十分新鮮，伊麵亦都不會太腍，還有些金菇芽藥木做配料，不過XO 醬略嫌較少。

放假同屋企人去了尖沙咀isquare的彩福飲茶，這間酒樓環境開揚，面對著維港景，落地大玻璃令酒樓裏面更光猛，非常舒服。這裏茶錢每位$15，但以這個景觀對比這個價錢一點都不貴。蝦餃一籠四粒，每粒都晶瑩剔透而且脹卜卜，外皮不易穿，裏面大大粒的蝦肉，新鮮爽口。蟲草花素粉果粉果皮同蝦餃一樣，很透又帶點彈性，裏面有些雜菌等餡料，但蟲草花就唔多見。XO醬炒蘿蔔糕蘿蔔糕煎至六面都帶焦香，外面脆香裏面就腍，還有一絲絲的蘿蔔絲，以XO醬及芽菜炒，十分惹味但比較油膩。鮮蝦長春卷春卷比平時的幼身但很長，炸得香脆，中間有些蝦肉餡料，一人一條啱啱好。

當日十幾人去用食午餐，我地叫兩個餐，其中一個十二人餐，有個菜入面發現粒大螺絲釘。經理話可能因為新裝修所以跌咗粒螺絲入菜到喎。好在無人食到，就算無呑，後果都不堪設想！

前兩日日一行八人做節，食個豐富的lunch,一早訂了枱，我地叫左個8人lunch set, 有飽魚燒賣，旋風流沙包，燒腩仔，潮州粉果，仲有個帶子同蚌炒米粉再加個炒，另外在叫咗個腐皮蝦卷，麻辣牛肚，小雲耳仔，海折青瓜同埋兩籠燒賣。特別推介個旋風流沙包，超好味同juicy ,好好味。鮑魚燒賣都好食細細粒鮑魚，麻辣牛肚好入味，個炒飯同埋炒米粉都係幾好味。每個人都食到好飽，可以都係一千蚊到，即係每人$125。性價比比較高，再加上無敵靚海景，真係一個好好嘅選擇。侍應又親切OK好禮貌，值得再去。