2
0
1
營業時間
星期一
全日休息
星期二至日
07:00 - 22:00
以上資料只供參考, 請與餐廳確認詳情
趁住假日就同爸爸媽咪仲有個仔入梅窩行吓，下晝揾地方食lunch，無乜所謂下就揀咗呢間極品餐廳。爸爸媽咪入去先，可能佢哋衣著太普通，個男職員以為我哋係大陸人，未請我哋坐低已經講每人最低消費40蚊。之後又叫我哋出去cashier買飛，餐具盒唔係枱枱有，佢安排我哋坐嘅枱又無，都無主動攞俾我哋，可能你會話咪自己攞囉，但之後有一對backpacker入嚟，佢語氣明顯唔同，又推介人食乜又主動俾餐具，仲要人哋無order飲品，佢都同人講有水可以攞！喂我都係消費者，你唔想做我生意你咪一開頭話收鋪囉！我哋走仲要多謝都冇句！嘢食又唔好食！無下次呀！
繼續閱讀
呢度假日先難得入去，點知難忘經歷。晏就入到座低食，但點知似俾人趕住出嚟咁，店裡的職員似收工咁 似落last order 咁，叫左果豬排公仔面，但點知 醬汁加埋芝麻，仲係難得 。之後俾人趕住出嚟咁既經歷。
繼續閱讀
入去叫左個快餐燒汁鴨胸腸仔飯 等既其間入黎既人叫完野食到曬 都未到我個快餐 仲要個男店員黑曬面行埋黎問我係咪食飽好啦個飯終於到 頂咸到我思考人生 鴨胸都無所謂 但條腸仲咸過鴨胸幾倍 加埋個燒汁真係一絕 自問無咸不歡今次都五體投地 雖然店員服務態度麻麻 但都無阻我再去挑戰既決心
繼續閱讀
咖哩豬扒蛋飯，咖哩比較普通，豬扒有梳打粉味，但仍然堅靭，唯有隻蛋係煎得好D，茄汁魚塊煎蛋飯，茄汁好似樽裝茄汁味，麻辣肥牛米線，肥牛得幾件份量比較少，味道一般，豬扒撈出前一丁，豬扒仍有梳打粉味，出前一丁撈得唔好味，總括嚟講失敗！
繼續閱讀
今日一早就搭船入咗梅窩，今次唔係嚟玩，做為工作而來。完成工作，夠鐘食晏。一於食埋午餐先返公司。不過因為要睇住上船時間，唯有喺梅窩碼頭附近覓食。可能因為係平日，好多餐廳都未開門。入到梅窩又唔想食連鎖店。好彩搵到這間強記餐廳小廚，距離碼頭大約3分鐘路程。餐廳空間感大，環境舒適，係假日feel 啊～午餐以飯餐為主，價錢相宜。其中一個聽個名已經覺得特別，就係「咖喱鴨胸鮑片飯」。一於試下，飯餐可以配熱奶茶，阿姐仲送埋例湯。先嚐一口奶茶，茶味重，帶點苦澀味。雖然不是用黑白奶，不過不失啦。飯餐上碟一看，賣相有住家飯的感覺。🍛 咖喱汁分量十足，多得可以蓋過大部份鴨胸鮑片，撈飯一流。咖喱微辣，適合非辣人士。仿鮑片腍滑。煎鴨胸切片也不太薄，有七至八片，份量十足。是日例湯係青紅蘿蔔湯，自家湯清甜，無落味精，唔錯👍🏻
繼續閱讀