強記粥店

老闆態度又（好），在艱（難）時期仍（食）到咁好味食物，真係太感動啦。咸魚肉餅飯這道菜一上桌就讓人非常有食慾，香氣濃鬱，非常誘人。口感非常的脆嫩，滑順。濃鬱的醬汁包裹著食材，咬下去醬汁充滿口腔。而且用料十分新鮮，給的量也很足，性價比超級高。下次有機會一定會再來。這家餐廳環境很好，非常乾淨整潔，食物不僅外形美觀，重要的是味道非常棒，色味俱佳。做法保留了食材原有的味道，清新爽口。而且菜色選擇非常多，價格也不高，適合帶家人一起去。…查看更多

【九龍城區】【強記粥店】做咗咁耐 foodie 大家見我都好少食外賣嘢，就算係疫情嗰時都可免則免，不過可能就係一個疫情搞到大家都習慣咗呢個模式去食嘢。然而今次因緣際會，無啦啦都走去食外賣。我見土瓜灣呢間粥舖好似係良心小店，就揀咗佢哋嚟幫襯，感覺好似做咗件好事咁。佢哋 $15 嘅「明火白粥」正正常常，可能因為食過更好嘅，所以覺得佢哋麻麻。個粥唔算綿同滑，好普通。所以之後 $33 嘅「北菇滑雞粥」個敗筆都係喺個粥底度，啲雞反而口感算細緻嫩滑，就算係胸肉附近嘅部位，都唔會話好鞋口，個粥加咗啲雞味就好啲。我仲叫咗 $80 嘅「白灼豬雜」同 $16 嘅「香滑芝麻糊」，前者放咗太多豬潤，味道又麻麻，失望，後者我食嗰陣漿住晒一舊舊咁，都幾難食。本身 $144，加 $1 外賣變 $150，店員問我要唔要餐具，我話要，佢收多我錢但最後冇畀我，追佢要仲要話返我轉頭。。。（地址：土瓜灣貴州街2號地下8號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #土瓜灣 #強記粥店 #明火白粥 #北菇滑雞粥 #白灼豬雜 #香滑芝麻糊 #外賣 #1am1674 #1ambackup…查看更多

我諗可以咩都唔使講，大家可以看圖，真心會唔會有啲過分， 乜味都冇。 餐飲咁樣會唔會真係冇乜誠意？ 大佬我點食？咁大個人，真係第一次見到炒米粉係咁樣樣。勁過份。。。心諗係咪唔記得咗炒？離晒大譜。…查看更多

久唔久就會想去吓啲懷舊鋪頭幫襯吓😌實情係近排食得太多野要食吓粥清吓腸胃🫣細個到而家都覺得去粥店幾開心😃每個單品單價唔貴 最多十幾廿蚊嗌多幾樣都唔會好肉赤變相就可以食好多野 而睇落又幾健康啦！😆今日叫左:⭕️豬紅牛肉/皮蛋牛肉粥 ($22)🔹豬紅好大粒 唔係碎濕濕果啲有咬口🔹皮蛋正常 冇咩特別🔹牛肉份量唔算太多 適中但食落都有5-6舊咬唔到 有啲筋🔹整碗粥夠大兜 最後都食唔晒成碗⭕️ 白灼生菜配蠔油 ($16)我諗得十鬆啲條 不過出街食應該係咁上下架啦🥴目測用咗大量油去煮 加埋蠔油一定好食🤭⭕️鮮蝦腸($20)唔似平時飲茶果啲size佢啲蝦比較細粒🦐所以食落每啖都有蝦肉腸粉皮都唔算太厚依個過下口癮 唔追求quality 就ok👍🏻😥可能舊式鋪頭嘅特色啦衛生環境實在一般大家自己衡量啦⋯⋯…查看更多

今晚真係勁嬲！！！我斷斷續續幫襯呢間嘢差唔多5年，今晚個老闆娘竟然下三流老屈我8蚊！！！話說我 order 豬紅粥($19)，廚房阿姐話唔夠豬紅，問我「搭」另一樣材料好唔好，我揀咗粟米，結果張單係 $27！！！我問老闆娘點解 $19 會變咗 $27，佢話粟米雙拼粥係賣  $27。有冇搞錯？？？根本我原本都唔係要雙拼粥，真係估唔到呢間嘢可以低裝到一個點！！！仲有，呢間嘢啲豬紅、鯪魚球、柴魚花生粥都係咸到苦！以後都唔會再幫襯呢間店！！！…查看更多

一間餐廳，除左食物質素，環境，員工態度都好重要，今日就食到一肚氣，以後都唔會再黎。:(我係熟客，每次都嗌依兩樣野，粟米粥，炸兩走豉油(習慣唔食咁咸)。今日一樣，但黎到既係一碟有豉油既炸兩，我好聲好氣同佢講返，點知個高大既阿叔(可能係老闆)大聲夾惡咁話: 你而家先講！！當然我即刻話落單已經講左佢再黎個怒啤，之後”嘖” 一聲行左去其實唔道歉唔緊要，但唔好呼喝個客丫。平時見佢地對啲員工已經係呼呼喝喝既態度，見到都戥佢地慘，但受人錢財無辦法。我係黎食野，估唔到都要受氣。依間街坊鋪，人地選擇你都已經唔會期望啲咩。地方淺窄唔緊要，冷氣唔夠，環境唔係十分乾淨，餐具少少污糟都唔緊要，但個員工咁呼喝個客，我接受唔到。請好好檢討一下。…查看更多

蠔豉唔好食唔香，但食落去怪怪地口感豆漿無豆味好淡，同加左好多糖水。下次試試其他野點，希望會有野值得食佢個粥底都ok既，係差少少質素，如果佢出糯米飯就正！！不過佢做好基本野先啦…查看更多

首先，我想說一下，這裏的紅豆粽和鬆糕是不錯的。紅豆粽就是簡單的糯米加少許紅豆，中間有一小撮肥肉，整個很紮實的，吃一個很飽足。鬆糕也是很紮實，有咬口那種類型，不太甜，吃一個很頂肚。這店其餘的粥品類和腸粉，我試過一次就沒有再吃了。有一次，我作死的走去吃這裏的芝麻糊。真是「一試難忘」！是只有甜味的芝麻糊，你吃過嗎？而且，糊漿是不均勻的，有些是團在一起，怎樣攪拌也化不開！今早，突然想吃咸煎餅，就又隨便在這裡買。6蚊有這麼一大個，而且拿上手還是熱的，確實令我感動了一下。可是一咬下去… 唉！竟然… 竟然咸煎餅只有甜味，一點鹹香都沒有，是一丁點都沒有！真令人失望！這是「咸」煎餅嗎？這個極其量是外形似咸煎餅。這店也有賣牛脷酥，煎堆的，他們不會是用同一麵粉團，做不同外形的油器吧！？我明白要將貨就價，但總不能賣「假」貨，對嗎？！沒有咸香的咸煎餅，是甚麼意思！ 我是太認真了嗎？…查看更多

每個星期，總會找個日子來探探母親，只是午飯還未有著落，簡簡單單的吃碗粥，再加碟腸粉算了。看看牆上水牌，十元八塊有交易，今時今日已經不容易，更何況是在大街地舖？先來碗艇仔粥走花生，粥底煮得夠綿，但米香不足，撥撥粥料，水魷絲、豬皮及牛肉碎，份量不多，算是意料之內，吃起來倒是輕盈。鮮蝦腸粉一碟兩條，但腸粉皮太厚，而且毫不滑溜，米香欠奉，蝦仁醃至無味，當是充飢還可以，想有點要求還是到別處好了。…查看更多

有一直追看我食評之朋友,詢問我為何近月"減產"?今年頭三個月,已外遊三遍,還有近期我也是來來去去,到好幾間店子,如一周有一,兩天早上到勝香園吃茄牛米,到蓮香樓品茗,去威記吃碗粥.或者是居所附近的"粥家莊","香港腸粉皇","白宮冰室",甚至乎晚餐,也是在附近吃牛雜麵,或中環翠華.這些店子在之前已有好幾篇食評,除非有特別狀況,例如吃了新菜式,或有一些特別感覺想分享,否則也不會為此著墨.總不能如某位新晉卓越食家,一個月內在同一店子,寫成七,八個食評,用食評數量來提升排名吧?.當然在遊戲規則上,吃一個飽寫一個沒舍價值的食評,原則上是沒有犯錯,但給外界的感覺,由其是真心去寫食評,粒粒字也是嘔心瀝血寫出來的食家,未免太過兒嬉,甚至有點自貶身價.既然預計每日都去吃,為何不集合在一起才發表?十二張相,加十二個評語,就算搏編輯推介,取得零的突破,機會也容易一點,對嗎?這是純屬小弟之見,不喜勿插.是天早上,不到常去的粥家莊,來到偉恆昌旁邊的"強記",吃碗有味粥,上一次來,也是兩年前的事,那時候還新開張不久.上次吃豬心粥,今趟便吃回最基本的 - 艇仔粥.$11一碗,再加碟炸兩.艇仔粥材料甚少,連免治肉也不多,豬肚,魷魚得一條半條.花生亦只得兩,三粒,雖然賣$11,但也不用將貨就價成如此樣子吧?我經常性說,香港人根本一生也是為地產佬做奴隸,不論是住屋,營商,由其是後者,付出貴到黐x晒線的租金,只能換來細小單位,還要經營小食店,真是每天要賣幾多粒魚蛋,幾多碗麵才能維皮?結果大多小店為了爭取更大利潤,於是便在食材上將貨就價,偷工減料,得出來的食味,當然大不如前,這樣香港地,還算是美食天堂嗎?如果說到高價美食則尚可成立,但說到平民小吃,已一早被台灣,澳門趕過了.我不時有個天真想法,希望香港能夠有一個像台灣的夜市,大賣地道平民小吃,到時無牌小販便有容身之所,食環署便可以做少一次醜人,亦比人罵少一點.不過為富不仁的地產商,又點會贊成?如果個個都去夜市擺檔,誰來租我鋪?炸兩用上炸起不久的油條,加上是即拉,食味自然不差.平日在粥家莊早上,吃這個配搭,還便宜一點點,而且艇仔粥用料更足,假若下次再來的話,還是要碗生滾粥便算.…查看更多

最近經常來這附近探婆婆,當唔知想食什麼的時候,就想到食粥,這家店的招牌好搶眼,而且由出面望入去,環境好光猛,地方乾淨企理,價錢大眾化,粥品質量亦中規中矩.今日天氣寒冷,好自然想食一碗熱辣辣的粥,於是又想起**強記**柴魚花生粥$11~~柴魚的香味稍為欠捧皮蛋瘦肉粥$12~~粥底雖然唔夠綿,但稀稠適中咸肉粽$9~~味道一般油炸鬼$4~~剛炸起不久,有少許脆口…查看更多

訓醒都2點幾,加上前一晚成3點先收到工~十分累~唔想郁,所以就叫外賣食,又見最近個人多左d粒粒~所以就決定食粥啦!呢間鋪我之前都食過~都ok la~今次就有少少驚喜啦!我叫左個牛肉,肉片粥...雙拼!足料,唔會因為雙拼而比少d料你~仲有個炸兩,雖然唔記得叫佢加甜醬,但係都好好食.係個炒米粉今次真係衰左,又(濃)又冇味,感覺只係乾米粉咁~只係食左2啖就冇食啦~但係整體黎講都ok既~而且價錢都係51蚊咋!!哈哈!!注:我叫左既有牛肉肉片粥,肉片粥,炒米粉同炸兩!4樣野架!另一個係我女朋友食左!o!"不過冇問佢意見!但係佢都食哂~都只係話個炒米粉唔得~哈哈~…查看更多

跑完步, 晚上不想吃太多油膩的東西, 便來幫襯這間街坊粥店.強記位於街口開揚之處, 佔儘地利. 它的魚腩粥一向也是我的最愛. 這裡的粥比對面的 "聯興" 要便宜一點, 但勝在用料夠多而且新鮮. 加上粥款也算多, 久不久想清清腸胃的話, 這裡是一個不錯的選擇.…查看更多

在家中附近,不久之前新開了一間粥店"強記",又再一次被JJ Captain捷足先登,奪取了"首名入球".風格同坊間賣$10碗艇仔粥的粥店無異,除有味粥之外,亦有生滾粥.有豬潤,豬腰,豬心,魚腩等食材.另外亦有腸粉,炒麵,鬆糕等小吃.近月豬流感當道,有人說不要吃豬,否則隨時中招,我不會與那些無知婦儒一般見識,見到有豬潤豬心,照吃可也.豬潤同豬心份量夠,豬潤很大塊,較薄身,口感帶點淋,味道鮮而沒有異味.豬心有三大舊,很爽口.粥底屬於偏稀的一類.色澤偏黃的原因,應該是連埋豬潤"水"一同去煲,才會有如此效果.再叫一碟炸兩,不是大清早去,炸兩已經不熱不脆.好像濕水炮仗,還點會響?如非早上時間來,都是吃腸粉最穩陣.…查看更多

卒之等到了.....每次要在家附近吃碗粥，最經常去是美景街內的有利。吃來吃去都是這裡，實在感到有些納悶:(想不到最近在貴州街口頗旺的位置開了一間新的粥店名叫"強記"的，確實有點"久旱逢甘露"的感覺:)....看見那絡繹不絕的人流，就可知粥店在這地區的需求是如何的厲害。找了個早上獨個兒去試試，好不容易才找到個接近出口的位置。看見門外那等外賣及入座的人羣，決定速戰速決，來一碗下火及炸両，吃完後馬上走人....下了單不到三分鐘，粥及炸両同時送到，效率的確驚人。試一口粥底，味道感覺好像是白粥加少許鹽便成。好處是沒有太多的師傅，缺點是作為一個"有味粥"的粥底，可是有些乏味了:(；另一弊處是皮蛋及瘦肉絲的份量不太多。一碗要賣成十五六大洋的粥，要求多一點配料不算是太過份吧 ? 幸好皮蛋不算死硬也沒有古怪"溢"味，肉絲還帶少許鹹味，算是彌補了材料之不足....炸両只要是以新鮮炸起之油條即製便不會太難吃。這裡的油條在早上是不停的出爐，那這炸両的水準自然是不太差的。不過若果外層的腸粉皮可做得實淨一點，不那麼"黐口"，這便更好吃了....水平只是一般的街坊粥店。不過正如太座所言，在家附近多一些吃的地方選擇，總是比沒有的好:)....…查看更多