影片
媽媽生日，咁啱見到呢間自助餐網上有買一送一優惠，即刻全家去試試佢。呢度啲熱盤同甜品有少少平平無奇冇乜特別，所以我就唔多講。主要係想分享吓呢度嘅冷盤同埋麵包有好多唔同種類，都幾有驚喜。冷盤區有生蠔，龍蝦，蟹腳，麵包蟹，鮑魚，翡翠螺同埋凍蝦等等其他唔同款式嘅海鮮。🦪生蠔唔大隻，啲肉唔算厚，而且仲有少少蠔殼喺入面。不過味道都幾鮮。🦞龍蝦好大隻，啖啖肉。有冇幾隻好多膏都幾好食。🦀蟹腳好新鮮，唔黐殼，而且好粗壯好大條。🥖麵包區有好多多款唔同嘅麵包，有長法包，牛油卷，黑糖麵包等等。平時食我自助餐都真係幾少食麵包，因為唔想浪費咗啲quota。但係同行有小朋友，小朋友就非常之鍾意，見到有咁多款唔同嘅麵包，佢都覺得好興奮。總括而言，呢度種類唔算多，不過買一送一完五百幾蚊一位都可以嚟試吓嘅。
繼續閱讀
今日嚟咗東方文華酒店出席工作上有個cocktail event，發現到活動中serve的finger food係做得非常精緻，忍不住要share一下! 今晚供應的小食大概有5，６款，每款差唔多都只係手指公再大一點，非常細粒可愛。首先係橙色呢粒，係三文魚做主題。上面有金箔包住嗰點金粒，其實係一粒三文魚子！下面橙色嘅就係煙三文魚加少少酸忌廉，一啖入口感覺非常之夾，好和諧。另外仲試咗依款牛肉卷，小小的一件，燒牛肉的牛肉味竟然是非常之出，好香又有肉汁，而且好像是輕輕帶點點的芥辣，不錯，就是可惜是太細件了一點。甜點代表係無花果撻，係比較特別少見嘅fruit tart。有一種好似日式壽司咁嘅，其實係好似細好微型嘅加州反卷，但係又比一般外面嘅加州卷係好味好多。然後仲有一種魚子醬多士，上面有一點點魚子醬，下面係意大利麵香草包，中間係少量嘅醬，合在一起，味道係非常之和諧，唔錯嘅。今晚雖然在應酬中，但能夠一次過試到幾款平時黎文華酒店食飯都試唔到嘅finger food，又實在係件令人開心嘅事，希望下次再有機會黎啦。
繼續閱讀
週六好友出閣，獲邀出席當晚的婚宴。宴會廳位處酒店的一樓，大廳呈長方型，裝潢典雅。餐桌配襯亦甚為講究，鮮花裝飾也實在少不了，貫切了五星級酒店的一絲不苟。服務方面，整體評價亦不錯。至於美酒佳餚，主人家安排了以下菜式如下：鴻運琵琶乳豬百花釀蟹拑XO醬帶子象拔蚌杜甫蟹肉扒雙蔬花膠雞絲燕窩羹碧綠花菇鮮鮑片清蒸東星斑桂花脆皮龍崗雞金銀瑤柱蛋白炒飯蝦籽雙喜伊麵百年好合慶團圓永結同心飲宴菜式向來大同小異，此次稍有不同的是以燕窩取代魚翅，嚮應環保。吃畢全餐，整體食物水準令人滿意，大部份菜式於上菜時仍能保持熱騰騰的温度。較為出色的菜式有「百花釀蟹拑」及「清蒸東星斑」。前者口感彈牙盪嘴；後者味道鮮甜嫩滑。較為特別的菜式有「XO醬帶子象拔蚌」及以上所述的「花膠雞絲燕窩羹」。以XO醬作調味，味道微辣香口，亦能同時帶出帶子从象拔蚌的鮮味。燕窩羹的賣相和味道和魚翅差不多，只是口感略有不同，計及環保因素，燕窩羹應勝一籌。其餘菜式如花菇鮑片及脆皮雞都幾美味。最後以桂花糕及中式餅仔作結，更是小弟所喜愛的甜點之一二。整晚用餐心情愉快，過程順利。祝願一對新人婚後生活美滿，永結同心！
繼續閱讀