延聚

營業中

休息中

同幾個同事食Lunch 我想食burger 同事話要食飯近近地 喺Openrice搵到呢間價錢算係咁啦 種類都幾多選擇好在有埋飯同burger 仲有意粉 粉皮 薯蓉包類等等 咁咪唔駛要就D同事邊個食乜啦 個湯黎到有D驚喜 堅多料冇味精唔係茶記湯 觀塘有d訂呢類老火湯都要成三十然蚊碗 呢度個餐跟埋 加分！Burger 賣相都幾靚塊漢堡都幾juicy唔乾 洋蔥同蕃茄係厚切Size ok 夠飽 芝士同汁加埋都幾好食同事叫呢個醋香骨 我偷左件食肉D肉都幾腍幾入味 酸甜幾開胃吖流心蛋牛肉飯同事唔俾我試😤但目測牛肉份量唔少同事話呢個入面有芒果蓉幾好食喎佢話幾Fresh 夏食啱哂 下次我又叫呢個先～仲有麻辣粉皮都想試吓～地方幾舒服 本身想坐Sofa位架但頭先full冇得坐 走嘅時候先有位下次再同同事黎啦

點選了醋骨流心蛋飯，不貴，48元連中湯或飲品。午餐賣相良好，醋骨入味及肉質十分淋。而流心蛋做到外脆而內有流心效果。平時胃口不多的我，在撈肉汁及蛋汁情況下竟然吃完一整碟飯。最值得讚賞是中湯是老火湯，真材實料，喝完沒有口渴，所以一定沒加味精，有媽媽的味道。食物質素及價錢都令人滿意。環境亦舒適。加上是1樓，不用等𨋢，可直接行樓梯上，免卻趕食飯的麻煩。因為約了朋友未夠時間，店員很好，即使食完了，亦讓我坐了很耐，期間亦主動給予水，服務態度良好。

觀塘工廈搵食，耐不耐就會有新店上市，今日就有間門口大大個招牌係食burger，雖然店舖唔係好大，但環境都算闊落。食物除咗burger仲有意粉，唔太多選擇，burger只有兩款，一係牛，一係雞，只係差個配搭係食薯堡定係食蛋糕。Burger肉質多汁，醬汁少少甜甜地，少少辣辣地，味道都好夾，仲有酸瓜夠醒胃，個包烘到微微脆口，成件事都好滿足。意粉就較一般，唔係差不過無咁突出，食物整體都唔錯。最特別今日個湯係配中湯(蘋果湯)，睇落好唔夾，分開講個湯係好飲，無味精。

朋友介紹話好味！中午就黎試試，入到黎坐得都幾舒服，唔算好逼，叫左香芒雞墨西哥卷加個湯，個湯好好飲（絕對唔係茶餐廳例湯），個香芒雞墨西哥卷好足料，好fresh （會再食）.

點餐嗰陣諗左好耐食漢堡定墨西哥卷好呢，結果今次食左呢個「廷聚安格斯漢堡」，老闆娘話即叫即整，所以打住機等左10分鐘呢個漢堡堅足料，牛肉漢堡好大塊，一個已經好飽。食漢堡一定係配可樂，等一陣我又覺得值得。唯一可惜跟餐唔係配薯條，係配薯堡或芝士蛋糕環境： 地方都大，枱與枱空間都夠服務：老闆娘好有禮貌價錢： $73 個人覺得合理附近都好多野食，同一層已經有多國美食唔知幾時會再去，如果係，下次試燒汁牛肉墨西哥卷。第一次寫請多多指教

一個字「甜」，所以食物都用一個甜字可以形容🥲一行幾人，有叫漢堡、有叫意粉、有叫薯蓉，但離不開所有食物都好甜，意粉中的蘑菇直頭食糖咁，甜到令人覺得係咪唔小心將糖同鹽混亂左。其次係前菜個沙律，本身都幾好，但個醋加左舊熟蛋，成陣味好怪。另外，餐牌唔係好多款，但幾乎一行人都要改食咩，因為墨西哥卷又話無、雞胸又話無、湯又話無，又係將個餐轉左個主食，最後要調返轉問，咁有咩係有😅😅又等超耐，應該都有30-40分鐘，最後一個人個餐黎既時候，大部分人已經食晒野，大家睇住佢食😅😅價錢不是特別便宜，但似食砂糖😩

第一次去到延聚，個環境係幾舒服既，每一枱個空間都好夠，見到餐牌，少少複雜既，多謝老闆娘用心解釋🤗揀完到落單，點知嗌乜冇乜⋯咁點解老闆娘明知道冇哂，係解釋既時候唔講埋呢⋯結果來回左兩三次都未嗌到野食⋯⋯😵‍💫😵‍💫終於成功嗌到野食⋯⋯野食黎到，都已經係超過半小時後既事⏰但明明舖頭只有我地一枱客，點解都搞咁耐，等到office lunch hour都過哂⋯⋯😳😳野食賣相係都吸引既但一食⋯⋯⋯就知道唔會再黎⋯味道本身係咸味既，全部都變成超級甜🤯薯蓉係一啲味都冇😑簡直係味蕾衝擊🤢🤢🤢有啲野，可一不可再，冇下次

朋友試過話正，今日經過去試下試左burger 夠大份，塊扒煎得好香又夠味同個醬好夾，配菜都好充足，一定要再encore另外試左墨西哥卷，雞肉配芒果，好fresh有機會一定再黎幫襯👍🏻