影片
經過見到廿一堂主打牛丼，見到餐牌都幾多選擇，晚餐入去試下！我嗌左個熟成鐵板牛柳餐，加$3配菇菇滑蛋飯，跟餐仲有泡菜同麵豉湯個牛柳煮得啱啱好，唔會太老，牛柳啲肉都幾腍，個汁係香噴噴嘅肉汁，但鐵板似乎係裝飾，唔熱嘅😂一定一定要揀菇菇滑蛋飯，超級有驚喜！菇菇唔算多，但滑蛋真係幾滑，食得出啲飯滲左啲甜甜哋嘅汁，有啲似壽喜燒汁撈飯！朋友就嗌左個溫泉玉子豚肉拼牛肉燒肉丼，就普普通通，但牛肉有啲韌，燒汁都幾好味！跟餐配泡菜，飲品我哋仲加左小食：炸餃子同炸蔬菜薯餅，炸餃子普通水準，蔬菜薯餅口感豐富。
繼續閱讀
翠華嘅餐廳永遠都唔會令人失望，永遠都係咁難食。之前附近開咗間揚食屋又係翠華嘅，個飯得6塊兩節手指咁大嘅牛舌，又細又薄又硬，問清楚店員，佢話真係咁細塊，笑死。真係食完永遠都唔想再幫襯今次見到佢又開咗間燒肉丼，考慮咗好耐先入嚟試下，點知又係可一不可再燒牛丼肉嘅份量多返少少，但係韌過我條命，咬到我牙都痛埋，出餐又慢。$77夠我去吉野家食鹽燒和牛有找😮💨唔使等咁耐，肉嘅份量又多，味道又好食過佢幾條街。
繼續閱讀
# 【淘大商場隱世美食】廿一堂平靚正日式料理 💯 一碗烏冬幸福感爆燈！🍜✨日日忙到冇時間食飯？試下嚟淘大商場呢間「廿一堂」啦！每次嚟到都忍唔住要打卡，呢間小店啲嘢食真係堅正！💕今次又嚟咗廿一堂食嘢，一入到去已經聞到陣陣鰹魚香，即刻肚仔咕嚕咕嚕叫起上嚟！叫咗個鰹魚湯配讚岐烏冬關東煮套餐，只係$78就食到超高質日式料理，抵食到喊😭個烏冬真係超級彈牙，啖啖嘅湯底又香又鮮，關東煮入面嘅蘿蔔同魚餅入晒味，絕對係疲勞轟炸嘅一日後嘅最佳慰藉👍🏻 飲埋杯凍檸茶，爽！爽！爽！同行朋友叫咗個廿一咖喱吉列豬扒對丼，個吉列豬扒一啖咬落去，外脆內嫩，配埋微辣嘅日式咖喱，絕對係黃金組合！仲有埋爽口嘅生菜絲中和返個油膩感，簡直係完美平衡！💪🏻講真，呢間小店真係淘大商場嘅隱世美食！價錢親民又好食，下次一定會再嚟！如果你哋都係九龍灣打工仔女，或者平時行過淘大，千祈唔好錯過呢間寶藏店舖啊！😋
繼續閱讀
《九龍灣抵食自助日式料理》好耐沒有去淘大 幾大變化餐廳同店舖幾多元化 今次見到未試過既日式料理廿一堂入到去發現原來係自助式 似日式 快餐店 但有人安排入座 幾特別環境 木系設計 幾舒服廿一香䓤漬燒牛丼 $67滑蛋吉列豬扒丼 $74兩個餐都包一個主食 一個大福 同一杯飲品牛肉燒得幾靚 味道幾香吉列豬新鮮脆口整😍加埋左滑蛋仲保持到脆口👍🏻大福睇落似抹茶味 但食落係椰絲味飲品汽水有四個選擇 玄米茶都好香兩個味道都幾好 性價比高#tg31eat九龍灣 #廿一堂 .....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先
繼續閱讀
📍廿一堂 （九龍灣）懷疑想同すき家打對台既日式丼飯～平均menu價錢大約～$70 包飲品🥤環境都幾乾淨企理🫥但味道方面就只差一點點🤏🩷燒牛舌丼飯 有大約五塊厚切牛舌鋪面～牛舌燒到有外脆內軟 口感同味道上滿足到對平價牛舌既要求😆@見到配飯既餐通常都有份草餅 都算係bonus🩷鐵板燒汁漢堡扒 配 蕃茄烏冬漢堡扒大大份 仲有少少薯角🍟蕃茄烏冬都有大大碗 $88仲配埋野飲呀～份量好滿足但味道有啲麻麻地 燒汁太甜 蕃茄湯無味過清湯咁
繼續閱讀