幸福單品咖啡

營業中

休息中

食左呢間兩三次，呢間有超多種咖啡豆選擇，貼哂喺牆壁度。飲過兩款唔同國家出既都好飲。本身唔好咖啡既我，每次去都喺為左佢既幸福三文治🥪佢份三文治超大份，可以兩人分享！入面有哂蛋，芝士，蕃茄，餐肉，火腿，青瓜同紫菜，黑芝麻⋯食落去超級夾同好食！！環境方面：因為佢喺小店，得幾張枱，所以我通常平日下午去chill 下職員/服務： 老闆娘本身超好人，有禮貌，一人店一定要預時間製作。佢好好心機。每一張檯都有一包紙巾，呢啲就喺細心。另外，每種咖啡都會寫明出產國家同味道，香氣；令客人可以揀自己鍾意既，非常詳細！

每次黎到西營盤，都必定會拜訪呢間 "幸福餐廳‘’ 個人喜好必選三文治，大份又好味。我今日點左清新三文治，有我最喜愛嘅牛油果，加埋蕃茄和青瓜，真係好清新。最特別係佢加咗自製嘅醬汁和配料，味道好獨特，其他地方食唔到。🤤而佢嘅咖啡亦係不異之選，係少有嘅虹吸壺咖啡，我每次都會揀佢嘅白蘭地味道。 而佢咖啡嘅款式之多，可以參考下餐牌，真係數之不盡。除咗三文治同咖啡，仲有其他嘅美食，迎合唔同人嘅需要。餐廳地方雖小，但老闆娘好友善，每次嚟食嘢都真係好有幸福感覺。🩷

想食好耐嘅主打足料三文治，專登揀平日早上，相對冇咁多客嘅時候去。店舖環境較細，有户外座位，對出是一個大平台，寧靜、舒服。手寫菜單，然後遞俾老闆娘，廚房一目了然$70 煙三文魚、牛油果青瓜三文治牛油果、三文魚呢個組合冇得輸，一定好夾 連埋青瓜，竟然更加昇華左，層次更加豐富，能夠一解沙律醬嘅膩感。價錢上係餐單上較貴啲，但都值得一試。普遍都市面上嘅呢個組合嘅三文治，麵包都唔烘烤過，所以整體感覺都幾新穎~$40 鹹牛肉蛋三文治麵包烘烤後好香口，脆得來仍有麵包和牛油香鹹牛肉同熟蛋嘅比例6:4，鹹度適中味道正常，普通左啲呢個價錢係貴啲，但份量冇得比，完全可以作為正餐。

份量大性價比高單品咖啡款式選擇多老闆娘一人主理店子雖小但裝潢佈置令人感覺舒服自在 - 超。幸福三文治餐肉蛋青瓜芝士火腿海苔- 牛油果炒蛋芝士三文治新鮮牛油果芝士加炒蛋- 烏干達 一款有趣的咖啡豆

📍香港📍西營盤📍幸福單品咖啡📍西環西營盤英華臺1-6號華輝閣地下1號舖📍星期二至日 08:00-18:00 & 星期一 10:00-16:00💫 小店大約14座，開放式設計。老闆娘一個人負責落單、煮嘢食、沖嘢飲、收銀、清潔。雖然佢好忙碌，但見到佢好開心keep住好好笑容對客，仲好熱情同客傾偈。仲有一個加分位系有廁所👍🏻🦄 超•幸福三文治 $60呢個雙層餡料三文治真係見到都幸福😹 麵包好厚身，濃郁牛油香，重點係好酥脆呀😻😻 唔界口個隻！特別係包邊🤤 有芝士，餐肉，炒蛋，青瓜，火腿，海苔。餡料真係好豐富，不論味覺定視覺。加咗黑芝麻嘅炒蛋配埋海苔，增加左味道既層次。🦄 英式早餐 $78有煎蛋、煙肉、司華力腸、茄汁焗豆、蕃茄、多士。系烤到好香脆既厚多士，仲有脆邊蛋😻司華力腸系我童年回憶哈哈！#foodieschu西營盤

呢間真係隱世小店，鋪面唔靚，唔係打卡既材料，但啲野食同咖啡真係好得！超級足料三文治，大推！ 1.  咸牛肉蛋三文治 $40以蛋牛治來講, 雖然有少少貴, 但真係足料, 而且係即叫即整, 三文治有烘底, 做到外脆內軟既效果。咸牛肉同蛋既份量都唔少，牛肉醃得啱啱好， 唔會太咸，保留牛肉既鮮味，蛋都炒得好滑，好有蛋香。2. 超·幸福三文治 $60呢個係雙層餡料既三文治，有芝士、餐肉、炒蛋、青瓜、火腿、海苔，勁豐富！餐肉都算幾厚，青瓜勁FRESH，無論味覺定口感上都勁豐富，而且女仔真係未必食得，真係幾大份！咖啡有分唔同地方出品：南美洲、北美洲、牙買加、亞洲其他地區。鐘意飲咖啡既朋友不彷一試。仲有咖啡豆可以買嫁！今次就叫左杯藍山咖啡$45，味道香濃，有少少微酸，個人幾鐘意！

I really like this cafe hidden away from the hustle and bustle of the city! The cafe may be small but has a big heart! The drink list is well thought out and prepared with love! We ordered a lemon tea and the ice cube is made with the tea!The coffee came in a fancy glassware, it was a strong and aromatic coffee that I loved!The club sandwich is mega with alot of fillings! A very satisfied customer!!!

餐廳位於西影片正街 住宅區附近鋪位唔係超級大 食物選擇主要有三文治🥪、沙拉🥗、同埋麵🍜重點係佢哋舖頭既咖啡選擇超級多 我諗有過30+款 超級適合咖啡專家！🔍 一定會搵到啱自己口味既咖啡☕️留意返每個人係有最低$50消費💰牛油果炒蛋芝士三文治🥪 ($55) 牛油果份量都幾多 我諗有半個左右🥑炒蛋好香滑🍳 蛋味幾出 仲可以選擇配香草🌿、芝麻、黑胡椒、醬汁！仲間仲有一塊芝士🧀️ 好足料！小心餡料太多會飛出來🤣重點係麵包超級重牛油味 烘底🍞🧈 仲要係厚多士！味道：🌿🌿🌿🌿/5 📍幸福單品咖啡 (西環)地址：西環西營盤英華臺1-6號華輝閣地下1號舖

第一次到幸福單品咖啡試三文治同咖啡。平時已經聽過呢間食店，見到啲相好似幾大份。諗住以試下普通三文治既心態就叫左真•幸福三文治（$60）（走餐肉要火腿），抹茶泡沫咖啡（$50）。點知番到屋企一睇，係超大份，好誇張，一隻手都攞唔哂，超足料。第一啖咬落去口感十足，有沙律醬，青瓜，芝士，火腿，厚炒蛋同海苔。利用左海苔增加左味道既層次，除左食到沙律醬既甜亦有海苔既鹹味，有驚喜。當下覺得係休閒既假期食到咁滿足既三文治係有點幸福。簡簡單單一份三文治同咖啡就陪我度過左一個下午～而抹茶泡沫咖啡就會飲到微微抹茶既苦，會稍為蓋過咖啡味。*外賣記得自帶盒，因為外賣自取只會有個紙袋

今日嘅美食之旅就係喺呢間讓人感到暖暖心意嘅餐廳。坐落喺熱鬧街區，店面唔洋氣但絕對乾淨舒服。入到去首先迎接你嘅係老闆娘嘅熱情笑容同芬芳嘅咖啡香。自己寫紙條點餐都算特式，親切添。食物呀？簡直係一場味蕾嘅慶典！點咗份超·幸福三文治🥪，一看已經流晒口水。三層豐盛嘅配料打造成一座小小嘅美食山嶽，牛油烘嘅麥包脆口得嚟帶點香甜，透出一股沁人心脾嘅熟悉味道。夾雜著香滑炒蛋與生菜，食落真係好有層次感，輕輕咬落去就能感受到「哧溜」嘅新鮮。再嚟就係咖啡🍵啦，每一口都係細膩嘅享受。嚴選好豆，咖啡嘅香氣掩蓋唔住，正如後生仔第一次拍拖嘅緊張。整體黎講，呢一餐開心得滯，足以令人臉上露出專心享受、陶醉喺美味當中嘅微笑。週邊都聽到人哋「嘩」嘅讚嘆聲，真心推介畀大家嘅好地方。下次朝早閒閒地，一定再嚟享受下這份幸福嘅味道！🌟🌟👍🏼

呢一區非常多外國人，在我隔籬旁邊的都是說英語的。店舖也很有特色，在餐廳播了很多古典音樂，有莫札特貝多芬等等的 小奏鳴曲，在枱布上也有梵高的畫。老闆娘很好人，因為我的朋友說普通話，他也以一個不太標準的普通話和我們談了很多說話 。三文治非常好食，皮非常脆，餡有很多，為什麼不能抗拒，因為他的名字就叫做超幸福三文治，有誰人不會喜歡超幸福呢？三文治裏面有不同的材料，有午餐肉，青瓜，和煎得很滑的蛋蛋裏面有黑芝麻很香的。另外朋友吃了煙三文魚🍣，牛油果沙律，他配的味也很適中，酸酸甜甜的。唯一所有的食物都是超大件，但因為他叫幸福的關係，我們不想浪費幸福，所以一定要食完他！

《幸福滿滿的一天．Eat makes my day》👒港島中西區充滿著舊香港的味道，這天來到西環行一趟文青之旅，先到藝里坊欣賞Graffiti，再到「幸福單品咖啡」悠然自得地享用一頓幸福滿滿的Brunch。☕️「幸福單品咖啡」雖說是一家咖啡小店，但咖啡源自世界各地，種類琳瑯滿目，令人選擇困難🙂。到訪當天，我比開舖時間早了一點，於是在附近繞了一圈，途經西營盤社區綜合大樓，大樓外面仍保留着英式建築設計，打完卡，回去已成為當天的第二位客人，一坐下，男店主阿田先奉上一杯暖水。剛開舖，阿田還未開始忙著，花了少許時間給我講解一下選咖啡的心得，他說位於赤道國家的土壤最適合栽種咖啡，因此產自這些國家的咖啡質素比較高，另外餐牌上咖啡名字旁邊的數字代表咖啡的濃郁度，聽著聽著，心中選定了產自非洲的「肯亞AA」。☕️肯亞AA🪶咖啡初哥不恥下問😬，問了阿田咖啡是否直接飲，還是加點糖或奶。他說優質咖啡對身體好，他建議我先試試齋啡直接飲，嚐一下咖啡的原味，如真的覺得太苦才加點糖或奶。小口喝了一口，感覺不錯，甘香味濃。🍽食物方面，已知道這店的三文治🥪分量大，而且材料豐富，十分吸引，雖知道「真。幸福三文治」及「超。幸福三文

這家咖啡店主打的是咖啡飲品。他們提供了兩頁的咖啡豆品種選擇，給咖啡愛好者帶來多樣性的選擇。我試了他們的布隆迪咖啡，它不僅沒有酸味，而且香醇濃烈，回甘的味道令人愉悅，還帶有莓果的風味。這杯咖啡帶給我一種真正的幸福感。此外，他們的三文治也非常美味。我品嚐了他們的真.幸福三文治，裡面有炒蛋、餐肉和吞拿魚。這個組合非常搭配，每一口都令人滿足。總的來說，這家咖啡店以咖啡飲品為主打，提供了多種咖啡豆供選擇。他們的布隆迪咖啡具有香醇濃烈的回甘味和莓果風味，讓人感到愉悅和幸福。同時，他們的真.幸福三文治也是一道美味的選擇。如果你喜歡咖啡和美味的三文治，不妨來這家店一試！

🏷️ 幸福單品咖啡📍 西環西營盤英華臺1-6號華輝閣地下1號舖😋味道　：8.5 / 10💰性價比：8.5 / 10💕回頭　：8.0 / 10🍴 真。幸福三文治 - $60🍴 鹹牛肉蛋三文治 - $40🍴 焦糖奶茶 - $35

一間氣氛，食物都很不同的食店，吸引大部份人的除了世界各地各種不同的咖啡口味，還有超大份的吐司，由白面包和麥包，夾住芝士、餐肉、炒蛋、生菜、吞拿魚，饀料非常豐富，兩個人都食吾曬 🥪，台式做法，香脆可口 😘咖啡我每次都會試阿田真情咖啡，就是老闆娘咖啡，有奶沒有糖 🍵 朋友試了一杯夏威夷果香酒味咖啡 ☕️ 喝一口真的很香果味，而淡淡的酒味和咖啡豆很配襯 🫶溫馨提示 ： 如果你趕時間建議不要去，因小店多數衹有老闆娘一個人，座位亦衹有 10個左右，呢度自己寫單交俾老闆娘整，等差不多 20分鐘，因全部食品和飲品都是即整的，但如果你是咖啡愛好者，和想享受一下沒有壓力的用餐氛圍，呢度環境都可以俾到你的。