幸福車站 (已結業)

孜然金磚船＄12加咗孜然粉、七味粉同燒汁嘅炸豆卜帶點微辣，非常惹味。豆卜外脆內軟，入面仲好juicy，原來老闆娘喺炸之前，會將豆卜浸喺自家祕製嘅汁到，所以豆卜炸完之後完全唔會乾身日式金磚船＄15 面頭加咗沙律醬、燒汁同紫菜嘅炸豆卜，味道同章魚燒好似，估唔到日式醬汁同豆卜出奇地夾👍台式鹽酥雞＄20鹽酥雞香口之餘又嫩滑多汁，粉漿唔會太厚，薄薄一層炸到好脆口。雞粒喺醃製嘅時候調過味，所以食落有陣陣咸香味，再灑上七味粉，味道一流抹茶紅豆冰＄16抹茶味非常濃郁，裡面並無加糖，佢嘅甜味全靠入面嘅紅豆蓉，微甜嘅紅豆粒加埋香濃嘅抹茶一齊飲，絕配！好味又抵食既小店真係買少見少，點可以唔撐…查看更多

一間喺葵涌工廈區附近既小食店 , 食店係外賣店 有好多特式小食 好似車仔麵 炸豆卜 蘿白豬紅等等 , 只有兩個企位食野， 門口出面會有個幸福車站既車站牌 上面寫住食物menu幾得意。 由於唔趕時間 所以同朋友一齊企喺度食 孜然金磚船8 粒 12 蚊 係炸豆腐卜 , 豆卜炸得出面好香脆 外面鋪上甜醬汁同孜然粉 食落好惹味 重點係豆卜入面好軟熟好juicy 好好味 ! 台式鹽酥雞 20 蚊 用雞脾肉整成既鹽酥雞 即叫即炸 出面既茨粉落得剛好 食落去粉同雞皮炸得好香脆 又帶點鹽香同七味粉 雞肉十分彈牙嫩滑 推介！ 黃金炸燒賣10 粒 伴泰式甜酸醬 炸燒賣越黎越少有得食 出面炸得薄又香脆 入面既燒賣又唔會炸得好乾身 點埋甜酸醬 剛好中和燒賣既油膩感 好味 ! 花枝生菜湯 15 蚊 生菜魚肉就食得多 生菜花枝就第一次食 菜湯既菜新鮮 比較清新 花枝彈牙新鮮 點埋胡椒粉十分特別 ! 軍艦車仔麵 38 蚊 有魚蛋蘿白 豬皮 大腸 豬紅 冬菇 翼尖 魚蛋係咖哩魚蛋好彈牙 大腸同雞翼尖好林又夠醬油香味 蘿白整得好入味 豬紅好軟滑 豬皮好爽口 , 粗麵好爽口 湯底揀左麻辣醬 麻辣醬好似四川醬甘 麻香辣俱備 鍾意食辣既朋友要試 關東煮讚歧烏冬套餐 35 蚊 有章魚餅 厚煮蘿白 魚卷 油揚 用日式甜豉油湯底加上紫菜絲 芝麻等 好有日本風味 , 烏冬好爽口彈牙 食落比較煙韌， 關東煮材料 全部都整得好味 油揚係日本腐皮 好甜又夠林 , 魚卷好爽滑，章魚餅林得黎帶點 彈牙 . 厚切蘿白又林又入味 正！ 飲品方面有 抹茶紅豆冰 16 蚊 好香抹茶味又帶點奶既滑 , 冇落糖 完全係用紅豆既糖味 甜度適中又唔會搶走抹茶既味道 好味 胚芽特濃朱古力 16 蚊 用左ghirardelli 呢隻美國朱古力粉沖 濃得黎一飲完仲會有朱古力味喺口入面再配合少少奶好香滑 同少少胚芽增加口感 好味 柑桔蜜滿天星16 蚊 柑桔味十足 配合爆住 一咬開會爆d荔枝果汁糖出黎 幾特別 食店 食店雖然開喺偏遠地區 但佢既食物質素好 全部用心製作 經過葵涌既朋友一定要試！…查看更多

黎呢頭探完朋友又有啲肚餓，所以就黎食下小食。就咁睇個門面都已經好吸引，左邊個車站中間其實係車仔麵餐牌黎，幾盞鬼睇真啲側邊個牌仔啲特飲都係十蚊咋！老老實實，十蚊一杯紅豆冰已經難搵，仲要係抹茶我最愛嘅抹茶梗係要試下啦，影嘅時間啲紅豆已經俾我撈均左嫁喇。原本係有咁多紅豆嫁！店主姐姐話佢地冇加糖，因為本身紅豆已經甜嫁喇，仲提醒我撈均先好飲。飲落好夠甜，抹茶味好香。香得黎一啲都嗝苦。而啲紅豆好煮到好林好易入口。飲得出啲甜味唔係糖水嘅甜，係真係紅豆嘅甜。因為朋友唔食豆，所以佢叫左杯滿天星。杯滿天星入面好多爆珠，入面除左有荔枝味之外，爆珠爆果時都有小小似益力多嘅味！其實都幾多小食，雖然關東煮叉左，但原來仲有嫁！呢個關東煮上面果三舊野都唔同嫁！一舊係魚蛋一舊係章魚，一舊係獅子狗！紫菜底下就係一舊大蘿蔔，唔得唔讚，舊蘿蔔真係好清甜！除左蘿蔔甜之外，個紫薯餅個皮炸到好脆但入面啲紫薯都好甜。間舖頭嘅小食都好趕得上潮流孜然金鎛都係第一次聽，原來係豆卜加左孜然粉同燒汁。呢味都幾創新，食落辣辣地，豆卜外脆內軟，一啲都唔dry。呢度係半份炸燒賣，平時食炸燒賣都係襯華鹽，估唔倒泰式辣醬都幾襯嫁喎。花枝生菜湯，呢個真係好驚喜，平時食生菜魚肉都係得啲粉，呢個係花枝黎，咬落好爽。而且個湯甜甜地幾特別。最鐘意就係炸雞！個炸雞好入味，而且中間仲好鮮嫩，咬落仲有雞油流出黎，一啲都唔乾！呢度半份黎嫁咋，有一半已經俾我食左。…查看更多

今天下午休息有幸到石蔭一趙早已看飲食雜誌得悉石蔭是卧虎藏龍之地今天就來搜奇一番一個巴士站牌吸引了我們的注意加上老闆出來熱情招待我們就決定在這裡吃個下午茶點了老闆推薦的胚芽特濃朱古力的確朱古力超級濃郁應該有普通茶記的2倍濃度吧你點的港式奶茶也很有茶味台式鹽酥雞即炸的外皮脆脆肉質嫩滑份量多而且價錢親民我點了最愛的花枝生菜湯花枝條質感厚實不像坊間的那些重點是份量真的超多你的韭菜豬紅湯也很美味份量又是超多的最後追加了日式金磚船實際是酥炸豆卜配上日式章魚燒的醬第一次吃到這樣的新奇配搭呢老闆娘還請我們試了她新研發的麻辣雞翼尖辛辣味強而且有濃香的麻感嗜辣必定喜歡閒談間得知到了老闆對食物烹調的原則和堅持這份敬業樂業的精神令人動容請務必要繼續為街坊們煮出幸福的味道…查看更多

不是一般的小食店，老闆娘好nice, 好有禮貌，車仔面便宜大碗抵食，麻辣醬做得好好，"關東煮讚歧烏冬"非常有心思，很多值得推介的美食，如瑞士豬皮，軍艦車仔面，三色薯餅，抹茶紅豆冰，胚芽特濃朱古力。…查看更多

三色薯餅細細件岩岩好，有咖哩，紫薯同粟米，皮薄又好味。碗仔翅鐘意佢入口夠滑，最怕出面果種太傑太濃又味精味，蘿蔔凊清地又甜，又幾夾喎o同原來咖啡係即磨嘅，真係估佢唔到。…查看更多

剛開業嘅街坊小食， 鄰近工廠區 ， 價錢十分合理 ，雖然只限外賣， 不設堂食 ， 但老闆娘精心炮製嘅 咖哩魚蛋， 滷水雞髀， 牛筋誠意推介， 滷水雞髀超入味， 牛筋十分爽口不韌而且每日限量發售， 期待日後有更多美食.…查看更多