師兄漢堡 (已結業)

自從開學之後，港大站附近既餐廳都勁多人，所以有時都寧願行遠少少搵野食。估唔到俾我搵到呢間fusion burger 店都幾特別! 特色系列一定要試下，中式小菜漢堡有咕嚕雞、口水雞等等，我就試左個口水牛漢堡~牛漢堡香濃多汁又夠厚，煎得岩岩好，同埋有D炸脆左既金針菇同勁多青瓜絲，多重口感，有驚喜既體驗! 微微香辣感非常惹味。上下兩塊包都係好鬆軟，外層烘烤過脆口。絕對係影相同食都係又靚又正! 唔食辣既可以選經典師兄漢堡，同樣係厚厚既牛肉漢堡，有蕃茄生菜再加上千島醬，好fresh 唔會有膩感。師樂雞~真係好耐冇食過呢款雞塊啦，估唔到係呢間burger店搵到，一定要嗌啦! 加埋柚子醬酸酸甜甜好好味! 師炸雞，新鮮雞肉既味道，用秘製醬料醃過，炸出黎特別香同鮮嫩!再加罐可樂同蘋果梳打，非常爽! 年輕人主理既小店，值得支持!…查看更多

店鋪在斜坡位置，跟地鐵站2條街左右位置，卻藏著滋味足料美食，價錢還很貼地，要再去吃才能😈口水雞漢堡~想不到，口水雞也能做漢堡，但這個口水雞是用了炸雞的方式，雞塊都是微辣的，很開胃，而外層的脆漿也不厚，吃起來不膩，雞塊的上層，還再加了炸天婦羅，令起起來的質感更加香脆，最後就是漢堡的包，外脆內軟，整體來說超正～經典師兄漢堡~很厚的牛肉漢堡扒，咬起來能感到肉汁流出來，牛肉味香濃，還有一點點的彈牙口感，再加上千島沙律醬，令油脂感減低及開胃，吃得舒服～黑松露醬薯條~薯條香脆熱辣辣，沾上黑松露醬，獨有松露的香氣四溢～師樂雞~有吃日常吃到的快餐店雞塊，這個是新鮮雞肉整的那種，有雞味，能吃到雞肉粒的～…查看更多

今日經過呢間"師兄漢堡"，見到啲漢堡好有特色，有中式口味既，咕嚕口味、四川口味，吸引左我地入去試試。店細細，但坐得幾舒服，睇睇餐牌，都有成十款漢堡選擇。咁我地一於試呢兩款中式口味漢堡，呢度個包整得好脆口。咕嚕雞漢堡酸酸甜甜既咕嚕雞，好厚身，再配上塊焦糖菠蘿，超開胃。雙層口水牛漢堡 嘩，2塊牛漢堡都超厚。唔講得笑。少少辣，見到啲辣椒片依附住塊漢堡。第一層炸金茹，天婦羅咁，好香口，最低層就係青瓜絲，好清新。叫左漢堡，梗係叫啲小食，薯條配黑松露醬同師樂雞。薯條超脆口點配黑松靈醬，同雞塊配蜜糖芥茉醬，兩樣都絕配。咁叫仲free汽水添。👍 …查看更多

今晚收工唔知食咩好，就打開app睇吓.. 見到佢有promotion所以就心郁郁試吓☺️因為第一次食唔知佢有咩signature，所以就嗌咗兩個set試吓😅1️⃣口水雞漢堡set🍔小食我揀咗炸鴛鴦燒賣,師兄雞塊,師姐炸雞同埋一個冷泡茶,但係就要加錢先可以配個師兄松露醬🙄🙄2️⃣經典美式慢煮牛肉漢堡🍔小食都係揀咗一模一樣，跟住都係加錢轉手打安格斯😌⋯⋯冇錯佢裏面好似好多嘢都要加錢轉🧐講真漢堡包真係幾好味😋個口水雞醬辣辣地好惹味，不過未必係人都食得慣😂雞扒超大舊分量十足配料又多💯牛肉漢堡都非常好味😋只不過可能因為外賣關係，食嘅時候所有蔬菜水份太多，個醬汁都已經變成水🥹漢堡包底層已經浸到半溶化😣其他小食都OK啦，但係個師姐炸雞就真係做到外脆內Juice好滿意😋💯👍🏼講真可能因為外賣平台Apps嘅關係，價錢同質素就有少少影響啦，希望下次可以去現場再試真啲😆…查看更多

因為之前叫過袋鼠覺得幾好食，所以去開嗰頭就去舖頭食。果然keep 到水準，都係咁好食，價錢仲要比叫袋鼠平好多。覺得好食過新嗰啲連鎖漢堡店，價錢仲要平一大截。仲有特別港式嘅西檸雞同埋咕嚕肉漢堡，小食有薯條、麥樂雞同埋燒賣選擇，睇得出係有心機去經營。遺憾嘅係我去舖頭嗰日冇晒薯條，食漢堡最重要配薯條，希望佢哋之後可以入多啲。啲醬汁都好特別，同個麥樂雞好夾。我問店員口水牛同普通牛漢堡有咩分別，佢話會多咗辣醬，但係其實個包仲有其他特色，如果店員可以解釋得詳細啲會更好，因為個包真係比較特別同幾好味！舖頭比較細，得兩張枱，多人嘅話要等，希望佢哋可以早大啲，多幾張枱～…查看更多

位於西環水街 主打香港口味嘅漢堡男朋友比佢地嘅咕嚕肉和西檸雞漢堡呢兩個咁特別嘅口味吸引到 特登遠到而來〰️ 新鮮西檸雞扒漢堡伴焦糖洋蔥 $𝟱𝟴西檸雞可以話係我最鍾意嘅菜式之一每次去親大排檔食飯都一定會叫番碟所以見到呢間有西檸雞漢堡 就已經mark低左打開俾佢個份量嚇親 個雞扒仲大過個漢堡包西檸雞炸得香脆 而且中間嘅雞肉肉質好嫩外層沾滿偏酸帶少少甜嘅稠身醬汁另外雞扒上面仲夾有焦糖洋蔥同生菜唯一係醬汁略嫌多咗少少 食到最後會有少少漏但整體來講都係好高質 個雞扒真係一流呢個配搭完全係我嘅菜 絕對可以encore！〰️ 師兄慢煮手打牛肉漢堡 $𝟳𝟴掙扎咗好耐叫咕嚕肉漢堡定手打牛肉漢堡好不過一場嚟到 點都要試吓佢哋嘅手打牛肉嘅!牛肉好厚身 食落充滿肉汁 而且好濃牛香 另外漢堡包亦烘得香脆 有少少豬仔包嘅感覺配埋生菜 番茄 同芝士 好滿足〰️ 套餐Combo +$𝟮𝟬佢哋嘅小食都絕對唔馬虎 唔係得薯條咁簡單仲有 蕃薯條•炸豬肉/魚肉燒賣•麥樂雞 揀•炸番薯條唔係講笑好耐冇食過咁高質嘅番薯條估唔到佢嘅驚喜同好食程度仲高過漢堡🥲每一條都炸到好香脆 即使凍咗都同樣脆卜卜最特別係佢地有沾梅粉炸 勁有台灣嘅感覺🥲•炸鴛鴦燒賣分別係有炸魚肉燒賣同炸豬肉燒賣另外仲有配埋佢地自家調配嘅麻辣醬 我就鍾意魚肉燒賣多啲 炸燒賣幾時都咁正😛______________________________疫情關係所以佢哋暫時只做外賣佢哋亦都有推出套餐小食買一送一嘅優惠即係加$20就可以享有兩款小食同一款飲品 抵到傻🥲唔加套餐的話 仲可以揀九折優惠真心覺得佢哋嘅漢堡好高質 而且好有心經營 拎外賣個時店主仲好有心 特登介紹佢哋嘅漢堡同小食絕對值得去支持一下 期待佢哋更多其他口味…查看更多

𝗮𝗻𝘆 𝗯𝘂𝗿𝗴𝗲𝗿 𝗮𝗱𝗱𝗶𝗰𝘁𝘀 𝗵𝗲𝗿𝗲? 𝘆𝗼𝘂 𝗰𝗮𝗻 𝗳𝗶𝗻𝗱 𝗮𝗹𝗹 𝘁𝗵𝗲 𝗰𝗹𝗮𝘀𝘀𝗶𝗰 & 𝗰𝗿𝗲𝗮𝘁𝗶𝘃𝗲 𝗳𝗹𝗮𝘃𝗼𝗿𝘀 𝗮𝗻𝗱 𝘃𝗲𝗴𝗮𝗻 𝗼𝗽𝘁𝗶𝗼𝗻𝘀 𝗮𝘁 @chingburger 🍔 𝘁𝗵𝗲 𝗺𝗮𝗹𝗮 𝗯𝗲𝗲𝗳 𝗯𝘂𝗿𝗴𝗲𝗿 𝘁𝗮𝘀𝘁𝗲𝘀 𝘂𝗻𝗲𝘅𝗽𝗲𝗰𝘁𝗲𝗱𝗹𝘆 𝗴𝗼𝗼𝗱 𝗮𝗻𝗱 𝗳𝗹𝗮𝘃𝗼𝗿𝗳𝘂𝗹 (𝘄𝗲𝗹𝗹, 𝗶𝘁'𝘀 𝗮 𝗯𝗶𝘁 𝘁𝗼𝗼 𝘀𝗽𝗶𝗰𝘆 𝗳𝗼𝗿 𝗺𝗲🥵) 𝘆𝗼𝘂 𝗺𝗮𝘆 𝗻𝗼𝘁 𝘀𝗲𝗲 𝗳𝗿𝗼𝗺 𝘁𝗵𝗲 𝗽𝗶𝗰𝘀 𝗯𝘂𝘁 𝘁𝗵𝗲 𝗽𝗮𝘁𝘁𝘆 𝗰𝗼𝗺𝗲𝘀 𝘄𝗶𝘁𝗵 𝗴𝗿𝗲𝗮𝘁 𝗽𝗼𝗿𝘁𝗶𝗼𝗻! 𝘀𝘄𝗲𝗲𝘁 & 𝘀𝗼𝘂𝗿 𝗽𝗼𝗿𝗸 𝗯𝘂𝗿𝗴𝗲𝗿 𝗮𝗻𝗱 𝗱𝗲𝗲𝗽 𝗳𝗿𝗶𝗲𝗱 𝘀𝗶𝘂 𝗺𝗮𝗶 𝗮𝗿𝗲 𝘀𝘂𝗽𝗲𝗿𝗯 𝘁𝗼𝗼!.話說都有好一排無食burger，上星期特登入西營盤試吓 @chingburger 嘅fusion漢堡係咪真係同相一樣咁巨型！口水牛堡好有驚喜，將四川麻辣口味完美還原，唔夠辣仲可以自己加辣醬，牛肉patty超厚身同爆多肉汁，出色位係夾住炸得勁酥脆嘅金菇，令成個burger再豐富啲！另外咕嚕豬漢堡醬汁酸酸甜甜，夾埋焦糖菠蘿食落勁上癮😍 小食方面除咗有基本嘅薯條外竟然有炸燒賣，好貼心咁可以選擇鴛鴦，一半魚肉一半豬肉，炸燒賣不嬲都無得輸架啦，總括嚟講性價比極高，唔洗一舊水可以食到超飽😛…查看更多

🍔Ching Burger🍔西營盤水街A1地鋪荔安大廈-<咕嚕汁西斑牙豚肉漢堡伴焦糖菠蘿>💰$58回頭率：🐖🐖🐖🐖🐖/5幸福感：🐖🐖🐖🐖/5飽肚感：🐖🐖🐖🐖/5👉🏻簡而精咁形容：漢堡包版嘅菠蘿咕嚕肉～成個組合甜甜酸酸咁仲脆脆地好滿足！！😫😫😫仲要咁平…..性價比超高！最推介呢個！！！個包唔係普通漢堡包，類似法包咁，幾特別，有咬口得來又鬆👍🏻個包同菠蘿全部都係烘過嘅，感覺係好認真對待每一個細節嘅小店🧡<師兄慢煮手打牛肉漢堡>💰$78回頭率：🐂🐂🐂🐂🐂/5幸福感：🐂🐂🐂🐂🐂/5飽肚感：🐂🐂🐂🐂🐂/5👉🏻簡而精咁形容：手打漢堡扒軟身又多汁，調味偏重黑椒味，重點係都算幾厚！！芝士味好出，唔會好似其他連鎖漢堡店咁食嘅時候塊芝士好似消失咗咁✨生菜蕃茄比得一啲都唔孤寒，成功中和d油膩感，唔會食到一半就滯咗🥹<師兄炸雞>💰+$20包一份小食加飲品回頭率：🐥🐥🐥🐥🐥/5幸福感：🐥🐥🐥🐥/5飽肚感：🐥🐥/5👉🏻簡而精咁形容：炸粉超薄，令人可以冇咩邪惡感咁一啖接一啖好快食晒🤣炸雞係即叫即整，熱辣辣上枱👍🏻呢個價錢來講，份量真係算多！！又係性價比好高之作✨超級推介～Btw值得一讚嘅係小店好貼心咁提供竹籤，唔會怕整污糟對手🥰<麥樂雞>💰+$20包一份小食加飲品回頭率：🐣🐣🐣🐣/5幸福感：🐣🐣🐣/5飽肚感：🐣/5👉🏻簡而精咁形容：同炸雞一樣都係熱辣辣，炸粉一樣係好薄～可以點「欖菜醬」同「柚子醬」，欖菜醬質地偏結身，食落幾特別 幾creamy，有dd似沙律醬！柚子醬質地稀dd，食落比較開胃。Fyr: 🦁鍾意欖菜醬多d，🐯鍾意有子醬多d<可樂>個玻璃樽好特別，鍾意收藏可樂樽嘅可以加錢買埋個樽～<冷泡白牡丹>手作無糖冷泡茶，茶味真係好濃👍🏻解膩一流，個包裝都幾文青🤣可以拎走當水樽再用～…查看更多

西環近來越開越多Burger 小店本身食開一間漢堡包店已經覺得好正今日碌OpenRice見到呢間Ching Burger 🍔 正正常常就試吓佢啦！真係好食喎😋黑松露醬好驚喜，越食越想食，本身係點薯條，忍唔住將黑松露醬yam埋落包食講吓個漢堡包，超級多汁，呢度要扣少少分，因為個汁多到浸濕咗個包底，淋到攞唔起個包，個汁少番啲就100分店員都好有禮貌，去到嘅時候佢哋先發現做漏咗我張單，即刻整俾我，餐廳環境乾淨以後食burger又多個選擇😊…查看更多

今日經開西環，要到香港大學進修，所以上堂前要食個晚餐先。這間漢堡店裝修特別，而且顏色（綠綠地色）吸引我入去試試，他們的漢堡。我見到有個易拉架，吸引了我入去試試。這間店舖有三個90後的年輕人經營，創意十足，他們很有心經營的，招牌菜係招牌手打牛肉漢堡，牛肉是自己打的，而且牛味十足。值得一試本人十分推介這個炸燒賣，味道好特別，他的燒賣不及出面一般的燒賣，食起來好有驚喜，值得一試這個咕嚕肉菠蘿漢堡，也是本店的招牌菜，味道特別，而且十分足料，性價比超高。…查看更多

屋企附近原來開左間burger都唔知道之前見到有報道關於fusion漢堡先留意到一直想試但未有基會終於今次可以買離試下做晚餐Openrice落單大概15-20分鐘就拎得店面好細得少少位可以堂食嗌左個慢煮安格斯牛漢堡餐餐有漢堡一款小食同飲品👆🏻慢煮安格斯牛漢堡很出色的漢堡牛肉很juicy醬汁酸酸甜甜也很合味道呢看似不大但其實份量十足很飽肚👆🏻炸yin  yeung燒賣醬汁很驚喜味道似XO醬 很夾炸燒賣只是燒賣炸得有點過頭加$5可配冷泡茶…查看更多

講到食漢堡包，有時候我都會好想搵一間高質素嘅漢堡包小店去試吓，今次就嚟咗呢一間主打高質素漢堡包嘅師兄漢堡食嘢啦！叫咗一個美式手打漢堡，呢一度嘅漢堡包真係非常高質，漢堡好厚身，而且非常多汁，配合埋芝士醬同埋生菜蕃茄一齊食！真係好爽！…查看更多

今日係西營盤買海味，買完野就周圍搵食，見到呢間Burger細細間但又有啲人氣，就食吓睇吓好唔好食😋價錢同質素都好令我驚喜❤️後來同老闆傾開，原來小店開咗三個月左右，遇上疫情，生意大大減少，大家如果經開呢頭都可以幫襯下小店😢.🍴田園大啡菇漢堡$58漢堡包烤過脆卜卜，漢堡包皮帶點麥香，大啡菇亦大大舊十分香，加左個特製醬汁出奇地夾。.🍴師兄麻辣口水牛堡$78口水汁與漢堡扒的味道很配合，配上芝士青瓜及炸金菇口感一流，牛肉Juicy有肉味重牛味，辣度剛剛好 必食之選 。.Combo +$20 配小食及飲品，擇左薯條同師兄炸雞，兩者都好食，炸雞整頭係好抵🙈仲跟左個欖菜醬同柚子醬，呢2個醬好特別，出面出唔到，值得一試。.飲品其中之一擇左熱既「桂花烏龍熱茶」要另加$5 ，但我覺得好抵飲，好少漢堡包店有熱飲，但係店主顧及而家係冬天，所以特登添置熱飲☕️抵讚又細心❤️…查看更多

係香港大學讀左4年，差唔多試晒附近啲餐廳。因為疫情嚴重，最近比較多外賣自取，而今日就去左食師兄漢堡。一睇menu就比佢既特色漢堡深深吸引，同傳統漢堡包店唔同，佢推出港式漢堡，包括西檸雞漢堡、咕嚕肉漢堡等等，今次我就揀咗咕嚕肉漢堡。塊肉咬落去好林好入味，醬汁酸酸甜甜，塊咕嚕肉大過我隻手掌呀。廚師好細心地將漢堡包切開兩半，方便進食。另一個漢堡就揀咗美式慢煮安格斯牛漢堡，漢堡肉非常juicy, 醬汁襯托出安格斯牛嘅鮮味，安格斯牛漢堡扒食落唔會好乾好硬，煮得入味之餘口感十足，加上新鮮既生菜同蕃茄，食落唔會好膩。之後介紹下小食，我揀左最特別既鴛鴦燒賣，有魚肉燒賣同埋豬肉燒賣。燒賣會配一個自家製醬汁，連醬汁都自製，睇得出老闆非常用心經營。另一個小食就叫左沙律，沙律配柚子汁，酸酸甜甜，非常開胃。飲品方面，我揀咗店舖新鮮自家製嘅冷泡茶，有兩款，分別係冷泡荔枝紅茶同埋冷泡白牡丹茶，邊食漢堡邊飲茶感覺上冇咁滯。個人比較中意荔枝紅茶，有淡淡既荔枝味，甜甜地。…查看更多

西營盤水街新開沒多久、由幾個年輕人打理的Burger小店，店面不大，只有幾小桌For堂食，主打Fusion Burger。Bookmark已一陣子，套餐Burger連小食和飲品都不用$80，晚市禁堂食下還有額外9折，Gogogo！咕嚕汁西班牙豚肉漢堡伴焦糖菠蘿 + 麥樂雞 + 冷泡茶Sweet & Sour Spanish Pork Burger with Caramel Pineapple, Chicken Nuggets & Cold Brew TeaBurger選擇不多，初試就試最中西Fusion的一個！豚肉Burger已經少有，還要是大人細路都喜歡的咕嚕汁，可想而知味道一定不會中伏！酸酸甜甜醬汁加上大大件有咬口的西班牙豚肉扒，啖啖肉又惹味！配料還有Juicy菠蘿和爽脆生菜，這個組合十足像一碟中式咕嚕肉。麵包採用奶油豬仔包款，烘熱過後外層挺身微脆，略嫌包身比較乾，不夠鬆軟。小食麥樂雞的味道比較淡，建議沾醬一起吃比較好！大愛冷泡茶，味道清新健康，完全值得加$5去Balance一下肥仔餐後的罪惡感。…查看更多