廣東人小廚 (已搬遷)

之前位置在沙田河畔花園的，近期搬左去沙角大排檔，因為朋友生日就過去幫襯一下可能因為我地人多，所以服務上比較差(12人用一個爐，要吹兩三次先加大比我們)，食物上唔錯，可以火鍋或者爐端燒，到晚上老闆親自招呼先順返氣，味道可以，但不會再多過4人以上去幫襯…查看更多

睇完個飲食節目，覺得好得意，於是上網訂位 。晚上6：00到達，等了15分鐘，店員先話沒有爐子，需再等等15分鐘，於是我們等到6：55分才分配到爐子燒烤，驚喜1)聲稱10寸虎蝦$80只，來到只有7寸至8寸及沒有反應。2)和牛粒$68串，每串三小粒，每粒都非常煙韌。3)羊㗎$48件，食落口都不知食了什麼肉。4)沒有特別的茄子$48條。…查看更多

星期五一班同事揾炭爐打邊爐，揾到廣東人，睇埋facebook, 話有游水魚，又有得燒烤，即book. 放工就飛去. 去到7:30, 坐滿，但有游水魚欠奉，老細極推鮑魚同蝦。我地叫咗個沙爹鍋，嗰湯味道尚可，但不見出色。打邊爐點可以冇牛呢？ 小弟見餐牌有本地手切牛，睇嗰價HKD248係最貴嗰隻，應該好嘢! 跟手再點其他丸，菜，菇，脆脘，牛餐肉等。 一嚟嗰牛。。。中伏! 得 15片左右，冇花紋，似一早切定雪咗半日咁，味道似普通牛肉。性價比低。反而後嚟叫碟Hkd98牛粒好過佢，起碼有雪花，有牛脂香味。其他食物好一般。燒烤食品比較貴，除咗睇到人燒海鮮好似好一D, 其他好普通。不過，一班人飲下酒，又可燒下，洽下嘅地方唔多，老細亦好客， 亦不失為一個可選地方。…查看更多

之前去過河畔食過!e家左返沙角!。火鍋同燒烤同以前一樣咁出色!座位比以前少左!老闆同以前一樣咁熱情!但d火記就差好多:(:(:(:(:(!d海鮮好新鮮!我今晚叫左個主打火鍋、大眼雞煲超大條雞!仲有叫左茄子燒!好野味!仲有牛肉!好味a！…查看更多

蒜香骨沒有骨，完全就是炸豬排，肉沒有質地，落了過量鬆肉份，雪藏味太濃。。。問服務員該樣小菜是什麼，服務員話：我都唔知喎，你自己食下咪知囉！服務態度完全極差只怪自己沒有認真看清楚，原來餐廳轉手了，不是以前的餐廳，難怪客人不多只會用辣味粉來掩飾…查看更多

之前看見Facebook的廣告好像不錯，今晚，特地與家人前往嚐試。等了一會兒到有位，待應被告知沒有爐，要等爐，於是，我決定在等爐途中先喝啤酒與下單食物，以免想吃的食物賣光，等了一段時間終於有爐了，卻發現四個人結果只得個小爐，不能燒烤與火鍋同時進行，與店家交涉，店家承諾了給我更換，同一時間，先下單的七八樣燒烤食物，送來了三樣，於時決定邊吃邊等，結果等了求快三四十分鐘再問，店家卻告訴我忘掉了。當我告追問未上台的燒烤食物，才被告知落單了卻還未來的食物是賣光了。賣光了也沒告訴我……另外，店家燒烤用的是國內的蜂窩煤煤，不是碳，新點起的蜂窩煤，燃燒時溫度太高，煙霧也較大，對燒烤食物而言太高了，結果食物的外皮烤得焦掉了，內裡卻還未熟…一家人外膳，本該是一個一錯的時光，卻給這店家差劣的態度，與，不上道的料理方法攪得萬分不快。最後，我決定取消所有未上桌的食物，到別的地方再完成晚飯，以免再受這劣店的服務影響心情。…查看更多

$38一份蜆 叫左兩份 黎左12隻 大大聲話係1份黎 全場靜晒 咁即係6隻一份?咁即係$6一隻? 仲要細細隻$80 1隻10吋大虎蝦 個燒烤網一定無10吋 隻蝦可以完完全全擺上去而無突出黎救命 貨不對版  無10吋好心改過張餐單啦一條茄子居然要$48一條?  唔知價值何在?雞泡魚$58 一塊  一塊手掌既SIZE老闆既態度最誇張 你唔叫海鮮之類既食物 佢彩你都有味呀 完全白眼看待 由得你燒燶 不過你被我揀我都唔想佢過黎幫我燒呀佢誇張到用我地個爐燒埋野食俾佢果班所謂既熟客而事先完成無通知一聲總之呢間野唔會再幫襯  亦希望對呢間野有興趣既人去之前三思…查看更多

在晧熱既天氣去大批檔食飯，係幾辛苦既事！不過朋友約咗就去啦！廣東人小厨幾難揾！原來位置就係沙田圍馬鐵站馬路對面直行見屋村，又見七五九右邊就係！仲係同泰城美食隔離！大批檔內舖頭很細！坐位不多！我哋就叫咗沙拉骨～外面脆脆的，面頭舖上沙律醬！賣相精緻！咬落去肉質唔錯！另外一個係：燒茄子～茄子很大個，下面連皮燒得香香的，一陣陣香氧茄子切開放有蒜蓉 、葱、菇菌、冬菇絲、紅椒絲、肉碎……等！加上甜鼓油！更能使味道更好！…查看更多

第一次打食評，因為尋晚真係食得好開心，所以上黎介紹大家去食！之前係沙田河畔個邊食過廣東人小廚既炭爐燒好好味所以覆綽，之後搬咗去葵涌而家搬返黎沙田！原來只係搬咗幾日姐，而家係沙角村冬菇亭，有埋小菜。由於只係搬咗黎幾日老闆話未準備好，只有一張枱係可以做到炭爐燒，而且menu上D料唔齊，所以老細介紹咗好多現有的新鮮食材俾我地食，原來老細每日都會自已去買新鮮海鮮架：）！坐低未點野食先叫咗啤酒，好令人懷念既戰鬥碗呀！老細幫我地SET好炭爐，就幫我地燒咗個茄子俾我地醫咗肚先，加了牛油 蒜容 醬油 等 燒得啱啱好，有辣有唔辣，同比大陸燒個D好味好多，唔會淨係孜然粉味！正確步驟係打完邊爐先燒烤既（個邊爐冇影到，將個砂煲放係炭爐上），老細話聖子王啱啱落機（唔記得係蘇格蘭定英格蘭？原來打編食評咁難又要記價錢又要記名），好新鮮，未切上切擺上碟之前係識郁架，超大條，用黎打邊爐超鮮味，未食過咁好食又咁大條的聖子！！太好味，黎多碟，老細燒，不得了，老細加咗WASABI仲好味！！！好似好誇張但真心好好味扇貝，燒！老細好即興，有咩調味料就用咩，有加黃芥茉版，有紅酒版，我同事話紅酒版好好味，我食黃芥茉，原來同D醬油 蒜容好夾，平時覺得熟食的貝是不好吃的，但老細控制火候係世界級，呢個D肉係嫩的！然後黎咗碟牛，同一條斑（長過女仔一個手臂），係打邊爐的！冇介紹湯底添，係蕃茄薯仔牛柳粒，牛柳粒都係好野黎架，要係老之前食咗佢！碟牛同斑都冇影相。碟牛同出面打邊爐D牛係唔同，雪花好靚，食完個口仲有陣牛味；斑冇影相係我地錯！！！好大條，邊有人用斑打邊爐咁奢栘！呢條斑邊一PART都咁好食咁滑！！新鮮！！又黎咗碟好似山既午餐肉，老細行開咗招呼第二枱熟客，我地放咗午餐肉係邊爐，老細返黎話係用黎燒！加黃芥茉燒，老細入既午餐肉絕不是下價料，因為好好味，D肉唔會又粉又散，估唔到午餐肉燒都咁好味跟住黎咗條元朗烏頭，老細拎咗一盤粗鹽，原來係鹽燒！好嫩呀！！成晚一邊食一邊飲，老細真係好搞笑好好玩，佢真係好好全程招呼我地咁好SERVICE！尋日30幾度，但有冷氣及風扇所以完全唔覺得熱既。我地等佢SETTLE好齊晒MENU D野食再去過！之前食過燒雞泡魚乾同埋火爐黑色墨丸超好食，但今次冇，期待下次！！…查看更多

想去呢間野食好耐啦，星期日終於同女朋友去左。火鍋同燒烤一齊食，感覺的確好新奇。點左幾樣都ok,燒烤食物不錯，只要自己留意唔好燒“濃”就好。燒完食物有燒火香味，非常好。重點一提，服務好得出奇！全程有人教要點燒，要點整，仲批埋粟米，撈埋牛油。食完好滿意。好好味，好滿足。但埋單就真係貴左d既。我諗多d人黎，share食會好d。…查看更多

行過聞到都覺得香，同班friend黎試試先! 炭爐燒烤，8成自己燒，店員都會幫手燒下。叫左幾十樣野，難以盡述。最深刻既:大眼雞 X 2 : 要encore因為鹽燒太正! 成層鹽倒係條魚外面，燒完剝皮，魚肉多汁，滑!蜆 X 5 : 一定要加水燒，熟左都KEEP住D汁，鮮。茄子 X 2: 自己燒左隻，好麻麻。呢個時候，高手出現!!! 佢就係店員高佬，顧名思義，高佬一名。條茄子燒得好有大陸街邊風味，正! 有時間可以同高佬吹下水，佢都幾風趣。豆卜 X 10: 燒到卜卜脆。蕃薯 X 2: 又係高佬傑作，當係甜品食，食完滿足晒。　其他廿幾樣野包括腸仔、雞翼、菇等等普通野啦。好唔好食視乎閣下功力。呢度有樣好就係各樣調味料有齊，孜然粉、黑椒、七味粉、鹽、蜜糖，乜都有。自己唔識燒就要摸住石頭過河甘，自己探索下。都幾好玩既。呢度可以一炭爐兩食，可以只係燒野食，或者加個爐打邊爐都得。我地剩係燒都飽飽。埋單，千幾蚊五個人，瘋狂甘食，算係甘。價錢一般，風味一流。值得一試。…查看更多