廉記冰室

營業中

休息中

第一次黎食叫左個早餐雪菜肉絲米加菠蘿包加凍啡整體食物質素都唔錯環境夠大開揚雖然真係有啲舊但堂食感覺尚算舒適個別職員服務質素一般可以再有改善空間如果住附近既話我會再黎食

返工放早，趁有太陽就出去散個步由科學園行去大埔。到咗廣福邨，見又未過下午茶時間，醒起附近有間茶餐廳好耐冇食過就過嚟食番個下午茶。屋村嚟講，呢間茶餐廳都比較大，下午茶又唔算多人，唔太嘈，座位係幾闊落，hea就ok但係就闊落得滯，食嘢嘅時候要傾前少少食有啲攰。因為晏所以出到嚟就焗雞扒飯，茄汁底偏酸但都幾開胃。芝士都幾有誠意落得幾多又拉到絲。同埋下午茶焗飯都配炒飯底，其實真係唔差。塊雞扒雖然得一塊，但係都幾夠厚。不過杯凍檸茶就細杯啲，唔係好夠飲。

間嘢越嚟越難食！佢佢啦服務態度差，有得揀都唔會再食佢！凍飲冇味，似冰水！！，沙嗲牛肉麵牛肉韌，好鹹😓座位地下黐立立，冷氣機仲滴水！算啦，冇下次😪！！！！！！

我記得喺灣仔幫襯過呢一間茶餐廳，印象中啲出品樣樣都唔錯，仲會排長龍，於是就安心入咗呢一間位於大埔嘅分店，點知就出咗事。因為唔想食粉麵，於是就叫咗菠蘿油，個菠蘿包嘅樣係唔錯，脹卜卜，夠牛油都幾厚，夠長惡，點知一摸上手就知賴嘢，個菠蘿包竟然係室溫，即係話舊牛油唔會溶下溶下咁樣，真係出晒事。呢個餐仲要好係$27 ，令到成件事嘅性價比降到超低，衰啲咁講，朝頭早時間求其去間麵包舖買個菠蘿包都有機會食到熱辣辣嘅包，反而喺茶餐廳食唔到，真係令人傷心。

想知一間茶記得唔得，食佢乾炒牛河就知咩料外賣就叫左個。。。點知得個樣，完全冇味😐😐$59唔係問題，但比D心機炒？連一個乾炒牛河都炒唔好。。咁你其他炒嘅都唔方好得去邊😮‍💨😮‍💨

比較少去大埔屋邨今日去搵朋友佢話呢間係廣福係數一數二茶記只可以講無得選擇如果我住附近都去市中心食睇到甘大家都知水準有幾高只可以講不過不失你話好味就一定吾係叫咗個蕃茄焗豬扒飯Ok La價錢都Ok

一個對我嚟講非常隔涉嘅地方，因為要做嘢，所以都要去。收工已經九點，唔想再長途跋涉出返市區先食嘢，就喺附近是但搵間餐廳坐低就算。估唔到呢啲屋村茶餐廳聽日都整得幾好食，乾炒牛河炒得幾有火候，牛肉一啲都唔’鞋‘，調味啱啱好。辛苦完成日有餐好嘅食都真係突然間覺得舒服咗。

廣福邨真係冇啖好食，好彩仲有呢間廉記冰室可以食下，算係普通嘅茶餐廳嘅菜式，基本嘢都覺得OK嘅𝐎𝐫𝐝𝐞𝐫:-⧐ 鴨腿湯飯◎呢個咁嘅天氣，就緊幫襯茶餐廳食呢個消暑嘅鴨腿湯飯，勝在又有湯飲又唔算太熱氣可以做吓晏晝飯餐。轉太過出色啦平平無奇咁但係做午餐嚟講叫可以啦。—————————————📝評分味道 ³ / ⁵環境 ³ / ⁵服務 ³ / ⁵衛生³ / ⁵抵食 ³ / ⁵—————————————📍店舖：廉記冰室 (大埔)大埔寶湖道28號廣福商場平台P101-P101A號舖

那一天，去了廣福邨外家。到了要吃東西的時間了，而且我們又準備再出去九龍行下。於是，就決定先在樓下商場醫好肚再出街。近近地就腳，而且《廉記冰室》對我們來說是一間未食過的新野，咁就不多問了，推門直入坐低。我看中了焗咖喱牛腩飯。在味道上，是不錯的，啖啖肉再加上芝士，熱辣辣非常之可口。如果飯底是炒飯，味道會更佳。咖喱雜菜飯，味道都是不錯。汁比起焗飯的多了，辣度也比較高。太太說好的，就是這咖喱包了一隻煎蛋。凍檸茶不錯，茶底夠濃，也夠滑。算是幾好。雖然說是在《廉記》要飲咖啡，但既然《廉記》是一間茶餐廳 / 冰室，我當然要一杯熱奶茶啦。說真，茶底是夠香滑的，只是我覺得，下次來要叫多奶。食物是可以，但服務上要加以改善。首先，我們等左好耐都冇人理，點了餐後又漏單。本想食完飯出街，但搞下搞下，食完飯我們覺得時候已經不早，回家算。

開開心心迎接新一天，諗住落樓下食個早餐，然後座都未座低，諗都未諗，有個阿姐送完食物比個客，遠距離大叫問我食咩，我話我諗緊，佢自己聽唔清楚，佢就用一副好燥眼神再問我，您食咩啊，其實您咁遠咁大聲問我，我只係覺得您做野做到好燥底，我身為消費者食客，我點解要受您氣，我只刻起身走人，坦白講，您地招待您地食客，害左您地啊

起身肚餓落街食飯，由佢一開舖食到依家，都算幾乎一個月食幾次。今日食左個「咖喱牛腩飯」，$50包凍飲或者熱飲，分量足夠，我胃口大就會有飽肚感，價值算抵，味道不過不失啦。但如果你要服務質素嘅話，就建議你唔好喺呢度食啦。

打算買個外賣返屋企 收銀個個有鄉音阿姐完全唔想so你 繼續玩電話 問佢野唔答你 轉個頭去第二邊 超級受氣 到比錢既時候 錢放係檯面 都睇唔到 唔想做可以唔做 未試過買個外賣都甘受氣 話知你係老細 😡

我未食過一間咁難食嘅餐廳炸嘢又油 連杯凍檸茶都難飲個人點解杯凍檸茶一啲味都冇 嘢食眼直都算啦連杯檸茶都差過人...............啲阿姐嘅服務態度又差點解間咁嘅嘢都未執...........我叫咗個西多士好耐都唔理我就問下點知個阿姐仲要話我叫等下啦即刻整俾你啊話呢間野真係又難食服務態度又差啲阿姐呢唔憂做咁我只係想食個下午茶姐唔使咁嘅仲要話我但係今次真係貼錢買難受呀...............

My friends were refused entry today because they dressed in black. This cafe is discriminating people’s clothing, shame on you. I cannot believe how you treat potential long term customers.穿黑就唔准入去食，我日日着黑色㗎， 叫所有朋友唔幫襯你又點話呢. 我是想去保護嗰頭，見到你間鋪頭我一定唔會入囉

大埔呢個地方實在太遠，N年先會來一次，是日去開大埔都要食飯架。梗係又要上網搵食啦⋯⋯平時都好鍾意食茶記，見到呢間個名咁特別，見d相又ok,梗係去試下啦。反正附近都無乜好野食叫咗個茶餐，五香肉丁麵，多士加火煺炒蛋，再加杯凍檸茶。個麵勁正，麵質同平時茶餐廳不同，比較有咬口，凍飲又唔洗加＄。不過杯檸茶叫咗少冰少甜，因為有時叫少冰杯野會好死甜，但呢度少冰少甜的話杯飲料真的不甜，所以唔洗叫少甜。火煺奄列及多士就太普通了，多士不夠脆，奄列蛋外面太老，𥚃面又唔熟。