巴辣仔烤魚雞煲 (聯發樓) (已結業)

太嬲啦，實在太嬲，嬲到要破例寫食評，但更後悔太嬲無影相作証。我已是多次在此店點一人麻辣烤魚，雖然質素已下降，但有點犯賤，仍然繼續光顧。送出來時已覺和往時不太一樣，魚面不上色，偏白。最初幾口是吃魚背，但當吃到魚腩位的肉是紅的，咬不斷。我已不是要求重做，只是要求再煮熟一點，不過份吧？！但職員竟然只是做個樣放回廚房，揍出來是原封不動的。這也太敷衍了吧，嬲得我即時離開，收銀竟然說廚房話事巴辣仔，若然你仍已這種態度對待食物，對待客人，我相信離結業不遠矣！

1. 晚市堂食「強制」加收每人$6調料費。我地食烤魚，唔係打邊爐，要醬料做咩…2. 入座點餐就來半個鐘之後先上嘢飲，仲要係講咗三次唔同人都係咁，各個都聽完就算，最後仲要係一次沖好幾杯好幾張台。係搞咩嘢？集齊一定數量先可以上？堂食當時得5-6張台，一半以上一早就來食完，呢個效率…3. 唔似食烤魚，更加似炸魚，魚肉有啲硬。4. 烤魚送的配菜份量同menu圖片差異好大，每種大概一半份量。總結：好難話會願意想去，個服務態度簡直無言

態度差到極點👎🏻包括所有員工。尤其當中兩位男職員。已經多次光顧。其實次次態度都很差。想叫多一個鍋。。職員話。你地鍾意點食就點食<語氣極差>。我心諗。我地都係你既客人。點解可以服務態度咁差勁👎🏻👎🏻👎🏻難怪晚晚都冇乜客人🤣🤣🤣元朗大把烤魚食。大家想食烤魚。行遠少少。唔洗係到受氣🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢

之前放工經過好多次呢間舖，門口望下係好想幫襯，今晚醒起兩公婆立即搭車過去。望吓餐牌係冇乜啱兩個人食嘅份量，一條烤魚都4佰，份量偏向4人左右。不如叫個花膠雞煲補一補先，飲啖湯已感到勁「確喉」，味精勁重，重要味道好怪，成煲都有臘腸油鴨味🤦🏽‍♂️，兩個人互望都知發生咩事，太太問係咪佢味覺有問題，點解有臘鴨味嘅😭得半隻雞幾舊花膠$298，兩個人食好似冇食過嘢落肚，成煲怪味都唔想叫邊爐料，以後唔會再幫襯。服務員態度差到爆！

同朋友一共四人，行行下話想食四川同烤魚，即刻唸起巴辣仔。叫左2份烤魚，1分蕃茄1份少辣，條魚好大條，仲叫多半隻雞煲，野食又野味又好味每人叫左杯凍飲埋單500有找。熱天去一樣得，冷氣夠。📍地址: 元朗媽橫路11-13號聯發樓1座地下12號舖電話: 2868389

30幾度天氣真係又唔係太想食野，經過最唔適合夏天食既魚煲一個人都無。算啦！試試佢，熱就熱啦！叫左個下午茶豬什麵，雖然話有5款配料，不過就每款少少，但以4x蚊黎講，接受啦！叫左個一人魚煲，因為天氣炎熱，都係嗌個酸酸開胃茄湯底碌下淥下，可以加d自己鐘意既配料落去淥。魚都幾大條，又包埋粉麵/白飯。2個人埋單啱啱好200蚊，見佢晚餐既menu 偏貴，唔知有咩分別，不過相比之下，我覺得下午茶既性價比應該高好多。

👩🏻‍🍳巴辣仔烤魚雞煲🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻🏃🏻‍♂️呢間巴辣仔個名幾得意，發現都幾多分店，今次就試左外賣佢返屋企食。我揀左「江魚團」蕃茄湯底，我本身唔太食魚，屋企人偏偏鍾意食，點知！又幾好味喔衰鬼🤤鍾意食辣嘅我想揀香辣味，又比屋企人揀左蕃茄底，點知！不得了，勁夾囉❤️呢個價錢，主食材料，即係條魚掂，配料又多又新鮮，仲有刀拍青瓜，成個套餐真係超值！我諗下次想食雞煲，我都會試下係呢間外賣返屋企，其實幾方便👍🏽如果屋企無gas爐加熱，仲可以擺底500蚊按金，借個爐返屋企添😛🍽️ 美國肥牛、雜餃混丸併盤-（貢丸，墨汁墨魚丸，牛丸，墨魚丸，魚皮，魚皮餃）、招牌肥腸、白柏葉、水魷、鵝腸、松葉蟹棒、萵筍、蘿蔔、凍豆腐、豆ト、鮮枝竹、時菜、薯粉📍地點：元朗媽橫路#巴辣仔烤魚雞煲 #外賣火鍋 ＃肥牛 #肥腸#followme #蕃茄湯 #hkblogger #烤魚 #元朗 #雞煲 #打卡 #必食 #食好西 #外賣

📍「巴辣仔烤魚雞煲」- 元朗今次食食食之旅黎到元朗😌有時係朋友屋企gathering 唔知食咩好，嗌外賣又驚嚟到都凍哂，所以今次就試咗巴辣仔嘅外賣烤魚，可以自取或者外賣❗️佢哋仲可以借埋爐，只要俾低$500按金，所以就算屋企無咁大個爐都唔洗驚🤪📷餐廳位於朗屏西鐵站樓下，交通幾方便今次嗌咗個4-5人嘅烤魚套餐，外賣自取，可以拎返屋企慢慢享用😙🍴烤魚（沙巴龍躉）+前菜（涼拌豬耳）+火鍋配料（美國肥牛、招牌肥腸、雜餃混丸拼盤、蟹籽墨魚滑、精選時菜雜錦拼盤、出前一丁）+紙包飲品4️⃣罐💰HK$768✨推薦指數：7.5/10嘩‼️呢個套餐真係好大份呀🤩🤩🤩有勁多配料，好夠食😗餐廳事先將條魚🐟煎好咗，仲將條魚同個湯分開放，唔驚條魚浸到淋哂😇留意返‼️佢嘅魚同平時食開嘅唔同架，係成條魚咁俾，唔係平時既魚片，好大條😍魚身仲煎到金黃色好靚好香🤩食落條魚外皮仲係脆脆哋，😚魚肉爽口唔霉好新鮮💯不過要小心有骨呀🐟 🦴打開個蒜香味湯好香，而且仲好足料，仲另外俾多個清湯我哋加湯用，夠哂貼心🥰除左有大大條魚之外，仲有好多配料，美國肥牛份量都幾多，切得比較薄身，唔算好肥😗蟹籽墨魚滑超大份，食落爽口彈牙好正😋雜錦拼盤有白柏葉、水

之前去睇中醫見到個姑娘食巴辣仔超級香一路想試終於外賣左4-5人餐去朋友道食超級足料今次揀咗沙巴龍躉條魚本身煎左好香口有少少似食熏魚跟住啲肉質又好食我哋六個人一下子就K.O.咗又有肥牛招牌肥腸蟹籽墨魚滑雜菜籃有牛栢葉水魷鵝腸松葉蟹棒萵筍蘿蔔凍豆腐豆卜鮮枝竹同埋可以揀自己鍾意嘅配菜今次揀咗娃娃菜金菇鮮腐竹豆卜澱粉可以揀薯粉米線出前一丁所有火鍋料準備晒超級方便如果屋企個爐唔夠大仲可以放$500按金借爐成個餐超級多嘢食惹味又香口我下次反而會想試吓堂食香辣味烤魚同埋個雞煲而家諗起都肚餓

餐廳位於朗屏站附近，除有近年熱捧嘅原條烤魚供應外，更有各款鮮雞煲可選，另火鍋配料大大份之餘，價錢仲好親民。不得不提外賣烤魚/ 雞煲套餐更有自取7折優惠，買返屋企慢慢嘆仲更加抵👍🏻🔥藥膳醉雞鍋（$228/ 全隻）湯底有杞子、北芪、紅棗等藥材，味道濃郁且帶藥材香，打邊爐前飲一碗，確實暖身😌湯底滾起後，可將雞件放入鍋煮於10分鐘，雞肉入口嫩滑且帶陣陣酒香，食得出係新鮮雞，讚👍🏻🔥鮮鵝腸（$118）鵝腸肥瘦適中，輕焯至捲曲就食得，口感鮮味爽脆😌🔥爽脆黃喉（$88）黃喉份量比市面其他火鍋店多，質素又唔錯，性價比非常高👍🏻🔥雞腎花（$58）雞腎size好大，有別一般常見雞腎，入口爽實有雞味，nice😌🔥萵筍條（$35）萵筍鮮嫩翠綠，另切條會相對更耐煮，口感鮮甜爽脆😌

同朋友叫外賣今次食紅薯粉+小辣+ 配菜是肥牛及豆腐紅薯粉質感尚可 湯底可以 有辣味豆腐都好食 但份量比例比較小 只有兩舊～｜肥牛都好味 似打邊爐味道朋友叫金菇肥牛 小辣 米線整體都話不過不失

巴辣仔烤魚雞煲元朗媽橫路11-13號聯發樓地下12號舖今日突然好想食辣野，但又唔想太多肉太油，於是想試下烤魚😋原條江團魚$378 每條烤魚都會送四款自選配料，今次揀左豆卜、薯仔、萵荀、冬瓜。由於第一次食想穩陣D，條魚揀左小香辣，無揀酸辣。江團魚食落都算嫩滑少骨，湯汁香辣適中，配菜吸收晒湯汁，食落幾惹味，唔點醬汁都夠味。麻辣豬耳$32 （中辣）豬耳切薄片，每塊都有豬軟骨，食落比較爽口同平均，唔算非常麻辣香口，不過不失。最後加$24落埋薯粉，索晒烤魚既香辣湯汁，唔經唔覺就全部食晒，真係好邪惡🤤大大杯雜果水蜜桃茶$38（少甜）呢個巨型飲品目測有1L，建議兩個人share一杯比較好，雖然味道唔算好好，但勝在抵飲，有d野咬下，仲可以解下辣。見好多枱客人都係叫烤魚多，少叫雞煲，有機會可以試埋雞煲，睇下邊樣好食D，如果你試過，都可以話我知，一齊交流下🤣

係元朗忽然好想食雞煲..就上網搵下邊度有..結果搵到尼間巴辣仔見到佢有好多間分店..而且其他都有好多好評..把心一橫就決定試尼間..平日晚餐既關係餐廳唔算太多人先叫左個雞煲..再叫其他野食雞煲一尼到..店員就放左個漏斗係上面係5分鐘既timer..耐心等5分鐘就食得😃除左雞之外唔少得洋蔥芫荽都係我既至愛😋後面掛住食已經無影配料..眼闊肚窄既關係淨低左好多野食結果打包晒..連個湯底都可以打包埋個下..真係👍🏻👍🏻👍🏻（最後返屋企重再分左兩餐食🤣）見到新開左唔係太耐..如果喺附近想食雞煲我覺得係值得試既👍🏻順帶一提店員服務👍🏻👍🏻👍🏻見我吹住風口凍..主動幫我關細左冷氣非常貼心☺️

2022年07月15日(五)上網睇到午餐有一人烤魚餐$78起有5款魚選擇：羅非魚$78黃立鎗$98花爐魚$98凌波魚$118沙巴龍躉$148湯底選擇有3款：香辣味、酸菜味、番茄味有主食一碗，可選：白飯、薯粉、米線不包飲品，但有優惠價：熱飲$6、凍飲$8，特飲$12今日12:15pm到達，未到午飯時間，客人不多，1pm離開時開始有其他食客陸陸續續到達我今日係為咗呢個一人烤魚餐而來選左：羅非魚、酸菜味、小辣、薯粉即係「酸菜魚」成條魚上都係$78 ，不設加一，超底食明爐上陣，可以另外加其他配菜再落去打邊爐，羅非魚有炸過，喺羅非魚下邊有少許芽菜、豆卜、木耳、蒜頭，上面放有酸菜及紅辣椒。薯粉另上，可自行放入爐煮一煮會更入味。提醒大家，我係食得辣嘅，小辣啱啱好夠辣，再辣啲就食唔到，因為係煲住，所以會越食越辣。

本身今日同媽媽約好咗，係去附近一間好出名嘅Cafe，但係呢日原來冇營業，就喺附近周圍行，諗住求其搵間餐廳食啦，點知媽媽話有朋友介紹呢間嘅烤魚好好食，可惜我哋入到去嗰種魚已經賣晒啦，咁我哋就唯有試吓佢嘅下午茶餐：米線！真係超級有驚喜，首先碗米線係勁大碗，可以揀兩款肉食加一款素食，價錢都只係$36。佢仲有送好多款嘅手搖飲品，我揀咗青蘋果檸檬茶，入邊真係有檸檬🍋，飲品超級大杯，係平時手搖店嘅加大杯裝，其實淨係呢杯嘢飲，喺出面買已經值20幾蚊，而味道上亦都係唔錯，唔會係好廉價嘅嗰種沖劑。米線方便，個湯底係魚湯嚟嘅，我選擇左清湯，已經覺得好好味啦，米線嘅材料同平時食嘅連鎖米線店差唔多，份量都好足，最正嘅係佢好似火鍋配料咁，佢可以自己加麻油、蒜蓉、乾蔥、辣椒等等，有一種好傳統嘅川味喺入面，呢個茶餐真係超級抵，我下次都好想再食！