強記美食

營業中

休息中

今日係銅鑼灣做完個facial 。上網睇下有乜好食。發現有間米芝蓮推介嘅臘味糯米飯。鍾意食糯米飯嘅我。一定跑去試。今日吾太多人。去到就有位。坐底即叫鴛鴦腸雜錦米臘味糯米飯。周圍睇睇。都係食依樣野。飯來了。份量不太。但糯米會漲胃。不宜多食。所以還可以。首先主角糯米飯。有點偏硬。但冇生骨。係可接受。但如再軟d.多番d彈性更好。而飯 應用過蔥油撈過。每粒飯都有油光。臘腸好食。吾肥。睇吾到有肥羔。但一d都吾柴。膶腸呢。都好食。好易咬。味道適中。糯米飯豉油ok.不太咸。但愛重味的我。可以自己加就好d.有一粒完整冬菇。好食夠林。有菇味。蔥花是必要的。原來可叫多蔥。下次叫時要多蔥。更加完美。整體來說係好食。不是浪得虛名。68元有點貴。但值得一試。

Chef Ecy’s Dining Experience:🥰 Ambience | Service | Price |Restroom Cleanliness | Easy Access | Wheelchair🙂Easy Parking | Food😠 Pet Friendly | Corkage Fee | Cake Cutting FeeThis restaurant is famous for the Hong Kong style snacks and quick food such as curry fish ball, imitated shark’s fin soup, steamed sticky rice etc…. This restaurant is located in between Wan Chai & Causeway Bay at street level. It is easy to access there by bus, tram, minibus or MTR. It’s Causeway Bay station exit C & 4mi

【鴛鴦腸雜錦糯米飯🍚】所謂嘅鴛鴦，就係臘腸同埋潤腸嘅完美組合😃糯米飯真係好有料，除咗臘腸同潤腸之外，仲搭配咗香噴噴嘅蔥花🌱、鹹香嘅臘肉🥩同埋好入味嘅冬菇🍄臘腸肉香十足，肥瘦比例啱好，6分瘦4分肥，咬落有肉感，又滲出油香；膶腸嘅腸衣脆薄，口感油潤 肝味甘香，係用本地材料製作，品質一流糯米飯粒粒分明，軟糯彈牙，唔會黏成一團，每一粒米都吸收咗臘腸同膶腸嘅油香，再淋上店家特調嘅豉油，味道唔會過鹹，反而突出糯米同臘味嘅香味😍【香煎蝦米腸粉（加蛋） 🥟】蝦米雞蛋腸粉煎完之後，散發出一種好特別嘅香氣 腸粉皮煎到脆卜卜嘅，咬落去超有口感😋腸粉本身已經加入咗芝麻、豉油同埋麻醬，如果覺得唔夠，枱面上仲有醬料可以自己加每一啖都可以feel到腸粉皮嘅脆彈、蛋香同蝦米嘅鮮味實在係太正喇！👍【咖哩豬皮+魚蛋🥘】豬皮煮到軟糯入味，魚蛋彈牙，浸喺濃郁嘅咖喱汁入面，香辣適中帶少少甜，食落好開胃，同糯米飯或者腸粉一齊食，味道更加匹配😎食材新鮮，價錢又唔貴💰果然係九年米其林推薦嘅餐廳👏

星期日路過灣仔行過見到呢間鋪好熟口面 原來佢搬左鋪入左去先叫左臘味飯加膶腸臘腸 應該唔係生炒 無花生 有蝦米 夠味 夠淋 賣相同價錢一夾 抵食好味再加碗仔翅 湯夠味同濃 唔係死落麻油果隻 多木耳同雞足 市面上無乜幾多間做到咁同比得上 炒麵 椰菜加芝麻 普通料 無焊過麵餅 無香味 但炒得混後加熱陳皮綠豆沙 有陳皮味同起沙 可以一試魚旦豬皮羅白 魚旦係實肉貨 豬皮過淋但咖喱好味 羅白唔夠入味 骨湯唔夠濃令羅白唔夠入味同甜

呢幾日又俾冷風吹到風寒但又唔發燒只係周身骨痛，🤧又開始瀨嘢。右肩骨赤赤痛下嘅狀態FIN吓FIN吓咁就同我細佬去咗強記食嘢😷。（我都唔知點解去咗呢度只係記得想食兩啖嘢）。🥢【鴛鴦雙腸糯米飯】食咗兩啖，嗯幾香吓。食多幾口就有D滯，我覺得應該飲埋紅豆綠豆或者其他嘢飲先OK。🥄【馬來渣咋】甜甜地，解吓糯米飯嘅油膩幾好，味道唔錯只不過我飲半碗就飽喇。

📍灣仔平民米芝蓮食店‼️• 香口雞蛋蝦米腸粉🤪 — 強記美食😋·#pigfoodiexhk_灣仔#pigfoodiexhk_港式==========================強記嘅前身係街邊小舖，仲曾經連續八年入選米芝蓮街頭小食推介😋——————————————————-⭐️香煎蝦米腸粉 $26加雞蛋 $6建議要加埋雞蛋，會香口好多！🤩腸粉外脆內軟，加埋豉油芝麻好好味🤪·⭐️什錦臘味糯米飯 $46糯米飯充滿臘味嘅油香，share食會冇咁滯🙌🏻·⭐️砂鍋鮮牛粥 $45呢個都幾大煲，可以share食🤪粥底本身已經好夠味，仲有啲薑絲調味～牛肉就正正常常—————————————————————賣相：3/5味道：4/5性價比：3/5推介度：3.5/5————————————————————📍強記美食灣仔駱克道406號地舖

《忍唔住食咗先記得要📸影相😅》由街邊小舖搬入靚靚裝修地舖，對我來講係可以帶年老媽媽👵🏻來，坐得舒服安全，慢慢享受小時候喜歡食嘅豬骨粥，熱辣辣糯米飯，燒賣腸粉，魚蛋魷魚。其實每次都要掙扎，因為食唔晒腦裏面想食嘅所有嘢，下次一定要食糯米飯😅之前有綠豆沙沙冰，衣家無咗。希望下年夏天可以再有，真係好好飲！😋位置近銅鑼灣消防局，往灣仔方向行少少就到，去完銅鑼灣，或者在附近想食少少野，都可以去。除咗粥、腸粉、魚蛋魷魚蘿蔔之類，仲有碗仔翅、生菜魚肉、炒麵、燒賣……好多可以揀😋

由細到大都好鍾意食糯米，無論係糯米包，糯米卷抑或糯米飯，有得叫我都一定會叫。以前食糯米飯會去坑口村，不過真係好耐冇去喇。早排喺灣仔做嘢，當然第一時間去強記試下佢哋嘅名物糯米飯。我不嬲都唔食潤腸，不過今次就叫咗米芝蓮推介嘅鴛鴦腸雜錦臘味糯米飯。呢度我必須要講，以前唔鍾意食潤腸，只係因為食咗啲唔靚嘅潤腸，今次呢條就非常好食，油脂充足，唔會乾爭爭好粉咁，勁正。相比之下，臘腸就正常水準。至於糯米飯，同之前食開嘅唔係好同，可能因為唔係生炒嘅關係，冇咁惹味，不過真係好耐冇食過糯米飯喇，所以一樣咁滿足😋。

想試好耐，次次經過都要排隊，今日晏咗食 lunch，去到終於唔洗排隊，一個人坐低，睇 menu，叫咗碗砂鍋鮮牛肉粥，個侍應好識 upsell，每一個點粥嘅客人，個侍應都會問客人加唔加皮蛋，我加咗，另外想食埋魚蛋蘿蔔，我問個侍應可唔可以雙拼，佢話冇，要分開點，佢話份量唔多，可以叫幾款，我驚一個人食唔晒，只點咗蘿蔔，上枱時見到個份量，真係極細兜，得五小件蘿蔔，細碟都算啦，物價高漲，但一啲都唔好食，太淋 pat pat，輕輕一夾都爛晒，個牛肉粥更加係超級難食，又係好細碗，隻皮蛋幾靚，但係啲牛肉真係勁唔掂，「拿」到一啲味都冇，質地好似擦膠，完全冇牛肉味的，好似食橡根咁，冇下次。

🌻一個人的羊腩飯🐱每年天氣特別凍嗰幾日都會特別想食羊腩！但係有時一個人又食唔晒一個羊腩煲，而且又好貴，返工意外發現呢一間原來好出名餐廳，佢哋有一人羊腩飯！！！正合我意！一個人食份量啱啱好！但係唔好睇小佢，佢真係有齊晒一個羊腩煲入面應該有嘅嘢，羊腩、冬菇、枝竹、筍都齊晒，而且仲炆得好好味，雖然冇得一路滾下滾吓，但係能夠咁樣送一碗白飯已經好開心滿足！📍 強記美食 (灣仔)灣仔駱克道406號地舖⚡️為食貓：😻😻😻😻😻⚡️氣氛貓：😹😹😹😹⚡️翻食貓：😸😸😸😸

凍冰冰，想食小食又唔想喺街邊捱凍吉魚蛋🥶於是嚟到後街｛強記美食｝，舒舒服服坐底食🤟🏻✴️花生旺菜豬骨粥✴️粥底軟綿厚身，令人食得好舒服☺️配料方面有少少豬骨粒，肉唔多，鍾意啜豬骨嘅朋友應該會失望😢✴️蝦米煎腸粉✴️蝦米唔多，不過煎得尚算香口👏🏻自己加辣醬同甜醬，可以過口想食腸粉嘅癮～✴️原味蘿蔔魚蛋魷魚✴️原味滷汁甜甜地，唔會好鹹～魚蛋彈牙，魷魚份量較少～不過蘿蔔就滷得好入味，無根又清甜，好食😋✴️生菜魚肉湯✴️魚肉質感唔係我鍾意嗰種，依隻係比較實，無彈牙嘅口感～而且份量偏少，唔係好抵食😅✴️熱綠豆沙✴️食完鹹食食碗糖水好舒服🥰陳皮味道唔係太出，不過食落都幾清香，多啲海帶就好了😆

夜晚收工突然好想食腸粉 經過見到強記米芝連食店 就一於試一試想食好耐既香煎蝦米腸粉（$26）加左雞蛋（加$6）腸粉煎得幾香都唔錯 👍🏻份量我一個人食就啱啱好值得一試 ～

每到涼涼地的時候，就會諗起在街邊檔，熱辣辣嘅臘味糯米飯，加埋腸粉正❣️而家搬咗去地舖，地方係舒服咗，乾淨服務好👍今晚就叫咗個雜錦臘味糯米飯，加多個菜乾粥再叫多個腸粉加埋牛柏葉同埋蘿蔔就飽飽咁嘅天氣，最後梗係要食返碗糖水潤吓啦

下午走港島中西區海濱長廊，走到銅鑼灣為終點。臨近下午6點，在維多利亞公園特意搜索銅鑼灣美食，在各大銅鑼灣美食榜單推薦下，最後選擇了強記。於是從東邊往西邊返回，特意慕名而去品嘗。2人落座後精挑細選，點了鴛鴦糯米飯，香菇肉絲碗仔翅，還有炒腸粉。點餐後1分鐘內碗仔翅，糯米飯和腸粉全部即刻上齊。食物味道不錯，糯米飯有臘腸，還有肝腸，香菇。肝腸第一次吃，味道很新奇。臘腸和肝腸各1根，還有切碎的若幹小塊。香菇2朵，很香。糯米飯類似于1小碗的量，很有嚼勁。腸粉煎過，比較香口。想要特別說明的是碗仔翅。味道不錯，香油味比較強。但是，吃到中途居然有塑料包裝(如圖)。不禁懷疑食物質素。如此馬虎，以後不會再來。

強記入舖後，第一次到訪。店面整潔，坐的比以前舒服很多。點了雜錦臘味糯米飯和燒賣。雜錦臘味糯米飯有少許的切片臘腸潤腸，有一大片冬菇，然後淋上少許的甜醬油，沒有花生。味道可以，感覺就是味精偏重，吃後需要喝很多的水解渴。燒賣和OK便利店的質素一樣，味道很一般。入鋪是看起來整潔了，但感覺缺少了人情味。還是喜歡一經過強記就看到冒煙 熱辣辣又上面滿佈臘腸和潤腸的糯米飯，看到讓你食慾大增。