巴香坊 (已易手) 新餐廳

食過5次黑椒豬手，品質如一。 每次都食到，最特別係個汁，再多少少就好了，加汁加錢我都願比。 豬手友要注意，唔係德國豬手果種脆皮，因為佢係預早焗好一大盤賣的，價錢大眾化，所以我唔會太計較皮脆的問題，整體味道好岩我條脷，肉唔會太硬，又有𡁻囗，食親次次都想啤啤佢。 每次我都會加十元酸菜，味道帶點麻油香，可惜好快買唒，唔係一定買到。我都有買過滷水墨魚，豆腐，鵝翼，味道都係不錯的。

大部份外區人，都會去又新街那邊兩間知名鹵水店。但懂路的元朗區內人，則大多會去“大橋街市”內的一檔鹵水店“巴香坊”。巴香坊神奇的地方在於，根本宣傳不多，知道懂路的大多是朋友間口耳相傳，食過試過就傳開去，位於大橋街市同一條巷內，同時有幾間賣類似鹵水產品的，但能夠做到放工時段有人龍排隊購買的，恐怕巴香坊是最強的一家。另一個傳奇的地方係，此店經常隨意休息的，有時更是一休十多日，正常情況此種不定時店舖早就被市場遺棄，我都試過摸過兩次門釘，但此店的熟客都願意乖乖的等佢休息完再來朝聖。 平時我買開係鹵水 金錢，紅腸，鹵水雞翼，鹵蛋等等的。但朋友今日強烈建議我一定要試佢個“手撕口水雞”，包試過翻尋味咁話喎，於是就買左半隻，返到屋企打開開始食，嘩不得了，個“口水汁”真係好惹味，辣得來大叫過癮果隻。而且，最奇怪係半隻雞食極都未食完，根本足足有平時厚興渝記一隻既份量咁。抵食又好食呀！

上個月到過大僑街市一次, 發覺原來街市內也臥虎藏龍. 行過巴辣坊....驟眼看以為是鹵水主, 但點解同四川拉上關係呢?不過看他們的出品, 買相已靚過晒隔離幾間, 就試吓啦....點知一試就愛上所以今天帶埋相機去買餸, 為的是與大家分享及推介. 原味已經不錯的鹵味加上老闆調較的醬汁後, 簡直錦上添花.原來老闆是在四川學藝數年,以味道正宗,食過翻尋味,四川醬汁是鹵味的凌魂所在!絕配,慷慨的老闆夫婦會隨客人要求免費加醬汁.老闆娘見我咁快又來幫櫬, 請我食鹵水蛋.愛辣的朋友不可錯過.