廚尊士多

24-8-2025（Sun）晏晝，同老公喺朗豪坊馬莎買完嘢，過嚟呢邊地下坐低飲啖水先，老公話要食嘢，我就飽嘞，唔食，佢記起呢喥有間以課堂為主題，我哋幫趁過嘅茶餐廳～阿銀冰室 （ https://s.openrice.com/QrbS0QmuA00~ukrQAAA，食評係2020年5月4日提交嘅呢篇：https://s.openrice.com/QrbT09gmu00~ukrQAAA），佢睇睇水牌，發現冇咗，而我哋幾年前幫趁過，經營新加坡菜嘅呢間社企仍在（食評係2020年5月16日提交嘅呢篇：https://www.openrice.com/zh/hongkong/review/%E6%94%AF%E6%8C%81%E9%82%84%E6%94%AF%E6%8C%81-%E4%BD%86%E8%A6%81%E5%8A%A0%E6%B2%B9-e3723152），於是走嚟。我哋嚟到搵位，見到有位老人家喺喥彈琴，令氣氛熱鬧啲，搵到位後，老公就去買嘢食，返到嚟時，後面一個店員拎住杯凍飲嚟。杯嘢係買嘢食加$7.00嘅凍班蘭香茅茶，兩者味道都飲到，又唔太甜，都舒服嘅。3分老公用$75.00買嘅新加坡粉粿條少辣，要等9分鐘至有，擺喺喥時我就嗅到炒嘢嘅香味，好耐冇嗅到啦，應該係夠鑊氣啩，我食少少，呢個除咗粿條外，重有麵條，配料有切成條嘅魚片，臘腸，蝦仁，炒蛋，芽菜，同菜，食落，係有少少辣，唔鹹，有啲鑊氣，唔差嘅。5分抵食係2.7分…查看更多

為咗我喜愛嘅新加坡菜第一次寫評，廚尊係一間支持有特別需要嘅人就業而開嘅社企，為佢哋提供餐飲訓練及就業機會。 食物相當正宗新加坡風味，店員服務親切友善，空間舒適，最近已經成為我經過就會去食嘅地方。 叻沙香濃，午餐跟飲品，另外亦有下午茶餐供應，更有香港少有嘅Rojak， 之前食過斑蘭蛋糕質地鬆軟有蛋香。食物正宗好食之餘，又可以支持社會共融，擁有一份工作意味著獨立、尊嚴同社會融入，店員不但能夠學習實用技能，仲可以建立自信，改善生活質素。…查看更多

真心覺得是間很值得好評的社企餐廳。最初想來都是想支持下社企，試完之後你不會再有這個想法，下次再來是因為這裹的野食好味。餐廳地方好寬躺，人唔多，員工有禮貌。叫了個馬來咖哩牛椰漿飯套餐，牛肉份量不少，夠淋，個汁好味，還有一隻蛋，魚仔乾、炸花生、青瓜和少少酸菜，酸菜尤其好味，酸甜適中，椰槳飯有淡淡的椰漿味，不太濃，不是好濕的那種。個湯好多料，有豆卜，蔬菜。飲品轉特飲美祿恐龍都只是加7蚊，成餐總共七十幾蚊。…查看更多

一間值得支持的良心企業，主打多款新加坡菜式，如金沙骨蝦麵，叻沙摻摻、臘腸雞粒瓦煲飯、咖哩角，咖央多士等，另外小店的環境亦同樣特別，走香港懷舊風裝修。此外，廚尊亦專門聘請特殊人士當員工，因此所有出品都好有意義和充滿心機，值得支持！…查看更多

🍽️食物方面： 🍚豆豉排骨瓦煲飯💲68 多肉多菜配紅椒 少量飯焦🦐蝦叻沙💲68有魚片豆卜 重香料味偏辣 要斟水溝🐤海南雞飯💲77雞薄身 配辣菠蘿幾得意 飯有啲乾 好多湯料🧈咖央牛油多士💲28 烘得啱啱好 醬可以買走🍰班蘭蛋糕💲28軟綿綿 再濃味啲就好跟餐嘢飲🌹玫瑰露💲7 粉紅色 荔枝味+亞麻籽🌿香茅班蘭茶💲7草本香味🍋‍🟩青檸桔話梅水💲7開胃夠酸📷打卡方面：有snoopy牌 牆畫🔈環境方面： 新加坡大排檔feel 任坐 無收切餅費請殘疾人士 講解仔細 分區域拎嘢食自助斟水 賣咖啡粉🍪📚愛心書券有得包場 招義工派飯 詳情睇ig💬其他資訊：廚尊 📍旺角上海街618號2樓💰Total💲290, 人均💲73…查看更多