師奶工房

營業中

休息中

個日途經過一間好有特色的門口寫住：少油減鹽，無味精即日現熬老火湯  ，主打住家風味入到去，環境好乾淨，周圍擺滿咗 花花草草，體得出主人的心思打理嗌咗一條煎馬友套餐，坐底叫完餐 就嚟個老火湯，堅啊！ 絕對唔係外邊的例湯首先好多材料了，入口的第一啖真係有阿媽煲的味道， 因為當日太心急無影到湯 飲完湯，馬友就出來了，味道出奇的好味，表面是煎到少少金黃，一夾落去就脆脆嘅味道食得出食材新鮮，誠意推薦！

老闆娘小器，加多一個例湯又無料好少收多10蚊，食咁多次仲咁做街坊生意！難怪越來越多人對佢地鋪頭有意見，唔值得繼續幫襯，價格唔平還要咁對街坊！難怪同事一個個都唔幫襯

以後都唔會幫襯佢！各位都無再幫襯咁嘅鋪頭！作為街坊，身邊同事平時經常都會中午幫襯，同有時候夜晚收工好多都會繼續幫襯，老闆娘小家到死，越做越唔得人心！一個個得罪曬！咁對街坊！經常同老公收工夜晚食，今次自己一個人去食，少飯想飲多碗湯，買單收多我十蚊！佢同事話講左我聽，食咁多次，有時候想飲碗湯都無收過我錢，今次就話材料貴要收！錢唔係問題，真係唔憤，加多碗又小又無料！難怪我d同事一個個都唔再幫襯！最後終於輪到我！現在見佢出個中午套餐，之前都打算繼續幫襯，聽電話個人叻到，同我地講：份量好小伽，平時正價一半份量伽！最後可能覺得自己講得唔啱，打返電話翻來解釋！咁做生意，睇你幾時88。

本來一心想試試家常菜，入座後見到應該係老闆娘努力抹檯及消毒，可惜餐具清潔只係一般，舖頭冷氣不足而且有蚊滋，舖頭環境只係一般，不過小店來講，我接受，因為不可能要求更多點了籠仔荷葉豬肚雞飯 + 豉汁蒸馬友荷葉飯咪是生的，根本食唔到豉汁蒸魚好似冇落豉油白飯有一陣味除咗碗黃豆排骨湯之外，是好好飲，今晚這一餐餸菜是非常失望價錢來講算係可以，不算好貴亦不算平，但我覺得食物質素是非常重要，雖然掂來人手不多，看似住家食經營，即是不是有大廚，但基本食物質素真的是需要具備得到

老闆為左一碟菜話報警， 我叫左個海南雞飯， 一條魚同一碟勝瓜。老闆話冇勝瓜，但係我唔但係我唔想食其他菜，佢唔肯退退款同極度差惡劣態度。話我比左錢唔可以退款。問題係你無貨，我唔想食其他野，佢就特登出去買，不過我冇哩嗰時間等佢。最後我話我唔要退返錢俾我，佢竟然同我報警處理，就係為左果100幾10。 真心差到極嘅一間鋪頭，之前都唔係咁，真心嬲咗😒

-如果想食出色嘅家常小菜，呢一間係一個好好嘅選擇，海南雞好出色，仲會配埋青瓜，雞肉算嫩滑，不過今次叫咗另外兩個餸。蒸䱽魚蒸嘅時間好重要，蒸得啱啱好魚肉仲算嫩滑，如果過咗時就好老。肉碎蒸水蛋呢個係屋企成日煮嘅家常菜，但係佢嘅蛋煮得滑捋捋，肉碎份量適量，所以我都幾鍾意食。青紅蘿蔔豬骨湯都有幾粒青/紅蘿蔔/豬骨喺入面，冇味精，如果鍾意家常湯一定啱飲，唔係平時兩餸飯送嘅例湯。整體唔會太過鹹，平時食兩餸飯太重口味，呢度貴少少，但係健康好多。

叫外賣$ 71 排骨陳村粉，一碗湯，一杯嘢飲打開外賣，得三粒排骨，然後好多陳村粉同一塊荷葉。😂 我從來都唔打食評。但今次我真係覺得你依間舖頭都幾好笑😂 好意思收人71蚊😂😂😂可能豬肉好貴😂味道唔差既，但唔會再幫襯

落去深水埗飲咖啡，店員介紹我們叫一間師奶工房嘅小店食晚飯，估唔到係大埔道一間只有十多個座位嘅舖頭仔竟然內藏隱世師奶高手！首先試胡椒豬肚湯，勁足料又夠辣；海南雞飯D雞好滑，D黃飯又夠味，跟埋冇味精例湯和灼菜；豬潤腸粉皮夠薄，豬潤剛剛熟；飯後試埋個自家製芝麻糊糖水，真係好香；整餐飯好有住家飯的感覺！最後打包左個椰汁桃膠比屋企人做宵夜同半打粉果做早餐！見D餐牌仲有蒸魚，下次要試吓佢哋D小菜先😋😋😋

經朋友介紹，品嘗了起水準嘅的美食，她們的甜品桃膠糖水真材實料一試難忘丶蒸粉果餡料充足食不停口丶芝麻糊糖水人手磨製還有蒸腸粉皮薄餡靚，地方細小但色色俱全，師奶們加油丫👍🏻

剛好一個人經過，向來鐘意小店風味，猶其呢種用心經營嘅小店因為你從佢地既服務態度真係可以感受到佢地係用心經營。點咗肉骨茶，唔錯。仲會好細心為客人送上一杯暖水，加分

吃完有鄉下的感覺 最開心可以加雞蛋同埋其他配料桃膠糖水好滑 好好味道 唔太甜 剛剛好胡椒豬肚湯超入味 用魚做湯底 沒有魚腥味 值得一試蘿蔔糕煎得剛剛好 自家製造的xo醬好好味呀

Very tasty home made congee, just like mum congee they get 3~4 congee per day, fresh and really homemade, different from others, like it very much. It is just $18/ congee which enough for a gal ^^ All staffs are super friendly and nice who are willing to introduce and recommend food to you, feel like home.