幸福鍋 (已結業)

西灣河太安樓附近掃街就好多啦，如果想坐得舒服啲，建議去油站、麥當勞嗰度，一連有幾間，有啲裝修同坐得幾舒服既餐廳，我哋揀咗台灣嘢。🍠 紫薯蕃薯球 - $28小食叫咗麻糬波波，有兩款分別係紫薯波波同地瓜波波，有趣嘅係地瓜波波入邊係包住紫薯餡，紫薯波波係包地瓜餡嘅。炸得非常酥脆，又唔會太甜，一啖一粒，好快食晒。🍲 麻辣什錦牛肉鍋(小辣）+ 薯粉 - $118幸福鍋顧名思義就當然係食鍋物嘅。呢度一人一鍋，有四款，四款都包好多配料，我呢個係麻辣鍋，辣度可以自選，湯底夠濃。裏面肥牛都幾多，有大概10塊，質素唔差，肥瘦均勻。薯粉更加係預先準備咗，擺入爐入面，滾一滾就食得，口感煙韌。🍜 黑麻油雞翼麻辣拌麵 - $70台灣拌麵不嬲都非常之好味，呢度嘅麻辣拌麵，辣度非常惹味，麵質亦都好彈牙。雞翼有三隻，size都算大隻，醃得好入味，甜甜地又香麻油味。仲有貢丸湯送。🍵冷泡台南高山綠茶 - $8 跟餐🍹薄荷青檸荔枝乳酸梳打 - $12 跟餐呢度嘅飲品，種類都好多，跟餐價錢好抵飲。冷泡綠茶大大支，茶味好濃，綠茶啱晒消化。而乳酸梳打，非常清新，又唔會太甜，咁熱嘅天氣飲，解渴一流！🫘 紅豆意米芋泥三色芋圓 - $4

今日特登去試，點知啲服務態度差到呢。。。我6點45分，去到鋪外面，見到入面有大把吉位，就同個長髮戴眼鏡女侍應講我兩個人。佢堅持要我拎飛，算！係出面等左15分鐘，大約7點入座，個長髮女侍應安排我坐中間長枱，咁岩我隔離個卡位兩個人起身埋單，我同個女侍應講：我等呢張卡位！個女侍應即刻態度唔好黑口黑面話：卡位4個人坐，但明明前面果張卡位都係兩個人坐，同埋出面都冇人等。個女侍應自己擺筷子都係擺兩對咋喎！之後又多一個短髮戴眼鏡女侍應行過黎話卡位四個人坐。我問：咁點解前面果張卡位係兩個人坐？佢地兩個即刻西口西面走左去。坐低唔夠5分鐘，個卡位已經入左一對情侶，直到我20:11分食完，張張卡位都係坐兩個人。咁點解我要坐你唔比我坐？係味依家比錢食野，仲要比你間鋪頭玩針對同受你地氣？？啲野幾好食都冇用啦！

外賣平台自取半價，非常吸引好耐之前order過一次，記得味道唔錯，所以今次再order今次order左:1. 無骨豬手飯👍🏻個豬手好稔，飯底係珍珠米，配上酸菜、薑蓉、蔥油，配搭得好好食2. 牛三寶手工麵👍🏻塊牛腩最好食，份量充足3. 芋泥牛奶👎🏻👎🏻👎🏻十級稀身無味，似係脫脂奶溝水，芋泥無味又硬4. 臭豆腐👎🏻👎🏻無台灣臭豆腐味，得辣油，辣油只辣唔香5. 士林咸蛋芋泥酥👎🏻👎🏻第一次食好驚喜，係真係芋頭包住咸蛋黃去炸。第二次食，個芋頭溝咗糯米粉，成件事無味道，只有油溢味6. 傳統五花腩刈包👎🏻五花腩似瘦肉多啲，無花生粉，芫荽同醬都無乜，成件事係無味道，不過包體ok🔥🔥🔥重點係，食完肚痾，全家都肚痾

成日聽住港島嘅Friend講太安樓D野好正，今日QB放左工同女朋友去左太安附近行下。路經M記附近見有間裝修好靚嘅餐廳，就即刻衝左入去。坐低望望個餐牌，見倒都有幾齊全嘅台式食品，選擇十分多，最特別係有主打嘅鍋物，不過因為前2日先打完邊爐，今轉同女朋友同麵同飯食。紅燒半筋半肉手工麵 ($78)牛肉同牛筋都各比左3大舊，份量上十分抵食，牛肉同牛筋都炆得好入味同好淋。另外手工麵麵質好有口感，鐘意食彈牙麵嘅呢個推介淡水無骨豬手滷肉飯 ($62)豬手同飯個份量都好大碗，女朋友最後都食唔哂。豬手炆到個皮好Q彈，充滿骨膠原嘅感覺。古早烤雙色香腸 ($36)平時多數係台式餐廳叫炸物小食，今次叫左香腸有意外驚喜。紅色係普通平時個隻台式腸，黑色係加左墨色。最正係佢配埋蒜片比你送住食。雖然食完會口臭，但食落真係加分!!澎湖花姿丸 ($32)花姿丸一共有6粒，粒粒都係新鮮炸起，上枱超熱。

好多人鍾意太安樓掃街，即使有堂食餐廳，輪椅使用者也多數要外賣攞走，皆因大多鋪也沒提供斜道幸福鍋前門輪椅一定入唔到，見後門一級仔，諗住有機會入到，點知都係好難，衝疘3-4次先上到開左幾年，終於都有得試下星期日都有下午茶時段，三十幾四十就可以食到台灣味，主食連飲品叫左兩個餐古早芋泥肉鬆蛋餅+冰糖紅棗燉雪耳蛋餅好味，芋泥亦幼滑；但蛋餅真係比想像細份，如果冇食lunch，相信唔夠喉如諗住叫蛋餅，一定要係飲品加碼，叫D飽肚野；今次既冰糖紅棗燉雪耳都唔飽肚，不過總算滿意，雪耳夠滑，不過甜度太濃慢烤雞腿蛋吐司好在同朋友share份吐司，雞腿入味，而且好厚身，夠晒飽，而且肉質嫰，仲有肉汁；再配合蛋黃香，滿足晒

以為間野屹立不倒咁耐會內有內有乾坤。我叫左一次 以後都唔會食食得出廚師同老闆既「細心」炸鹽酥雞飯 賣成80蚊 成舊都係炸粉全不含雞肉鴨血一咬落去係不知明化學野 不是鴨血怎樣還會有人光顧 還有人post好食？

有時一個人打邊爐都幾爽吖🤭🤭🤭，呢度有幾種火鍋可以揀，今次揀左呢款泡菜豚肉豆腐鍋，入面都有幾多料☺️☺️，有成5，6種蔬菜，仲有十幾塊豚肉，裡面已經有粉絲，另外仲配多一碗薯粉/粉絲/白飯等，如果唔加錢可以配茶類，加少少錢可以配珍珠奶茶既飲品。火鍋其實都算唔錯，又多料啲菜都新鮮😊，不過泡菜味唔夠突出，反而辣油太勁搶晒味😒。而且，珍珠奶茶既質素不過不失，珍珠偏硬。😐

成日經過都見到好多人排隊，尋日見到有位，即刻入去食tea😆同男朋友叫咗三個下午茶餐，因為賣相好吸引，樣樣都想試，所以決定三個都叫晒🤤.麻辣鬼椒雞腿蛋吐司 🍞D餡絕對冇比少你，真係好足料，仲有蛋汁流出嚟🤤而且雞肉有肉汁，又夠嫩滑，不過就真係唔夠辣😆建議可以再辣多少少😛.古早芋泥肉鬆蛋餅一向都好鐘意食芋頭，所以諗都唔洗諗，就決定要食😆果然冇令我失望，我一放入口，即刻「嘩」咗出嚟，真心覺得好好食😋仲要熱辣辣，芋泥唔係死甜，而且好綿滑；d肉鬆令到個口感更加突出，中和返個甜味🤤而蛋餅煙煙韌韌，好正💕好推薦 !!.花雕雞卷麻辣拌麵🍜首先，講下個花雕雞卷，有三塊😛size都唔算細，花雕味夠出，雞卷亦都夠滑，有少少杞子味，唔錯！麻辣拌麵有驚喜，花椒味好出，食落亦都好香，又夠辣🌶️入面仲有d辣椒乾同滷肉😋滷肉食落都好入味，成個配搭好開胃🤤.每個tea set都跟一杯野飲，或者可以加錢升級做特飲，不過我地就冇升級，叫咗冷泡阿里山烏龍、藍泡台南高山綠茶、古早冬瓜茶 ☕️茶味夠濃，特別係古早冬瓜茶，唔會太甜，而且幾清香，亦都有得揀凍/熱飲，下次會試埋特飲🥰.總括而言，呢間餐廳性價比高，40幾蚊一個餐，仲要食到高質

幸福鍋西灣河多嘢食就出晒名啦～今次喺掃街集中地太安樓，竟然有一間裝潢溫暖明亮嘅台灣菜 「幸福鍋」。一於試下先😋一望餐牌，好多款式嘅台灣鍋可以俾你揀，好多款都好吸引，一下子真係唔知揀邊款好～最尾決定試下，泡菜豚肉豆腐鍋（小辣）首先佢會俾個迷你gas爐俾你，等個鍋可以一路滾住一路食，個鍋好足料，份量好夠有大大片豚肉、泡菜、魚豆腐、沙白蜆、米血糕、鵪鶉蛋、冬粉仲有一堆配菜，有菜有肉 配料款式又多，食到好滿足。仲可以配埋方便麵/寬條薯粉/粉絲/白飯，我哋就揀左寬條薯粉，食到最尾將成個寬粉落湯煮，索晒味，寬粉煙煙韌韌，好正～雖然我哋只係叫左小辣，但比想像中仲要辣，唔係太食得辣嘅朋友可以留意返～慢煮烏醋豬軟骨配手工麵呢個真係好驚喜，豬軟骨已經炆到好腍好入味，軟骨位置充滿膠質，豬軟骨有醋香，酸酸地，平衡番個油膩感，令豬軟骨入口清爽好多，一啲都唔漏，啲麵又爽又滑，話咁快就清左一碗麵嘞～呢間台菜除左好多主菜吸引之外，仲有好多小食都好吸引，我同朋友都🤩🤩🤩好多款都想試～手工櫻花蝦餅就咁望上去，已經見到有好多櫻花蝦仔撈左喺入面，一食落去，味道好豐富，有豬肉、蝦肉、蔥花、仲有啲蓮藕粒粒，食落去爽爽脆脆，好香口

在西灣河筲箕灣道 購物完畢之後 ，行經一間名字很窩心的 台灣菜館....幸福鍋..😍吃晚餐， 這裏地方簡潔 雅緻 ， 大大的卡位 ，非常舒適 ，而且價錢實惠，有很多台灣款式嘅食物， 讓我 和大家分享一下幸福一品臭臭鍋........ HK$118（ 小辣）材料非常豐富有 娃娃菜 ，白豚肉 ，臭豆腐， 新竹貢丸 ，米血糕 ，大腸，鴨血 ，鵪鶉蛋 ，韭菜 ，金菇 ，炸支竹 ，鳴門卷， 沙伯， 湯底濃郁非常好味道 ，仲有即食麵附送， 份量足夠， 用料新鮮好味道 ， 吃了一鍋之後，心想下次再來一定帶朋友來品嚐 👍👍幸福紅燒半筋半肉...牛肉麵....HK$78 牛筋牛肉 各一半,非常淋身入味, 而且用料新鮮 , 湯底有著濃濃的牛肉味,香口惹味,麵質爽口 ， qq彈牙， 而且足夠飽肚大大碗的啊😋😋😋👍👍冷泡阿里山烏龍茶.... 跟一款食品加HK$8烏龍茶濃香撲鼻 ，解渴 提神 ，能夠幫助消化的 健康飲品。冷泡台南高山綠茶.....跟一款食品加HK$8綠茶清香 解渴，而且有著獨特嘅清香味道是我最喜愛的。紫薯拉丝起司蛋餅.....HK$39 非常漂亮又令人驚喜的甜品，蛋捲包着软绵绵的紫薯，在口中融化

幸福鍋琴日去咗西灣河太安樓食野，太安樓出名多野食係人都知，但我發現太安樓好多一條條柱阻住輪椅人士進入，等我遲d一次過投訴，等申訴專員公署調查完成之後，我就會一次過用電話投訴！講返幸福鍋餐廳先，問人先知要過咗油站轉右先見到，餐廳門口有一級，又係出動我塊板嘅時候！入到餐廳都算寬落，環境舒服，店員幫我搵咗近門口嘅座位比我坐，餐廳大約有30個位比人坐，下午茶時段好爆場，香港人除咗睇好唔好食，第二一定睇平唔平，性價比高唔高，我覺得呢間餐廳性價比算好高！1. 麻辣什錦牛肉鍋（小辣）配 白飯$98+古早仙草三色芋圓$22（9/10）呢個麻辣什錦牛肉鍋都幾麻辣，辣過其他餐廳嘅小辣，呢個小辣等於出面中辣，呢個鍋入面有娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸支竹、鳴門卷、青豆角同粉絲，份量超多！鍋有粉絲搞到我食唔哂一碗白飯，我可以話足夠2人一齊食！跟餐可以加$22配古早仙草三色芋圓糖水，呢碗芋圓糖水入面有紅豆、仙草同三色芋圓，三色芋圓每色各4粒，份量超多，又唔甜，勁好味！😋😋😋2. 花雕雞卷麻辣拌麵$42+黑糖珍珠奶茶$8（9/10）呢個麻辣拌麵都幾麻辣，拌麵上面仲有少少

今日搭叮叮到筲箕灣 當然要去太安樓食嘢啦但最好到訪時間係下午4至5點後因為大多小店尚未開門但我今日都早左黎 所以去左睇場戲先再折返睇完都差唔多六七點 返到去搵間餐廳食少少之前黎過一次 見過幸福鍋幾多人講今次終於揀啱時間可以試試今日唔使等位 好快就可以入座啦裝修用左粉色系 天花燈用大大個燈罩 好似天燈好有少女心同台灣風一品臭臭鍋 可自選辣度(小辣)內有台灣名物米血糕 臭豆腐鴨血 豚肉 嗚門卷 雞腿肉 豬肉丸 冬菇 仲有其他大量蔬菜 但湯底呷左啖湯 完全無臭香味 一味得辣味 其餘食物完全唔入味 連食臭豆腐都無味 火腿芝士蛋餅依款都令我失望 份量細舊而且無啦啦放青瓜絲係裏面做咩一回事呢味道唔夾啊 可能你係想咬落去爽口啲但唔得💛寧願係太安樓裏面企係度食 心情都無咁差一啲飽肚嘅幸福感都無

今日咁啱經過呢間舖頭，見到裏面裝修都應該幾舒服，咁啱又下午茶時間，就入咗去食！我初初以為係啲普通嘅台灣食物，睇完餐牌，再嗌埋3份甜品！我先發現原來唔普通㗎！因為裏面嘅侍應相當有禮貌，而且熱情，佢哋唔會因為下午茶時間而去Hea做，佢哋會同你解釋食啲咩最好，亦都會同你分析有邊啲菜式多人食！佢哋推介我食呢三款蛋餅，本應都冇乜期待，但係上咗菜之後，我發現廚房師傅用心製作，賣相亦都非常之吸引！上菜嘅時候，蛋餅少少熱，食落肚非常之暖！真係好好食，非常之值得推介！

我最近去咗一間「幸福鍋」，一間以台灣菜為主的餐廳。餐廳環境乾淨，而且自己落單，完全不用加任何服務費。我試咗啲「鹽酥雞滷肉飯」，但係呢道菜份量好少，雞肉硬且比較小塊，滷肉亦份量不多，不過整體味道都正常。再加8元就可以試啲「香芋珍珠奶茶」，但係呢種飲品奶精味好大陣，食完全日個口都有陣味。餐廳提供免費任加酸菜，但係整體體驗實在令人有點失望。總括而言，我對呢次餐廳體驗唔推介。雖然餐廳環境乾淨，但係呢次餐廳體驗令人有點失望。如果你想試啲台灣菜，我建議你可以找其他餐廳，因為這間餐廳的質素未能達到你的期望。香港嘅台灣菜真係越黎越差--- AI

台式料理，台灣嘅一人一鍋，不過我哋今次唔係食佢嘅一人一鍋，試咗佢個便當🍱叫咗個豬軟骨飯，睇落唔錯嘅，豬軟骨好霖，味道都可以，唔係好濃味，偏清淡一啲，隻滷蛋望落都幾吸引，滷蛋唔老，每份便當配一碗紫菜肉丸湯。再點個無骨豬手飯，食出咗酸豬腳嘅味道，好似坐月時食嘅咁，我個人就麻麻地喇。跟餐加8元要咗杯珍珠奶茶，仲要咗杯水果茶，珍珠奶茶味道有點甜，無乜奶茶味，水果茶普通，可能要杯熱嘅花茶仲好啲，起碼唔洗再另加錢