14
2
2
營業時間
今日營業
16:00 - 22:00
星期一至日
16:00 - 22:00
公眾假期
16:00 - 22:00
公眾假期前夕
16:00 - 22:00
以上資料只供參考, 請與餐廳確認詳情
優惠
7折
人氣烤魚雞煲專門店 開懷暢聚雞煲/烤魚鍋套餐 (6-8位用) *只限外賣自取*
$1,108
$1,588
71折
人氣烤魚雞煲專門店 知己滋味套餐 (4-5位用) *只限外賣自取*
$608
$868
71折
人氣烤魚雞煲專門店 超值實惠套餐 (2-3位用) *只限外賣自取*
$398
$568
85折
$100現金券(10張) 正宗四川菜【巴辣仔烤魚雞煲】
$85
$100
9折
$50現金券(4張) 正宗四川菜【巴辣仔烤魚雞煲】
$45
$50
相關文章
將美味帶返屋企~ 真係超好食嘅烤魚，而家仲回味緊~~去朋友屋企睇戲，最開心梗係一路食一路睇啦。 今次轉吓口味，食外賣烤魚，預先whatsapp揀定嘢食，準時去攞就得！ 俾$500按金就可以借埋爐，靚姐竟然幫我原爐用保鮮紙打包咗條魚，包到滴水不漏！叫咗個【超值實惠套餐(2-3人)】$398，唔食雞煲食，升級食$558嘅江團魚，烤魚可以自選四款配菜，我哋揀咗啲嗦湯汁嘅金菇、鮮腐竹、萵筍片、雞脾菇，加埋本身有嘅芫茜同紫洋蔥，多種美味集於一爐。原條烤魚可以按個人口味選揀，有辣有唔辣。 店員話鮮、香、麻、辣嘅香辣味最具人氣。 我哋就鍾意花椒嘅麻香，所以揀咗【青椒味湯底】，係青花椒同鮮青椒加秘製醬汁調製，獨愛青花椒，怕太辣，所以”走”咗啲鮮青椒，成個湯底正正就係我地想要嘅味道。湯底滾起，等魚肉吸收湯汁精華就食得。呢條江團魚足2斤，好大條，起雙飛！魚肉厚肉少骨無細骨，超爽口彈牙，外皮炸到香脆，就連魚尾都脆卜卜可以食埋，真心俾足100分！再蘸埋花椒油一齊食，回蕩麻香，鮮、辣、惹味夾雜。食完魚就可以加湯打邊爐，附送調味料有蒜蓉、芫茜、辣椒、蔥、花椒油，好貼心！ 套餐有齊前菜、美國肥牛、招牌肥腸、雜餃混丸拼盤、精選時菜雜錦拼盤、出前一丁同三罐飲品，三個人食，食足成晚都食唔晒，每人先係百幾蚊，勁抵食！
繼續閱讀
[ 巴辣仔烤魚雞煲 ]聽朋友講大埔有間好味又抵食嘅烤魚店，烤魚雞煲全日供應，仲免加一服務費，約埋班朋友去食吓先。入座計醬料費每位$6 (小童除外）✿ 原條足二斤鮮活烤魚 沙巴龍躉 $418烤魚有辣有唔辣，而且仲有多款口味選擇。我地簡咗香辣味小辣，集鮮、香、麻、辣於一身😍😍原條兩斤烤魚超足料，絕無欺場。烤魚厚肉少骨，最欣賞喺微微烤過外皮超脆香口。另外烤魚附送四款自選配菜🥬，食完魚都可以食吓蔬菜清清個口👍🏻個人推薦萵荀片、娃娃菜、鮮腐竹&金菇，可以嗦盡魚肉汁💦配料✿ 薯粉 $25✿ 招牌肥腸 $63✿ 炙燒芝心丸 $42✿ 炸紫菜響鈴 $38食到咁上吓緊喺叫d邊爐配料食吓。最推薦喺紫菜響鈴&薯粉，浸落湯底可以吸盡香辣魚湯嘅精華😋😋另外肥腸都好不錯，夠哂肥美，無腥臭味。✿ 大大杯咸檸雪碧 $35✿ 大大杯龍鳳檸樂 $35食烤魚飲汽水🥤簡直喺絕配，大大杯同朋友share飲都夠哂。總結🫦推薦同朋友們嚟食，因為烤魚真心份量多，絕對對得住個價錢，而且質素高👍🏻店員服務態度友善，不時幫忙加湯，令你食得安心😉✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿巴辣仔烤魚雞煲地址: 大埔翠怡街3號翠怡花園C座地下14A舖電話: 23488138✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
#20230107 🤍📍 巴辣仔烤魚雞煲 @blz_restaurant 大埔翠怡街3號翠怡花園C座地下14A舖 🍽尖沙咀｜深水埗｜荃灣｜粉嶺｜屯門｜上水｜元朗均有分店————————————————————————#原條烤魚 #凌波魚 #酸菜味 $348 🫧 #豆卜 #娃娃菜 #薯仔 #冬瓜片💭其實🐷唔知咩叫凌波魚，食落爽爽地都幾滑，無乜細骨，全部骨都好大條好易食🐟面頭本身已經有好多芫荽🌱煮淋左之後有啲酸辣味好juicy，唔夠可以加錢再嗌既，個酸菜底叫左bb辣，但係啲辣椒越煮越辣🌶️食到中間要撈起啲辣椒再食😅叫條魚仲會包4個餸放係4個角落頭，薯仔咁短時間好難入味但勝在飽肚🥔冬瓜同娃娃菜都索到味，不過最索汁一定係豆卜，好正好好味😋.#大埔美食 #尖沙咀美食 #深水埗美食 #荃灣美食 #粉嶺美食 #屯門美食 #上水美食 #元朗美食 #🐷_食
繼續閱讀
突然想食烤魚,但係區內烤魚選擇唔太多,最後揀左巴辣仔試下,因為未食過,叫左一條青椒味龍躉魚,有三款配菜可以揀,龍躉都算幾大條,足夠幾個人食,青椒味揀唔辣,但食落去有椒麻味,都唔錯,魚唔會太老,配菜掛汁,有機會再試
繼續閱讀
烤魚依家大行其道，區區仲有一間大埔都有間巴辣魚，有蕃茄/麻辣/酸菜可選擇，叫烤魚配四個配菜一般索味配菜如豆卜、腐皮、秀珍菇、冬瓜可供選擇由於朋友唔食辣，我地叫左個蕃茄江屯魚 🐟魚肉好彈，外層炸過保持魚味但一點兒都不油膩。蕃茄湯底濃郁，有好多蕃茄！除咗烤魚之外，呢度仲有好多風味小食！麻辣豬肚絲同埋炸蝦條都係每次黎必叫！炸蝦條沾泰式辣醬真係好好味，一d都唔油，忍唔住係會食多幾條！飲品大大杯嘅檸檬茶🥤一杯足夠兩個人飲，仲有龍鳳檸檬茶可供選擇，全部都係大大杯
繼續閱讀