強記美味屋 (已結業)

下午茶時段走入來休息下食下野.此店既下午茶選擇都好個人化唔會話樣樣都SET死無得改.今次我選左豬扒包配火腿奄列加杯凍檸茶豬扒包屬迷你版本, 豬扒只得半小塊但醃得入味夠鬆化, 而且個麵包夠鬆軟.至於個奄列炒得過火沒有蛋汁不過火腿絲勝在夠多, 檸茶就一般唔算香濃只有淡淡檸檬味.

因為男朋友住油麻地, 他經常試屋企附近的餐廳, 油麻地這地方不是有新餐廳開業結業, 結終他最愛吃的都是強記, 強記的四川菜鑊氣足, 味道好, 我男朋友經常推介! 特別是強記的酸辣川式扎肉, 我試過一次, 有時也會回味, 今日下午剛好陪同事去油麻地, 不得不推介強記給我的同事呢!午市時間, 強記擠滿了人, 只有近門口的座位…坐在門口附近, 側邊就是煮食爐, 溫度提升了不少…在熱死人的夏天, 這個座位真的不好受! 相反, 裡面的座位有強勁的冷氣, 裡面的冷氣是最流通的! 所以人人都坐裡面…我和同事邊流汗邊食飯…很可憐…我們點了兩款我男朋友最愛的食物, 就是酸辣川式扎肉, 茄子肥牛, 兩款都是午市套餐, 跟白飯, 例湯和飲品! 酸辣川式扎肉我們沒有要求辣度, 但師傅廚藝好, 酸辣味道剛好, 不會太辣或太酸, 扎肉也不會太咸, 而且份量十足, 最後, 我們二人飽到吃不下, 結果打包了! 回家雪凍後, 作為冷盤, 也同樣美味!茄子肥牛同樣地, 我們沒有要求辣度, 茄子肥牛比酸辣川式扎肉辣一點, 肥牛不韌, 沒有雪味, 茄子也入味! 師傅煮得鑊氣十足, 又不油不膩!雖然餐廳沒什麼裝修擺設, 座位

今日經過砵蘭街，見到門口有張相圓形一片片，好奇之下入去睇吓乜東東，餐廳哥仔話係酸辣川式札肉，咪同個朋友叫左份試吓，個friend仲叫左兩個小菜，札肉黎到開頭見到似分蹄，食落口感酸酸辣辣，好爽口，底既番茄仲正，估唔到唔起眼既茶記會有咁既水準，小菜抵食，下次再黎試吓其它先~

由於做野地區問題, 第2天再去多次強記吃lunch叫了份 咖哩雜扒飯+涼奶茶, 可惜質素依然一般汁過多而且辣味不夠,飯太黐, 口感有點強差人意奶茶尚算OK, 夠滑.另外同事的 葡汁雞扒意粉, 意粉多餸少, 汁又不夠甜, 票價有點兒不值

上星期同個朋友來吃午餐我叫了的星洲炒米,d米粉碎哂幾難卷起來吃, 汁又比較淡, 欠缺一點星洲汁應有的味道, 唯獨是份量ok, 廿多元塊錢不計較那麼多!相比之下朋友咕嚕魚酸甜的, 魚經過油炸. 不過, 老是覺得佢似咕嚕汁不夠酸. 欠缺點鮮味, 我估多數係用雪藏豬魚而已, 份量都OK足兩人埋單不過$5x, 價錢可接受

在砵蘭街這附近，多的是一些收費廉宜的茶餐廳和快餐店，競爭不可謂不劇烈。要在眾多提供差不多款式食物的食肆當中脫穎而出，便不得不花點心思。好像這間「強記美味屋」，說到底還不是一間街坊小食店，環境普通，甚至可說是簡陋，即使在食客座位的附近，水吧的旁邊，也擺放了不少紙箱、雜物，不過這裡的下午茶可真是款式多多，可讓客人自由配搭，選擇自己喜歡的食物，而且價錢不貴之餘，凍飲還與熱飲同價，都算非常抵食呢！叫了個「熱狗+牛扒雙拼超值滋味下午茶餐」，再加多杯凍奶茶。熱狗是普通的熱狗，沒什麼特別的地方，勝在都幾大隻，用的是芝麻包，雖然隻狗不夠熱餡料也只有普通的熱狗腸、兩片蕃茄和沙律醬，不過是普通小食店的下午茶餐罷了，怎能過於苛求呢！牛扒同樣夠份量，兩大件下了黑椒的牛扒味道十足，不過稍嫌醃得太濃味，過猶不及。凍奶茶就都算及格啦！總的來說，這店子的雙拼下午茶的確可以給客人不少方便的選擇，讓客人可以隨心所欲地吃到想吃的食物，而且食物質素也算可以，除了地方的確較為強差人意之外，這店子都幫襯得過。

通常中午呢個時段, 我出現係油麻地佐敦, 就是要北上工作. 不過, 呢一次係早上係深圳落返黎香港, 油麻地落車, 食埋野先過海, 去律師樓開會.國內同事預先吃了東西, 一落車, 即衝入卓悅. 而我就向另一邊走, 找家茶餐廳. 食個快餐. 行到街尾, 殘殘舊舊的門面吸引了我入來. 而且門口上一個星期一至五, 每天不同的餐牌也是吸引之處. 客人如我, 一坐低, 就大概知道自己想吃什麼, 而是日我既late lunch, 就是一客京都豬扒飯. 味道, 酸甜的, 豬扒經過油炸. 不過, 老是覺得佢似咕嚕汁多過京都汁. 原因, 是因為缺少了梅子味. 豬扒方面, 帶骨的, 鮮味就沒有, 因為一定係用上雪藏豬扒. 飲品, 要了檸茶一杯. 不多評.地方, 舊. 茶吧是open式的, 最不雅既一面就在我旁邊, 難免令我對呢度既衛生, 有少少意見. 而且快餐廚房出口也在門口附近. 而門口至內灶餐室的通道, 鋪上紙皮箱作臨時防滑. 鋪得不好, 是幾危險的, 店員哥仔就在我面前, 被紙皮拌倒. 差一點仆在我面前.

時間下午5時45分還有下午茶時段，下午茶是任何食物遺兩款，十分有趣，因為食物種類好多。牛扒+沙律 (牛扒幾厚幾好食有點似BBQ食果D牛扒，沙律就都算多生果，份量也不錯呢!)魚柳+西多士(魚柳比較干身還算可以啦，西多士就比較多油，不太健康。)坐第一個卡位，環境比高級茶餐廳差少少。服務還可以叫合格。價錢叫平!

第1次來「強記飯店」但係已經8點多了，餐廳裏也不是少人，祿色的卡位上都坐滿人了，只有去大圓臺那裡搭臺，那裡坐了幾個啊伯，因為都趕時間，食左晚飯之後還要去工作工作，所以快快地嗌左一個斑塊白汁匯意粉， 不是貴，只$24,還有熱奶茶，等左5分鐘左右就有得食，waiter啊姐都幾好禮貌，同客人有講有笑，出乎意料地，D白汁很多很多，鋪到成蝶都是，連斑塊都看不見了，很濃，同幾好味道，配料都幾多的，紅蘿蔔，青豆，蘑菇，配意粉一流，不過，塊斑塊，就沒咩出息，需然幾好咬口，但沒味很寡，可有可無整體來講又真系幾抵食下次有機會會再試下其他食野！

來油麻地同人維修電腦修到成點幾鐘,就去左樓下有咩餐廳可以食去到強記的門口,可以睇到個星期一至六的菜單見到今日有白汁意粉食,所以入去試下入到去好快就有人來比餐具你,幫你寫野呢度都幾闊落,但唔覺得特別乾淨,只係有點整齊我地兩個人坐晒成張大圓檯,因為人唔係幾多,因為過晒食飯時間我地點左白汁意粉,等左2~3分鐘就到啦白汁意粉好夠份量d白汁鋪晒全部意粉而意粉啖啖都好滑白汁味又香濃,又易入口食完左之後飽到上心口之後飲杯熱檸茶,都幾味

強記美味屋就在我家附近有時家裡每人都會下來座一下同服務員啊姐都幾熟絡了前幾天來吃了一個白汁斑腩意粉味道還是好OK的，斑腩又夠大塊白汁黏度OK，不會吃吃下口幹20幾蚊都幾平，值得。環境比較乾淨，不錯。

第一次來呢度吃飯一進來,人雖少正常7點幾都應該爆座位感覺服務不錯雞扒煙肉飯(栗米汁)+奶茶(茶走)碟飯容易入口,栗米汁好夠煙肉雖少,但好味味道一流 賣相仲唔錯下次都會再來食價錢合理,唔算貴

本人以前響油麻地做野，日日食佢ｄ外賣，大盒，好味，不過撞正食飯時間，要等好耐至送到黎！而家冇響油麻地做野，但每去旺角行街先搭個地鐵去油麻地食飯，35蚊以下1個小菜+飯+飲品，絕對抵～而且份量唔細～兩個人一定夠食～如果大家想食下小食，吉列豬扒沙律啦～好大份～＄２３不過奉勸大家如果響強記食，食小菜好，因為質素有保證，反而炒粉面質素時好時差～

川辣菜不錯~~~~~最鐘意碟茄子肥牛~~~而下午茶~可以任選兩樣！！份量又足~湯就麻麻，味精水十足！在旺角，我多數會行去食~當然啦，煙味就。。。

冇睇錯... 依家係2008年...2007年禁煙的初期到打後一段日子，還真的煙味消失了很多(舊有的煙味便總是有點...)近黎再幫襯的兩次，竟係員工公然 (冇睇錯，係公然) 吸煙...佢多數食物的味道確是不差的, 只係有時色素稍為強左d (我地稱之為... 熒光豬扒)而川味辣食更係美味首選~ (只係咸左d... 同埋若再辣會更好) 食物方面算係抵食的, 尤其叫外賣果盒仲大份過堂食...食強記... 都係外賣好d...唔駛吸二手煙...