10
3
0
電話號碼
24799908
營業時間
今日營業
07:00 - 21:00
星期一至日
07:00 - 21:00
付款方式
現金
其他資料
網上訂座
賞訂座積分
食評 (23)
等級3 2019-10-08
1867 瀏覽
友人勁愛飲茶,結果又陪佢飲早茶,八點鐘,八點,八點 ( ̄∇ ̄) 重要嘅事要講三次,早到我邊飲邊打呵欠 ಠ_ಠ首先,我上咗二樓,原來二樓係不設搭枱的,不過貴啲。雖然眼瞓,我依然好精靈咁𥄫下有咩特價嘢食。。。見到都有好多特價少少嘅點心,結果叫咗五樣。燒賣 - 正常,冇特別炸雲呑 - 即炸,唔太油牛肉腸 - 腸粉皮好滑,牛肉份量多,好好味煎蘿蔔糕 - 味淡,完全冇落鹽,要自己加甜醬先有番啲味,不過算好,因為都多蘿蔔絲棉花雞 - 豬肚好正。我要講下,我試過其他酒樓,啲棉花好大陣「枱布」味,唔識點形容,不過好多都係,但呢間冇。結果,因為我友人太欣賞個腸粉,再encore咗叉燒腸( ´▽` )ノ叉燒腸 - 啲叉燒好味,唔係蕃叮又蕃叮嘅乾叉燒,所以友人話,呢個叉燒腸比牛腸貴都是值得的總括而言,間茶樓嘅嘢食都幾ok。有心嘅茶樓! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-10
1580 瀏覽
我哋平時好少食中菜, 本來諗住去大排檔, 不過驚落雨, 決定避走轉戰酒樓! 見隔離枱碟椒鹽豆腐好靚, 忍唔住 order 一碟, 果然皮脆內軟, 入口即溶, 秒殺! 另外要一個套餐, 有半隻脆皮燒雞, 斑頭腩兩食! 燒雞皮脆肉嫩, 估唔到都幾好!  炒既魚就有點鞋口! 蒸嗰碟味道好好, 不過我唔識啜骨, 所以唔太欣賞, 粉絲好入味, 最好食! 另外再叫2隻蟹, 印尼蟹! 薑蔥炒加 $20 有粉絲底! 蟹大大隻多糕, 走油後再爆炒, 夠穫氣, 蔥都入晒味! 粉絲好乾身, 不過無乜味道, 仲有點少硬! 最後一籠馬拉糕做終結! 即叫即蒸, 鬆軟熱辣辣, 香噴噴!註: 5個人, 5碟餸, 3罐可樂, 1碗白飯, 埋單 $811, 抵到呢!  繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-26
1167 瀏覽
呢間酒樓係元朗千色店附近,都算係街坊之選, 平時唔想煮飯,一家大細都可以食下,因為價錢公道,環境都算舒適,服務中規中矩都算係咁, 講返食物先特別推介係呢一煲湯,川具湯,煲得幾好飲又冇味精,我地叫咗2人份,剛剛好!另外就係京都骨,同平時酒樓嘅京都骨差唔多,菠蘿都幾大片,小朋友最鍾意食豆腐都幾滑,用嚟配飯就啱啱好啦,又健康又好味,大家記得㗎試吓啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-13
743 瀏覽
芋角好大個呀,都幾好味的,入面的肉粒唔肥雞絲粉卷正常大小,三條也是薄皮夠滑,入面d肉也滑嫩的,幾好味!潮州粉果三大隻,皮不是好厚,入面的料也是好香的,好味,有沙葛,花生同豬肉,仲有䓤,好惹味的!!珍珠雞兩件,普普通通,就是有d肉碎蝦米。這裏樓底有點矮,感覺有d壓迫! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-22
717 瀏覽
今日同家人嚟食2人套餐$388生炸脆皮乳鴿乳鴿剛剛炸起,好脆,不過 鹹咗少少紅燒花膠雞絲翅夠熱,有好多翅同花膠,唔會好咸,濃度啱啱好,湯底好清富貴帶子蚌片帶子好鮮甜,蚌片有少少韌清蒸沙巴龍躉仔條魚蒸得好oK,好嫩同鮮甜,配埋D魚豉油濃湯花膠筒珍菌浸時蔬飲完碗湯已經有D飽,慢慢食菜侍應姐姐服務態度殷勤有禮,仲幫我地換過D熱茶,叫我地慢慢坐,傾下謁添仲有鮮果拼盤同糖水,食到好飽埋單加一連茶位$450,Happy Friday輕鬆下! 繼續閱讀
(以上食評乃用戶個人意見 , 並不代表OpenRice之觀點。)