張財記蝦醬

營業中

休息中

今天天氣不錯，由東涌走東澳步道到大澳，當然要找東西吃了，第一樣遇到上次平日沒有做蝦豬餅，今天平日有做蝦豬餅的張財記蝦醬。 不用排隊，以為沒有做，原來店家招呼我們可以叫蝦豬餅，真是意外驚喜，於是馬上叫一客試試。 店家馬上在客人面前煎熱餅皮，然後包著切碎的生菜，最上面是加了蝦膏炒香的肉碎，再加點店家提供的辣椒醬，熱辣辣的很好吃。店家說辣椒醬好吃，可以買回家吃。拿了蝦豬餅邊走邊吃，一邊欣賞兩旁的遊人及店鋪，不錯的開心掃街感覺。

🔹️入到大澳唔少得要試吓遠處也聞到香噴噴、大排長龍的 ‘’張財記‘’ 蝦豬餅🦐🐷🥙顧客可先排隊付款取籌號, 由於即叫即整👩🏻‍🍳大約等候15分鐘便可嘆蝦豬餅喇😋🔸️蝦豬餅🦐🐷🥙外層以薄薄手抓餅包着滿滿的豬肉碎, 有香濃蝦醬味🦐味道鹹鹹香香, 十分惹味, 加上生菜能中和番, 油而不膩👍😋

逢假日去大澳小郊遊一下掃下街食下野~🤣🤣見到網上好多人推介呢個蝦醬炒豬肉配生菜手抓餅((簡稱蝦豬餅🌟))，沿路都見到好多人揸住一路行一路食，見到好吸引所以都專登行去買💓💓好彩冇失望👍🏻👍🏻好好彩咁啱我買嗰陣唔使點排隊，攞完飛下一張就到我，$30一個手抓餅 喺香港你講其實唔算貴(葵芳都係咁上下價錢)當然你同自己喺屋企整黎比較嘅話就會相對來講有啲貴~一場去到大澳 覺得抵比 而且好味，下次再去應該都會買🤣🤣不愧係咁多人推介嘅大澳名物之一🌟🌟

大澳必食特色小食😋今次好好彩！星期日去少人排隊，即叫即食唔使等😆蝦豬餅$30🦐🐷蝦醬豬肉碎炒得好香好惹味、生菜🥬爽甜好新鮮、手抓餅外脆內軟，即叫即整熱辣辣👍🏻

大澳出名蝦醬💫亦都☑️只有大澳先有呢款特有嘅🥳大澳特色小食---蝦豬餅🔸蝦豬餅 $28 8.5/10即叫即整💰俾完錢, 店員會俾張買飛仔, 等叫號碼📣🦐🐷蝦豬餅＝豬肉碎＋蝦醬＋生菜🥬＋手抓餅肉碎充滿香濃嘅蝦醬咸香味, 唔會過鹹😋夾埋生菜絲🥬, 中和返咸味同油膩感🥰

黎到大澳冇理由唔試下呢到先有既蝦豬餅（$28）掛，熱辣辣即叫即整既，買既時候就先買飛仔，老闆就會按等候人數話你知大約幾耐準備好，等候既時間就可以周圍再行下，非常貼心 👍🏻🦐🐷其實就係豬肉碎加蝦醬，再加上生菜🥬用黎中和油膩感，聞落去蝦醬味好香，食落去好惹味，加上手抓餅又脆又煙韌既口感，值得一試！！！🤤張財記蝦醬 (大澳)大澳吉慶前街41號地下

-張財記蝦醬📍大澳吉慶街41號/蝦豬餅🦐 $28/ (3.9/5)熱辣辣即整嘅蝦豬餅🐽豬肉碎加咗生菜絲🥬中和油膩感🥰但係蝦醬味就唔太夠🥲聞落去好香但係食落就冇乜味🥺最出色係手抓餅即煎質感脆又煙韌😚

不嬲都鍾意試新嘢， 今次去到大澳試吓著名嘅 「 #蝦豬餅 🦐🐷 」首先地點都算易搵，入大澳過咗碼頭見到食街轉右（吉慶街41號），然後先買飛仔，按返排隊人數話你聽預計時間，我哋就係一個鐘後返嚟拎。😊 唔洗乾等，可以遊山玩水之後再返嚟拎嘢食。 呢個安排真係好好 👍🏻 加分！✨ 講返口味啦👅：呢個配搭好特別，但係蝦醬沒有掩蓋豬肉的鮮味，反而好和諧，肉碎配上新鮮生菜🥬，fresh口感，胃口仲大增😋 而外層係我最鍾意食嘅台灣手抓餅皮🥞，鬆軟酥脆的外皮，而份量都唔少㗎😊

📍張財記蝦醬🐷蝦豬餅 (7.8/10) $30🐷可以拎左籌周圍行下！其實就係家常嘅蝦醬炒肉碎。蝦醬味冇話特別濃，手抓餅都係普通來貨。行開可以試下，但唔好期望太多🤣📌大澳吉慶前街41號地下

大澳係一個掃街熱點之一，好多各種各樣嘅小食只係得大澳先有咋，呢間就係其中一間必掃熱點，成間嘅面積唔大，不過佢專做一樣嘢，務求令到呢一樣嘢成為精，就係🍤🐷蝦豬餅啦雖然成$30一份，但佢超大份餡料超多，首先佢個外皮係印度薄餅feel，厚薄啱啱好，唔會太油又唔會太濃，裏面嘅豬肉食落有好重嘅蝦醬味，冇錯，係蝦醬，大澳嘅手信出名係蝦醬，如果鍾意食嘅會覺得佢超香味道超濃郁，佢裏面嘅豬肉餡料就係啦，整得又唔會太鹹，都係幾難拿捏㗎😆😆不過有左生菜既配搭，味道啱啱好，因為佢好大份所以食落都有啲飽，若果你仲想食其他小食就建議同人share啦，留定肚🤣🤣

一提到大澳，大家都會即刻諗起蝦醬，每次來到大澳我都會買蝦醬回家。張財記這個蝦豬餅即叫即做，付款後店家會比一個號碼籌，拿了號碼籌之後可以先周圍逛一逛，才回來拿餅，附近有很多貓咪走來走去，等的時候可以拍一下貓咪。店家會煎香手抓餅，煎至脆脆的，另一邊是用張財記出品的蝦醬炒香豬肉碎，然後會把生菜絲和炒香了的豬肉碎放進手抓餅，捲起來就完成。接過蝦豬餅的那一刻，已經聞到蝦醬的鹹香味，香脆的手抓餅和蝦醬豬肉碎的配搭非常的特別，味道上亦互補不足，因為手抓餅本身沒有味道，配上有蝦醬味的豬肉碎，還有爽脆的生菜絲，三種不同的口感加起來異常的夾，而且豬肉碎的份量亦足夠，基本上每一啖都能同時吃到三樣的食材。整體來說，來到大澳也要試一試！

友人親戚住大澳，周末入嚟行吓，有幸可以入到棚屋見識見識，對於我呢啲城市人嚟講真係好特別嘅體驗🤩嚟到大澳當然要去覓食啦！行過見到蝦豬餅🦐🐷，個名幾得意，買個嚟試先😆**********蝦豬餅🦐🐷（$30）大澳出名係蝦醬🦐就係人都知，用蝦醬炒豬肉碎、生菜絲夾印度薄餅都幾新式食法，又可以試到佢地店舖出品嘅蝦醬🦐蝦醬嘅鹹香配肉碎，都幾惹味，而且遠遠都聞到蝦醬嘅香味，但食落唔會好鹹，味道剛剛好，肉碎份量唔少，食到薄餅尾都仲有配上新鮮生菜🥬，咬落清脆索索聲，夾印度薄餅都飽肚不過係街邊食嘅時候就比較狼狽，肉碎會一路食一路跌山長水遠嚟到都可以一試嘅😂

去到大澳就當然要試一試這裡的特色美食蝦豬餅可說是勁多人知道的美食長長的人龍圍著檔口都等了有20分鐘賣相算不錯,除了紙袋還有盒盛載剛弄好的時候氣味真的非常香不過食入口,就其實是有蝦醬味的豬肉碎再加些生菜菜絲夾入手抓餅中間蠻普通的,而且非常容易跌餡食得有點狼狽不過難得大澳,就買來打個卡吧

專程入黎大澳 行下食下美食 之前都有食過蝦豬餅今次黎 都要再食多次😋😋 今次睇真啲 原來蝦豬餅 假日周末先至有 🙈 仲叫做 husband roll 幾搞笑😂😂 我地黎到 人龍唔算多 ☺️但因為係即叫即整 都要等10分鐘先有呢度 唔錯 會派籌比你 🤩🤩你可以係附近行陣 先返黎拎都得☺️即使唔小心過籌 店員都會下一個整比你❤️❤️ 蝦豬餅 $30 價錢好似比之前加左價😅 不過放假 食下都要既🙈🙈蝦豬餅其實係用蝦醬炒香豬肉碎 再加上用煎香的手抓餅及生菜包住 🤩🤩🤩豬肉充滿蝦醬的咸香味 但又唔會太咸加上清脆的生菜 食落口感十足 而且不感油膩 😋😋😋

佢係上綱搵大o必食之一，試完之後，覺得佢係大o之最！本身係一間賣蝦醬舖頭，蝦豬餅，就係蝦醬抄豬肉碎 + 生菜 + 印度薄餅，好簡單嘅組合但係味道唔簡單，30蚊／蝦豬餅，本人冇買到蝦醬番去自己試效果，所以大家自行決定抵唔抵食啦～只係有樣唔好，個姐姐收完錢同攞薄餅去煎嘅其間，唔係下下有酒精噴手，只係間唔中有做到噴手動作。。。