建榮特色桑拿菜火鍋店

屯門工業區隱世寶！冷氣+風扇區任揀的地道熟食檔，5分鐘上齊三款招牌（屯門街坊必收藏！匿喺富臨隔離，住十年先發現的大排檔風味）🔍 位置：屯門站A出口直達由屯門站A出口行去建安站，轉入建安街見到富臨酒樓，隔離就係呢間熟食檔中心！住咗屯門十幾年，竟然第一次知工業區有呢個「隱世食堂」，大時大節想搵返童年大排檔感覺，呢度真係啱晒～🍃 環境：室內大排檔！冷氣/風扇區任你揀雖然喺室內，但完全保留地道大排檔風味！怕熱嘅可以坐冷氣區，想感受傳統「吹住風食飯」的，風扇區夠晒有氛圍，唔會有街邊大排檔嘅風吹日晒，又唔少得那份煙火氣。潮州凍蟹：蟹肉超鮮甜！凍得夠透，蟹膏結實唔黐殼，蘸少少蟹醋，海鮮味直沖上腦，夏天食最過癮豉汁炒蟶子配煎米粉：蟶子夠大隻，豉汁惹味唔會過鹹，完全冇沙！重點係煎米粉吸晒豉汁精華，外脆內軟，同蟶子一齊食，口感超豐富金銀蛋莧菜：鹹蛋黃夠香口，蛋白煮得滑溜，莧菜夠嫩唔會老，吸晒蛋香同湯汁，送飯一流！職員超落力，唔使睇餐牌直接推招牌，點完5分鐘就上齊，完全唔使等！想搵返童年大時大節喺大排檔食飯的感覺，呢間屯門隱世熟食檔真係冇介紹錯，下次要帶埋屋企人再嚟～…查看更多

放工同朋友去咗公司附近食飯傾計🗣，大排檔地道feel，環境非常熱鬧，落單同上菜都好快。價錢方面都算合理🤑，兩個人點左三個小菜，每一碟都超大碟，非常抵食。🌈川味辣子雞（半隻）雞肉炸得外脆內嫩，咬落去滿口香辣，辣得過癮但又唔會太嗆，送飯真係好一流。🌈Wasabi安格斯牛柳粒安格斯牛柳粒肉質嫩滑，配上Wasabi嘅味道好特別。🌈啫啫通菜通菜爽脆，吸滿咗啫啫煲嘅鑊氣同醬汁，簡單但好有風味。😘😘😘見到隔離枱食海鮮都好吸引！！！📌建榮特色桑拿菜火鍋店 (屯門)📍香港屯門建榮街32號建榮熟食市場地下C6號舖#建榮 #大排檔 #辣子雞 #小菜 #屯門 #屯門美食 #屯門大排檔 #香港 #香港美食 #香港食好嘢 #屯門餐廳 #屯門食好嘢 #屯門必食 #屯門好去處 #屯門美食地圖 #餐廳推介 #假日好去處 #ilovefood #hkfood #美食推介 #美食日記 #hkkol #blogger #親子好去處 #kol #親子日常 #萌娃…查看更多

建榮熟食市場係去完馬會後最近又最抵食嘅食肆，呢度就算平日都好旺，是晚八點幾鐘嚟到，冷氣房全部坐爆，冇冷氣位都有七成滿坐。朋友話帶我嚟食啲地道嘢就係嚟咗呢個建榮熟食市場，然後我哋食咗間餐廳叫建榮特色桑拿菜火鍋店，其實咩係桑拿菜？🤔先落幾個小炒，飲下茶飲下汽水傾下偈先。⭐瑤柱蛋白炒飯上到枱真係呆咗，大碟到係正常餐廳份量嘅兩倍，即刻覺得今餐叫多咗啦😂飯炒得香口唔油膩，入面有唔少瑤柱鹹鹹鮮鮮好好食，仲放咗啲菜粒增加口感，正喲😋⭐黃金四季豆黎大排檔食黃金嘢冇得輸，個鑊夠紅兜起上嚟特別好食，鹹蛋黃下得多，四季豆爽脆，食曬成碟都唔覺膩😍⭐招牌咕嚕肉顏色鮮亮好吸引，酸酸甜甜啱口味，肉粒外脆內軟咬落甘香，好食👍⭐酥炸牛坑腩一大盤牛腩炸得酥香，牛腩軟腍有口感，半肥瘦好正，不過全碟係肉真係有啲滯，呢碟至少四個人先好叫‼️⭐汽水天氣咁熱飲返罐冰凍汽水，爽！價錢平，份量大碟又好味，唔怪得咁多人黎食喎😋…查看更多

星期六去咗屯門的建榮特色桑拿菜火鍋店，係熟食市場入邊嘅地鋪，大排檔風味，環境簡單又貼地，適合同朋友過來吹水聚餐食好嘢！🍽️我地兩個人來食，點佐佢地招牌兩餸，再加一個菜。招牌果然係招牌，做得好出色，比我係其他地方食到嘅都好味。招牌小炒皇鑊氣十足，韭菜花好嫩好新鮮，蝦乾係煎炸到好脆口，仲有鮮魷魚、鮮蝦球、脆腰果搭配來炒，鹹香香氣四溢！🔥🥘招牌咕噜肉咕噜肉外脆內嫩，酸甜適中，口感極佳。每一口都帶有濃郁的醬汁，好開胃，簡直係大排檔的經典之作，必試菜品！值得一提嘅係，佢地搭配嘅菠蘿都用火炙燒過，熟小小入口就唔好酸澀，菠蘿解膩一流🍖🍍蒜蓉炒白菜仔鑊氣+白菜仔夠新鮮，蒜香爆炒，無得輸，會食到白菜仔嘅鮮甜。🥬🧄今次兩個人來無食到好多款菜式，下次多滴人再食過。我見到有人自己拎海鮮過來加工，好似都好正，下次試下。…查看更多

唔講唔知，屯門原來有好多美食！今次同班Friend嚟到建榮，唔係打邊爐，而係試佢哋嘅拿手小菜，夠鑊氣有水準！潮式炸蠔餅
一上枱就聞到陣陣酥香！外層炸到金黃薄脆，裡面嘅蠔仔飽滿多汁，完全冇腥味，點埋魚露簡直係靈魂所在！絕對係必點之選！👍招牌咕嚕肉 
外層炸粉薄透，咬落去外脆內軟，肉質鬆化唔會韌。個酸甜汁調得恰到好處，好開胃！金銀蛋浸時蔬
食完香口嘢，呢個湯菜就嚟得啱啱好。湯底奶白色，飲落鮮甜濃郁，充滿皮蛋同鹹蛋嘅香氣。蔬菜嫩綠爽口，份量十足。雖然佢哋以桑拿菜同火鍋聞名，但小菜嘅功力絕對唔可以睇小！無論係火氣定鑊氣都十足，係屯門區內高質抵食之選…查看更多

天氣開始岩食大排檔! 唔會太熱

✨蝦醬炒通菜通菜爽脆，炒得好香，仲有口感 唔會過份淋有鑊氣，好入味✨椒鹽黑鑽豆腐
好似黃金咁，但係外皮係黑炆炆既入面豆腐嫩滑，出面好脆要加埋外面既粒粒食，先夠鹹✨冰淋醬烤骨冰淋原來係講緊用左「冰糖」，唔睇相都唔知
外面有一層甜甜既，幾特別，甜甜地餸飯食一 流
肉質都淋，咬下去啖啖肉，入味一班人食真係好岩食大大件! 又可以飲下酒 慢慢吹下水建榮特色桑拿菜火鍋店 (屯門)香港屯門建榮街32號建榮熟食市場地下C6號舖…查看更多

呢排唔知點解好鍾意食小菜搬返天水圍之後就諗起屯門有好多大排檔呢間嘅小菜真係幾抵食，難怪咁多人除咗抵食之外，每一份都大份又唔貴味道唔會過濃，又唔會好油，而且好夠鑊氣♥️♥️金銀蛋莧菜超足料 有我最愛嘅鹹蛋黃 超級好食，我食咗勁多小炒王香脆白飯魚 蝦仁 魷魚 果仁9王 嫩口新鮮好夠鑊氣咕嚕肉熱辣辣好香脆菠蘿嘅顏色偏淺 以為佢會好酸，點知唔酸仲好多汁佢同咕嚕肉一冷一熱冰火感覺 原來仲可以向餐廳訂海鮮 / 海鮮加工，下次等我再嚟食海鮮先…查看更多

住咗大西北咁耐，居然而家先發現呢間寶藏大排檔！即叫即炒夠曬鑊氣，味道仲勁過市區名店！招牌咕嚕肉 一上枱就聞到酸甜香！外皮炸得脆卜卜，咬落啖啖肉唔肥膩，酸甜汁掛得勻循，白飯殺手，伴碟嘅菠蘿仲爽甜多汁，可解油膩！豉油王蝦蝦隻隻都大隻又新鮮，豉油香炒到滲入蝦殼，蝦肉爽彈又入味，連蝦殼都脆到可以啜埋，簡直無得頂～椒絲腐乳炒通菜鑊氣十足！通菜翠綠爽脆，鹹香濃郁，仲有椒絲提香，簡單但係炒到超級惹味，正～隱藏喺屯門嘅平民高手，價錢抵食份量足，鑊氣仲勁過唔少酒樓，仲可以向餐廳訂海鮮或者海鮮加工添！以後宵夜又多個選擇，大西北街坊絕對要試！💥🍳…查看更多

今日難得黎到屯門工廠區試吓「建榮特色桑拿菜火鍋店」餐廳是一間好有特色的大牌檔😆每道菜式炒出嚟極具火喉仲可以向餐廳訂海鮮 / 海鮮加工 超正😙⭐️蒜蓉粉絲開邊蒸蝦蝦肉鮮嫩，蒜蓉的香氣濃郁搭配粉絲吸收了蝦的鮮味蒸的方式保留了蝦的鮮甜🤩非常好食⭐️招牌咕嚕肉餐廳的招牌菜式甜酸味平衡得非常好廚師把豬肉外皮炸到酥脆😍加埋新鮮嘅菠蘿配上白飯非常適合⭐️金銀蛋浸白菜仔金銀蛋的滑順白菜仔好新鮮鹹蛋黃與雞蛋的搭配更加香氣🥰整體菜式非常不錯特別適合家庭聚餐或者朋友聚會仲可以飲酒🍻傾偈🥳…查看更多

屯門呢間大排檔，好多街坊一家大細幫襯，冷氣夠勁，重點係碟碟都超大份，價錢仲要好貼地，都係每人食咗$100! 仲可以預訂時令海鮮，或者自攜海鮮加工！椒鹽鮮魷 $108即叫即炸超級脆口！魷魚厚肉得嚟唔會韌，外皮金黃酥脆，撒滿蒜香椒鹽。最正係跟埋炸到脆卜卜嘅黃金蒜粒，送啤酒汽水一流！招牌咕嚕肉 $128一上枱就聞到酸甜香～肥瘦均勻嘅豬梅頭炸到外脆內嫩，粒粒都冇骨。個醬汁調得啱啱好，唔會太甜。仲有新鮮菠蘿同青紅椒，份量超級慷慨！金銀蛋浸莧菜 $68超驚喜嘅清淡之選！皮蛋鹹蛋黃煮成金黃色湯底，莧菜嫩滑冇渣，真係仲要成座山咁高～…查看更多

新界就會比較易揾到地道菜今次系屯門都幾出名大排檔滿滿既香港風味位置當然唔系大街，要揾一下不過系屯門站過去都唔算遠有歷史既大排檔依家好多都系熟食中心入面依間重有分外場同室內坐外面當然風味勁啲見熱熱地口淡淡就叫個-酸菜魚 黃花魚版勁大碟，魚量十足魚肉厚實大件無整得好重味，所以食到好多魚味跟住就系脆口野-脆皮原只豬手份量又系好勁，好大只整得勁脆，重切到細細舊食得好方便特別要讚下個醬汁好野味最後炒碟菜清一下-椒絲腐乳炒通菜火喉好好，炒得好爽脆另外重可以叫店家代訂海鮮或者代工海鮮添…查看更多

入到嚟屯門嘅建榮熟食市場，呢度難得地仲保留香港碩果僅存嘅熟食中心，當中嘅大排檔更加係必試🤣招牌咕嚕肉咕嚕肉做到外脆內嫩嘅效果，酸酸甜甜啱晒香港炎熱嘅夏天😝食大排檔嚟講，最有風味嘅菜式絕對唔少得咕嚕肉🥳👍欖角蒸邊魚邊魚非常鮮甜，質感滑溜，配上欖角鹹香更加令口感更多元化😜但係大家要小心留意呢隻魚非常多骨，食起上嚟就要非常小心啲細骨😎上湯浸白菜仔前面又魚又肉，當然叫返個菜平衡一下😬上湯嘅湯底好鮮甜，白菜仔爽脆，大大碟好足料🤪仲有好多大排檔經典菜式，留返下次有機會再試過😍…查看更多

同婆婆去食飯，喺番婆婆收工附近搵餐廳食，揀左地道風味大排檔。個日有d 雨，好彩呢間大排檔係有得遮頭而且仲有室內冷氣既座位揀。潮式煎蠔餅（$128）蠔仔大大隻，啖啖肉，煎炸得好脆口，就咁食已經好有蠔仔味，如果想重口味d 先點埋個汁。勝瓜沙白豆腐魚湯（$128）好清甜既湯，而家時令適合食勝瓜，清熱解毒消暑😋個魚湯好奶白色，煮得好好，呢個湯好有營養。海皇雜菜煲（$138）諗住叫個雜菜煲，乜都有得食下，個煲一上枱，婆婆即刻嘩嘩聲，因為真係勁多料，勁大煲，超抵食啊😍😍胡椒湯底配各式雜菜，海鮮，仲有蝦米等，仲有粉絲，超豪華的享受🥰🥰 諗住佢d蝦唔會新鮮la，點知都幾好食，蝦肉都好結實😋 湯底都好正，忍唔住都會飲幾啖，越飲越暖胃🥰2個人食唔到太多野，婆婆見到隔離枱有辣子雞又話想食，但實在食唔到太多又唔想浪費，所以已經諗定下次有家人生日時會再黎呢間食💓…查看更多

豉椒炒花甲
呢碟豉椒炒花甲真係好正！花甲好新鮮，啖啖肉都爽口彈牙，仲要都幾大隻。豉椒醬汁調得啱啱好，微辣又香口，豆豉味好出，配飯一流！椒鹽黑鑽豆腐
椒鹽黑鑽豆腐真是一個驚喜！外皮黑炆炆，但咬落去豆腐嫩滑，口感好平衡。調味啱晒，唔會太鹹，食多幾舊都唔會覺得膩，送酒一流。招牌咕嚕肉
招牌咕嚕肉真心唔錯！肉炸得外脆內嫩，酸甜醬汁好開胃，甜酸度剛好，唔會太膩。一份新鮮菠蘿，夠甜又多汁，食落好清新。豆豉鯪魚炒油麥菜
油麥菜炒得爽脆，唔會過火而軟晒。豆豉鯪魚嘅鹹香味好突出，配菜食好有層次感，調味啱啱好，唔會過鹹，又係一個好適合送飯嘅菜式。值得一讚嘅係佢哋嘅餸菜都好大碟，真係可以食到好飽，價錢又合理😆…查看更多

鄰近屯門西鐵站嘅熟食市場 📍位置算幾方便 朋友介紹過 知道係好唔錯🙌🏻 今日順道再黎回味一下 佢地出菜快 而且性價比高 鑊氣十足😋 🙋🏼‍♀️今次點咗以下菜式: 💁🏼‍♀️豉椒炒花甲 $118 每粒花甲都沾滿醬料 惹味又香口🤤花甲肉質鮮甜食咗好多粒 真係一粒沙都食唔到 激讚👏🏻👏🏻👏🏻 💁🏼‍♀️椒鹽九肚魚 $128 薄薄炸粉 外層酥脆 內層鮮嫩可口 非常推介🥳 💁🏼‍♀️上湯浸油麥菜 $68 有蝦乾 香菇 紅蘿蔔 做配料 令菜味道更加鮮甜 一啲都唔單調 非常有誠意💜佢地仲有以下服務🙌🏻💡海鮮加工服務💡可預先訂購時令海鮮 …查看更多