彩福皇宴 (安達中心)

營業中

休息中

彩福點心真係好好食，食完就會想再黎佢啲點心好好食我哋四個人飲茶，都唔係好貴 仲叫咗幾樣嘢食，有蒜香春卷，蘿蔔糕，煎素鴨，蝦腸粉咁多隻我最推薦嘅係蝦腸粉因為鄙薄餡靚真係好薄皮好好食

今日下午同幾年前公司小組食lunch今日他們去飲茶尖東彩福皇宴我太耐無去尖東，找了一陣才找到安達中心的入口搭lift食得獎點心，一共四款望落去好頭暈是流心奶黃包，好流心，好好味無影粉果，料唔同平時早餐食，好好味! 最正有潮州辣椒油，我至愛鮑魚燒賣，一般另一款也無影相，質素一般

母親節，和家人來吃晚餐。提前電話預訂，晚上７點半，不用分２輪。準時到達，本來想點的４人餐已經沽清，失望！單點以下的：#燉湯，羅漢果燉瘦肉，量足！每人有2.5碗，羅漢果的回甘，我喜歡！#清蒸沙巴龍躉，魚肉很嫩，好吃！#一品燒雞半隻，肉質juicy，不用沾醬，已經很夠味！#彩椒水蜜桃咕嚕肉，咕嚕肉香脆，配甜甜酸酸的汁，適合伴飯。#腰果西芹油泡蝦，蝦肉富彈性，西芹爽脆，都好吃！#帶子海皇什菜煲，量很足！吃不完！服務很好！會再來的店！

因為公司大佬落到黎，老細帶埋我地呢啲小薯仔齊齊去飲茶。一行8人lunch過到黎，唔知做乜今日勁多人，好彩有book定枱，唔係真係有排等。因為真係好多客，呀姐們都唔係好得閒理我地，叫野食都叫左幾耐下先有人過黎幫我地落單。佢menu都頗多選擇，我只係揀左有圖既黎影。因為我地8個人既關係，好多都係double叫，預一人一粒左右。流心奶黃包，日本人同事最愛，甜甜地，次次食都夠流心。燒腩仔，皮脆肉嫩！金錢肚之前食口感彈牙啲，今日唔知唔新鮮定點，林左啲。我唔好雞腳，同事話好食。豆腐滑，調味都幾好，不過唔係我鐘意既石膏豆腐。。。無乜豆味。因為叫得太多，除左上面，仲有叫左啲燒賣蝦餃，蝦腸，肉絲炒麵等等，正常發揮，唔覺有邊款點心有問題。甜品方面，有同事叫左椰皇，楊枝甘露，焗布甸。我地叫多左椰汁糕，芝麻糕，紫薯糕share。造型唔錯，不過椰汁糕略嫌無味。我最推紫薯糕，濃濃既紫薯味，好難得！今次真係飽到上心口！不過有漏單，等太耐叫左佢cut單搞左勁耐都未處理好

三個人星期日同一個好耐冇見嘅朋友一齊食一餐好嘅，而去飲茶就可以坐得耐啲，朋友揀咗呢間，一入到去就覺得好正，因為一望出去就係海景，而且裝潢都好有氣派，環境好新。呢個春卷整得的確幾出色，千絲炸得金黃色，口感脆脆的，裏面嘅餡有蝦肉，咬落去口感很好👍🏻大家都好鍾意食唔好睇佢係一碟普通嘅腸粉，但係其實啲腸粉好滑，而且上面鋪左三隻不同嘅醬，令到味道好特別，上面有蝦米同芝麻更加令到腸粉好香口。蝦餃呢，裏面嘅蝦好大隻，蝦肉好爽脆，味道鮮甜，一啖放落口好有滿足感。外面一層簿簿嘅腸粉皮，中間有一層春卷，裡面餡呢，就有魚塊同埋啲菇菌，一食落去就出咗三種口感，十分不錯！！蝦餃啲蝦都係好鮮甜好大隻，咬落去都係好有滿足感㗎。呢個豆腐裏面好滑同埋好林，外面果層都有啲咬口，配埋個汁好好味！

朋友說有多層停車場，泊車非常方便！價格尚算合理。朋友非常有心，帶了一瓶靚茶葉分享，他只叫一壺熱開水，那位樓面女侍應也很貼心，送來 2 壺！裝修是不錯的，座位也安排得輕鬆，完全沒有背對背的毛病！朋友點了點心後，大家邊品茶邊閒話家常！環境本來是不錯的，很奇怪有一位穿西裝的樓面，一直在我們桌子前面附近講電話，一時粗聲大氣對其他樓面侍應指手畫腳，然後繼續講電話，非常自娛，旁若無人！作為食客，我們都覺得他非常擾民, 比較掃興！ 哈哈😄服務行業，一點都沒有顧及客人感受！個人估計他應該不是經理，可能是樓面其中一個主管吧！我們只好忽略他的存在，繼續聊天吃點心，都是見見朋友，喝喝茶，食物其次！朋友很客氣，堅持結賬，謝謝他 !

尖沙咀嘅茶樓選擇一向都好多 今次嚟咗呢間就喺尖東噴水池附近嘅茶樓啦 茶樓喺大廈嘅頂樓 一行入去就見到一間好光猛 好闊落嘅茶樓啦😬講真 而家再高級嘅茶樓啲檯都係擺得密麻麻 唔好講話凳背撞凳背 隔離檯個三姑同六婆講緊啲咩你都瞭如指掌 冇辦法啦 土地問題吖嘛 呢間茶嘅座位都係放得比較寬闊 大家坐都坐得舒服啲啦講返啲點心先 原隻鮑魚燒賣皇係呢度嘅得獎點心之一 啲豬肉餡唔會硬到硬唔開 粒鮑魚就唔會太韌🙊海螺片滑雞扎 雞扎入面有海螺片算係一種矜貴啲嘅做法 可惜雞肉就鹹咗啲🤕黑糖合桃馬拉糕 好鬆軟 都食得到有一粒粒合桃喺入面嘅😮薑汁雞包仔 都係一般嘅雞包仔 薑味唔會太重鮑汁炆扣雞腳 呢個幾抵食 份量幾多椒鹽白飯魚 炸粉唔係好厚 但係可能係白飯魚本身太幼身 唔係好食到魚😿整體嚟講 係一間食物味道不過不失嘅茶樓 不過如果係一大班人想坐得舒服啲傾吓計 就可以考慮吓呢間茶樓啦👍🏻

呢度個環境冇得輸！帶住小朋友舒適又開心🥳，可以俾佢周圍走都唔驚！亦都唔會嘈到人！食物方面，叫了幾個小菜，令我深刻是龍蝦伊面， 兩隻龍蝦🦞加個伊面底，都係二百幾$300、超級抵食！出面一隻龍蝦街市賣緊都要一舊水啦！帶子炒蛋，個蛋炒得非常滑、帶子又新鮮！另外一度茄子、又係一道整得相當好的菜式👍🏻最後品嚐椰汁馬豆糕甜品，買單估你唔到！五個餸， 一個甜品🍮，都只係講緊$888！其中我仲叫咗支啤酒🍻！四個大人食，真的不錯👍🏻

#彩福皇宴今日帶埋小朋友嚟呢度食飯， 貪佢環境夠大又靚！之前經過都已經知道環境唔錯，不過未知食物質素。今日就去嘗一嘗。一到去寬闊的大堂，地下以幾何圖形的磚砌出來，另外有四個巨型座位，留底極高，擺宴會一定好靚！餐桌位置亦都好寬闊，位於位之間非常鬆動，讓人坐得非常舒適。大堂後面有個巨型花花裝飾牆，亦都有五層蛋糕🎂，喺度同小朋友影相勁靚！旁邊仲有數條小柱形成的台階，蠻特別的設計。整個環境就像歐陸式的建築，非常浪漫💕

彩福而家都算係香港最多分店嘅宴會廳食物嘅質素多餘就有保證而且有啲餸係做得非常之好例如燒味甚至甜品都一應俱全食飯前通常要飲碗湯冬瓜盅就可以足夠八個人去飲每一啖都係精華融合咗蝦同埋帶子呢啲海鮮嘅鮮味令到冬瓜盅更加有鮮味而且係絕對唔會落味精所以飲起上嚟又清新又消暑解渴的確做得幾出色甜品方面當然要試吓夜王鮮奶燕窩價錢唔貴而且做出嚟嘅水準同甜品舖差唔多一樣淨係呢兩樣野已經可以令我深深咁記住如果要飲茶嘅話呢一間嘅價錢都唔算貴又多選擇

有親戚娶新抱請飲派帖俾我地，於是一行四人約咗喺尖沙咀飲茶，方便大家於是就去咗彩福皇宴！好彩我12:30嚟攞位如果唔係應該幾爆，樓底幾高，枱與枱之間又唔會癡得太埋，坐得幾舒服，唔會聽到隔離枱傾計，正！點心都幾多選擇 , 有啲仲攞咗旅發局金奬！原隻鮑魚燒賣皇旋風黃金流沙包得獎名物蝦餃有水準皮薄餡靚仲有我好懷念嘅懷舊芝麻卷，雖然質地同細個嗰啲有少少分別，但係煙煙銀銀香香糯糯重點推介：滷水豬仔腳，個人覺得呢個可以攞獎！蝦腸，以為極普通啦，但係個粉漿實在非一般水準蘆筍鮮蝦腐皮卷，我唔係咁好炸嘢所以冇試到，但係我見都俾人清晒脆脆魷魚酥，好耐冇食都係俾人食晒瑤柱海皇炆鴛鴦米，點解叫呢，係因為我母親大人一坐低就話好肚餓，點不知最後係食唔晒要打包走嘅！因為太大碟！尖沙咀飲茶來講，絕對有下次！連我阿媽都讚口不絕話下次搭兩蚊車都要出嚟飲茶！

終於放暑假啦！暑期第一擊梗係去同公公婆婆嘆個靚茶啦！準備下午同佢地去科學館玩餐勁，所以揀咗位於尖東嘅彩福酒樓。酒樓裝修佈置十分雅致，座位好歡堂。呢間酒樓嘅點心相當唔錯，我哋都點左佢嘅得獎點心。鮑魚蝦餃王，鮑魚細細隻但勝在夠名貴！婆婆最鍾意食滷水豬仔腳，滷得夠入味，又夠林夠滑 ！我自己就最鍾意食酥炸魷魚鬚蝦腸同蝦餃都係大大隻蝦，完全冇肥肉，爽口彈牙。當然唔少得佢個獲獎旋風流沙奶皇包其實個瑤柱海皇炆鴛鴦米都幾好食，但係叫得太多野食唔晒，最終要打包返去做晚餐。

在尖沙咀上完瑜珈課，很肚餓，但即刻吃又怕會肥，到酒樓先坐下再點菜等吃就是最好選擇，想起附近有間彩福，就上去看看，那時已一點半，雖然仍很多人，但等了幾分鐘已有位。上湯浸生菜🥬$38清爽好味👍海螺片滑雞札(大點)雞肉嫩滑，魚肚燜得軟腍，海螺片香口蜜汁叉燒腸粉(大點)腸粉皮薄㓜滑，餡料香濃入味黑糖合桃馬拉糕(大點)有粒粒的合桃，甜度剛好旋風黃金流沙包$30香港旅發局美食之最大賞得獎點心，賣相別緻，口感及味道也令人滿意女人都是有另一個胃用來裝甜品的😝，看到甜品紙上的甜品很吸引，我們還加了紅豆桂花糕$18心形圖案❤，加上面層和底層的透明大菜中看到粒粒桂花，中間則是紅豆糕，賣相相當精美吸引，味道也相當好，吃完還想點多份呢😝祝福大壽桃$18大大個的包，餡料有蓮蓉及鹹蛋黃，好吃又滿足

朋友同我講尖東彩福皇宴D小菜幾好食，裝潢又高雅，坐得又舒服，好啱晚飯聚會，今次就來試試。ㄧ去到就見到加拿大龍蝦做緊推廣，見價錢都合理，叫了二隻上湯開邊焗來試下。龍蝦肉厚又鮮味彈牙，連同吸收咗龍蝦鮮味的上湯伊麵ㄧ起食，真係食到舐舐脷😋小食就叫咗燒腩仔，用五層肉來燒制，外皮好脆，肥瘦適中，又保存到肉汁。正!!松子沙汁蜜桃青瓜蝦球，大大隻炸蝦球，好彈牙，沾上了沙拉汁，再夾埋蜜桃和青瓜ㄧ齊食，真係好清爽可口。巧手煎焗新會陳皮豚肉粒，炸過的豚肉粒沒有油膩感，加上粒粒的陳皮ㄧ齊煎焗過，增加不少香味。黑椒京蔥牛仔骨份量都大，牛仔骨嫩滑配上京葱食好惹味。欖菜肉鬆蝦乾四季豆，好惹味送飯一流。還點了ㄧ條清蒸沙巴龍躉斑，冇腍過咁大條，但都蒸得好滑。甜品就叫了原個椰皇燉燕窩，又香又甜又滑，還有ㄧ大堆燕窩在頂部，十分抵食。朋友冇介紹錯，這間「彩福皇宴」都幾抵食，食材又新鮮，坐得又舒服，下次一定會再來。

今日約咗舊同事食飯，要找間 location 方便又坐得舒服唔趕客，相信尖東「彩福皇宴」都係唔錯嘅選擇！我地訂了檯，不用等便安排我們入坐，坐位寬敞，裝修雅致!菜式好多選擇喎！當中有好幾款彩福精選小菜，睇落都好吸引，等我叫來試下先。點個小食先，燒腩仔外皮燒到卜卜脆，肉又肥瘦適中，真係食到停唔到口。松子沙汁蜜桃青瓜蝦球，將爽口彈牙的大蝦球炸脆，外面沾上了香甜沙拉汁，再配上碟旁的蜜桃和青瓜ㄧ齊食，真係好開胃。巧手煎焗新會陳皮豚肉粒，上檯時看似沒有什麼特别，但嚐ㄧ口後便發覺豚肉粒沒有油膩感，再加上新會陳皮ㄧ齊煎焗過，陳皮香味滲透在每粒豚肉粒內，完全忘了什麼罪惡感。另ㄧ最吸引的，當然係彩福宜家做緊嘅加拿大龍蝦 promotion $88ㄧ斤，ㄧ隻龍蝦大約ㄧ斤二両，即是ㄧ隻都只是ㄧ佰蚊左右ㄧ隻，十分抵食👍，所以我地叫咗2隻龍蝦跟2份伊麵底。上檯時真係嘩嘩聲，事關見到大大隻嘅上湯開邊焗龍蝦，好飽滿，睇到都流口水。 我哋都急不及待拿起刀叉來品嚐，龍蝦肉釋放的鮮甜度極高，口感彈牙，配埋上湯伊麵來食，絶配！！朋友亦點了ㄧ條清蒸沙巴龍躉斑，都幾大條，蒸得火喉剛好，好滑。黑椒京蔥牛仔骨，京葱好惹味，牛仔骨又嫩