7
1
0
港鐵筲箕灣站 B1 出口, 步行約2分鐘 繼續閱讀
付款方式
現金
食評 (9)
等級4 2019-10-20
89 瀏覽
繼荃灣掃街日後今天來一場筲箕灣掃街日!東大街多美食很多人都知道,那我們究竟又掃了些什麼好吃的東東! 車爸爸則負責到幸福小食買我喜歡的韮菜餃,素聞此店的韮菜餃挺有名氣今天就要試試了! 選了細碗的上海韮菜餃$23/6隻,另外再點上細碗的魚肉碗仔翅$23,韮菜餃很用心的即叫即淥這點很值得我欣賞! 湯頭是幽幽的大地魚味可惜不濃不淡的不是十分吸引!餃子身確是皮薄可惜收尾很厚重,還煮得不久透身有點粉口,韮菜和肉比例完美但韮菜未夠出衆,除了價位吸引我外整體也未能得到我歡心! 另外同樣以大地魚湯頭煮出來的魚肉碗仔翅,味道算不俗但獻頭很膠而且很快變水!但魚肉吃得出是真魚肉來,所以口感不會粉粉的!另配料中的木耳絲、肉絲都夠爽口而且比例亦恰好,總算取回點分數!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-13
538 瀏覽
大前日(9-2-2019 Sat)大年初五,同老公去佢爸爸家拜年,喺東大街搵嘢食時,見到呢間有即包生餃子,因為呢晚打邊爐,咁不如喺喥買埋餃子,我哋就買咗10隻韭菜餃,店員喺膠盒喥灑上生粉以防黐底,然後整齊咁排同包好.拎到去打開睇,隻隻都夠飽滿圓潤,烚熟食得,皮薄滑,味道唔鹹同唔太濃,韭菜粒冇渣,而且多過肉,冇咁油膩,感覺較健康,有幸福家庭嘅感覺.服務:雖然只係1,2分鐘嘅事,但都好有禮貌.味道: 4  環境:3服務: 4 衛生:4抵食: 3 繼續閱讀
(以上食評乃用戶個人意見 , 並不代表OpenRice之觀點。)
等級2 2017-03-31
979 瀏覽
位於筲箕灣巷仔入面嘅幸福,位置隱蔽唔起眼,但間中總會聽到有人介紹佢嘅。不過由於佢冇堂食,全部人都係外賣買走嘅,有時就會買生未煮嘅冰餃子返屋企食。食過兩三次幸福,佢嘅質素好平穩,26蚊9粒人手包韮菜餃,加烏冬底就8蚊。餃子非常足料好飽滿,但個皮尾尾嗰度就厚左少少,煮完會有一位厚到硬左,有少少影響整體嘅味道,不過另一角度睇,就好有家嘅味道 另一重點係佢個大地魚湯底,比起平時食d雲吞麵湯真係差十條街。呢度湯底清甜,鮮味,食完又唔會口乾嘅,食得出係用心之作! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-01-10
623 瀏覽
買下午大份餃子食!俾左$26cashier ! 在門外等左5分鐘,到有外賣攞就回家,行左幾步就有個女人大叫:喂!你未俾錢!擺明屈人!叫佢數錢睇cctv又話:唉,算啦!心情大受影響!第一次版人屈冇俾錢!大家不要幫親筲箕灣幸福美食! 繼續閱讀
(以上食評乃用戶個人意見 , 並不代表OpenRice之觀點。)
等級1 2016-06-12
848 瀏覽
食lunch 既時候見到哩一間不顯眼既鋪頭外, 好多人係門口等(外賣多), 再加上見到價錢又唔係貴既手包餃子,就坐低試下啦, 點知, 就食左哩個一食會愛上既餃子。座位真係得好少, 只放置一兩張細枱。見到好多人都係叫韮菜餃同埋碗仔翅, 我就選左九隻韮菜餃黎試試~~老闆娘會係你落單既時候,先放餃子落湯度煮, 所以都要等五至十分鐘先有得食。當個碗送到你面前, 你第一樣係聞到好香好濃郁既大地魚湯味道,我個人對大地魚湯有迷戀, 所以飲左幾啖湯已經好想成碗飲曬佢XD我本身唔係熱愛韮菜既人, 正常既韮菜餃都OK既, 但都會驚中伏食左好腥既韮菜, 這間鋪既韮菜餃所用既韮菜好新鮮, 食落無腥味, 肉都唔少,仲好大顆。好味既韮菜餃+大地魚湯+生菜,這個配搭真係好夾!!!! 最後個湯我都真係飲曬, 飲完都唔覺得有口渴既感覺。後來俾錢既時候發現原來佢地都有被人介紹過, 這間我都覺得好值得係附近掃街既時候食埋~~  繼續閱讀
(以上食評乃用戶個人意見 , 並不代表OpenRice之觀點。)