56
8
11
港鐵尖沙咀/尖東站 P2 出口 繼續閱讀
電話號碼
27242666
開飯介紹
為香港旅遊發展局「美食之最大賞2003」至高榮譽金獎之得獎食府。供應家鄉風味的廣東小菜及點心。特別推介漁港海鮮、午市點心餐及心思小菜。為商務應酬及親友雅聚之理想食府。 繼續閱讀
特色
同客食飯
營業時間
今日營業
11:30 - 14:30
18:00 - 22:30
星期一至六
11:30 - 14:30
18:00 - 22:30
星期日
10:30 - 14:30
18:00 - 22:30
公眾假期
10:30 - 14:30
18:00 - 22:30
付款方式
Visa Master AE 現金 銀聯 JCB
座位數目
360
其他資料
酒精飲品
自帶酒水 詳細介紹
切餅費 詳細介紹
電話訂座
加一服務費
電視播放
招牌菜
東星斑兩味 金象白雪龍皇炒麵 雞油花彫蒸紅蟹
食評 (95)
等級3 2018-03-05
2327 瀏覽
帝苑軒啲中菜真係無得輸,特別係個湯真係好濃味好足料。我哋飲咗椰子燉烏絲雞,啖啖湯都係精華好入味。一個燉湯嘅份量足夠一圍12人每人飲兩碗,飲完大滿足,淨係啲料都可以做一個餸。另外一個特別推介就係生炒骨,外脆內軟,甜酸溫和得啱啱好真係好好味。炸蟹蓋又炸到趣bob bob, 一啲都唔油膩一次過食兩個都唔會覺得過份。乳豬啲皮好趣新鮮,燒起熱辣辣諗起都仲返尋味記得食埋佢個甜品蝴蝶酥,係最出名嘅,好香脆食極都食唔停口。不過服務就一般,有時啲侍應完全唔似喺酒店做,似係喺街坊酒樓做開咁,一啲都唔識做,上菜位上錯晒呢個係失望點。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-22
2887 瀏覽
訂左三圍枱同親戚食飯,食物賣相都唔錯,所有味道都偏向淡味,無一樣味濃,以健康為主。啱晒在座每位老人家,食得安心又健康。最後要介紹個蛋糕就係帝苑酒店出名嘅芒果拿破崙, 非常好食,絕對令人讚不絕口。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-15
2561 瀏覽
早兩日前訂枱,去到竟然話無哂細枱,淨得大枱。唔明白點解訂枱會無枱,最後我地兩個人被安排坐十人枱,可笑嗎?坐低後,叫咗茶,我預計酒店服務應該係有人斟茶,但係成個飲茶過程都無,出面有啲普通酒樓都會呢啲服務,反而酒店入面竟然無,係失望嘅。自己斟茶,茶壺啲水太滿,一倒出黎,啲水圍住個茶壺漏哂出黎,仲淥到隻手。點心,無特別之餘,係失望!味道,賣相都係預期之外!呢間真係唔會再幫襯嘅餐廳,不論服務同食物嘅質素都有待改善。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-11
2939 瀏覽
同屋企人慶祝中秋節,想食好少少,就㨂左帝苑酒店食廣東菜既《帝苑軒》,網上寫人均消費係$100-$200,預左唔會咁平。。。而真相係dinner 你無$400-$500/head應該無乜可能羅🤔前菜叫左蒜片牛柳粒、黃金海蝦,兩道菜都係普通廣東菜館common ge菜。蒜片牛柳粒$178,出面食既牛柳粒香味夠,但牛柳粒會偏乾但依道做得好既地方係牛柳炒香之後仍然好juicy。食唔晒第二日翻熱請大家食,大家都重覺得好味。😍而且portion唔細,唔係前菜/一口牛咁少,雖然係前菜但都夠6-8人份。第二個前菜食左黃金海蝦$178,炸完依道蝦重係口感豐富,出面食雪左好耐既蝦明顯唔同。但唯一唔好係佢唔夠多鹹旦黃,偏淡味。上湯枝竹浸菜苗$188,其實個菜只要唔overcook就會好味,同出面既唔好差好遠,好味既。😉重有一個古法蒸肉餅$188,個型狀好似火山咁,上面就加左個鹹疍黃。依道肉餅蒸出黎重係好有彈性、肉汁全鎖晒係肉餅道,十個吸引。😋😋😋另外肉餅仍然微紅色,上網查原來新鮮豬肉而又有好多肌紅蛋白先會咁,長知識了。另外我地叫左金獎白雪龍皇炒麵$338,可能我地太大期望,覺得無乜特別⋯⋯龍蝦味唔算出,但咁個疍白都滑滑的。。。「杏汁白菜膽燉白肺湯」$468最後講下我的至愛,出街食如果有杏汁豬肺通常我都會叫,因為自己整太花工夫,淨係洗個肺都洗到暈。依個4人份既湯大概都有6碗,而且杏汁味好夠,好夠味👍🏼👍🏼👍🏼湯渣用既雞腳仍然好有彈性,唔通係新鮮雞?!另外4人茶水同酸菜加埋大約$150,用左帝苑elite卡平左$230,埋單大約$400/位,咁既價錢食廣東菜一d都唔平,但食完你覺得值。真係同出面$100-200既菜色完全唔一樣架😊 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-10
1823 瀏覽
無得頂嘅順德「飯局」目標對象生拆魚雲羹。不但滑溜更一點腥氣全無。不需用點點胡椒粉來襯托。原汁原味。這股味道充滿住咀內。超滿足!任誰也擋不了傾心。記得每次吃有陳村粉托底的各種各様菜式都會互相提示快吃快吃趁熱吃凍了不好吃。今晚的柱候牛腩陳村粉真吃得大為驚喜。牛腩牛根炆到出神入化汁收乾浸入陳村粉內。熱食當然正,凍食更是不能想像的好吃。一下子分不到誰是主角誰是配角打成一片。真心拍手大讃。每度菜式非常美味,吃不下也吃吃吃。撐著飽飽肚子回家太豐富。 繼續閱讀
(以上食評乃用戶個人意見 , 並不代表OpenRice之觀點。)