帝京軒

好友生日，當然要好好慶祝一下，帝京軒就在旺角火車站附近，位置方便，環境舒適，食物又有水準，自然成為我們首選的食店啦！人未到齊，這些香脆的腰果及合桃，正好可邊吃邊等。秋燥天氣，飲返碗清甜滋潤的老火湯(霸王花雪梨乾螺片煲豬腱)，真是至好不過；這湯水不但清熱生津，更有止咳等功效，而且非常美味！😋第一味菜是「燒味三重奏」，碟中放有肥瘦均勻的金牌黑豚叉燒、皮脆肉嫩的冰燒五層腩 及 油脂豐盛的明爐潮蓮燒鵝，如加碗白飯更好。天氣寒冷，和親朋好友一起吃返個暖笠笠的「砂鍋古法雙冬扣羊腩煲」，滋陰又補身；羊腩煮得軟腍，帶有少許羶味，配料十足，加上濃郁的湯底，好吃。金鈎醬瑤柱珍寶蝦球銀絲煲～爽口彈牙的珍寶蝦球，沾上香濃美味的金鈎醬，已覺出色；而墊底嘅銀絲粉，口感煙韌爽口，在吸盡兩大的精華後，更直逼主角的光環，忍不住吃了一大碗。大廚把經典的家常菜，搖身一變升級為肉質軟腍又鬆化的「拔絲菠蘿咕嚕黑豚」；拔絲外層香脆，酸甜味道恰到好處，不錯吃。😍陳年花雕藥膳走地雞煲～氣溫驟降，一煲熱辣辣的雞煲食落更覺惹味，加上選用新鮮走地雞、藥膳及陳年花雕酒，食完感覺全身暖笠笠，滋味又好吃。銀鈎臘味五穀糯米飯～廚師先用水把糯米浸上

終於名正言順可以去食暖笠笠嘅煲仔菜！趁住朋友生日乘機去帝京軒食超正嘅暖身煲仔菜。唔好講咁多先整返碗老火靚湯飲吓先！呢碗係霸王花螺片湯飲落去熱辣辣味道好清甜正呀。食中菜斬大嚿叉燒咪就係爽呀！我哋仲叫咗個燒味三重奏除咗金牌黑豚叉燒仲有燒鵝同埋燒腩仔，樣樣都咁好食好難揀啫一於食晒佢。不過我始終都鍾意有骨落地！所以呢一個明爐潮蓮燒鵝我一定俾多啲分。跟住呢一個香噴噴嘅係金鈎醬瑤柱珍寶蝦球銀絲煲！個名真係好巴閉但係味道都一樣咁有霸氣，大蝦爽口鮮味就一定㗎啦啲蝦油滲晒落乾爽嘅粉絲度好食到呢。老婆大人好鍾意食咕嚕肉所以就叫咗呢個拔絲菠蘿咕嚕黑豚過佢嘆，咕嚕肉做到皮脆肉香個汁包得啱啱好味道唔會太酸又唔會太甜，仲有好多新鮮嘅菠蘿喺入面老婆大人食到舔舔脷呀。天氣凍整返個羊腩煲嘆吓先！經典嘅砂鍋古法雙冬羊腩入面有肥瘦均勻嘅羊腩，炆得好入味但係又唔會過火唔錯，加埋冬菇同冬筍直頭想叫碗飯嚟食。不過仲有好多嘢未食白飯就放棄啦！跟住呢個為咗唔食羊嘅老婆大人叫嘅陳年花雕藥膳走地雞煲，送嚟時聞到陣陣嘅藥材同埋花雕味好香，用嘅係新鮮雞食落去特別有咬口當然雞味都濃啦！果啖湯汁先至係精華千祈唔好嘥嘢記得飲埋佢呀。冇叫白飯原因係

帝賞金卡會員生日送蛋糕 所以今晚2個人去帝京軒吃晚飯 服務員仍然是非常有禮貌 乳豬件皮薄又脆 好味焗蟹蓋 真是非吃不可 紅燒龍躉頭腩 鹹了少少蟹粉帶子豆苗 有點失望 帶子冇味 豆苗老 反而送的生日蛋糕 超好味 又滑又香呢會員有8折 用了送的500現金券 今餐很抵呀

挨近十二月，終於有少許涼意，立馬拉埋幾件為食朋友，吔羊腩煲同埋煲仔飯，順道慶祝朋友生日。當然，煲仔飯羊腩煲呢啲，你可以去茶記或者快餐店食，但要慶祝埋生日，上酒店似乎比較恰當。帝京始終最受大家歡迎，畢竟地理位置佔極大優勢。沒有預先寫好菜單，到時喜歡吃什麼就點什麼，來得輕鬆自在。有人想飲湯，就來盅霸王花雪梨乾螺片煲豬腱。酒店既湯水或多或少都是信心保証，湯頭熱，清甜，螺片唔韌，喝得舒暢。燒味也是必然而選，呢個想食腩仔，嗰個愛吃燒鵝，我就從來是叉燒的粉絲，那就來份三拼。叉燒不像之前預先寫好菜單、位上般的厚切，但肉質依舊鬆化；燒腩仔皮脆肉咸香，層次分明；燒鵝亦做到甘香鬆化。再來的，也不是粉絲蝦煲咁簡單。因為除了珍寶蝦，還加入了幾大隻的蝦乾，同時亦有瑤柱混入粉絲之中，帶出不出層次口感。食材質素不用懷疑，大蝦彈牙，蝦乾咸香，粉絲香口乾身，成件事好惹味。主角之一的古法雙冬羊腩煲，羊腩皮厚肉不韌，羶香味於我而言是恰當，沾些腐乳來吃倍添滋味。生菜索盡煲內的汁醬，是精華所在，你我他都知道不能錯過。去茶記等麻甩地方就話食麻辣雞煲，來到酒店就要轉吃藥膳雞煲，雞肉嫩滑不在話下，那湯底更是靈魂所在。咕嚕肉加上乾冰營

在openrice訂左位中午12點，由於媽媽鍾意飲茶，所以訂間酒店中菜同佢飲茶。訂12點早左到都即刻有位，起初只有幾台客人的關係招呼是十分好，但到中午十二點幾開始人多的時候，因人手不足的關係，叫咗幾次都冇人加水，而且唔明點解要三個人執一張枱。我們叫了黑豚叉燒👍雞蛋叉燒腸就一般，蝦餃的皮未夾起已經爛，沒有酒店應有的水準，鮑魚珍珠雞，媽媽話這個很好味，還有一個蒸餃，啲皮都太淋好容易爛，懷舊芝麻糕，芝麻味如果重啲就perfect。我們還後加了龍躉頭腩煲，這個味道不錯，還有點心沙嗲金錢肚👍潮州粉果一般，臘味蘿蔔糕很精緻。由於人多的關係，酒店中菜部的冷氣都不夠，坐到出曬汗。可能我是第一次來的關係不是熟客，招呼就沒有那麼殷勤了。

今日慶祝屋企人生日，由於一家都鐘意食中餐嘅關係，去左都頗出名，係帝京酒店入面嘅中菜廳，帝京軒都食生日飯🎂🐥帝京軒招牌炸子雞（$288）呢味菜係鼓油雞上面用炸牛蒡做點綴，果然menu名起得無錯，係好出色嘅招牌菜😋 鼓油雞唔係太油，而每件嘅肉質都好嫩滑，而且舊舊都好多肉😍而炸牛蒡都好驚喜！佢有啲似炸蛋散嘅味道，配埋鼓油雞或者碟上嘅醬料一齊食好正💯🐖金牌黑豚叉燒（$298）叉燒整得好淋，整體肥瘦都好均衡☺️佢嘅蜜香味加上煮得微焦嘅邊邊位，好快我地一家就食晒成碟喇😋🍚龍蝦湯蝦球帶子泡脆米飯（$328）呢味飯都係帝京軒嘅招牌菜🦞湯底有好濃郁嘅龍蝦味，湯入面嘅帶子都好大粒，而且仲有蝦球，肉粒同米飯，索晒啲龍蝦味，味道一流🥰另外，仲有加左啲炸米粒，吸收晒湯底嘅道道，口感係半脆咁，好好食👍🏻🐠崧子菊花醋香鱸魚球（$298）鱸魚炸得好香脆，而且亦唔會太多嘅炸份☺️佢嘅酸酸甜甜嘅醬汁撈埋啲炸魚到非常開胃😋評分：⭐️⭐️⭐️⭐️/5人均：~$300-$350

應該有一段時間無黎帝京軒食飯，今次呢個menu我都幾鐘意，「悅夏宴」，顧名思義全部嘢都好啱夏天食。套餐於2023年7月1日至9月27日期間供應，凡於7月至9月惠顧「悅夏宴」，可享85折優惠，每位$788，兩位起，成日有人問我有咩中菜好，呢啲唔使煩又喺酒店又有質素保證就最啱。香麻蟲草花魚皮，鳳梨桂花燒脆鱔，話梅鴛鴦脆涼瓜松露南瓜炒穀飼和牛粒花雕話梅紅麴京烤骨蔥爆智利響螺片伴琥珀生汁高湯松茸燉玉環瑤枉甫崧子菊花醋香鱸魚球油鹽水金菇水瓜浸鮮蜆燒汁野菜龍蝦炒絲苗十勝紅豆綠茶奶凍成個menu最特別係鳳梨桂花加落燒脆鱔，甜甜到完全唔覺熱氣，香麻蟲草嘅魚皮都真係第一次見，話梅鴛鴦脆涼瓜一睇就知係夏日之物。脆蝦球嘅沙律汁，好清爽，蝦球都好大件，蔥爆智利響螺片 ，我唔明點解啱夏天，原來大廚話螺片係可以滋陰補腎夏天食最好，又學到野。南瓜加和牛，再加黑松露醬，呢個組合係真係少見，估唔到和牛原來都可以咁清新。油鹽水金菇水瓜浸鮮蜆嘅蜆好肥美，個湯係甜到入心。花雕話梅紅麴京烤骨個種又酸又有酒的開胃感，如果你冇胃口食就啱，絕對打開你嘅味蕾，啖啖肉都唔覺大問題。崧子魚食得多，用鱸魚真係幾好，至少魚質同肉味嘅感覺同平時

以$788/位，如果85折之後比較合宜，但不只作為女性的吃不完全個餐，連男仕也吃到炒飯前已經吃不下，其實可以考慮減些份量，順便減低售價，那麽會更親民，夏天的份量也不用太大，魚皮冷盤很清爽，菊花松子魚應該外國人會比較喜歡，牛柳粒和蝦球都做得味道剛剛好，如果炒飯改成脆米鍋巴或西施泡飯，或會更香口。

今日約咗一個老朋友嚟飲茶！純粹諗住地點方便泊車，又未嚟過試吓呢度嘅茶樓！點知質素比想像中好，環境非常舒服，侍應服務態度優良，而且效率不錯 成餐用的非常愉快 不過佢上菜嘅速度真係非常慢，知道佢係即叫即整，不過時間都係有少少長，我哋嗌完個點心好似唔知有冇過半個鐘先有嘢食等到肚仔都篇埋　🤣🤣我哋得兩個人，嗌唔到好多嘢食，本身諗住嗌個套餐，眼利嘅我睇到有個點心套餐性價比高，而且咩都有啲！所以就試咗呢個，不過唔夠飽，最後加多個油鹽水浸菜心㗎金錢肚㗎叉燒腸粉我哋嗰餐一上枱超級興奮，雖然唔係樣樣都啱食，不過乜都有啲，因為我本身唔鍾意煎炸嘢～個灌湯餃有好多蟹肉喺入面，主要係蟹肉，有個竹笙好好味整體😋不過咸咗少少🤏紅棗糕軟綿綿，又有口感彈性不會太甜正蝦餃，足料不會有太多肥膏正常高質素蝦餃水平燒賣有帶子喺面頭，入面覺得有少少油膩，而且肥豬肉較多，呢個我嫌油得滯潮州粉果，香口好味，個皮都係！不過你都預佢油少少🤏鹹水角一定好香口，不過係邪惡之選haha珍珠雞有鮑魚！不錯個吉仔包造型一流，肚仔餓都忍唔住打給張卡！唔算話太留心，不過做得幾好味！極度滿足最後加多左個甜品，朋友揀紅豆沙，我本身揀豆腐花，但係賣晒😮‍💨

基本上耐唔耐都會嚟食吓飯 感覺水準穩定 一定唔會話中伏😂 而且環境寬敞 幾啱靜靜哋食吓飯傾吓偈  拔絲菠蘿咕嚕黑豚($258) - 個皮卜卜脆😙 不過醬汁偏甜 砂鍋家常紹子煮海參($338) - 辣辣地好惹味 海參彈牙有咬口😁  鳳梨桂花燒脆鱔($298) - 唔脆 面頭搽咗好多桂花蜜偏甜🤔  油鹽水金菇水瓜浸鮮蜆($268) - 加咗蜆同水瓜嘅湯底幾鮮甜 夏天食瓜啱晒😋

Their restaurant recently had a promotion where a set meal included most of their award winning dishes.Their Dim Sum presentation looked amazing. However, initially, they forgot to introduce it and whether any order we should enjoy it so I ended up eating the sweet dim sum(sticky dumpling) first.Subsequently all dishes were introduced. I love how the next dish incorporated lamb in so many different ways without the smell overpowering all the ingredients.For this dish, despite it looked really im

💡記得訂位時留意 Openrice 優惠細節哦天時暑熱，一間連接地鐵站、商場嘅中菜館對 family gathering好重要！🌬️🥵濃淡得宜嘅套餐😋 香麻魚皮（好耐都唔敢食生魚皮）加左薑絲生蒜超正！鱸魚球啖啖肉唔使拆骨！共8道菜： (左起) 話梅鴛鴦涼瓜、桂花燒脆鱔、香麻魚皮8/10 松露南瓜牛柳粒 7/10 高湯松茸燉玉環瑤柱甫 8/10 蔥爆智利響螺片 伴 脆蝦球 7/10 崧子菊花鱸魚球 7/10 金菇水瓜浸蜆 6.5/10 (蜆肉鮮味再突出D就更好） 野菜炒飯 8/10 （一滴油都冇，炒得好乾身👍🏼） 十勝紅豆綠茶奶凍 8/10 （呢個堅好味，食完好fresh冇負擔）

當你走入一間餐廳，打開琳瑯滿目的餐牌，結果「選擇困難症」發作時，最簡單的解決方法，便是試餐廳的招牌菜和得獎菜色。這個方法亦可以了解大廚的手藝，一舉兩得。最近我們來到帝京軒，品嚐了一系列餐廳的招牌菜和得獎菜色。結果，果然沒有令人失望，得到比預期更好的體驗。頭盤先來一個【花樣年華】，共三道小點：黑虎掌杏仁將黑虎掌菌加入蔬菜、黑松露爆炒，又香又好味。櫻花海膽蟹肉盒的餡是手拆鱈場蟹肉及豆腐，鮮甜飽滿；加上北海道海膽及蟹油醬汁的邪惡滋味，以及外層炸到香酥的櫻花蝦。很好吃！不過我覺得更好吃的是桂花龍蝦脆米餅。啖啖彈牙龍蝦肉已夠吸引。最特別是配上酸忌廉、蔬菜，放在脆米餅上，加上桂花柚子啫喱和食用花點綴。滿足得來，卻又帶點開胃的味覺元素，層次豐富。不愧是曾獲「香港國際美食大獎」金獎的得獎菜色。【陳皮墨魚餅．手絲雞陳村粉．京蔥爆遼參】陳皮墨魚餅用順德鯪魚球的做法製成，加入葱花、芫荽及陳皮等材料。吃起來甚有鯪魚球的風味，但又保留了墨魚餅本身的飽滿彈牙口感。京蔥爆遼參煮得出常軟腍入味，值得一讚。手絲雞陳村粉則四平八穩，粉的質感夠細滑。【黃金紫玉杯】這道曾獲得「美食之最大賞」至高榮譽金獎的菜色，是這個晚上最令

順德這地方會令大家想起什麼？粵曲、粵劇的發源地、大良媽姐！而饞嘴我則想起魚米之鄉的順德特色菜餚。我們一眾吃貨這次再訪帝京軒是衝著新推出的鳳城．尋鮮譜而來，所以事不宜遲先品嚐首道前菜，包括是京蔥爆遼參、陳皮墨魚餅及手絲雞陳村粉。大廚以日本遼參遼來炮製燜煮至軟腍入味，墊底經爆炒過的京蔥香甜味美，兩者渾然天成一拍即合。順德的鯪魚菜式出名大家也知道，但大廚破格地用上墨魚膠來製作向鯪魚餅致敬，墨魚餅內裡有滿滿的葱花、芫荽及陳皮，吃下口感彈牙之餘還帶上幽香的陳皮味很可口。最後的手絲雞陳村粉選用本地農場鮮雞手撕而成，配襯芝麻醬、秘製辣汁調配的醬汁，質感滑溜的陳村粉配香嫩手絲雞太好吃喇。接下來這個是生拆魚雲燴花膠，魚雲羹是順德著名手工菜製作工序繁複，拆出來的魚肉、魚雲配以奶白色的鮮濃魚湯，再加入勝瓜絲、木耳絲、陳皮絲及鮮竹絲和養顏花膠，呷一充滿骨膠原的湯羹充斥鮮甜的味道，丁點腥氣也沒有連胡椒粉也不變成無用武之地。第三道菜欖仁銀杏蝦球炒鮮奶是我的至愛順德菜之一，傳統是用水牛奶大廚改用了北海道3.6牛奶來炮製。炒鮮奶口感滑溜味道香濃，內裡的蝦球彈牙鮮爽，配襯鮮銀杏、蜜豆、炸欖仁及金華火腿蓉，鹹香添鮮味滋味

帝京酒店中式廚藝總監江肇祺師傅入行超過30年，經驗及廚藝水平自不在話下；創意更是無限，例如為傳統菜式注入另一些原素，一新大家的耳目。所謂「食在廣州、廚出鳳城」，這次便以順德菜為主題，加上自家創意；呈獻出全新的「順德．漁鄉風味」與「鳳城．尋鮮譜」套餐。邊吃邊等，很快這些炸得酥香的駐檯小吃(合桃及腰果)已被吃至七七八八了。我們選了每位HKD738的「鳳城．尋鮮譜」套餐，而兩位起更可享85折優惠！繼而在侍應推介之下多添兩個小菜。首先上場的前菜有陳皮墨魚餅、手絲雞陳村粉及京蔥爆遼参(由右至左)。陳皮墨魚餅 ～取裁自鯪魚球的製作手法，改以墨魚膠替代，加入葱花、芫荽及陳皮等食材，入口鮮爽彈牙，更帶微微陳皮香。手絲雞陳村粉 ～選用本地新鮮雞，熟後拆肉，加入芝麻醬及秘製辣汁調配而成的醬汁，雞肉鮮嫩，陳村粉細滑煙靱；清新醒胃。京蔥爆遼参 ～選用海參中之上品日本遼參，滑溜且膠質重，浸發一晚後；加入煎香過的京蔥燜煮至軟腍入味，更帶誘人的蔥香。順德生拆魚雲燴花膠～魚雲羹是順德其中一味出色的手工菜，但因工序繁複，現已甚少地方供應，故而更顯珍貴。須先將魚頭蒸熟；放涼後再拆成細絲，過程中還要剔除細骨，非常費時；熬煮