51
9
3
港鐵旺角站 A2 出口, 步行約2分鐘 繼續閱讀
電話號碼
25612633
60272618
開飯介紹
「廚尊」位於市建局保育及活化項目「618 上海街」,以大排檔的形式提供餐飲服務,是由新加坡的社會企業Project Dignity所營辦,其社會使命是幫助香港弱勢群體在職的需要,給予他們能自力更生的「尊嚴」。 繼續閱讀
營業時間
今日營業
全日休息
星期一至四
10:00 - 21:00
星期五至六
10:00 - 22:00
星期日
全日休息
付款方式
現金 八達通
其他資料
Wi-Fi
外賣服務 詳細介紹
加一服務費
電視播放
招牌菜
叻沙蝦麵/鷄麵 海南雞飯 鮮油咖央多士 新加坡水果沙津 南洋咖啡 斑蘭蛋糕
食評 (76)
等級4 2021-04-15
1812 瀏覽
廚尊係一間新加坡過江龍嘅社會企業請左唔少殘疾人士等佢哋可以自力更生覺得好有意義所以決定黎支持下🥰🌟椰漿飯(乾咖哩牛肉)($72)比想像中嘅乾咖哩油同濕🤔不過食落去都幾香咖哩香料味而且唔辣 啱晒唔食得辣嘅人辣椒香料醬分開放碟邊可以按個人口味加落去牛肉同蔬菜份量多 仲有啲花生魚乾同啲甜甜地嘅椰漿飯食幾夾不過嗰飯椰漿味唔夠出🌟新加坡炒蘿蔔糕($62)炒蘿蔔糕加左蛋一齊炒炒到脆卜卜 外脆內軟嗰炒蘿蔔糕可以選擇辣度 有唔辣小辣同加辣不過叫左小辣都覺得好辣🌶🌶🌶唔食得辣嘅朋友建議叫走辣🌟叻沙蝦($65)面頭好多辣椒同嗰湯好紅但食落去只係微辣😳同埋嗰湯有啲淡唔識欣賞不過要讚吓係用左新鮮蝦🦐所以肉質鮮甜同夠爽🌟恐龍美祿(跟餐+$15)嗰美祿底夠晒濃而且有勁多美祿粉🦖啲冰溶哂都好夠味啱晒鐘意濃味嘅朋友😜🌟班蘭蛋糕($25)班蘭味好香 而且唔係好甜如果大件啲就更好🌟奧利奧馬芬($18)除左面頭塊oreo之外其他似朱古力蛋糕味多過似oreo而且好細件 2個人share覺得唔夠食-依度裝修到好似新加坡大排檔咁落完單就去返唔同嘅檔口攞野食好有去旅行🇸🇬嘅感覺😆可能我重口味覺得呢度啲嘢食味道偏淡不過價錢係旺角黎講合理服務員亦非常有禮貌大家都可以多多支持佢地😁 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-07
7855 瀏覽
今次再逛上海街「618」,由於是閒日,人流稀少,瀏覽十分舒適。午餐在二樓「廚尊」,佔地二樓全層,快餐廳式,先購買,後自取食品。我們選擇如下:主餐:金沙骨蝦麵,飲品:熱南洋咖啡走糖少甜,小食:咖央多士、甜品:摩摩喳喳。多士夾著一片厚牛油與咖央醬,挺美味的!金沙骨蝦麵,先嘗一口麵湯,味道不錯,香而不鹹。金沙骨賣相像煲湯排骨,肉味香濃,肉質腍滑,白灼蝦也鮮甜冇黑腸,首次同時嘗米粉與線麵,幾特別!熱南洋咖啡走糖少甜,甜度剛好,師傅拉茶手藝令我回憶起在大馬旅遊,欣賞馬拉師傅表演拉茶功夫。摩摩喳喳很重椰奶香甜,幾顆綠色的丸子,是口感煙煙靭靭的粉團,還有大大粒的南瓜與竽頭,有嚼勁口感!小賣部「廚尊」是由新加坡的社會企業Project Dignity所營辦,提供餐飲服務,其社會使命是幫助香港弱勢群體在職的需要,給予他們能自力更生的「尊嚴」。我的餐後感,餐飲水凖、服務都不錯,支持社企、傷健共融。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-10
0 瀏覽
最近真的感受到生活不易, 生活之苦, 有時真的有點氣餒. 來到廚尊這社企餐廳, 老土點來說是有點Cheer Up的, 這餐廳鼓勵我的不只是見到有更多比我生活更苦的人, 在努力地活得有意義, 更重要是員工的工作態度, 不是要我們去憐憫他們, 而是告訴我們這些給餐廳能做得出比其他餐廳更好的美食, 用美食去打動我們的心態和行動.廚尊是星加坡的社企, 以星加坡的熟食中心模式去營運社企餐廳, 內裏有一個個攤擋, 排檔裏的員工處理不同的星加坡著名菜式. 當中的喇沙和海南雞飯絕對不比樓下的某連鎖馬來菜餐廳遜色. 喇沙除了椰奶味香濃外, 其乾辣椒絲辣味徐徐滲出, 有辣香但不會刺激得破壞湯底的味道, 咖喱膽色香味俱全, 再配上口感嫩滑的海南雞件, 誰說傷健人士會比”普通人”做得差. 海南雞飯同樣做得很不錯, 除了雞肉的質素外, 飯的油香度和口感同樣恰到好處, 不會太油也不會過於軟糯, 雞湯品嚐得出是由雞骨熬製製成, 比起味精上湯來得有良心得多.甜品的班蘭蛋糕和咖吔多士很有星加坡的味道, 不是平時在香港吃到的感覺. 前者口感比一般的實在, 班蘭香氣濃郁; 後者烤得剛好, 外面焦脆, 內裡的咖吔醬添加了班蘭, 香甜而不死甜, 的確做到以食物質素而非出於同情心, 去吸引食客的胃. 繼續閱讀
(以上食評乃用戶個人意見 , 並不代表OpenRice之觀點。)
等級2 2021-05-31
80 瀏覽
2021年5月27日 晴今晚去左旺角, 去左一間之前話想試但又試唔到ge 餐廳。一去到, 餐廳冷氣好足夠, 地方乾淨, 設計到好似好多大排檔咁, 幾得意。行到1 號檔個人好熱情咁推介佢地ge 瓦煲飯好多人中意食, 話新出ge 肉骨茶都好好食, 叫我地記得試🤣既然咁熱情推介點都要試下ge。俾錢counter 係入口個到, 大家記得要用8達通俾錢喔俾完錢個人會同你講去邊檔拎野食, 聽唔切都唔緊要, 張單上面都有野咩食物要去邊檔拎, 幾特別啊我地叫左呢個咖央多士, 好邪惡啊滿滿的咖央醬+大大塊牛油, 個面包仲烘到好脆, 好出色!!!😋😋😋呢個咖喱雞椰漿飯都唔錯, 個飯聞落都有椰漿味, 但食落就唔太重味, 佢個紅醬會有少少辣, 唔食得辣ge 朋友要注意la, 但都唔會話辣到食唔到ge。 個雞呢, 係雞脾, 都幾大隻, 仲有兩大舊薯仔。但就唔算好特別, 冇印度個d 咖喱咁重香料味, 整體黎講覺得正正常常la。野飲方面呢, 點餐個陣會主動問你要唔要少冰少甜個d, 幾好。美䘵恐龍好夠味, 但個玫瑰露我就覺得有d 重玫瑰香精, 唔太喜歡個味。到我最期待ge 瓦煲飯la! 叫左臘腸雞飯😚 一打香, 香噴噴, 成個煲d 餸擺得好靚, 條菜好翠綠。舊雞一食,wow 有驚喜喎。 醃得好夠味,仲好香花雕酒味,good good 🥰🥰🥰 條臘腸係帶點甜味ge 臘腸黎, 唔錯。食到底佢有飯焦,正! 果然冇介紹錯啊!🤤🤤🤤呢到唔太多人,如果諗唔到食咩ge 可以係一個唔錯ge 選擇,但佢就早dd 關門,要留意返🤫 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-30
0 瀏覽
平時一直好支持NGO, 有間咁就腳嘅冇理由唔幫襯!有點餐機自助點餐, 跟住每樣食物都有唔同corner, 記得睇返自己嘅食咩飲咩去啱嘅櫃位攞餐la~🥘叻沙雞 $65呢個真係性價比好高, 因為真係足料. 即使係冰鮮蝦都好好味. 個湯我真係好中意, 濃得嚟又唔係死鹹. 推薦!🥤凍奶茶 $23多茶少奶, 係我中意嘅奶茶~🍰班蘭蛋糕 $25真!係!好!好!食! 微甜好鬆軟, 真係好啱我呢啲唔係好食甜嘢嘅人. 當時真係有衝動食多件. 繼續閱讀
(以上食評乃用戶個人意見 , 並不代表OpenRice之觀點。)