巴西燒烤餐廳 (已結業)

前日同屋企人去食,好正!!好有氣氛D人個個都食得好開心既樣子,服務態度唔係話酒店式,但勝在氣氛和諧!!侍應門同客都有講有笑!!好親切!!食物方面比較鍾意廚師拎埋黎既燒烤食物自助式食物都OK,無話鬥搶情況!!GOOD!!冷氣方面都好充足!!雖然我係睇左以下食家既食評先去,不過去完我對此餐廳又信心十足了!!!本人去的是尖東廣場那一間!大家不仿試試!!

ｌｅｅ間餐廳～一個字〔正〕字！！食到好好好好飽～～～但好好味囉～＾＾’’都算都野食～＾＾’’

佢o地o既o野食都算係okay o既，推介燒雞翼。不過最唔掂係o的服務，尤其係o個o的拎o野食出o黎o既waiters 。拎住串o野行到好似溜冰咁周圍"跣" ，好易叉到人。行到埋o黎時又用o的極之奇怪o既語氣問你要唔要，俾人玩玩o下o既感覺。環境都麻麻o地。其他唔知，尖咀呢間o的通風認真麻麻，覺得好焗，食得耐真係有o的想嘔o既感覺。

呢間簡直不知所謂,呢間D服務質素真係超差,本新想試下,點知咁的樣,下次請我都唔會去.我book左位架,佢話無就算啦,帶我地去電視下面果個2人位.激死= =.咁都算啦,我食咁多自助餐,未試過要拎住個牒出去拎野食.出到去真係見到一大批難民,老幼都係咁樣,好似唔駛錢咁狂食.條隊打曬蛇餅,D野食一陣就無曬啦,我坐左個多小時都係食左勁少野.野食D味怪怪地,有D宿味,好似隔夜.refill得超慢呀,我出到去可以見到樣樣野都無曬,仲以為有幾抵食.我地就賣單果陣我聽個fd講話佢去WC果陣聽到個阿爸同個仔講話叫佢去廁所噁>.<咁我就問係佢食得飽定食物dirty?????????佢話爸叫個仔拼命食返夠本............咁難食點擺得落口呀= =.仲有呀,有個人叫個侍應拎個牒俾佢,個侍應居然係檯是蛋拎個擺滿野dirty到死的牒俾果個人,果個人問多幾句話乾唔乾淨,個侍應就變曬樣,惡到死答人.本新平有返咁多樣野食就算啦,點知咩野食都無,款又少,服務真係好重要呀....

想來這個餐廳很久啦，所以上星期找了幾個朋友一起去。這裏的食物可算OK. 但係服務真係麻麻，明顯地不夠waiter. 而且那些碟認真骯髒。以這些碟去歡迎來賓，真的有點兒不妥。BBQ 食物尚算可以，buffet 就真的差。就算早到也要吃老人一日遊團的廚餘，歎。用waiter serve BBQ 食物，算是這裡的selling point。有一個BBQ 食物真的教我聽不懂。聽那個waiter 說"羊-in, 羊-in, 要不要羊-in?"，我和朋友們都抱腹大笑了。那不是"羊鞭"吧? 知道的請告訴我。

上次同ｆｄ去食巴西燒烤ｌａ．．諗住好好食ｌａ．．咁我地約左位ｇｅ．．但遲有ｄｄ姐．．又要我地在等喎．．不過算ｌａ．．但最衰係佢地比個好衰ｇｅ位我地坐ａｒ．．熱到想死ａｒ．．又冇得轉位喎．．都算ｌａ．．因為係果到做ｄ人好得意ａｒ．．同我地玩得好開心ａｒ．．但佢ｄ食物就好差ｌａ．．ｄ肉行到黎又凍哂喎．．又難食喎．．唉．．算ｌａ．．

因為宵夜果場太夜﹐所以食$96 果場。一般食評都準確無誤講哂呢度特點呢度0既staff絕大部份唔會識笑﹐個個木口木面﹐做野汁水收碟一D都唔主動食物方面﹐熱盤係好求其﹐求其煮埋一PAT擺響到示眾﹐賣相味道均欠佳﹐舉例說明：咖哩魚旦冇咖哩味﹐倒埋一盤得幾粒好似餵狗咁…炒菜心好核特﹐都唔明點解d師奶搶…好多扒類唔夠熱﹐印象中有個雞扒可被列入難食之列。拎過黎d燒烤食物都冇乜特別﹐但見d staff 拎住舊肉遊街﹐拎到埋黎你個位都已經…感覺唔多衞生﹔燒豬仔骨同腸較為入到口係唯一拎住d bbq 食物0既staff (個別一兩個)會有禮少少甜品麻麻﹐唔駛旨意有cheesecake﹐tiramisu﹐只有比較平價0既mousses同jelly﹐雪糕硬掘掘又少﹐比人筆到好嘔心﹐見到都走夾唔抖…環境嘈﹐座位迫夾﹐但因為唔多人幫襯入座率唔高(相信比宵夜時段差好遠)﹐所以先令情況冇咁差平﹐所以要將貨就價﹐合理﹐但個人認為如果要拎住二百幾蚊食dinner﹐我會令願選擇其他地方豬仔對呢度極到反感﹐直頭一試難忘﹐令願餓死都唔會再黎﹐所以相信響未來0既日子呢間餐廳唔會再有機會賺到我地0既錢(我唔比"喊面"﹐係因為佢平

第二次黎巴西燒烤. 同意料中一樣, 無驚喜亦無失望. 平平地, 食到飽飽, 雖然食物質數係唔多好(尤其是出面任取的熱盤, 甜品), 但係甘既價錢, 算係甘啦~佩服既係間餐廳老闆好識做生意. 見得多呢類食店, 就會知道其實飲食呢行, 食物唔使好好味, 服務唔使好好, 最緊要都係識做生意, 識搞卓頭.

晚上的自助餐是由5:30-9:30p.m.，但入座後才知道食客在入座後兩小時後便要結帳離開。侍應說過如果沒有其他客人等候，便可吃到9:30p.m.。我與朋友們聚舊，於6:40p.m.，侍應便在約9:00pm.催促我們結帳，那時已經沒有客人在餐廳外等候，但侍應依舊催促我們結帳離開。本想與朋友邊說邊吃，到頭來變成趕頭趕命，吃得不夠暢快。這餐廳之食物和服務算一般，但還是有特色的。餐廳內設有侍應遞上各種燒烤食品，如烤豬頸肉、雞翼、粟米、菠蘿、芝士腸，期間有外國人彈結他巡迴獻唱，可是，自助餐食物款式不算多，也頗為普通，當中以甜品較為可取，以$98的價錢而言，其水準算一般。

呢個係回應，請不要算分數。第一，巴西燒烤我無試過，所以講明不計分，不算在我的食評之下；第二，我都話左係有疑惑，唔係存心話妳，只不過建議有時講野係要有少少道理。我和其他仗義朋友一樣，都係唔明點解妳「食完之後嘔，但絕對唔係食得太飽，係因為都無食過野！」哦！唔講唔知，原來係之前無食野！不過經解釋後，個疑惑仲大左，不過亦不用解釋了，免得妳又以為我「淨係係度話人」。不過有一點就要講明，我無話唔去巴西燒烤，幾時有話過我唔去呢？所以更唔會聽妳話，妳叫的唔去就唔去？唔係卦？講來講去都係果句，有時發表意見都要講一講邏輯，都要用少少心機的，甚至想「係度話人」都係咁話。

我只是路人甲忍唔住多口講句，真係唔多明Linda講乜播，明明之前話：「我食完之後仲嘔添，絕對唔係食得太飽呀！因為都無食過野！」原來你意思係之前無食野，咁又關巴西燒烤的食物乜事呢？重有：「唔通我叫你唔去你就唔去，咁聴話」但又唔覺有人話你叫佢唔去就唔去「咁聽話」播？其實如果你真係有point，大家都會有興趣聽下你的意見，但問題係睇極都唔知你講乜？？？順便俾埋我的評分，我覺得以咁0既價錢能有咁多款食物和水準，算ok啦！

Linda小姐，先看看你在首個Post說的：「因為都無食過野！」，明白了吧。若小姐有別的見解，不妨到Host Gossip，偶們拿來討論不就更好麼？

我係去左食呀，我話去之前無食過，唔係去到無食野呀，唔通我叫你唔去你就唔去，咁聴話！

只是有疑惑，請不要計分。未食過野，但又知道味道差，唔通望下就知其味？。功力之高也真配服！咁去街，真係唔好周圍望，唔係好易飽過籠！去街市直頭要閉上眼添！又之後嘔照計又唔關呢度食物的事，因為都未食過，定係望下都會嘔？有時唱其壞處都要講講邏輯，都要用少少心機的。

睇佢地個廣告時，真的好吸引，點知去到才知道..........d食物明顯係好差，無論味道或是款式，又話又生亳、壽司、多款冷熱食品，點知完全唔係個會事咯，我極力叫各朋友不要去試，我食完之後仲嘔添，絕對唔係食得太飽呀！因為都無食過野！