幸福鳥 (太古城中心)

營業中

休息中

今日約咗同事一齊嚟食午餐, 我哋1pm入座, 應該過咗高峰時期.員工都好友善, 環境亦都算坐得舒服.我哋都同樣地叫咗魚生午餐, 都新鮮好味😋 價錢少貴, 如果下次冇優惠可能會揀番其他經濟之選⋯⋯

同朋友好耐冇見~book咗太古嘅幸福鳥諗住飲吓酒食吓嘢~去到唔使等就有人帶我哋入座~坐嘅位置亦寛敝舒服~上咗茶之後就有侍應嚟介紹食物~所有員工都非常有禮貌又親切~食嘢嘅其間會留意我哋幫我哋添酒或者俾濕紙巾~食物方面~小食冷蕃茄酸甜適中~開胃~燒嘅食物香口有肉汁~整體非常滿意~

第一次試呢間店.   午餐價錢唔平.  唔平唔緊要. 我會期望有一定既水準.    可惜.   真係OVERPRICE左 , 唔太好食.  叫做正常飯餐感覺.點了三SET 都已經 600 $1. 幸之特上丼 $288- 海膽苦同"聲"既.   其他魚生不過不失完全沒驚喜, $288 我會期望食到既水準會高一點點.   飯又不多.  迷你版吧.2. 豚肉生薑燒丼 $108這個. 跟相片看. 成碗飯迷仔左.  108元. 一個男人我相信唔會夠飽.   味道正常. 無特別話差. 但又唔特別出色.3. 滑蛋吉列豬扒配飯 $138正常,  但吉列豬扒我覺唔夠鬆.  完全唔會令人食完好想再食既感覺 所以. 真係唔會再幫襯.  價錢同質數完全唔成正比.   我唔介意比得貴, 但至少質數上應該有番咁上下.  所以呢餐真係有D失望. 寧過隔離食好過. 點都有番咁上下水準菜式.

今天去幸福鳥晚餐，見到比食物更好味的事，就是有位妹妹打爛隻碟，她當時怕父母責備，表現好驚。幸福鳥內的職員(男及女)好有愛心地对該妹妹說，不緊要的，無事的，講左10次有多。最後妹妹都冇甘擔心。我真系好想贊賞6月22號晚返工的幸福鳥員工，香港飲食業要以你們為榜樣。食物方面，我發現牛舌燒到好黑，向他們說，亦立即更換，態度好，食物好，應作表楊。池魚魚生，好好食，之後魚骨仲可以做個湯。最後仲有個甜品(缺餅)，非常好食。

午市、公眾假期都有午餐menu、整體性價比一般串燒、午市串燒盛合、2百幾、雞翼豚肉牛舌雞肉棒雞髀香菇秋葵、以上午市套餐七串普普、A la ca 活鰻同雞尾好食。刺身一般、厚切、普通三文魚油甘魚魷魚質素OK、去到赤身同大と就完全唔係嗰回事、冇鮮味。玉子燒 Fail。真心Fail。可能係我最近響香港食過包尾嘅玉子燒？真係未食過咁實的的、硬綁綁嘅😂 最致命係$88加一、食完當下第一個感覺係、煎到咁、憑咩？送甜品、抹茶蕨餅加紅豆、正常。

今晚同朋友一行6人食飯聚會~食物質素非常好~服務亦非常滿意~極上刺身~新鮮鮮甜~真蠔~無論刺身食或燒食~都好肥美~貴妃蚌~juice~磯煮鮑魚~凍食~非常入味~汁燒尤魚~燒汁香濃~但唔會蓋過尤魚嘅鮮味~雞棒~牛舌芯~雞腿肉~雞翼~香口惹味唔會太乾~juice~福岡六盛合~必試~清酒煮硯~和風牛肉烏冬~仲有叫咗其他嘢食~未能盡錄~總結~必定會同朋友再嚟~雖然眼見今晚好多客人~但每位員工都好有耐性解答同介紹~抵讚！

下午二時左右，三人行到太古城Apita 午膳，之前看到此店也有很多人流。午市套餐非常豐富，食材優質，員工態度超好，有機會試尖沙咀K11分店。😁😋我們品嚐了壽喜燒，燒頂級谷飼牛及吉列豬扒丼，份量合適。😄👍#太古城Apita

（利申平時好懶唔會寫食評，但係呢一次好想投訴一下）兩個人平日lunch嚟咗食lunch set，一個嗌串燒七盛盒（$198），另一個嗌咗汁燒牛舌飯（$128），再單點加多一串燒牛舌芯串燒（$68） （因為真係好鍾意牛舌）。坐咗喺吧枱，啲師傅喺面前燒串燒，望落唔錯，果然個盛盒黎到係ok既👍🏻 但係‼️‼️‼️個汁燒牛舌飯嚟到嘅時候，完全o咗嘴😮啲牛舌一望落去就知道唔係汁燒，似煲咗10年多啲🙃勁深色⚫️望落去又好硬，一咬落去果然好似食緊一塊好鞋既膠咁，又冇乜味，我食過咁多牛舌之中（真係經常食）呢個應該算係最難食！🤮🤮🤮尤其是明明佢個串燒牛舌係ok既（有少少臊但係質地都好），點解爭咁遠？！🤔睇吓啲比較圖就知咩事⋯其實一開始見到汁燒牛舌呢幾個字，以為會係用薄片牛舌真系蘸啲汁黎燒（其他舖頭普遍應該會咁），點知⋯⋯😅😅😅滴曬汗。跟著就觀察到隔籬左右都係嗌串燒七盛盒，大家請好好考慮啦⋯⋯

放工後，同朋友相約在太古城辦事，路過幸福鳥，便打算一試。七點左右，我同朋友二人入座叫左一個原價$1088的二人餐，download一個apps套餐 減$400，餐廳另收取二人$40蚊茶芥。套餐含一個沙律、一碟刺身、兩份前菜、兩碗主食、五串串燒、兩個鍋物及兩個甜品。結果我同朋友由7點一路等到9點30餐廳準備收舖都未等齊上菜。平心而論，前面的沙律、刺身和前菜都不過不失，尚算可以。但刺身過後，坐在吧台當眼處的我們，竟約30多分鐘都未見再上菜。期間我們多次向服務員禮貌詢問上菜進度，第一次詢問一位女侍應時，女侍應竟未聽畢，就留下一句「慢慢上緊」便揚長而去。再等，我們第二次詢問一位年輕男侍應並要求斟水，男侍應只點頭便沒有再跟進。第三次，再詢問一位較年長的男侍應，終於在其後數分鐘內一次過出了兩個鍋物和五串串燒。而我和朋友早已等得呵欠連連，其間更是一滴水都無。但姍姍來遲的鍋物和串燒味道和質素令人更加失望。野菜鍋的湯底只有濃濃味精和鹹味；而串燒中的雞翼更有一半是燒焦至苦澀，第二串疑似叉燒的串燒，一擺入口，醬料極鹹，而且頭兩舊依然都係燒焦，甚至因咬不到，吐出來才發現有黑色的焦炭，第三串白豬肉，口感如煲過湯

想要更多食物推介 follow me on openrice🤑價錢約$200-400 性價比唔算好高🙊🪑裝修都幾日式 有d 係bar 枱望住師傅整野食 門口仲掛左d細木牌 俾食客寫吓comments/心願整體感覺調味同食材質素都唔算好高質 😿有唔少野已經賣哂 （e.g 士多啤梨豚肉卷）Ⓙ 芝士玉子燒 $88芝士拉絲感覺可以做得更好 芝士唔算好澎湃Ⓙ 海之盛有3種燒海鮮 包括蠔, 鱔, 多春魚 多春魚就會多骨少少 另外2樣都算可以 Ⓙ 蠔鍋有5隻蠔 都算幾肥美 但當中細size d ge 蠔 有少少腥 配菜只係用上紹菜同唐生菜 壽喜燒湯底都算幾香濃Ⓙ 各類串燒🔹豚肉蘆筍 都幾特別 🔸免冶雞肉 配燒汁/辣味 2 個食法都唔錯🔹和牛串 幾嫩滑🔸雞腿肉 配山葵/鹽燒 山葵就有少少奇怪

太古城～高質串燒店💛💛食到勁飽 好食！～人均消費$500上年係K11 mall食過一次，已經覺得佢地嘅串燒好食，比起香港好多串燒店，我覺得佢地價錢同食物真係成正比☺️ 而且服務好好K11 mall店 比較有氣氛，室內環境較大，好多打卡位，但枱與枱之間就窄少少，而太古城呢間～我自己感覺好似高檔啲，枱與枱之間好闊落，我地兩個人又有訂位，所以職員比左張大長枱比我地，坐6人都得，真係好爽呀，因為食串燒會放到成枱都係，今次唔駛就住就住🥰餐廳職員都服務好好，上菜有分幾段時間，等你唔駛食得太急，加茶都加得好密😆特別係一位樓面姐姐，超級nice,仲會不時問我地食物質素如何，又有啲特別推薦建議👍🏼我地兩人order 左一個「兩人套餐-幸之晚宴」再加左幾份串燒🍢🍢🍢🤤兩人餐 仲有會員價、平勁多架，樓面姐姐教我即時downloaded app ~折實左就$688✨好多款野食，飽到震😂「幸之晚宴」折左$688再加1🥗沙律（好食，個汁調味剛好，啲菜幾滑身，口感有啲似日本牛油生菜～全碟食晒）前菜小食：🍤脆炸白蝦 （呢個超驚喜🤣勁好食，第一次食咁酥脆嘅白蝦仔）🫔味醂魚干（呢個我勁鍾意，想一個人食晒，送酒一流）🍣時令刺

一篇遲來的評語，我在太古坊返工，老闆生日又喜歡日本菜，因為店舖經理Francis優質的服務所以選擇了幸福鳥。一班同事30多人而且有budget，要求餐廳設計菜單，經理非常細心菜單有刺生、串燒、玉子燒、日式菜、烏冬、甜品等。經理帶領的員工有非常優質的服務，整晚笑容滿面，令我們一班人也食得非常開心。食材新鮮，份量足。刺身鮮味；串燒還分開上菜，熱辣辣，這店的串燒非常出名，食物有水準，廚師一次烹調三十幾人份量的食物，絕不求其，賣相吸引，令我們也吃得津津有味。是一個小型party，整晚也可以慢慢享受每道菜式，如果有慶祝活動，幸福鳥真是令大家幸福快樂。🎉🥳

尋日中秋，一早約屋企食，都預好難book餐廳。點樣幸福鳥有位，本身望住評價兩極都放低期望，當同屋企人食餐飯就算。必須大讚係服務❤️超用心望你張枱有冇嘢都執走，斟茶勤力，係近年我好少感到真係應該收服務費嘅餐廳！一到，佢上前菜見到半隻鮑魚嚇一嚇，會唔會濫收錢，但最後埋單$20一位包茶芥，我覺得okok。之後講到🥗食物，全部都達到水準嘅，真係出色嘅我覺得係刺身沙律，串燒雞腎，同魷魚🐙❤️壽喜燒好多菜，啱我呢啲追求食菜嘅～🔔重點：上菜速度一流，唔會要你等十世。埋單$1300左右4個人，係飽住走～❤️我食係太古店，真心推介一個闊落嘅地方傾下偈，食下嘢～

呢間位於太古城商場嘅日式料理店舖有好抵食嘅午餐套餐，連星期六都有得食。套餐包括前菜有沙律同埋麵豉湯，而主菜有唔同選擇，包括壽司飯，壽喜燒，串燒等等，選擇好多。食物雖然份量唔大，但係質素幾好，值得一試。

同事興起話一齊叫外賣返黎開會食.  上網迎站見到最貴88蚊都幾抵, 大家都揀好晒就派出"專人"去買. 去到店面原來平價外賣便當已經唔供應, 咁同事們即時又揀另一張一百完以上既午餐.  負責店面既小妹子似乎係頭幾日返工, 樣樣都要問經理再回答.  落晒order之後唔見佢去入單, 原因係開始有walk-in客, 佢忙住招呼堂食客人入座, 遲遲都未幫我地落到單. 結果"專人"開始失去耐性去同佢講, 佢先真係入單, 計埋之前已預計外賣要等20分鐘既煮食時間, 足足花35分鐘先有得拎食物.又原來餐庭係無外賣湯用既盒(應該一早要註明) 即係話我地外賣午餐根本唔會有湯.....同事們都話食物質數係好既,  不過個人認為性價比就較低. 或者堂食會比較好.