康熙冰室 (已結業)

平時食開牛肉麵 今次經過又想試吓牛肉麵 但係由於牛肉麵限量供應 今日晏左冇牛肉食。見有新便當🍱Menu 試吓個. 叫咗個雞扒便當 . 個friend就叫咗洋蔥豬扒米由於係即叫即製嘅關係 等左約10分鐘 ,一路坐喺度一路聞到啲煎扒味已經好開心🥳 心諗應該都會唔錯,上菜嘅時候真係一試難忘。雖然要等一陣但係質素真係喺返度 塊雞扒係脆皮入面仲有肉汁. 豬扒就金黃色超香 . 其實老闆好犀利一個年輕女子可以煮到咁好食嘅嘢 值得一讚！ 由於塊雞扒太好食, 個friend食完豬扒要再加多一塊雞扒外賣. 塊雞扒成個盒咁大塊！ 又香又金黃色，真係好鬼正！

幾個月冇返嚟，掛住事頭婆d麵 . 估唔到事頭婆人仔細細廚藝了得，原來店內所有麵同餃子,也是即叫即製.今次我忍唔住，要求直入廚房睇下制麵過程。 睇住啲面由麵粉變成麵條，感覺非常有趣 . 事頭婆用心製作真係要加分！原來店入面所有餸菜都係冇味精健康到極事頭婆仲講咗俾我聽.麵粉除咗做麵條之外仲用來做用來做餃子皮。所有餃子都係用人手去包，勁有heart!! 講真自從在外面啲租咁貴之後好食嘅嘢已經買少見少 , 全部都係大集團食味精 . 係法院餐廳入面有一個咁手工精緻嘅師傅去做咁有水準嘅面真係好難得!

位於九龍城法院內的小型餐室，招牌牛肉麵用料豐富，先說牛肉，味道一流，易咬口，少少肥剛剛好！湯料有洋蔥椰菜，加上酸菜，中和了吃肉的濃味感覺。至於麵條，很明顯是手製的，長短粗幼不一，咬下有點厚但軟硬度剛剛好，這樣反而感受到人情味! 由於是午餐時間，而店內人手有限，想品嚐美食要有等待的耐性，慢工出細貨。總括而言，這客牛肉麵是值得一嚐，但價錢方面會稍貴一點，要有心理準備。份糧分面，我本來以為未必夠飽，因碗子像很細小，但原來可以飽足一個下午，工作也特別醒神！

正宗台灣紅燒牛肉麵這間位於九龍城法院大樓的康𤋮冰室小食店其貌不揚、沒有大大的招牌，但沿著指示走進二樓飯堂範圍就會見到這間小店。店主是個台灣人，主打當然是台灣紅燒牛肉麵及手工餃子麵。聽說店主特意在台灣找師傅學煮這個麵。湯底香濃滋味，有著蕃茄香又不失牛湯味及蘿蔔甜味，絕無味精，原汁原味。麵底是店主自家製手作麵條，每日人手新鮮搓製，Q彈有咬口。（記得早啲黎食，每日賣完就無）紅燒牛肉半肥瘦，肉質嫩軟，充滿肉香。小店簡單整潔，掛上小小餐牌。這碗台灣牛肉麵雖然沒有華麗碗碟襯托，但賣相依舊吸引。四大舊牛肉、兩大棵清甜小唐菜、完全入味的白蘿蔔配上手打麵及正宗牛肉麵上湯，份量豐富，齒頰留香。跟餐配一包紙包飲品。

朋友介紹下去咗隱世餐廳 地點簡直係秘密 ...間法院入面既小食店.....有好野點都要試吓. 地點係九龍城法院2樓小食店聽講呢度最出名係牛肉麵,但係個friend好肚餓所以要咗3個餸 , 分別係牛肉麵/豬扒飯/蔥油餅.可能地點比較隱蔽午飯時候都唔係好多人. 等左一陣就有得食.這個是豬扒飯為咗滿足我同個friend share食 , 個豬扒超好食. 我細細個最鍾意嗰舊豬扒骨, 煎到啱啱好,唔生但係有汁 , 配上勁多菜,加個會食晒啲飯嘅蔥油 . 完全係非一般水準個牛肉麵同蔥油餅都好好食. 睇吓啲相就會明.啲麵係手打. 貴精不貴多! 牛肉大大嚿 , 超男超入味 肥廋比例啱啱好除咗肉多之外我最鍾意呢間餐廳就係有好多菜. 依家唔知係咪洗菜好難, 響街食一片菜已經好多. 呢度不計成本, 用靚嘅牛肉靚嘅菜,係真係好難得. 好好食!加油囉！ 💪🏼

今日幫襯左間法庭小食店. 真係幾唔錯要介紹下. 首先, 啲嘢幾好食. 我要咗個餃子麵 和台式蔥油餅阿姨話啲餃子同面都係全手打. 好比心機整,係咁叫我一定要飲晒啲湯,一條不留.咁好食. 㸃會留呀！2個台灣人幾可愛，係咁叫我飲晒啲湯.話冇味精唔好嘥野講返個餃子麵, 啲面嘅硬度啱啱好, 手打真係唔同啲. 個餃子絕對唔係機器包裝嘅雪藏野. 包得有啲瑕疵, 似阿媽包咁, 有媽媽的味道. 比出面嗰啲好食一百倍. 我覺得個台灣蔥油餅先係主菜. 入面調味做得好好. 唔知點講, 有咸有甜, 總之就好好食, 亦都好健康好多菜! 下次如果去開附近,一定會再幫襯!

台灣手打牛肉麵+支裝可樂個日約左個舊同事交收支鏡頭, 餓餓地去左九龍城法院 2 樓 個小食店搵食. 個日30幾度, 一入去有超勁泠氣吹過黎. 舒服! 店入面環境OK, 人不太多.  然後去counter  買野食. 廚房阿姨好勁, 見佢同鬼佬又識講, 內地人又識講, 識講幾種言語.  問佢有咩好介紹 佢就話. 當然是, 台灣牛肉麵. 是她在台灣學的.  絕無味精. 原汁原味!好啦, 要個牛肉麵啦! 但因為手打麵限量供應, 個日賣曬, 所以要左個米粉+ 支可樂. 上個月先去完台北食永康牛肉麵, 心想這個米粉應該無驚喜啦, 但係一食之下就知道唔係一般小食店/飯堂可以做到. 先講湯底, 牛肉味重, 有一層牛油向面,香味十分濃郁. 羅白勁深色入曬味. 到主角牛肉, 小小肥,多多瘦, 不是 入口即溶, 但是勁"林" , 好食!再加支舊裝可樂! 正!