彩福皇宴 (iSQUARE國際廣場)

營業中

休息中

朋友約飲茶，揀咗去尖沙咀 iSQUARE 26樓間彩福，閒日12點鐘已經好多人企門口等叫 no 。因為太多人等，所以亦有好多人怕等而走咗，而我哋算好彩，只係等半個鐘就有位啦，估唔到俾兩個人嘅枱都好大張，而且每張枱嘅距離都好闊下。我哋叫咗蜜汁叉燒腸粉、豉汁香芋蒸排骨、蟹子燒賣皇、灌湯餃、魚肚高湯鮮竹卷、紅燒豆腐，全部都整得唔錯，味道及賣相都做得好好，最後職員推介我哋依椰皇蛋白燉燕窩，真係好正，又滑又唔會太甜，椰子肉都俾我食哂。總結：食物質素好，環境乾淨，坐得舒服，而且遇到嘅幾位職員，佢哋嘅態度都好好，下次有機會我會再去飲茶。

中午飲茶，限時90分鐘。在上午11:30am入座。在使用掃碼點餐，食物全部上桌，但是，仍然有碟主食（鴛鴦飯）未食完的情況下，侍應走來詢問，是否需要加添甜品？回答不需要後，被要求立刻結帳。當時距離入座時間約70分鐘，回答希望繼續坐吓，不想離開，才能獲批坐足90分鐘。當完全食晒所有食物時，已經距離入座時間85分鐘。當時附近仍有少部份空置枱，而且時間已經過了午膳繁忙時候（約1:30pm)。感覺不太舒服。覺得酒樓沒有需要要求我們90分鐘內離開。亦覺得侍應的態度不太友善，令人不舒服。

食物水準好好，當天叫了特價三寶的雞，魚和芝麻卷都非常好吃，也好抵食但服務態度有待改善。有其中一個女部長態度非常差，比一般侍應還差得多。如果能改善一下服務態度便非常好。

《中秋佳節慶祝 尖沙咀海景》平時佳節彩福飲早茶多今次試下晚餐套餐主要係酒樓個景好靚 望住維港 好天睇到日與夜🔥酒樓仲有專為維港煙花而設酒席⭐️秋月喜慶餐有 8個菜但最後兩個菜 係 兩籠點心 糯米雞 同 壽包😂不過好食龍蝦伊麵 幾正 龍蝦新鮮彈牙🤤燒肉皮脆口 肥瘦均勻😋小炒皇 鮑魚西生菜 蒸龍躉 等食材新鮮 不過油味較重 但調味唔鹹整體滿意✨彩福皇宴 (iSQUARE國際廣場) (尖沙咀)尖沙咀彌敦道63號iSQUARE國際廣場26樓#tg31尖沙咀 #view

在iSQUARE 26 樓既彩福皇宴可以維港景致，白日觀賞壯闊海港，晚上感受都市繁華。 在呢個環境食飯，特別心擴神怡！鮑魚燒賣，賣相精緻，口感怡人！蒜蓉妙菜，最近食肉太多，來過中和，味道不錯！炸鲍魚，惹味又夠鮮美！ 龍蝦伊麵，蝦鮮甜之外，伊麵吸收了肉汁精華，好食呀！

小學同學聚會，我們選定以中菜來提前慶祝中秋節。同學們想帶白酒來暢飲，詢問之下發現竟然不收開瓶費，真抵贊！侍應極力推介一個12人用的【笑聲歡聚親情宴（平日）$2680】全包宴會套餐，與另一個8人套餐$2280相比，這個套餐還不收茶芥及加一服務費，真是超值，於是立即拍板。菜式包括：📌 鴻運吉祥乳豬全體📌 碧綠炒花姿翠蚌片📌 金沙南瓜拼黃金海蝦📌 翡翠野菌扣原隻鮑魚📌 清蒸游水龍躉斑📌 蜜梅柚子香荔骨📌 生菜包欖菜滋味四季豆📌 當紅脆皮旺金雞📌 風味臘味糯米飯📌 彩福驚喜大蟠桃另外我們還預早一日訂了一個冬瓜盅，價錢為$258，雖標示只供4-6人用，我們一行10人，最後每人還是能夠分到大半碗。由於是12人套餐，份量相當豐富，我們吃剩很多需打包。此外，大蟠桃（壽包）真的非常巨大，裡面還有一顆很大的蛋黃藏於蓮蓉內，大家都覺得驚喜不已。值得一提的是這裡的服務十分周到，非常貼心。唯一的不足之處是枱與枱之間稍顯擁擠，但在有海景的環境中，這餐廳真是中菜聚會的首選。

一班老友見面聚舊，訂了尖沙咀彩福皇宴飲茶，貪呢度交通方便，地方寬落，坐得舒服價錢亦唔貴。可以望到海景，環境的確唔錯炒得唔錯亦唔算辣，用石窩上，保持熱度义燒上桌是熱的，入口尚暖蝦餃皮厚，差咗啲.點心味道整體合格第一次食炒米粉同粉絲，加入海鮮炒飯就濕咗啲整體這裏點心雖然不是頂級，但大部分味道都可以，埋單每人才百多元，可説是經濟抵吃，加上環境好，值得推荐！

舊同學週年聚餐，有人建議去尖沙咀國際廣場 iSquare 26樓，話呢度位於尖沙咀上蓋，出地鐵可乘商場電梯直達，交通地點方便，食物可以，價錢亦算合理加埋個煞食海景view，一邊欣賞維港夜景，一邊談笑用餐一致通過，同學即時訂了26樓海景臺，效率甚高本人首次到此晚飯，入內見到環境的確唔錯，裝修都算靚，七個人點咗七個菜及大壽包蝦乾味道較為濃烈且油膩涼瓜得少少，味道一般賣相一般，食味一般🐓皮炸得香脆, 肉質尚算嫩滑, 但無乜雞味個人認為稍肥，肉質普通，價錢唔算平蒸得不錯，肉質算嫩滑，優惠價$98，抵食頗為失望，似中豬多啲，比較老身，脂肪肥膏較多肉較小，感價格不值整體來說，個人認為食材用料一般，食味亦屬一般，但優勝在環境一流，地方開揚闊落, 坐得舒服，對住個無敵海景，乜都抵番，食味已不重要，在尖沙咀區內是抵食之選，平日晚上七點左右，已坐滿人，好旺。

今日7月1日到尖沙咀isquare26樓彩福皇宴同家人去飲茶受到經理極不禮貌對待 只是好簡單的事 那經理的處理真係無禮貌到極點 我家人用QR code下單 下錯了數量要求餐廳人員幫忙處理 那經歷用怪責我的表情 話“你唔會有得食！” 這是個什麼的回覆 我當下問茶樓其它的同事這是個甚麼意思 那經理依然係咁講我怒氣沖沖回到座位上 那經理走過來稍作道歉 ，我更是更加生氣 而家香港飲食業咁艱難 你都可以咁無基本禮貌 用字真係好差 我都唔同你客氣當場爆7 你 我自己係40幾歲既香港人 睇到呢的人都好想講 做飲食的 唔好怪人地點解北上 你地係自己做死自己行業 我從來都係客氣既人 唔認同比錢就是大爺 但香港服務業態度有好大問題 尤其是呢個經理 你睇睇自己食老本可以食到幾時

📍 彩福皇宴－尖沙咀iSQUARE國際廣場 平時同朋友飲茶都係飲24樓嗰間今日試吓高兩層望海景飲茶🫖接待位置氣派十足，猶如置身於中式庭院中，枱與枱之間分隔甚遠，唔會過於嘈雜，座位亦十分舒適🙌🏻25週年，一蚊一隻蝦餃必食之選💰仲有可愛造型小兔仔🐇for 打卡📸✨棉棉兔蘿蔔酥以棉花糖造型造成兔仔🐰以蘿蔔香脆酥炸造成蘿蔔糕蘿蔔切成細細粒保持口感又容易入口而且沾滿每一粒蘿蔔乾🥢✨ 香酥黑天鵝一上枱，打卡真心一流📸黑色靚得黎冇得頂❣️外層係炸得剛好温度既酥脆皮入面係滿載肉汁的嫩滑豬肉好有驚喜👏🏻✨ 原隻鮑魚燒賣皇原隻細鮑魚己經好吸晴🤩大大粒燒賣包住豬肉、鮮蝦同冬菇粒🍄‍🟫爽滑鮮嫩🦐✨ 石鍋XO醬煎腸粉鍾意食香口野既必點XO醬煎腸粉，帶微微辣味，十分惹味，而且腸粉厚度適中，唔會過厚，令到醬汁容易滲入腸粉中，零舍入味，最好既地方係就算食到最尾都冇乜油係碟，唔會太油膩👍✨ $1 彩福蝦餃皇絕對絕對真係一蚊一隻🦐冇花冇假喔～蝦餃份量十足，粒粒塞滿蝦肉外皮晶凝通透，一口咬下真的超級滿足❣️

跟大陸同事開完會後帶他到附近晚飯，Isquare 樓上晚飯最適合不過，一來方便他回酒店，二來又可以邊吃邊欣賞幻彩詠香江，感受一下香港夜景。鮮波蘿拔絲咕嚕肉菠蘿咕嚕肉是酒家的招牌菜，咕嚕肉用上梅頭肉，入口外脆內嫩口感，醬汁還做出拉絲牽絲的效果，配上新鮮菠蘿甜甜酸酸，可以刺激味蕾，令人食慾大增。得獎酒香蝦腰蒸蛋蒸蛋入口嫩滑可口，味道清淡鮮甜，面頭放上鮮蝦、櫻花蝦及蝦籽提升鮮味，蛋漿內加入冬菇、西芹等蔬菜，健康得來又不失鮮味。清蒸沙巴龍躉斑 肉質嫩滑且肉味較甜，以蔥、薑及自家蒸魚豉油同蒸，可以勾出魚肉鮮味，而且有優惠$98就可以吃到，真的非常超值。

同屋企人來食母親節飯，一早訂了枱坐窗邊，落地大玻璃望到中環維港景，我們訂了7:00枱，食到八點鐘更有幻彩詠香港。得獎叉燒王 | $88前菜小食有叉燒、燒腩仔，叉燒肉質夠腍，半肥半瘦，鹹味道適中，就算不食飯都不覺得鹹。豉汁帶子蒸豆腐 | $118滑豆腐上放了一粒帶子，帶子開邊算大粒，濃郁的豉汁令到本來無味的豆腐及帶子加添一點香氣。鮮菠蘿拔絲咕嚕肉 | $120咕嚕肉啖啖肉，完全無骨，有點豬肉香味，甜中帶好清的酸味，好特別，不覺得膩。茶位$18/人，服務員態度幾好，不過埋單慢點。

同屋企人食飯，想食好啲之餘，環境亦是一個重要考慮因素，雖然好多食肆的裝修設計其實已經很不錯，倘若可以一邊品嚐美食，一邊享受維港景緻，當然又看高一線， 所以今晚一早book定一間可以飽覽整個維港的中式酒家和家人享受晚膳酒家以中式雀籠為主題，裝修雅緻，除了適合婚禮宴會所設的小舞台外，還設有貴賓房，供小型聚會之用。點餐紙圖文並茂，分類清晰，只需在心儀的菜式旁剔一剔，再交予職員落單便成。得獎叉燒皇拼燒腩仔 $188秘製醬汁包裹著半肥瘦厚切叉燒，蜜味濃郁，邊位焦香味美，肉質軟嫩爽口。燒腩仔 外皮燒得金黃鬆脆，肉嫩甘香，特別之處在於一碟齊有兩種不同口感的燒腩仔~一行肥肉較少，味鮮肉嫩，口感煙韌，適合怕肥人士另一行肥瘦相間，層次豐富，油香與肉味兼備。照顧不同食客的口味，可見酒家細心之處酒香蝦腰蒸蛋 $108這是酒家的得獎名菜，賣相高貴精緻。玻璃蝦球上灑上蝦籽，更顯蝦肉晶瑩剔透，蒸蛋口感順滑，符合水和蛋的黃金比例，吃起來還有點點酒香，非常有驚喜，加入小蝦乾、鮮車厘茄粒、青菜，吃起來更健康清蒸生猛龍躉斑 每條一斤2兩 原價$228  特價$98一斤2兩兩石斑以呢個價錢其實都幾抵食，質素唔錯，沒有蒸過火，

彩福皇宴 (iSQUARE國際廣場) (尖沙咀)尖沙咀彌敦道63號iSQUARE國際廣場26樓燕窩椰汁糕Chried Coandt Putdingw Brdsles燕窩椰汁糕口感豐富，質地綿密。燕窩的滑順口感和椰汁的香甜味道完美結合，帶來一種濃郁而清新的味道。這是一道非常受歡迎的甜品。金牌脆皮燒雞Roasted Crispy Chicken w/ Fermented Red Bean Curd Sauce燒雞的外皮烤得香脆，內裡肉質鮮嫩多汁。配上發酵紅腐乳醬，增添了豐富的風味。鮮菠蘿拔絲咕嚕肉Sweet & Sour Pork w/ Pineapple菠蘿的清新味道和咕嚕肉的酥脆質感相互融合，帶來一種經典的中式烹飪風味，拔絲讓人。得獎叉燒皇拼燒腩仔col Award Babecued Pork in Classie Way &Roasted Crispy Pork Belly Combination叉燒肉質鮮嫩多汁，外皮燒烤得香脆，帶有微妙的甜味。燒腩仔則是肥瘦相間，口感豐富，肉質鮮嫩。瑤柱海皇豆腐羹Dried Scallops & Bean Curb w/ Assorted Seaf

有親友將移民，諗住揾間食肆位於尖沙咀區，方便大家聚腳，結果訂了iSquare 26樓嘅彩福皇宴，諗住既可以食晚飯之餘，又可以觀賞夜景，一舉兩得!不知道是星期五晚關係，我們訂座7時半，酒樓已差不多滿座! 入到酒樓後，小妹覺得好噪，可能這裡樓底不算高，啲聲困住，所以顯得特别熱鬧! 我們一行4人，所以就散叫點了四個餸!*脆皮吊燒雞半隻： 皮脆肉嫩，而且又非常入味，好正! 但半隻雞的份量好少，比較細碟!* 虎皮椒腰果牛柳粒：牛仔粒好有牛味，又好鬆化，加埋大蒜、虎椒一切炒，非常惹味!* 柚子水蜜桃脆蝦球：蝦球好大粒，食得出個醬汁落了美極來煮，如果個醬汁能夠有多啲蜜桃味多啲甜酸味，相信會好味多一點!*金銀蛋上湯浸白菜仔：因為沒有莧菜，又只得生菜、白菜仔和菜心，最後我地選了吃白菜仔! 白菜仔浸住上湯好腍滑，但冇乜皮蛋粒，而咸蛋白絲就好多，鋪曬係菜面。食完正餐後，我們order了兩個甜品： 1) 黑芝麻卷；2)芒果布甸。黑芝麻卷不太甜，但芝麻卷皮不夠煙韌， 如果咬口可以煙韌點會更出色!芒果布甸甜度適中，有很多芒果肉，再加埋花奶，的確好滿足! 縱觀而言，這裡環境雖然可以眺望维港夜景，但真的比較嘈吵!