11
4
1
港鐵葵興站 A 出口, 步行約14分鐘 繼續閱讀
電話號碼
36283884
營業時間
今日營業
11:00 - 18:00
星期一至六
11:00 - 18:00
星期日
全日休息
*截單時間: 17:00
付款方式
現金
座位數目
42
其他資料
支持防疫 詳細介紹
酒精飲品
支持減塑 詳細介紹
加一服務費
食評 (17)
等級6 2020-07-17
161 瀏覽
幸福、快樂、歡喜、瀟灑、開心、心寧、希望、如意、光明、信心、自在和滿足,這十二個祝福或鼓勵可在這個大鐘裏找到,但在你們的心中可找到嗎? 看着這個大鐘,真的很想擁有每個詞語。自從搬了來葵青區,第一時間就是寫嗰「想到訪」食肆list,這間是其中一間,它是一間素食咖啡室。咖啡室位於一座辦公室平台上,望看藍藍的天空,雖帶着口罩,未能深深吸入一啖清新的空氣,但晒晒太陽,感覺也不同。落地的玻璃門窗,外形好似一間溫室。一拉開門,就被那個大鐘吸引着。內以純白色和木為主調,座位不多,設有幾張長枱和四人枱,設計簡約樸實,感覺舒適悠閒。*****************************第一次(1/7/2020) 來到是下午茶時段,故沒有點套餐。除套餐外,也有小吃、自家製麵包、甜品和飲品供應。今日就等了半小時,等什麼? 就是等伯爵茶鬆餅出爐,再加杯熱抹茶豆奶。一上枱,店員便跟我說「祝你快樂」,原來杯熱抹茶豆奶 Matcha Soymilk ($36)上灑了「快樂」兩字,也正正是我的需要。溫度剛好,入口暖暖的,既有豆香,亦有抹茶的甘,味道不會太濃,也不錯!伯爵茶鬆餅 Early Grey Muffin ($20)暖笠笠,表面微脆,糕身鬆軟,茶葉碎屑遍佈整件鬆餅,啖啖伯爵茶的幽香,配上幾粒香脆可口的杏仁,更好吃!*****************************第二次(11/7/2020) 是約埋好友來預祝我的生日,也是疫情爆發的開始,但咖啡室還沒有隔板,真的很想強力建議他們快快做此措施。今次early lunch來到,故仍有不少自家製甜品和麵包,太好彩了。今日點了一份套餐、一件蛋糕、一客甜品和兩杯飲品,兩人共享。套餐選了牛油果大啡菇芝士漢堡 Avocado Portobello Mushroom with Cheese Burger($80),大大份,好滿足! 自家製麵包果然不同,焗得外脆內軟熟,夾着又爽又有菇汁的大啡菇、香滑的牛油果、爽甜的甘荀絲、半溶的芝士和清爽的生菜,大啖咬一口,好清新美味! 還有旁邊的焗薯粒,焗至半粉綿,仍有咬口,簡簡單單灑上鹽和黑椒,吃出薯香。見今日有自家製抹茶紅豆吐司,當然不能錯過。點了一客吐司雪糕,改吐司口味Homemade ice-cream with toast ($58+$10),賣相不算非常吸引,但味道一流。抹茶紅豆吐司焗至暖笠笠,皮微香脆,包身軟熟,抹茶的甘苦慢慢滲出,而紅豆的分量又唔會過多,帶些香甜,但又唔會搶了抹茶香,喜歡! 還有那球自家製的柚子青檸雪糕,好幼滑,酸酸甜甜,好fresh,跟吐司同吃,冷暖交融,好味呀!輪到抹茶蛋糕 Matcha Cake ($40),以杏仁和玖瑰花瓣碎作裝飾,賣相不錯。糕身略為有點濕潤,抹茶味較為薄弱,但忌廉輕盈,吃起來不覺膩,整體亦不會太甜。飲品方面,友人點了杯玖瑰咖啡 Rose Latte($23/跟餐半價),而今次店員就向友人送上一句「祝你幸福」,原來杯飲品上灑了「幸福」兩個字。友人話咖啡味和玖瑰味平均,味道吸引。而我就另點了一杯靜崗焙茶豆奶 Hojicha Soymilk($38),店員送上「希望」給我,是! 人生要充滿希望。入口暖笠笠,既有豆香,亦充滿焙茶香,味道剛剛好,很好喝,喜歡! ------------------------------在疫情下,大家難免會焦慮、擔心和不安,而我也不例外…..在這間滿滿的祝福和鼓勵的咖啡室裏,真的可給我多一點力量,也希望將「幸福、快樂、歡喜、瀟灑、開心、心寧、希望、如意、光明、信心、自在、滿足」這十二個詞語送給大家,齊心抗疫,加油! 繼續閱讀
等級4 2020-06-26
256 瀏覽
🔺Loving Nature Fortunate Coffee無意中發現的小確幸💕呢間Cafe位於葵涌工廠區附近位置都幾隱蔽 入到去感覺環境好舒適☺️仔細睇Menu發現原來呢間係素食餐廳😯.牛油果天貝壽司配有機麻醬豆腐🍣壽司入邊有牛油果、天貝、青瓜同埋紅蘿蔔😋小編第一次食天貝 上網睇原來天貝係黃豆發酵之後再壓制而成嘅健康食品😙加咗鰻魚汁之後無論樣貌同味道都同鰻魚幾似😂麻醬豆腐上面仲鋪咗D炸香菇味道清新開胃😃.牛油果大啡菇芝士漢堡配薯角🍔漢堡包好多料好厚大啡菇唔會好大草青味 入口多汁💦配搭蕃茄、沙律菜好fresh🌱不過牛油果略嫌唔夠熟😯.飲品方面揀咗餐湯同埋以半價加配咖啡餐湯係冬瓜蘿蔔粟米湯🌽飲落係食材本身嘅鮮甜味無加味精👍🏻咖啡上到嚟好surprise😀上面用朱古力粉撒上幸福呢兩個字😍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-06
575 瀏覽
今日同素食朋友食午餐,就自然選擇間特別的素食,今日去決定去葵興食,沒想到其實都唔難去,而且都幾舒服,我地一人一毎餐再加小食,白汁鮮蔬牛油果意粉比較多汁,味道都夠,因為多汁比較水不太掛到意粉普通不太差。少有見到藜麥扒 就試咗個 #藜麥漢堡 ,沒想到幾好食,因入面有好多不同種類,口感都幾特別又唔會太淡,麵包面脆入面軟熟幾好味。燕麥咖啡待應會同你講希望你開心過一日,真的有點感動,味道咖啡味都濃唔會得奶味,朱古力咖啡朋友叫就字是滿足,朱古力味同咖啡味都平衡,2個餐最後每人一百元唔貴會再去。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-18
372 瀏覽
想搵個地方靜靜地坐下睇下書,朋友推薦呢一間cafe 話裝修好特別, 所以嚟試一試。我大約十二點九嚟到,唔需要等位就可以入座, 坐低之後要自己出收銀落單,呢間餐廳主要係素食嘅menu,選擇都算好多,日式同西式嘅款都有,而且 定時會轉menu,我今次試咗個牛油果天貝壽司配麻醬豆腐,落完單好快就有店員將食物送到枱上, 牛油果壽司幾好食,牛油果唔會太生 ,麻醬豆腐亦都好正常,個套餐仲有一碗海帶豆腐湯,亦都係素食嚟嘅。整體嚟講份量都算足夠,不過如果比較大食嘅男仔可能就會覺得唔夠飽。 最後仲叫咗一杯咖啡黎飲 ,佢唔同一般cafe嘅拉花,今日係中文字開心,都幾得意。想食素食嘅朋友可以嚟試下,而且佢有個好大嘅時鐘都幾特別 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-06
1295 瀏覽
今次係我第二次嚟Loving Nature ☺️對上一次嚟完就好想再嚟,因為環境好舒服,無論自己嚟定同朋友一齊都好適合,不過位置就離我屋企有啲遠,所以都係要星期六放假先嚟~💛💛🔸芝竹「蛋」漢堡🔸▪️價錢:$59▪️今次試嘅芝竹蛋漢堡,第一眼真係似為啲蛋係真嘅😂因爲個邊煎得好似真蛋,但唔好忘記呢度係純素餐廳嚟咖😂啲蛋應該係用腐皮做(無估錯嘅話),食落又幾香幾好味,我諗個蛋應該有調過味,而芝士當然都係純素,入面仲有菜啊、蕃茄等等。而同我上一次嚟一樣,都係覺得個薯仔仲好味😂🔸抹茶豆奶🔸之後我就跟餐叫咗杯抹茶豆奶,大豆味好香亦都較重,抹茶味就帶少少苦,甜味就唔多不過我諗可以自己再落糖嘅(我無落)🍵🍵 繼續閱讀
(以上食評乃用戶個人意見 , 並不代表OpenRice之觀點。)