影片
以上資料只供參考, 請與餐廳確認詳情
啲同事成日都話呢間麻辣燙好難食，咁啱見到10餸麻辣燙都只係80幾蚊，所以就決定試試佢。麻辣燙賣相都算精美，而且望落都幾豐富。10個餸入面我揀咗風琴豆腐，貢菜，娃娃菜，淮山，豬頸肉，豬腩片，腸仔，貢丸，豬紅及雞翼尖。老實講呢個價錢有10個餸我都唔預算佢嗰份量會有幾多，但係我估唔到個豬紅可以咁過分，全部都係碎既，圖入邊嘅豬紅已經係成碗入邊唯一同埋最大嘅一粒。而且寬粉都煮得唔夠腍。我叫咗乾拌嘅麻辣燙，喺香港麻辣燙我都算食得多，但係呢間真係我食過最油嘅一間。食完之後啲油嘅水位係去咗個碗嘅三分之一。我啲同事見到以為我係叫麻辣湯。可能堂食會好少少嘅，不過如果我要再叫麻辣燙外賣就真係未必會揀呢一間了🥲
繼續閱讀
重慶大廈一行落去有條美食街，咁啱見到呢一間舖頭，又想食辣野入去試吓，佢係重量計錢，$8.8/50g，夾吓夾吓就好貴，友人夾吓夾吓就已經$120。味道還好，正正常常，有好多種湯底俾你揀，但係就係覺得唔係好有cp值🤨🤨好似淨係夾咗少少嘢就已經好貴。食材都係大陸，佢個牌上面寫芝士腸夾咗兩個試吓結果係好奇怪味道嘅澱粉腸，作為香港人真係食唔慣🥲🥲真係食一次，肉類都係加咗好多鬆肉粉，亦都好重調味，好老實講唔太啱我口味
繼續閱讀
突然想食辣野，經過重慶就黎試下，第一次黎唔知點買😅😅😅原來係自己想食咩就夾咩，唔知50g有幾多，夾下夾下加埋個薯粉就70蚊😂之後再揀湯底，試左個紅湯同乾撈，紅湯就普通麻辣湯底，個乾撈就有啲蒜，辣粉喺旁邊俾自己撈埋，食落唔太辣，但都好好味😋😋😋仲有埋糖水食解解辣👍🏽👍🏽👍🏽下次可以試埋其他湯底
繼續閱讀
今日一家4人行到尖沙咀，行到重慶大廈附近見一間貌似好平，就膽粗粗又想試新野，我地就走左入去食lunch。裡面自己夾餸夾面，睇磅數比錢。其中2碗是小朋友，竟然一碗$98，另一碗$89，淨少量餸都要$80消費，另一個撈公仔面面是少餸$87。其實有面普普通通預$100左右一碗，確實唔抵食。入去裡面食咁耐都沒人，lunch time時間至我地食完都得2枱客，走之前諗住酙杯茶飲，竟然仲嚇死我，成隻中型size曱甴可以係茶壺倒出來，立即話比佢地知，佢地就換個茶壺好平淡就算。本身真係冇諗住寫上嚟推介，所以冇影太多相，但驚嚇程度真係值得一寫。
繼續閱讀
上個星期食完，滿70蚊佢畀咗20蚊券我因為覺得味道真係唔錯所以今日又去返兜因為係內地嘅店，所以可能我哋香港人唔係好理解個運作首先係入去攞個盤,夾自己嘅想食嘅食材，然後按重量計錢，蔬菜同埋肉類係同一個價錢，$8.8/50克，睇落好似好平，但係其實夾下夾下埋單最少都要八九十蚊一碗我揀咗招牌嘅紅湯，少辣，睇落好似好多蠔紅油，但係其實食落去唔會好辣，係個湯底好香，朋友要咗酸辣，都好味，但係我個人覺得紅湯更加驚艷食材方面一定要揀吸湯汁嘅嘢，例如係豆類製品，我第一次有試牛肉，但係覺得佢啲肉類用梳打粉拿得太緊要，淋bet bet，唔係太好食，反而豆類製品同埋蔬菜會更好，所以今次返去食成碗都係齋
繼續閱讀