廿一堂

服務態度：收銀員親切有禮一進店就感受到收銀員的熱情，態度友善且耐心解答問題，點餐過程順暢，這部分的體驗確實加分。 食物份量 vs. 價錢：不合理地少這次點了兩份「下午茶套餐」，包括一份咖喱雞扒丼、牛舌芝士焗飯和兩杯**招牌奶茶，價格$90。然而，食物份量明顯偏少——咖喱雞扒丼根本不是雞扒，只是幾塊雞件，加三啖白飯，至於牛舌芝士焗飯也只是三塊牛舌加兩啖飯，最令人氣結是追加$4嘅牛油多士，用樣子唔多新鮮嘅去邊薄方包，只是輕輕烘焙一下，俾一小塊盒裝牛油，真係冇用心做食物….! 以這個價位來說，性價比實在不高。 味道評價：丼及飯味道中規中矩，無驚喜招牌奶茶：最令人失望！茶味淡如水，甜味卻過重，完全喝不出港式奶茶應有的濃郁茶香，更像是「甜奶水」。 總結：不會回頭，性價比低*雖然服務態度良好，但食物份量少、味道普通，招牌奶茶更是名不副實。同樣價錢在其他茶餐廳能吃到更豐富的下午茶，這裡的整體表現難以讓人滿意。除非特別追求服務體驗，否則不推薦。…查看更多

一叫完野食已經知道要等成30個號碼，但等咗20分鐘重未叫到我號碼。等到30分鐘連友人既鐘板都有，我上前問佢火鍋系咪都要等半個鐘 佢話都系要等， 再隔多5分鐘再問經理話整緊 5分鐘後有。重點系：帶眼鏡藍色衫既餐廳經理起入面講”您估淨系做你生意咩？”生既火鍋都要客人等30分鐘 重要客人催，重要等，重要串返客人。帶眼鏡藍衫經理態度十分差，完全覺得餐廳無錯，客人等系應該。其實餐廳吾夠人手可以吾接外賣 不停做外賣連堂食都搞吾掂。態度極既一間餐廳，吾好同人講系日本店。…查看更多

去咗阿爸阿媽平日朝早跑完步會去嘅餐廳食早餐。星期六11點前左右到，都幾多人食，但唔洗等位。早餐同普通茶餐廳差唔多。公仔麵/通粉/加錢轉烏冬，炒蛋/煎蛋（有得轉全熟蛋），加錢加多士，配咖啡/奶茶/玄米茶/麵豉湯多士皮脆，入面鬆軟，幾好食阿爸阿媽話公仔麵麻麻地，食烏冬比較好，我都覺得烏冬幾好食不過好像food court 咁要自己睇號碼拎嘢食，拎住個托盤都好驚會倒瀉或者撞到人。話就話食完放係托盤回收處會俾返張2蚊卷下次用，但部機用唔到，出唔到張卷，所以大部分人食完都唔會執枱。…查看更多

附近返工，第一次堂食都好多個月前。唔太記得好冇食。今日叫咗外賣，香葱漬燒牛丼。真係好差。牛肉冇味道，質地就好有彈性，要牙力好夠先好試。香葱就怪怪地似燒味檔食開個味咁。成件事好唔夾。真心唔建議。…查看更多

係油塘站已經落定單，去到將軍澳廿一堂諗住應該攞得啦，點知要企喺餐廳度等咗15分鐘先有外賣拎😑我叫嘅只係一個關東煮烏冬，唔係叫三四個人嘅份量，唔明點解出餐咁慢，去到餐廳見到好多人都喺度等緊外賣。好耐之前成日都食呢間，都唔覺得佢出餐速度咁慢，依家差咗，其實煮烏冬真係可以幾分鐘搞掂，唔係叫你整意粉焗飯，真心唔明點解可以咁耐。無下次…查看更多

早餐時段飽肚又抵食36蚊沙嗲雞扒螺絲粉拼 炒蛋餐肉沙爹好濃:)偏咸有三大件雞件:)厚切餐肉大雞蛋勁大碗螺絲可惜 雞外層雖然咸香味道豐富但雞件太厚 肉味雪味太重有改善空間環境非常舒適職員態度非常好早餐時段奶茶咖啡仲可以添飲…查看更多

餐廳好大間座位好多好闊落寬敞都幾好坐可以選擇自助落單又或者去收銀處畀錢下午茶時段都幾多人選擇了下午茶F沙嗲煎雞餐肉炒蛋麵食唔出沙爹味雞肉仍然有陣雪味味道非常鹹:(價錢非常平值得一讚自助回收餐盆可以拎到兩蚊回贈券推廣人人有手尾…查看更多

系將軍澳搵到間高級版吉吉家日式丼飯餐廳試試餐廳採用自助點餐，先系門口用自助機點餐，再拎住張票入去搵位坐，等叫number再出去拎餐廿一炭燒鳥丼$62叫左個炭燒鳥丼餐，包飲品一杯，免費飲品有玄米茶，麵鼓湯、檸茶等選擇燒鳥丼賣相唔錯，雞肉鋪滿飯的面層但系雞肉的調味偏咸，食左一半就唔系好想食白飯可以任添，大食的男生唔驚唔夠食醬汁亦可以簡多汁或健康人士亦可以簡少汁大食汁鐘意燒汁撈飯食，可惜醬汁亦系太咸，唔系好好食…查看更多

位於將軍澳天晉匯地鋪嘅廿一堂，間舖好特別，佢係以自助形式點餐同埋食完要執枱面。🤔一個人食個美國牛小排壽喜湯Shabu都已經好夠食🍲，$100都唔洗就可以食齊曬肉同菜，牛小排份量好足🐮‼️鍾意食壽司燒嘅我，配料豐富😋除左有鮮雞蛋去點牛肉食之外，加配左杯凍嘅宇治抹茶🍵，呢杯係真係要推薦俾大家飲，抹茶味好濃又順滑😍如果唔食牛🐮，都有豚肉🐷同雞肉🐔可以揀，佢地一碟份量都好多～～再加埋白飯，唔講以為去左日本🇯🇵食野，因為真係好好食‼️又平又抵食地址：將軍澳唐賢街19號天晉匯二期地下#廿一堂 …查看更多

廿一燒豚丼 ($70)一個餐跟一碗飯、飲品仲有大福/昆布漬物，我地揀左甜品，感覺開心D。味道方面，豚肉份量都幾多，燒得亦好香口，再配上芝麻，味道好唔錯！我自己覺得加埋個D紅色物體 (醃咗嘅蘿蔔？)，令到豚肉既味道唔會咁單一，match得幾好，幾開胃，但男朋友就覺得紅色物體會搶左肉既味道，冇左返而更好🙈。珍珠米好味，係我鐘意既飯質，唔會太硬👍🏻仲有加埋炒過既洋蔥，令個飯更有口感+好味。最後，大福幾好味，皮幾煙韌又唔會太甜，岩我！🫰廿一燒鳥丼 ($70)同樣地，雞肉都好多，cover左成個飯面，佢附送左舊檸檬，我冇用太多，但食落雞肉有少少少少酸甜感覺都幾開胃👍🏻雞肉本身個汁帶有甜味，燒得都係香，飯同豚丼一樣有洋蔥，都係一樣好食。🫰結論🫰味道很好🫰份量足夠⚡️價錢唔算平，但有味道搭救CP值：8/10餐廳資料餐廳名稱：廿一堂餐廳地址：將軍澳唐賢街19號天晉匯2地下G08號舖營業時間：星期一至日 8:00-22:00…查看更多

呢日同小朋友喺將軍澳中心玩完充氣彈床之後就打算去食Lunch☺️玩完都差唔多2:00,諗住揀間近近地,唔駛行咁遠嘅餐廳食🤔記得之前朋友介紹過喺Popwalk 2嘅廿一堂,話係間全自助嘅日式快餐店,由落單,取餐,回收餐盤都要自己嚟😅橫掂過開嚟將軍澳一於就嚟呢間餐廳體驗吓廿一厚切燒牛舌丼 $63無糖可樂四片燒牛舌真係勁厚切,燒得好香好惹味,而且肉質軟腍,牛味香濃😋送飯真係一流👍🏻👍🏻👍🏻滑蛋吉列豬扒丼 $70凍檸茶 +$3滑蛋夠滑份量超多,吉列豬扒夠大件很入味,兩者配合得天衣無縫…查看更多

今天再次到訪廿一堂，餐廳採用‘自助點餐，自助取餐，自助收餐’形式。由於到達時間尚早，所以還有下午茶餐以供選擇，價錢相宜，難怪吸引那麼多人。食物種類繁多，每樣都很吸引，實在要來多幾次才能試完😋 而晚餐竟然有炸🦐套餐，就決定是你喇！🤤 🦐滑蛋天婦羅虎蝦丼 $ 83即點即製，餐廳均採用日本高質食材，嫩滑炒蛋配上軟硬度適中的日本米，美味😋；大大隻虎蝦亦炸得外脆內軟，肉質爽口彈牙，口感一流。熱檸檬柚子蜜 (跟餐+$4)材料十足，味道濃郁，很潤喉👍…查看更多

冇諗過而家仲會有呢啲咁平嘅下午茶可以食而且講緊個味道仲要幾好雖然本身間嘢好似係食日本嘢咁但喺正樓下諗唔到食乜嘅時候都未嘗唔係一個好嘅選擇重點係$30唔使就可以食到一個下午茶講唔上好飽但都啱啱好味道亦都幾好唔錯嘅選擇…查看更多

嚟到廿一堂，難得有個機會嘆返啲地道美食，好似親埋日本咁！首先講下佢哋嘅燒鯖魚丼，個鯖魚燒得外皮微焦又保持肉質鮮嫩，啖啖肉真係一啖滿足到爆！加咗個溫泉蛋，攪入啲珍珠白米飯入面，簡直是滿足嘅代名詞啊🍚！而家講下個咖喱烏冬，勁正！啲烏冬煙韌得嚟又Q彈，個勁嘅口感真係過癮。咖喱味道啱啱好，唔會太重手又唔會太淡，食落舒服得滯！炸物可能微微硬咗啲，但係個肉汁嘅份量仍然保持得好好，仲要啖啖juicy。話說返嚟啲綠茶mochi，每一啖都滲透咗濃郁嘅綠茶香和creamy感，個甜度啱哂我個嘴，真係難以抗拒😍。晚晚嚟我都嘆得！睇落服務得過且過，好似自助嘅快感咁，但以呢個質素同價錢，我絕對唔會輕易放過佢，再嚟一轉啦！食貨仔女，你哋準備好未？下次見喇，廿一堂👋！😉🍽…查看更多

燒和牛丼，牛肉舖滿了整碗飯上，即是看到也是很吸引，吃下每片牛肉油脂分泌適中，追加入溫泉蛋拌飯，口感更加完美。❥蕃茄湯牛肉65度溫泉玉子讚岐烏冬蕃茄湯有濃濃蕃茄味，配合溫泉玉子，加入讚岐烏冬，口感很好。而牛肉份量多，每一牛肉肥瘦適中。❥鰹魚湯牛肉65度溫泉蛋讚岐烏冬相比起蕃茄湯鰹魚湯清淡一些，適合不喜的朋，溫泉蛋牛肉。這間餐廳是是在形式，先付款購票，性價比高，套餐很經濟，烏冬也高質素。小朋友最喜歡吃這裏的烏冬。…查看更多