下午茶時段客人不多，店內環境悠閒舒適，牆身貼上很多圖案的貼紙，有點像咖啡館，第一印象不錯。聽姑姐說，經營食店的是位年長的女士和其弟弟，之前她吃早餐時跟老闆閒聊幾句而得知的。
我們都點了下午茶餐，有奶油多和奶醬多（＄１８），可以轉豬仔包，包一杯熱飲，價錢合理。送到時仍然熱辣辣，多士烘得金黃，口感鬆軟，味道沒有驚喜，但勝在新鮮熱辣。
爸爸點了薑母奶茶，不過他還是覺得平時奶茶比較好喝。
我則點了熱朱古力，幾乎沒有甜味，雖然我可以接受，但妹妹忍不住要落糖，而堂弟也因為不甜而沒有喝完。
另外這裡也有售賣串燒燒物，其實有點不解這裡主打的菜式，感覺沒有特別的取向，既有日式食品，也有港式早餐和下午茶，環境佈置像台灣咖啡館。串燒的訂價頗高，雖然日式串燒一向不便宜，而且看得出這裡即叫即燒，但份量實在少得可憐。
我哋叫左個Brunch超值二人餐($88) - 雞翼及豬頸肉串各一，燒汁雞扒飯，炒椰菜，奶油豬仔包一個，凍朱古力及凍檸茶。Order即叫即做，上菜較慢，但慢工出美食，絕對值得等候﹗我哋一邊飲嘢，一邊閒聊，陸續有人客到來，好快坐滿。凍朱古力味道正常；凍檸茶不是用傳統茶餐廳的錫蘭紅茶，好似係用西式紅茶包，味道獨特，但絕非小妹喜歡的傳統味道雞翼醃得入味、燒得外脆內嫩，略嫌燒得過時，乾左少少；豬頸肉配燒汁也好味，肥瘦相間的肉質富油香，咬落有嚼口；椰菜炒得香口、油份適量；雞扒肉嫩滑入味，切成一小件，配上香軟煙韌珍珠白米飯及濃郁特製燒汁，正﹗最後出場的係奶油豬仔包，嘩，好好味﹗豬仔包從中對半剖開，兩面塗上金黃色牛油，淋上煉奶，外層脆卜卜，一咬麵包碎四散，滿口脆麵包及香甜奶油，滋味無窮﹗
既然我地可以自己發板話事食咩，就梗係食番舊鋪以前我地最鍾意食o既野啦!叫左一人一串豬頸肉，一碟肥牛炒丁，仲有之前o係天后次次都冇貨，食極都食唔到o既燒帆立貝。至於飲野，我地原來想叫珍珠奶茶，不過廚師哥哥話而家唔入珍珠，唔再做珍珠奶茶了，咁我地就只係嗌左凍奶茶。
跟住我地就開動了!先黎o既係燒帆立貝，燒得剛剛好，唔會過火燒韌左，上面有少少調味粉，不過就冇乜特別。十幾蚊一隻唔算好平。跟手黎o既就係肥牛炒出前一丁。其實呢款可以揀轉炒烏冬/炒飯都得架，所以好多款配搭。
當碟肥牛炒丁，一上檯已經聞到好香好鮮o既牛肉味，驟眼望已經同之前食o既唔同。經廚師哥哥介紹，先知道原來佢上星期特登親身去揀、去試同埋買入呢隻新貨。淨係呢份誠意，已經比好多燒肉店/串燒店/連鎖式餐廳優勝得多!相比其他食肆冷冰冰o既服務態度，做完你呢次生意，下次唔返黎幫襯就你o既事o既心態，用心正正就係佢地呢間食店o既宗旨。呢隻牛肉比之前食落o既更濃牛肉香味，側邊o既肥膏比之前少，每一部分o既牛肉都係肉，唔會好似打邊爐咁得三四成係真係肉，而且咬落牛肉已經感受到脂肪已經溶化o係肉入面，就算唔駛好似出面食肆最鍾意落o既鬆肉粉/梳打粉，都食得出佢o個隻嫩滑，比以前食開o個隻肥牛炒丁質感更佳更好味!配上佢地炒丁o既醬汁，加上一向炒完之後碟丁麵表面依然超級少油，價錢都只係同出面食一碟飯相若，但份量真係大大碟，唔會將貨就價，又或者借D倚縮減份量，再加上而家鋪頭有位坐又舒服左，真係超超超抵食!抵我同女朋友成日返轉頭再食呢間席前!
豬頸肉串燒就係我同女朋友仔幫襯席前最鍾意o既食物。豬頸肉本身就係豬o既頸部背後的一個部位，因頸部經常活動，所以豬頸肉特別爽特別好食(情況有點似走地雞)，而每隻豬都只得一小塊豬頸肉，所以豬頸肉更顯矜貴!席前整o既豬頸肉係配上特製醬汁整o既，醃得非常入味，加上豬頸肉本身燒到肉入面帶有油粉，食落帶點油香，真係超超超好味!!!
之後等左陣先黎個芝心多，因為老闆只用人腦記住大家點菜，所以忘記左，好彩提提佢呢個特製芝心多，其實製法有D似西多士，先將兩塊麵包浸滿蛋漿(真的成塊麵包每個位都浸滿!)，然後中間夾著一塊芝士(卡夫?)，再放在炸爐油炸，外香內軟，再o係芝心多外層淋上煉奶，簡直係人間極品!可惜今次o既芝心多稍為炸焦左，否則會更靚更好食!臨埋單前，廚師哥哥特登走過黎，拎左串雞軟骨串燒同雞腿肉串燒請我地食。其實雞軟骨我地都食過，脆下脆下口感好正，至於雞腿肉串燒都係第一次食,咬落去真係勁juicy!雞腿肉本身燒出黎已經好嫩滑，內裡o既肉汁o係咬落去o個下直程想爆發出黎!唔試都唔知原來咁好食!根本唔需要加D咖喱定其他調味料已經咁美味!而佢地每檯客都會送D食物，真係好有人情味!我仲同老闆講星期二會再帶埋朋友返黎幫襯!
食完，同女朋友帶住好滿足o既微笑離開。
影片
