廣麪子

作為灣仔嘅打工人必須要知道嘅50年歷史新裝修西灣河麵家既味道崩沙腩粉麵專門店鍾意食牛雜嘅有口福了切腩四寶湯河    -淡淡哋嘅大地魚湯底，清得嚟好甜主角切腩份量都唔孤寒，肥瘦適中，炆得夠淋又入味四寶方面，雲吞係傳統細粒嗰隻，皮薄餡靓入面隻蝦仲好爽彈魚蛋同魚片食落好有魚味，彈牙得嚟唔會好似擦膠最驚喜係牛丸，一咬落去真係爆汁㗎！好濃牛肉味啲河粉索晒啲鮮甜湯汁，又滑又溜，啖啖都係精華西多士    -厚切西多士邪惡到極點！麵包厚身炸到金黃外脆內軟，淋埋糖漿真係冇得頂酥炸鱼皮   -魚皮真係超大份呀！堆到成座山咁高 即叫即炸啱啱炸起熱辣辣，咬落去 卜一聲，脆到不得了鲜忌廉朱古力    -睇見面頭堆到滿瀉嘅鮮忌廉已經流口水～朱古力勁濃郁又滑溜，甜度啱啱好炸雲吞    -咬落 咔嚓 聲超脆口！蝦肉餡爆棚又彈牙點啲甜酸醬食簡直係絕配雲吞魚蛋牛丸撈粗    -超香濃嘅豉油皇味，撈勻之後每條粗麵都掛滿汁鹹香得嚟帶啲甜，粗麵本身煮得啱啱好煙韌有咬口，索晒啲精華豉油雲吞皮薄餡靚，魚蛋同牛丸一個字爽自家製辣椒油    -真係辣到噴火！幾十種香料熬到好香濃一打開樽蓋就聞到複雜嘅辛香味，辣得嚟好有層次唔會死鹹，點雲吞拌麵簡直係靈魂所在！堅正！雜果賓治    -童年回憶返晒嚟！超大杯抵飲到震～溝咗橙汁同菠蘿汁底，仲有勁多罐頭雜果撈埋一齊酸酸甜甜超解渴…查看更多

收工過開黎灣仔，自己最鍾意遊走小巷，路過大王東街女友話想食麵就走左入黎，地舖面距離地鐵站十分之近，五分鐘內必到，坐位係舒適版卡位，分隔都幾寛落坐得舒服，內部裝修就行返現代茶記風，望個餐牌見佢主打係腩粗，但好得意地麵店又竟然有西多，仲有個奶油多同紅豆冰tim！四寶撈粗 (腩、牛丸、雲吞、魚片魚蛋)粗麵充滿彈性同咬口，沾少少湯入口夠爽，最開心既係佢唔同其他港式麵食完會有(霞)氣留係口腔，我就真心鍾意個麵底一寶係佢既牛腩同牛丸都有重牛味，鍾意食牛既人有福了，肥瘦均勻，牛丸彈牙又濃味，唔似坊間啲唔知咩肉打出黎既牛丸，呢度值得一推二寶乃雲吞，因為我係食撈麵，個人口味我會將佢浸一浸隨麵附送既湯先入口，皮薄而入面既蝦都頗鮮，肉質甜美，好味！三四寶就係魚片魚蛋，比起其他兩寶佢排第三唔代表佢唔得，新鮮炸起都必然係水準以上，彈牙同魚味都有Feel切腩四寶撈粗同女友都一樣想食四寶粗，咁我唯有嗌切腩啦，成碗野唯一唔同就係滷過既牛腩同有埋牛筋，如果鍾意濃味啲同食牛筋既話就推介呢碗，牛味一樣香濃，其他就一樣紫菜湯冇諗過係咁大碗同咁大塊紫菜，唔知點解我飲到甜味，海帶既鮮甜令人有開胃湯既感覺，好味酥炸魚皮佢係用紙袋成份上，撕開袋仔，份量都算幾好，夾一舊沾下湯再食會更爽消脂青檸梳打本來想嗌紅豆冰架，但又怕肥，於是呢杯梳打就岩哂了，飯後用黎沖淡口腔既油膩感一流西多士冇諗過上枱既西多士係咁厚既，明顯比其他舖頭升級厚左，佢雖然冇花生醬係中層，但我食到淡淡既檸檬青香，唔知佢係點樣融入去既呢油菜可以揀生菜或者菜芯，大大匙蠔油車落去配合新鮮菜，唔夠仲可以再加，正另外我頗喜歡店家個辣椒油，佢地話係祖傳DIY用十幾款材料整出黎，我用黎配合撈粗牛腩簡直無得頂，辣度出色但唔會停留好耐，大家一定要試!!…查看更多

六十年傳統手藝🇭🇰切腩🥩崩沙腩粉麵專門店🍜 高質港風味✨💯#sdm灣仔 #sdm銅鑼灣 #sdm小店 #sdm港式 💎 四寶撈粗 $72必食💯💯（😋：9/10）👍🏻：我嗌咗粗麵、雲吞、墨魚丸、牛丸、炆腩我會話 好食！真係每樣餸都above average😍😍 個人計最鍾意就係炆腩，炆得又腍又入味👅👎🏿：。💎 淨切腩四寶 $180必食💯💯（😋：9/10）👍🏻：四寶係切腩、魚蛋魚片、牛丸、雲吞，所以總共係有5樣嘢🤭勁豐富🤩切腩真係好有口感🤤牛味香濃，同平時嗰啲牛腩，真係有分別的🥹 雖然貴，但我認為切腩 必須一試❣️👎🏿：。💎 酥炸魚皮 $26可以一試✅ （😋：7.5/10）👍🏻：每日新鮮製造，係外賣包裝🥡 要自己倒返落碟🤣份量都多嘅，兩個人，我哋食唔晒🙈👎🏿：💎 西多士 $28可以一試✅ （😋：7.5/10）👍🏻：估唔到呢到有咁厚嘅西多士食🤣🤣即刻嗌嚟試吓🤭係最傳統個隻，入面冇花生醬🥜 👎🏿：💎 油菜 $26正正常常👌🏻（😋：7/10）💎 特飲 鮮忌廉朱古力 $18正正常常👌🏻（😋：7/10）環境：8/10 服務：8/10 價錢：人均約 $80-100性價比：8/10📍廣麪子 (灣仔)灣仔大王東街2-4號安興大廈地舖可以 follow @sikdmeh_foodie 支持下我哋😙 每星期都會更新唔同餐廳🍽 帶大家喺香港周圍食💛#灣仔美食 #灣仔 Cafe #灣仔打卡cafe #灣仔樓上cafe #灣仔好去處 #灣仔黃店 #灣仔甜品 #灣仔 #香港美食 #香港 #香港小店 #香港黃店 #黃店Cafe #灣仔會展 #灣仔cafe #灣仔美食 #廣麵子…查看更多

平日夜晚黎，完全唔洗等。粉麵店黎講，座位唔錯。光猛乾淨。四寶撈粗：料非常足。麵彈牙，但覺得太咸，一定要撈啲湯食。魚蛋係新鮮唔彈嗰隻，但魚味幾出。黑椒牛丸好夠味，幾好味，大小亦剛好，但食到一粒細硬嘢(懷疑係骨)。牛腩竟然麻麻，肉都幾鞋。雲吞普通，雖然皮靚，但太淋。魚片頭正常。熱檸茶：係港式，但唔係極濃，反而鐘意，因為極濃會鞋口。總結：想去個粉麵店坐得舒服啲嘅，又唔貴嘅，呢間可以考慮，但一般就唔會專登黎食。…查看更多

今日嚟食一間非常有歷史嘅店舖，傳統50年味道，主打牛腩同埋不同嘅湯粉，約咗朋友嚟點多啲嘢食✅雲吞牛丸魚片三併河粉加腩汁 🍜 呢碗河粉湯底用腩汁燉得濃郁香滑，雲吞皮薄餡多，入口滑溜，牛丸彈牙有嚼勁，魚片新鮮鮮甜，每啖都帶出豐富層次，河粉吸飽腩汁，鹹香滿溢，食完好有滿足感。南乳豬手炆腩雙併撈粗麵 🍖 豬手經過長時間炆煮，肉質軟腍入味，南乳醬香氣濃郁帶點甘甜，配合燉得軟糯的腩肉，肥瘦均勻，每口都濃郁香滑。撈粗麵口感彈牙，吸附充分醬汁，拌勻後滋味無窮，好適合重口味朋友。蠔油菜芯 🥬 菜芯爽脆清甜，健康又開胃，係餐中清新解膩嘅好選擇。酥炸魚皮 🐟 炸到金黃酥脆嘅魚皮，質感輕脆好似薯片咁，調味鹹香夠味，係一道非常惹味嘅小食即炸雲吞 🥟 香脆嘅外皮包住熱辣多汁嘅餡料，炸過後更加香氣四溢，肉味濃郁又彈牙，入口即化，好啱一班人share嘅小食。…查看更多