3
2
0
港鐵筲箕灣站 B3 出口, 步行約6分鐘 繼續閱讀
電話號碼
2560 0972
營業時間
星期一至二
18:00 - 00:30
星期三
全日休息
星期四至日
18:00 - 00:30
付款方式
現金
座位數目
50
其他資料
酒精飲品
電話訂座
外賣服務
加一服務費
以上資料只供參考, 請與餐廳確認詳情
招牌菜
香辣雞煲 豬骨煲
食評 (6)
等級2 2014-01-14
1259 瀏覽
朋友帶路話試下正雞煲.黎到見到好多人等位, 結果我地等左30分鐘先有得食.一坐低梗係叫雞煲先啦, 大辣, 正!到雞煲上都等左成20-25分鐘,朋友話因為原來佢地d雞係即炒即上.一上即試, 嘩! 正! 汁底夠晒味, 但又唔係一味得個辣字, 又香又辣, 辣又唔會係好攻擊性果隻, 正!隻雞本身亦都好好, 肉質ok, 而且炒到入晒味, 唔同其他好多雞煲咁雞還雞, 汁還汁!另一樣最正就係佢個雞煲內附送大腸, 而且可以媲美d雞, 完完全全入晒味, 每一舊都係精華所在, 而且份量極多, 食極都有!應該會成日幫襯, 但最慘無得book 位, 而且朋友話日日都咁多人. 唯有得閒先過黎食.好彩附近好多位泊車, 都方便d. 繼續閱讀
(以上食評乃用戶個人意見 , 並不代表OpenRice之觀點。)
等級1 2012-05-26
766 瀏覽
雖然我吾係啲咩食家,但我都係有嗰句講嗰句,本人係雞煲發燒友,各式各樣既雞煲我都食過,得出一個結論-油是它們最大既敵人,所以吾係個個都中意係成窩油裏面搵野出黎食。 好多朋友都知我中意食雞煲,有日有個朋友話有野益我,佢話係我既最愛,之後我問佢係邊方面,之後就二話不說咁拉左我去筲箕灣,去到一間類似大排檔既地方,個時我先知道原來係一雞煲。 我地總共有四人,叫左一隻雞,價錢方面四個人黎講可以接受,吾夠食可以叫啲野黎打邊爐。個煲黎到仲要焗一陣先食得,當我打開個煲個陣真係令我喜出望外,就係平時食雞煲個兜油吾見左,竟然可以炒得咁乾身,單係呢樣野,已經可以加分,而且,係雞既旁邊仲有啲豬大腸,整體味道都佩合得好好,中意食麻辣既朋友這個必選!!!而且仲有大中小辣可選,有機會大家不仿試試。 繼續閱讀
(以上食評乃用戶個人意見 , 並不代表OpenRice之觀點。)
同個friend嚟食宵夜,兩條友叫咗半隻辣雞煲,$138半隻算好貴,但傳聞話唔錯咪嚟試下囉等咗約十幾分鐘個煲終於到嘞,味道還可以,但無層次,無香料味,而辣度就啱啱好食咗一陣,我哋發覺成煲嘢得幾件雞胸肉,跟住就只有幾件雞頸、雞翼同雞背骨;難道係唔連雞肶嘅?真係一舊都無嘩...成百四蚊半隻雞就係得幾舊骨?有無攪X錯,好離譜囉,咁都要偷我啲雞?你收六七+蚊我仲可以接受囉當我禮貌地問老闆娘時,佢只以無聲及扮傻樣望一望就行咗去;嘩...咩態度呀再後加咗碟田雞、牛栢葉及莞茜,每碟$28,一見碟莞茜又再火滾,睇圖啦最後叫碗白飯,嘩...咩嚟?碗飯完全唔熱,好似食緊冷飯咁,仲有三舊飯焦添 (火滾到忘記拍低罪證),咁都賣得畀客人食?再不願多講,總結係...............『離哂大譜』我畀足十個: 繼續閱讀
(以上食評乃用戶個人意見 , 並不代表OpenRice之觀點。)
等級4 2011-10-29
337 瀏覽
由北角再走到太古城,其實我們已經覺得有點累,剛好鬆弛的友人打電話來找我們晚餐,所以我們一行人就坐車到今天東區的最後一站:筲箕灣。前幾天有食友在FB放了一本雜誌的封面相,主題是我最愛的雞煲,由於我沒有買該雜誌的習慣,遂向食友查探一下到底介紹了哪裡,而這裡就是其中一間。雖然地址是在筲箕灣道的大街上,但實際是藏在一條小巷子裡,到達的時候其實只不過是七點多,但已經坐滿了人,非常熱鬧。沒有訂位,就只好等位,最後等了半小時才有檯。在等待的過程中看到有好幾檯都只放著一個gas爐,一桌子的配料和小吃,但就是獨獨沒有煲,從他們的對話中大概知道這個雞煲要等好一段時間才會上桌,所以一坐下就急不及待先點了一個雞煲。本來是打算點半隻試試的,不過老闆娘一口就說四個人要點一隻雞,否則不夠吃,然後就立即轉而介紹其他涼拌小吃,本來想點胡椒豬肚湯浸蜆,可惜沽清了。雖說店開到後巷,客人都只是坐在街邊,但這裡的雞煲一點也不便宜,要$128半隻,$190一隻,是有附送一籃生菜,但我還是覺得有點貴,名符其實的「港島價」。大概老闆娘都知道需要等一段時間才有得吃,所以就介紹了兩款涼拌菜,一款是鳳爪,一款是蓮藕,雖然兩款涼拌菜的醬汁都一樣,不過各有風味。鳳爪是去骨鳳爪,中間空掉的部分完全吸收了醬汁,集甜、酸、辣於一身,加入大量蒜粒,惹味之餘亦非常開胃;蓮藕片切成薄薄的,又爽又脆,讓人停不了口。期待以久的雞煲終於上場,這裡的雞煲屬於乾身,醬汁不多,所以要吃完雞再加水才能吃火鍋,另外我們還加了肥腸同煮。由於未知同行友人可承受的程度,所以我們只點了小辣,而小辣真的好弱,甚至剛才的涼拌菜還要比這個辣,看來愛吃辣的人要大辣才行。我還是第一次吃用上一隻雞的雞煲,份量驚人,堆滿滿的雞件,香氣四溢,但比較單薄,不能維持。不知道店家用上什麼雞,不過這裡的雞肉普遍來說算是我吃過最不嫰的,有好幾件都是鞋的,雖說是用了醬汁直接烹煮雞件,所以雞肉比較入味,但肉質卻一般。肥腸的份量好多,斜切成長條型,沒有異味又夠肥,不過上檯之後還需要多點時間炆煮才會腍,一開始吃的時候要用多點牙力才能咬開。其實醬汁的味道很單調,沒什麼層次,香料味不足,只有鹹和辣,整體我只能說是普通,至少我不會為這個招牌香辣雞煲再來。除了生菜和金菇,我們還另外點了薯粉。薯粉橫切面是正方形,較幼身,大概只比米線粗一點點,下鍋煮很快就熟,如果煮久了,夾起來會很容易斷掉。加了水的雞煲煮這個薯粉好好吃,可能是因為比較幼身,煙靭的口感仍在但又不用咀嚼太久。雞煲開到成行成市,要突圍實在不容易,況且位置不就腳,想要吸引外區客也不容易。不過看這裡來的大部份都是街坊,基本上人流已經不少,幾個阿姐忙得團團轉,大概再多的人流他們也未必能夠負荷。下一次專程來筲箕灣,還是回去我最愛的胡椒豬肚雞煲吧! 繼續閱讀
(以上食評乃用戶個人意見 , 並不代表OpenRice之觀點。)
(非會員) 2010-12-13
238 瀏覽
因為電視最近介紹過, 阿媽想去試吓, 咁琴晚就同阿爸阿媽老公阿女一齊去, 去到原來係街邊檔, 但我都冇問題的(就算湊住BB)。可能因為經電視介紹過, 所以超多人, 我哋等咗45分鐘左右, 終於等到位。但原來佢地只有十多款菜式可選擇。另外就有一D行貨的火鍋配料。我哋問寫菜亞姐有乜介紹, 佢介紹左招牌辣雞煲加大腸, 皮蛋蠔餅, 墨魚煎肉餅...又等了十五二十分鐘, 終於雞煲到...個汁好濃帶麻辣, 但味精好重...因為佢預您食完啲雞加水作火鍋湯底, 所以好多汁, 我覺得唔夠乾身, 但啲雞都算滑...但因為食完啲雞個煲好油同咸, 所以我地冇用嚟打邊爐喇之後來了蠔餅, 好油, 冇乜特別墨魚煎肉餅都好油, 但幾好味我哋叫了四碗飯, 但因太多人, 連碗都洗唔切, 要用個小湯碗一次裝比我地....但啲飯好爛我地另外叫了兩支汽水, 埋單357...不算抵食, 如果要等咁耐, 唔值, 有其他更好的選擇但啲亞姐招呼都幾好 繼續閱讀
(以上食評乃用戶個人意見 , 並不代表OpenRice之觀點。)