67
1
1
港鐵油麻地站 C 出口, 步行約2分鐘 繼續閱讀
電話號碼
59666989
營業時間
今日營業
18:00 - 23:00
星期一至日
18:00 - 23:00
付款方式
現金
食評 (71)
等級4 2020-12-17
598 瀏覽
之前遊客多,廟街對我黎講無咩特別,知道有💛小食,依家又少左人行,可以去啦。我錯,光顧呢日你以為無人排,其實係因為有2x張外賣單整緊,店得兩個人,接唔切。周圍逛下返黎都係未整到,如果真係想幫襯又趕時間,一定要問得唔得先。種類唔算好多,鐵板爆同玉子類就係呢啲,主廚又好似係得一個。鐵板一口黑毛豬粒,40元,見到係鐵板上燒嘅一刻好治癒,豬幾juicy,幾有風味。特別一定要推介係呢個,流心芝士玉子燒,30元。超級豐富,芝士俾到足,每啖蛋味芝士味仲有三文魚籽都勁好食,唔乾,係勁juicy,每啖係追。 繼續閱讀
(以上食評乃用戶個人意見 , 並不代表OpenRice之觀點。)
📍廟街玉子燒Tamagoyaki📍油麻地廟街30-34號地下B4號舖#良心外賣 #港式 #小食店 #黃店——🌟🌟第一次食:玉子燒($30)+細盒($40)⬇️⬇️⬇️1. 流心芝士玉子燒🧀($30)兩個人食輕鬆食晒!喜歡吃玉子的人必吃!2. 鐵板大魷魚鬚🐙($20)有4-5條大大條,肉汁惹味,一定要吃!3. 鐵板雞軟骨🐣($20)鍾意食雞軟骨嘅人都會好鍾意食!haha——🌟🌟第二次食:$100三權分立餐(玉子燒+大盒)⬇️⬇️⬇️1. 明太子芝士玉子燒🍳($40)前一日食咗流心芝士玉子燒,同今日嗰個冇咩分別haha!都好吃!2. 鐵板大魷魚鬚🐙($20)大盒同細盒都係4-5條,爽口彈牙,非常吸引!3. 一口牛粒🥩($20)諗起台灣夜市,很高質!4. 燒汁豚肉🍖($20)店長話呢個好正!真係好正!👍🏻👍🏻👍🏻|大盒同細盒差唔多份量,表示第一次嘅食法會抵d!🥰——人均消費:50 HKD(小吃)|好味指數:🍔🍔🍔🍔🍔環境舒適:🍔🍔🍔🍔🫓考慮再吃:🍔🍔🍔🍔🍔 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-27
12 瀏覽
之前係十五十六左好耐,到底試吾試呢間玉子燒好。因為驚吾抵食。🙈因為今次路過,而且聞到好香魷魚味。🦑於是就決定買個流心芝士玉子燒($30)黎食。😹點知有驚喜!🥺首先,佢係即叫即整熱辣辣!🤪其次,個玉子燒入面係有拉絲芝士。因為我係即刻開黎食,所以就拉到絲。如果你係外賣攞走,可能會攤凍左,拉吾到絲。🥴同埋,佢地蟹籽都比得幾多,食落啖啖都有蟹籽。😋嫩滑芝士玉子燒加埋沙律醬同蟹籽,仲有鰹魚碎,點會吾好食?🤷🏻‍♀️同埋食食下竟然會食到有條蟹柳。😛真係夠曬驚喜。不過女店員服務態度有改善既空間。🙏🏻吾好迫人地攞起個油林林既餐牌點餐。(點餐要用Marker 麥克筆 去圈餐牌上面自己想食既野)😹 繼續閱讀
(以上食評乃用戶個人意見 , 並不代表OpenRice之觀點。)
等級2 2021-04-20
34 瀏覽
放工搵宵夜食, 知道廟街有間食玉子燒, 就即刻去試下。可能因為放工時間, 2次去都冇咩客等, 正!流心芝士玉子燒 ($30) + 韓國蟹膏醬 ($10)玉子燒即叫即整, 所以拎到上手熱辣辣, 味道好食, 我地仲加左$10韓國蟹膏醬, 味道更昇華, 但因為主要都係中間, 所以如果邊邊都有既話就更好。佢地仲有個三權分立餐, 好抵食, 如果有肚既話都會試。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-19
32 瀏覽
要數其中一樣最喜愛的食品,雞蛋必定榜上有名無論烚蛋煎蛋🍳炒蛋蒸蛋,只要是蛋料理都是心頭好之一,來自日本🇯🇵的蛋料理名物:玉子燒也不例外流心芝士玉子燒 $30(每款配料另加$10)店家的玉子燒除了原味外,還可加錢💰外購其他配料:明太子、日式叉燒、黑松露、海膽醬等等一共8款,迎合不同客人的需要這次點選了最原始的味道:蛋 + 芝士🧀 + 蟹籽,全部即叫即做,保證新鮮👍🏻份量比想像中還要大,食量不大的女生吃畢或許可以當為一餐用上蛋味十足的日本蛋🥚,蛋煎得剛好又挺身,能夠保持蛋汁亦不會過份鬆散,廿感軟綿,蛋味亦算濃郁芝士切開能呈現拉絲狀🤩,由於選用水牛芝士故此芝士味偏淡口店家還配上🦀蟹籽、沙律醬和木魚,增加口感之餘亦提升味道的層次,整體味道不俗店家只營外賣,故此打算堂食的話實在抱歉未能如願🙇🏻‍♀️而且店家的營業時間由晚上開始,想光顧的朋友記緊留意💁🏻‍♀️如果覺得只吃玉子燒有點單調,可以另點大阪燒跟鐵板小食等食物,當中以魷魚🦑鬚最受歡迎,也可以選購「三權分立餐」一次過嚐遍多款食物,與朋友一同happy share😋 繼續閱讀
(以上食評乃用戶個人意見 , 並不代表OpenRice之觀點。)