幸福是蛋糕一件 (已結業)

金莎朱古力呢個蛋糕係外面包住一層金莎朱古力，裡面夾住幾層蛋糕同花生醬🤩🤩。一入口就散發出濃郁嘅朱古力香氣，蛋糕質地鬆軟得好似戚風蛋糕，食落去好軟綿綿🤤🤤，富有蛋香味👍🏻👍🏻。而外層嘅朱古力有榛子同花生碎，做到金莎朱古力嘅效果😆。切落去嘅感覺就更加濕潤🤪🤪。份量都好足夠，用料充足😎😎。未切開就已經聞到濃郁嘅朱古力同蛋糕香氣，真係令人垂涎欲滴😋😋。我特別鍾意呢個蛋糕係用海藻糖💯💯，比起一般市面上用嘅白糖更加健康。甜度唔係好高，啱晒我呢個鍾意清淡口味嘅人😻😻。如果你唔太鍾意食太甜嘅野，呢個蛋糕就好啱你。佢嘅甜味度剛剛好，唔會過份甜膩😝😝，令你可以享受到純正嘅食材風味。鍾意佢嘅清淡口感，因為可以更好地品味到蛋糕本身嘅質感同味道😇，係一種平衡而又令人滿足嘅味道體驗🤩🤩。所以如果你係一個鍾意清爽口味嘅人，呢個蛋糕絕對值得一試。你可以享受到蛋糕本身嘅純淨風味，同時又唔會覺得過於甜膩，一定會帶嚟一種舒爽嘅味覺享受💕💕。下次我一定要試下其他口味嘅巴斯克蛋糕，好期待💛💛。📍幸福是蛋糕一件 Happiness is a piece of cake沙田石門安群街1號京瑞廣場2期1樓101A8號舖Shop 10

平時好少買古早味蛋糕，一嚟覺得唔值呢個價😅，二嚟之前喺荃灣$25就買到個質素唔錯嘅原味蛋糕。不過，最近收到消費券，買野豪爽左🙈，而且唔買係唔會知值唔值，所以買左個$75嘅古早蛋糕。小店每晚都會喺FB更新第二日嘅出壚時間，當中焦糖燉蛋味更係每日必有產品之一。睇嚟應該係熱賣款，所以我揀左佢。焦糖燉蛋味 $75蛋糕體有綿密嘅氣孔，質地軟熟、有少少回彈，同原味古早蛋糕分別不大。不過食到中間會有一層燉蛋漿，呢個位置較濕潤、蛋味亦提升左少少；蛋糕整體甜度唔會好高，食完唔會覺得喉嚨唔舒服。我分左兩日食，第二日用氣炸爐翻熱，放到室溫後，再以低溫翻熱幾分鐘，避免蛋漿層變乾而失去濕潤感，結果同第一日分別不大。食後感：我覺得試一次就夠🙊。

石門對我來講係一個超級遠既路程，雖然未至於特登搭車去買，但只要經過石門，都會買一份翻屋企同家人分享，原因只有一個：好食😋一來佢既味道夠獨特，係金莎朱古力味，上面鋪左層鏡面金莎，雪落雪櫃再拎出來食更加有層次感。蛋糕輕身輕盈，當做早餐能量滿滿。已經唔記得係第幾次幫襯啦。佢地個紙盒都好靚，因為佢地既店名都好療癒🤩- HAPPINESS IS A PIECE OF CAKE. 題外話：因為每種蛋糕出爐時間都唔同，如果想預留蛋糕既話，可以WHATSAPP店主預留。😋👍諗諗下，都好耐無食過啦🤐

新年就係不停食嘅日子，之前深水埗返工時已經買過佢食，佢門面係打卡度十足嘅花花牆壁！至於蛋糕款式係非常多，不過成日都會唔同，所以為免失望，去到先揀款式就好啲，或者睇佢FB或IG。佢嘅 #古早蛋糕 🍰出名少甜，用海藻糖製成，今次買咗 #焦糖燉蛋 ！佢嘅表面定橫切面都見到佢嘅「焦糖燉蛋」🍮，雖然佢冇我食開嗰間咁鬆軟，可能係焦糖燉蛋夾心，所以比較實淨，食落又真係唔係好甜！比起連鎖麵包店嗰類「勁多甜到蛀牙cream」嘅蛋糕，我更愛古早蛋糕，一來呢類小店唔會太貴，CP值高，又可以食到蛋香！講真～生日送呢個比我做生日蛋糕我仲開心🤭！

🍰 Happiness is a piece of cake?唔知道快樂對於大家嚟講又容唔容易呢? 作為甜品控嘅女生們其實好易氹! 人生再苦, 都可以食返件蛋糕甜一甜, 忘記煩憂☺️ 呢間happiness is a piece of cake綵用海藻糖, 甜得嚟減輕負擔~ 而且每件古早味蛋糕都好大份量, 連我媽咪都話呢個價錢咁大份好抵食!🧀 拉絲芝士 ($60)第一次食拉絲芝士味, 切開嘅時候真係見到有好多幼幼嘅芝士絲拉住咖! 呢個蛋糕體, 因為入面有好多芝士, 比起朱古力味更鬆軟更濕潤, 芝士味又香又唔會太鹹, 推薦!!🍫 金莎朱古力味 ($80)我係第二次食呢個金莎朱古力味, 食過翻尋味, 知佢咩料喇? 呢個朱古力味真係超級濃郁, 除咗鬆軟嘅朱古力蛋糕, 仲有兩三層朱古力醬夾心, 加埋靚靚朱古力花生碎淋面🥰叫咗一鹹一甜, 同屋企人開心share就最正喇😋

女生之所以有第2個胃食甜品，係因為食完甜品會有雙重快樂！😆😋🎊Happiness is A Piece of Cake 幸福是蛋糕一件，喺店主眼中，快樂😊同幸福☺️其實就好似食到一件好味嘅蛋糕咁簡單，一種知足嘅人生態度😌😌喲。古早蛋糕店愈開愈多，喺台灣就無食過，所以我都唔知究竟點樣先叫正宗，啱口味好食就夠啦～而香港人貪新鮮又有創意，除咗原味之外，仲有好多唔同嘅口味選擇。今次食嘅係店家獨家推出嘅「朱古力🍫忌廉芝士🧀古早蛋糕」($70) ～揀呢個味嘅原因係因為想試朱古力味之餘，又想試Cream Cheese同古早蛋糕嘅配合度🤤🤤，結果發現原來又幾夾喎😳🤩😋呢間嘅古早蛋糕味道超多，而且都極有特色，好似檸檬🍋吉士、焦糖燉蛋🍮、椰汁🥥班蘭、tiramisu☕️🍾、拉絲芝士、皇牌金莎朱古力🍫、濃厚芝麻，仲有茶控最愛嘅抹茶紅豆麻糬🍵、伯爵茶同荔枝桂花烏龍，宜家講完我都好想試晒呢啲味！！尤其係tiramisu同焦糖燉蛋🍮，聽講好有層次感，唔係想像中咁漏架～而焦糖燉蛋凍咗食好似啫喱咁，嘩，超想食！❤️❤️🤤🤤🤤🤩🤩我呢個朱古力加忌廉芝士餡本身已經好邪惡，再加埋粒粒朱古力🍫🍫喺蛋糕面點綴，真係引死人！除咗蛋糕係濃

Follow左呢間小店嘅ig 一段時間，知道係幾位年輕人開嘅都想支持吓～今日同響12月中試左兩隻唔同味，分別係拉絲芝士同埋金莎朱古力～其實問心味道真係不錯，唔太甜，好香蛋香而且夠濕潤。不過硬係有啲位仲未夠好，希望有得改善吓，等多啲人鍾意，益吓住馬鐵沿線嘅街坊😍拉絲芝士$60（唔記得影相）：面頭有脆芝士，入面就有軟心嘅拉絲芝士，夠咸香又唔會太漏👍🏻可惜一切開就跌好多蛋糕碎出黎，近睇就見到啲氣孔好大，整體比較鬆散，唔可以好完整咁切一片出黎🥲金莎朱古力$80：呢個嘅質感反而好軟綿，香濃朱古力又唔會好甜👍🏻可惜內層朱古力醬令蛋糕過份濕潤，入口比較黏口，加上岩岩買即食嘅關係，蛋糕面頭嘅朱古力漿又好軟身，所以一入口就過份腍口。不過蛋糕雪完一晚之後就明顯好好多，因為蛋糕面個朱古力醬變硬左，令口感多左層次，如果個糕身再乾番啲啲就完美喇！

食完甜品後，到石門商場四圍逛，突然聞到很香的味道，就跟著香味走過去，原來是賣古早味蛋糕。既然咁香就忍不住買了一個品嚐。回到家看到紙盒，才發現店舖名稱，幸福是蛋糕一件。食到會幸福嘛？這次選了拉絲芝士蛋糕，蛋糕拿上手已經很鬆軟，食落口陣陣芝士味，芝士在蛋糕裡很平均，而且不會太濃烈及太膩。食到一件美味的蛋糕是幸福的事！

石門早排開咗間古早味蛋糕，店鋪位置比較入，如果唔係細妹買返屋企，我應該一直都miss咗佢🤣不過食完一次之後我就已經好快再encore～🍰金莎朱古力味($80)面層淋上一層朱古力加榛子碎，做成金莎嘅外層脆皮(•̀ᴗ•́)و內層蛋糕分三層夾住朱古力醬～蛋糕好鬆軟！同埋我最鍾意就係佢雖然話係金莎口味，但佢絕對無金莎咁甜，反而朱古力味幾濃，係我暫時encore過嘅口味！推薦大家雪凍少少嚟食，因為個脆皮更加明顯，同埋我覺得朱古力蛋糕都係雪到有少少厚實先至最好食😋另外仲有個拉絲芝士味($60)都好推薦！不過無為佢留下倩影就已經被消滅咗🤣佢芝士味好出仲真係拉到絲㗎！同樣蛋糕鬆軟～