22
5
0
附加資料
最後落單時間22:00
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
優惠
7折
人氣烤魚雞煲專門店 開懷暢聚雞煲/ 烤魚鍋套餐 (6-8位用) *只限外賣自取*
$1,108
$1,588
71折
人氣烤魚雞煲專門店 知己滋味雞煲/雞鍋套餐(4-5位用) *只限外賣自取*
$608
$868
71折
人氣烤魚雞煲專門店 超值實惠雞煲/雞鍋套餐(2-3位用) *只限外賣自取*
$398
$568
85折
$100現金券(10張) 正宗四川菜【巴辣仔烤魚雞煲】
$85
$100
9折
$50現金券(4張) 正宗四川菜【巴辣仔烤魚雞煲】
$45
$50
食家推介
相關文章
又係一年一度嘅農曆新年，阿媽年尾好忙，所以為咗減輕佢嘅工作，團年食乜就交俾我啦。本身有諗過買盆菜，但佢哋嫌所有嘢一樣味，再加上天氣凍，咁就一於打邊爐啦😆。同事推介可以試吓「巴辣仔烤魚雞煲」，上網一搵之下發現有勁多套餐選擇。屋企人鍾意食雞煲，所以我就揀咗價值$398(外賣自取七折價)嘅2-3人超值實惠套餐🌟。餐廳服務唔錯，Whatsapp佢哋落單揀定食乜，同埋幾時幾點、邊間分店取就OK👌；佢哋設有多種支付方法。我約咗荃灣店夜晚六點取，去到完全唔駛等，外賣已經熱辣辣準備好👍。食物包裝企理，我拎住兩大袋都唔覺得好遴迍。題外話，荃灣店距離地鐵站唔遠，面積好大，環境好似都幾好😉，起碼我去到唔覺污煙漳氣、好大浸味。套餐內容非常豐富，我呢一款寫係2至3人用，但其實只要自己加少少料(100蚊內)，已經足夠四個人食👨👩👧👦。主食火鍋煲類方面，我哋要咗巴辣鮮雞鍋(半隻)🐔，如果唔食雞，亦可加錢轉烤魚🐟。辣雞煲用大膠碗裝住，芫荽下面就係辣椒花椒海同埋其他食材，如洋蔥同蒜頭等。我哋要咗中辣，辣度唔算好嚇人，起碼唔係一遍辣油，不過食耐啲就開始嚟料，可能因為啲辣椒煲開咗。同時，佢「麻」味都夠，而且冇辣椒籽同碎癡喉嚨。半隻雞份量唔少，但就唔算太厚肉。雞煲仲附送一兜雞湯，望落色水好似好淡，但其實就咁食都幾惹味。不過我哋就倒緊啲雞煲嘅辣椒同料入去煮，變成麻辣湯底，口味都幾正宗㗎🌶。精選時菜雜錦拼盤堅係一大盆😳，入面包含多種火鍋食材，包括白柏葉、水魷、鵝腸、松葉蟹棒、萵筍、蘿蔔、凍蜂巢豆腐、豆卜、鮮枝竹同生菜等。餐廳出手闊綽，每款都有好幾嚿，而且啲料幾高質。我認為牛柏葉同水魷魚都正🦑，佢哋口感一啲都唔硬，爽脆又索味；而萵筍則夠晒翠綠。肉類可揀美國肥牛或者黑豚肉🥩，由於我哋係牛魔王，所以自己另外買肥牛打，套餐就因而揀咗後者。黑豚肉大約有八至十片，肉呈紅色、無變暗啞，個樣直頭有啲似西班牙火腿咁靚🥓，而味道亦唔錯，肥瘦適中，冇臭豬味同雪味。招牌肥腸，老實講我就好少食豬大腸🐷，不過屋企兩老就好鍾意。豬大腸處理得好乾淨，無異味，但中間脂肪比較多，如有需要，可自行稍作清理。豬大腸混入雞煲非常搭調，辣味有助減低油膩感，唯一挑剔嘅地方就係剪得碎咗少少。雜餃混丸拼盤，佢係成個套餐入面比較失色嘅部份🙈，因為成盒得六粒，魚皮餃、牛筋丸、雲吞、墨丸、芝士丸同豬肉丸，每款各一粒🥟，唔夠分呢。我個人建議餐廳可改為俾客自選其中兩款。麵食可從薯粉、米線同出前一丁之間揀，我哋要咗薯粉🍜。薯粉偏粗身，即係市面上酸辣粉嗰隻麵，口感Q彈，掛汁一流。爭啲講漏咗，套餐仲包一客前菜，我哋要咗麻辣豬耳👂，小食同樣地好大盒。由於預計到食唔晒，所以留咗佢做第二晚嘅餸。豬耳口感脆卜卜，麻辣味清爽，同雞煲隻辣又有啲唔同，係稱職嘅開胃菜。即使係外賣🥡，但餐廳都比足調味料，用細盒裝住辣椒、蔥、蒜同芫荽，整齊妥當。另外套餐仲包三罐嘢飲㗎。總括嚟講，巴辣仔嘅外賣自取雞煲套餐唔單止係性價比高，我認為用平靚正來形容更加適合💯。雞煲風味十足，食材具質素，份量充足，令我哋一家四口食咗個滿足嘅團年飯，餐廳值得推介！
繼續閱讀
📸巴辣仔屋企人中咗完Covid話口淡淡 想食啲濃味野第一時間就諗到食烤魚🐟位於荃灣千色店附近既巴辣仔相信好多人都聽過佢午餐有得一人烤魚 $78就有交易今次一行三人就揀咗🍴原條足兩斤烤江團魚 $378亦可選龍躉/凌波魚❗️口味可以6選1香辣｜酸菜｜蒜香｜泡椒｜蕃茄｜鮮青椒👉🏻 今次揀既係蕃茄平時食開都係辣 悶悶地就試吓唔辣既反而好有驚喜 酸酸甜甜幾開胃仲會越煮越濃味 杰身架👉🏻江團魚肉厚少骨食落啖啖肉 啱曬我呢啲唔識吐骨既人😂肉質經烤焗後 外皮香口而肉質結實條魚食到差唔多可以加多少少湯打邊爐架火鍋配料方面：🍴雙拼餃 $68 皮薄餡靚 而且價錢算抵食🍴水魷 $68平時唔係成日有 食落幾爽口🍴自家製紫菜響鈴 $38咬落非常香脆 配搭紫菜令響鈴食落無咁dry🍴蟹籽墨魚滑 $88一上枱成碟都橙色 嚇一嚇原來係巨量蟹籽😂😂😂🥤飲品估唔到竟然會有珍珠奶茶🥰廢水愛好者點可以錯過仲有三款黑糖系列揀黑糖珍奶｜黑糖珍珠鮮奶｜黑糖珍珠烏龍 $32黑糖夠香夠甜 珍珠又夠咬口 正！#wwh食勻荃灣#wwh烤魚#wwh火鍋
繼續閱讀
今日中午嚟到位於荃灣嘅巴辣仔烤魚雞煲食飯，依間餐廳以雞煲同烤魚作為主打嘅賣點，同時亦都有提供唔少配菜俾你打邊爐。我今次就要咗佢哋嘅原條烤魚套餐，佢哋個套餐有辣有唔辣多款口味，聽聞香辣味最具人氣，不過我就叫咗蕃茄味。另外，聽餐廳提起佢哋嘅午市一人烤魚足一斤，$78起，加配火鍋料$5起。烤魚方面，我哋就要咗龍躉，成條魚都真係幾震撼啊，夠晒大條。魚肉吸收晒湯汁嘅精華，入口完全唔會覺得腥，仲有蕃茄香味添。配料方便，我哋揀咗薯仔同金菇，薯仔同金菇吸收晒成個湯嘅精華，所以都好入味。整體來講，我覺得今餐都幾滿足，加上魚肉嘅質素都真係唔錯，所以都食得幾開心。📍巴辣仔烤魚雞煲 (昌耀大廈) (荃灣)荃灣青山公路－荃灣段167-173號昌耀大廈2樓#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香港#吃貨#photooftheday #荃灣美食 #hkgirl
繼續閱讀
天氣開始凍，又係時候同屋企人圍爐食盆菜👨👩👧👦🍲 我嘅首選始終係「巴辣仔」誠意推出嘅「極尚烤魚盆菜」😍😚將足2️⃣斤重嘅沙巴龍躉烤魚原條加入盆菜🐟 肥美肉厚又惹味，意念絕對係全港首創，賣相非常震撼‼️其餘矜貴配料有大連鮑魚、海蝦、花膠、魚肚、海參、魷魚、豬手等，也太豐富了吧🥴依家預訂盆菜，仲會送採用三黃雞製作嘅口水雞/蔥油雞🐔 肉質特別鮮美嫩滑、脂肪豐滿，真係好好食🤤▪️◾️全港獨創 • 極尚烤魚盆菜◾️▪️🫦 口味 🫦四川香辣味（小、中、大辣）老壇酸菜味（不辣、小、中、大辣）🥢食材🥢原條足2斤沙巴龍躉烤魚、原隻大連鮑魚、海蝦、花膠、魚肚、急凍海參、 豬手、水魷魚、雜丸、凍豆腐、鮮冬菇、蘿蔔角、芋頭、雞脾菇、秀珍菇、西蘭花🍽份量🍽▪️小（4-6人份）激送 口水雞／蔥油雞 半隻🔥原價$988（會員專享 額外9折👉🏻$888）▪️大（10-12人份）激送 口水雞／蔥油雞 乙隻🔥原價$1688 （會員專享 額外9折👉🏻$1518）💲付款辦法💲轉數快/ 銀行轉帳/ 到店付款（一日前預訂、確認及支付全數，可翌日取貨）🚚取貨方法🚚到店自取或加$50全港送貨（離島及偏遠地區除外）⋄┄ ┄ ┄ ┄ ❖ ┄ ┄ ┄ ┄ ⋄📍 荃灣旗艦店地址：荃灣青山公路－荃灣段167-173號昌耀大廈2樓🗺其他分店：尖沙咀｜深水埗｜屯門｜元朗｜大埔｜粉嶺｜上水
繼續閱讀
您可能會有興趣的...