師傅仔 (金碧閣)

我就住在附近，過去曾多次到訪，以茶餐廳來說，味道不過不失！但近來再次到訪，情況已經大不如前，叫咗一碟蒸雞午餐，收費57元連凍飲，當然從未幻想個會系新鮮雞，但一咬入口，骨肉分離毫無味道，入口情況比冰鮮還相差甚大！最後當付款時，八達通又再次不能用，每次都告知食客八達通壞機，身為街坊的我，相信下次…… 應該暫時不再到訪，以價錢量評論食物質素，真係對街坊有點不住。師傅仔以前食物質素不過不失，但現在真的有點落差。…Read More

經過長沙灣，入咗呢間好多分店嘅師傅仔， 食過下午茶， 叫咗個咖哩牛腩飯加凍奶茶。環境都幾舒服，店員都足夠服務態度唔錯，冷氣充足。下午茶價錢亦合理埋單，只係52蚊， 味道好食， 咖哩好香， 就係略為嫌，佢份量太少，可能係下午茶嘅關係，所以唔算太飽。 另外想提一提，佢嘅凍奶茶茶味夠濃， 奶亦夠滑， 就係略嫌冰太多， 下次要提佢小冰。建議午餐時間食。 或者除咗叫下午茶之外，再加叫其他嘢先夠飽。…Read More

最近我來到長沙灣元州街的「師傅仔」，這家靠近明愛醫院的茶餐廳，決定試試他們的早餐B，價格為$38，內容包括沙嗲牛肉麵、腸仔、煎太陽蛋、牛角酥和熱奶茶。沙嗲牛肉麵的湯底味道不錯，牛肉的口感也很好，咬下去不會太韌，份量更是相當足夠。特別值得一提的是早餐中的牛角酥，外酥內軟，真的非常好吃，讓人印象深刻。其他的配菜如腸仔和煎蛋則屬於正常水準，雖然不算特別，但整體來說表現還是相當不錯。這次的用餐體驗讓我驚喜，原本只是隨便來個早餐，卻意外發現這家餐廳的水準超出預期。沙嗲牛肉麵和牛角酥確實為這頓早餐加了不少分。下次有機會再來長沙灣，我一定會再次光顧「師傅仔」，期待能試到更多他們的招牌菜！…Read More

普通的茶餐廳，店內空間足夠，午餐時間也不用搭枱。點了一份黑椒汁牛扒拌司華力腸飯，附熱飲一杯。牛扒有一點硬，但可接受。司華力腸和奶茶也是正常味道，飯的份量十分足夠。…Read More

長沙灣 師父仔今日唔知食乜好，又唔想出去食， 去咗師師仔買咗個外賣返屋企食～叫咗一個芙蓉蛋飯，同埋一個椒鹽豬扒飯～芙蓉蛋飯幾好食幾多料， 有蝦、 芽菜、 叉燒絲同蔥， 蝦好多仲幾爽口， 其他料都好重手， 塊蛋都好厚， 煎得岩岩好唔會過熟～椒鹽豬扒飯食落覺得同出邊嗰啲有啲唔同， 佢嗰啲豬扒唔係拍咗好厚粉或者包左炸漿炸果啲， 啲豬扒似係煎豬扒嗰種口感， 但係啲椒鹽蒜味一啲都唔會話炒唔到入去啲豬扒度， 相反啲豬扒仲好入味好嫩， 好食～兩個飯盒，一共$122…Read More

平時好少會在呢附近搵食，行過見到一間茶餐廳竟然有咁多小菜可以揀，即管入去試試🦑黃金鮮魷 $118一上枱已經好香咸蛋黃味，外衣炸得香口又乾身，調味亦做得好好 咸香平衡一流 非常惹味，魷魚質地偏軟身 唔係爽脆型🦢豉椒鮮鵝腸 $118豉椒汁炒得一流，鵝腸仍帶有脂肪 入口肥美 爽口嫩滑🍍菠蘿生炒骨 $98醬汁調味同樣出色，排骨略嫌過火 口感偏硬🍚白飯 +$7 🍋凍檸茶 +$9茶膽無得彈，香濃而不澀*CP高 每款都大份量*網上多對服務有意見，幸好是夜體驗還好*店內有多部電視，好傳統茶餐廳感覺 可以電視送飯*座位寬敞 乾淨 坐得舒服…Read More

呢排呢天氣呢熱屎辣辣，喺深水埗長沙灣呢一頭附近更加係熱到飛起，差唔多有成40度，所以我lunch都係求其搵一間茶餐廳入去試吓。今次我就嚟咗呢一間師傅仔茶餐廳，喺長沙灣金碧閣附近，因為我見到佢個午餐餐牌有三絲炒銀針粉，係一樣我以前細個好鍾意食嘅菜式。咁我見入邊都尚算闊落，而且都有唔少人幫襯，我坐低咗叫咗Chan同埋加咗杯凍檸茶，可惜飲咗一啖發覺勁甜，所以都叫佢轉咗杯少甜嘅俾我。佢啲午餐份量都算大碟，但係銀針粉嚟講都要$55有啲貴，下次可以試吓佢個豬扒意粉同埋咖喱🍛吉列豬扒飯。…Read More

食早餐係碗麵到食到塊膠布，員工咩唔好意思都冇講，淨係話，喔 咁我換過碗俾你，換完返黎，我話你哋會唔會考慮免單或者平啲，始終問題嚴重，點知員工態度惡劣，表示你唔食就全部收走，然後將淨低未食嘅嘢收走倒晒。…Read More

話說，一早去叫早餐外賣，講清楚晒要食啲乜嘢，喺門口等咗大概5至8分鐘，就話齊啦。拎上手已經覺得奇怪，我明明要奶茶，點知俾咗杯檸茶我，同佢講錯咗飲品，態度好差咁樣拎返杯嘢飲，然後玩返杯俾我就算數。唔緊要，點知返到上公司，碗麵入邊嘅餸全部都錯嘅，電話打唔通，親自落去玩嘅時候，收銀嗰個仲要同我講，比錯咗有咩咁出奇，換返咪得囉，然後俾返碗整左好耐，淋哂既外賣麵俾我，態度衰到無人有！仲要講到錯左咪行黎換返囉，惡劣到一個點！…Read More

我每日都會去茶餐廳食早餐，每次都係叫出前一丁，未試過有今日呢個經驗！話說今日第一次去呢間師傅仔，都係例牌叫丁麵，食第一啖就知咩事啦，咪玩我啦，普通公仔麵扮出前一丁心諗都算啦，嗱嗱聲食多幾啖走，臨想走去俾錢嘅時候，點知有個呀姐行埋嚟問我做咩唔食哂啲麵，咁我一向都好好禮貌嘅，我輕輕回佢一句因為唔係出前一丁，點知個呀姐突然勁大聲講: ｢丁麵嚟架!｣跟住走咗…我唔知佢做咩要咁大反應，我唔知我有冇感覺錯啦，佢就好似被人識穿咗然後大返你轉頭防衛自己咁囉。點都好，附近大把選擇，我去食返真嘅出錢一丁…Read More

昨晚同幾個朋友，經過門口以為普通茶餐廳，入到去先知原來有咁多小菜選擇，仲要每一樣都幾好味，尤其個肉餅同個豬肚雞煲， 手撕雞都唔錯，仲要平時好少飲例湯嘅我， 都飲咗幾碗，下次可以再試吓其他嘢…Read More

本來去另一家在附近的皇室，但入到去太細間，最離譜系卡位座位太窄，所以走左來哩間。4個人，侍應比我地坐6個位，好舒服。本來我地想叫九肚魚，問廚房話無，改炸大腸，再問廚房又無。搞到侍應同廚房都對罵，哩個吾好。鹹魚煎肉餅($78)4分- 熱辣辣，煎得幾香，唯一吾太好系鹹魚吾夠同吾均勻。豆腐班腩煲($75)4分- 味道剛剛好，豆腐不知道是買回來還是自己炸，炸得吾錯；班腩難得炸粉不厚，肉算大塊，仲有魚味。檸檬煎軟雞($73)3分-除了平時的檸檬汁醬，仲放幾塊青檸，加重了檸檬的味道，系比其他茶記好，由於炸粉皮比較厚同埋雞炸得比較乾，系扣了部份分咖啡（加6蚊）。咖啡幾香吾苦。…Read More

平時係公司都叫開呢個外賣，因為真係好食同太方便，雖然價錢真係貴，但外賣既人態度越黎越差！首先，公司突然間越晒𨋢係唔會收到通知，因為呢啲係意外，如果定期維修停𨋢我都唔叫外賣啦要辛苦大家走上走落5樓走落行到落去拎外賣，已經唔該前唔該後拎外賣，外賣阿叔本身已經離開，突然間擰轉頭講返句，小姐，下次壞𨋢就唔好學人叫外賣啦第一 我外賣壞𨋢前叫第二 你送外賣上黎已經冇叫你行樓梯行個個係我本人買完個咁貴既外賣仲要受埋你個阿叔氣仲要行返五層樓梯上去真係好難受…Read More

本身住長沙灣，都經常會食呢間，雖然味道唔差但都無特別好前幾日晏就落嚟食個晏，叫咗碟飯加凍檸茶，嚟到碟飯正正常常，但係杯檸茶.......暖嘅？應該係廚房用曬啲凍茶，就用熱茶倒落杯冰度，杯茶無曬茶味又唔凍....最最最差嘅係，我叫一個呀姐幫我加冰，佢就望一望，然後黑口黑臉直行直過，直至我叫另一位有禮貌啲嘅呀姐先拎到冰，後尾重聽到 話唔好阻住佢收工！......打工打到咁巴閉真係開眼界總之我自己就唔會再幫襯服務咁差嘅餐廳，貼錢買難受咩！…Read More

食物：朝早起身同女友兩個人去食 入到去見無乜人 心諗都可能伏伏地 點知真係中伏！女友叫左個雪菜肉絲米我叫左個沙爹牛肉面食物相貌唔錯 但係兩個都浸到勁林 完全無口感 食左兩啖已經唔想食湯底味道正常牛肉都煮得太林個腸仔同蛋都還好 不過腸仔無乜味厚多士ok奶茶ok環境：六人座睇落都算闊落但我同女友坐四人座 兩人坐都舒服但如果四個人就可能有啲逼員工：有個阿嬸唔知做乜濃妝艷抹 不過還算有禮貌衛生：正常茶記水準 無好好無好差整體感覺差未來應該唔會再食尼間 始終食物太差…Read More