廚十三老壇酸菜魚 (彩明商場) (已結業)

本來都唔想寫評價，但係半年來俾咗三次機會呢間野，每一次d魚都係極多骨，完全唔明個廚師點樣起骨。第二間酸菜魚就啖啖肉，呢間酸菜魚就咁啖啖骨。唔會再俾機會佢，極度失望。

因为我对鱼要求很高怕踩雷就点了一个凉粉和一个牛肉。牛肉还不错，很入味分量也很多；凉粉一言难尽……38hkd的东西还不如我淘宝5rmb买的速食好吃😅辣油跟醋只包裹了凉粉表层，完全不入味😅😅可以说我在香港吃了这么多家川菜最拉胯的

好耐冇遇到一間令我一路食一路要打…負評既餐廳！我最近搬左去調景嶺站附近一直都知呢頭附近冇咩野好食咁岩見到呢間野竟然有7個圖案俾次機會大家試下好冇食點知唔試猶是可，一試把鬼火！俾大家睇吓上碟個碗麵係點先，留意番第一張相 正正常常咁之後就開始嚟料啦酸菜魚米線入邊有五嚿大大舊豆腐我當你想索味都唔洗5大舊掛重點係蓮藕！入面有三片 試咗一啖蓮藕難食到嘔！完全唔夾味道 蓮藕同酸菜魚根本唔夾！無下次！ 唔會再嚟幫襯🤬😡🤬😡！$80我都嫌俾多！重點睇住啲夥計戴住藍色手套收污糟食過既碗碟然後用返同一隻手套去攞客人要食碗碟上菜衛生情況….不敢評議…

岩岩開果時，冇午市套餐呢個menus，酸菜魚個湯底普通，但分量算足料。Lunch menus 有多d選擇，叫左藤椒魚，如果叫米線夾起上黎會好易夾到碎碎湯料（渣？） 花椒之類，食起上黎麻煩，所以配飯好d。Lunch 黎講，個set 分量都好夠，個湯麻香都好開胃。魚肉唔算好鮮香，但嫩滑，無咩魚骨。配菜有少量金菇。小食個價錢偏貴，分量亦唔算多。點餐系統有代改善，禁完送出，個系統叫你付款，無顯示落單成功，幾台人客都要另外再問問職員confirm。職員態度都友善，用餐環境舒適。

我嗰日咁啱去咗彩明，中午周圍搵嘢食，想食間平啲，又健康嘅午餐。當時見到哩間超GOOD嘅店。->服務👍👍👍👍👍店員姐姐服務態度好好，佢問我食咩，我當時都未諗到，而且我唔係好食得辣，佢就推薦我酸菜魚，又介紹我其他唔辣嘅餐，成個感覺好舒服，唔會俾人好急嘅感覺。 ->味道👍👍👍👍👍味道超好，魚片好滑and then 唔會腥。 ✨->超抵食👍👍👍👍👍好大個碗，魚嘅量都好足✨（我因為哩間店，後來有段時間愛上酸菜魚，都去做唔同嘅店鋪食，但係都好孤寒）食完超飽，人均都係$50幾-$60幾（有學生價，只要有stu. id就可以啦）環境都so good，坐得好舒服😌

今晚嚟試新開無耐，係屋企樓下嘅酸菜魚🤔我未食過呢間，食完就感覺還好😐環境唔錯，裝修幾有新潮嘅感覺。由於係用手機落單，同員工都無乜交流，但有幾次想搵人幫手，問下同餐點有關嘅問題，啲員工都比較cool，食物送到都係放低就走😅食物方面，今晚叫咗小麻小辣酸菜魚加一碟泡椒鳳爪同土豆絲！🤤先講小食，先嚟嘅係冷盤鳳爪，不過不失，鳳爪都浸透哂椒味，但係一隻鳳爪砍開幾舊咁上碟，一碟計計埋埋都係3-4隻完整鳳爪，份量可圈可點。再嚟係熱食青椒土豆絲，味道小麻不辣，但係入口有陣未熟透嘅生薯仔味道，好彩成碟夠熱，最後焗返熟啲未熟嘅土豆絲，但係成碟土豆絲嚟講，油份同水份太多，浸到土豆絲無咁陣青椒味，只得咸味🤔最後就係酸菜魚，3人份量盛惠HKD$328😌但係配菜竟然要另加。岀面普遍一份酸菜魚都好似會有寬粉等等基本配菜，最少都有人頭份量，但係呢間無😧要另加$28先有，成個套餐真係仲有進步空間。

對上一次同閨蜜開開心心到深圳食酸菜魚，已經是三年多前的事！一直都未能喺香港搵到一間正宗嘅酸菜魚專門店。今日經過將軍澳，竟然發現有一間看似十分正宗嘅酸菜魚專門店，看看餐牌主要都是酸菜魚菜式，沒有太多其他花巧的菜式，所以就決定比一次機會試試。餐牌簡單易明，菜式不算十分多，但是配菜也有很多選擇。由於我哋一行三人，就點了一個老壇酸菜魚，小份2位用。我們其中一位友人不能吃太辣，所以另外點了兩個小食。上菜時看到酸菜魚的份量，不禁令我嘩然！足足可以遮蓋桌子的八成，份量之大，很難相信是2人份量！酸菜味道適中，不會太鹹太辣，魚湯味濃，魚肉新鮮，我哋另點了午餐肉丶寛粉等配菜，單單只係吃這個已經大滿足很飽！手撕雞雞肉嫩滑丶青瓜爽脆丶調味醬汁多而香濃，份量不少，似是一味小菜多過似小食。蔥油撈豬肚份量看似不多，但當中的配菜不多，所以豬肚份量不少，濃濃的香蔥香菜，令胃口大增！值得encore，下次必定帶同閨蜜一齊來試試！

呢一間酸菜魚幾出名😋，見將軍澳都開左新分店就去試下啦🥳老壇酸菜魚(大份) $328黎呢度必定要叫嘅酸菜魚🌟，真係好大份好震撼，我地三個人食好夠食，湯底方面好濃郁酸菜味😜，就咁飲或者用黎配白飯食都一流，揀左小辣都唔會太辣，魚肉方面超級滑又無骨😎，而且份量方面都好充足😛麻辣牛碾 $88牛碾口感一流夠霖，麻辣味好香口夠晒惹味😚白灼菜心 $28菜心好靚完全無渣，而且又唔會太霖👍酸梅湯 $18酸酸甜甜用黎解辣就啱晒🤪

好豐富的一餐！埋單才$400左右！超抵食很久沒有食酸菜魚了，朋友帶路下去了調景嶺站附近的廚十三老壇酸菜魚食晚飯 裝修走型格路線 平日嘅夜晚人唔算多人，空間感十足！店員親切友善。食物主打係酸菜魚 點酸菜魚可以另外再點些配料令口感更豐富 多款小菜涼菜，價錢不貴，都係幾十蚊有交易的東西！要飲品有一般嘅汽水同埋啤酒 老壇酸菜魚小份$198下單後食物即叫即整，魚肉份量都幾多下 魚片用上鱸魚，沒有骨！！酸菜魚仲可以叫走辣！小朋友都安心食用 裏面有好多種配料！配料包括酸菜、薑片、辣椒、豆腐、豆皮、芽菜、金菇菜等！我哋另外加咗一份宽粉 湯底帶酸和微辣，味道好有層次，即叫即整，上檯嘅時候還是冒煙的！我哋點嘅係二人份量其實份量都幾多下 蔥油撈豬肚$88豬肚口感柔軟，配上大量蔥油！食起嚟沒有任何內臟的羶味！蔥油嘅清香令人食指大動 麻辣牛展$88 牛展切得薄薄，非常之入味！而且配上大量香料，牛展十分軟淋微辣香勁十足非常好下飯

昨天去將軍澳，經過彩明商場，見到間門口寫住酸菜魚，已經忍唔住，走入去，因為好耐冇食😁餐廳裝修好有特色，座位寬闊，店員很有禮貌👍唔使講，一定要叫個酸菜魚，仲要係大份，等咗一陣，店員未送到嚟，已經聞到酸菜魚香味，賣相已經係滿分，有兩個魚頭，問咗店員，原來係用兩條魚鱸魚，師傅刀工一流，好厚切，食落又好少骨，啖啖肉，又彈牙，證明條魚好新鮮，加埋啖酸菜湯，少少辣，又有花椒和其他香料，真係好夾，簡直係天衣無縫👏👍跟住又叫了一個麻辣呠呠雞，麻辣湯底浸住有：鵪鶉蛋串，萵筍串，鳳爪串，牛腱串，牛肚串，牛柏葉串，雞腎串，辣到適中，食完一串又一串，真係過癮😄刀拍前男友，原來係刀拍青瓜，個名改得幾特別😂，青瓜好爽脆，不錯的涼拌 😊老虎椒愛鬆花蛋，都值得一試😋最後還叫了一杯酸梅湯，消下滯，呢餐好完美💯

魚怪前一日自己煎完魚，又心思思想食魚，見到依間新開嘅川菜，就抱住試一試嘅心態。一入餐廳，環境唔錯，乾淨整潔，坐得都舒服，張枱大張，呢樣緊要，唔會無位放食物，好易倒瀉。服務員好熱情，會主動推薦新品，見到無水都會主動幫手添水。兩個人食，叫作豬肚、砵砵雞同酸菜魚，酸菜魚入味，滑身是常識吧！同埋唔會一夾就散，有配豆腐金菇，再追加寬粉，湯好送飯，砵砵雞有驚喜，爽口入味，藤椒味特別推薦，可能係第一次食，入口冰陣陣好特別。香味足，豬肚都爽口，蒜頭同香菜嘅香味好濃，好開胃

未食過老壇酸菜魚，今天係第一次吃，不知味道如何，所以由午餐幫襯（試食)先，午餐 ：酸菜魚湯 配米線／配白飯 ，價錢HK$68 及加一服務費。一坐低，桌上已有一壺茶，便倒了杯茶黎飲，淡淡的味道，唔知係嘜野茶，但我喜歡，過咗一陣，上菜喇，嘩！好大的一碗酸菜魚湯米線呀，好多件魚片呢，滑滑的很好味呀！原來酸菜魚是這個味道，湯底我只點了BB辣及少麻，除咗酸菜同魚仲有D配菜，有豆腐、金菇、蓮藕，每樣都有幾件，對於我已經足夠，個湯仲好好飲呀，喜歡花椒的味道，咬咬咬好有風味呢，米線好彈牙，而酸菜的味道偏向咸酸味，和出面的酸菜以甜酸為主不同，下次想配飯食😋。

今晚同男友屋企人係呢頭附近食晚餐嚟咗呢間新餐廳試下入座後睇下餐牌，食物嘅選擇得好少於是就叫咗呢度唯一嘅招牌菜老壇酸菜魚一齊share 食嚟到都幾大份，先試一啖湯，十級鹹😨再食其他配料，豆腐、木耳、芽菜全部淡而無味魚份量相對較少，食落滑嫩但一樣無味整碟酸菜魚只靠湯的死鹹味而其他配料都無調味，從未試過咁難食整體食物質素好差，而且食物款式選擇少環境同服務都正常只能說如果你對食物味道冇要求只求一餐飽肚，都可以入嚟食

本身想叫一份二人酸菜魚食，點知屋企人話唔好叫好細份，咁…我地就放棄啦！叫涼伴，點知個涼伴麻辣牛𦟌份量小到半盒都冇，88蚊呀，又細塊，完全唔值呢個價，味道唔再講，好一般，仲有個十三涼粉，一打開就見到有一條透明膠紙嘅物體，心情真係唔得，好垃圾，下次唔會再幫襯囉

和其他分店相比，食品賣相不行。晚上入座不到三十分鐘已被要求先賣單。吃了三百多元，不是白坐的。工作上，高級的人員不時單打低級的侍應。氣氛很不好。感覺是用管理茶餐廳的方法來管理餐館。短期內不會去了，還是去其他分店吧。