巴蜀麻辣米綫 (已搬遷) 新店位置

據說，巴蜀又會搬遷，但老闆都說未知道會搬到哪兒🤔。以往都在不多人的時間，這天，也同樣是三時許四時。腩肉仍是半肥瘦，不怕肥肉過多，略帶鹹香，不會太鹹。清湯味不太濃，因巴蜀的辣我感到很嗆。倒不如叫炸醬另上，炸醬微辣，味道香濃，鹹辣而香濃，奇香獨特。燒雞翼，往往等了一會兒才端來，但非常熱盪，內裏夠熱而又蘊藏大量肉汁，香草不太多，有味又不會太鹹，值得回味。前方不知去向，下落未管往何，且讓我們祈望巴蜀早日覓得新舖，東山再起！

巴蜀麻辣米線有自己獨製的酸辣同麻辣湯底.（辣味分微辣至特辣 六級）秘製麻辣/炸醬/雞肉/米線/小辣 -- 辣味夠，炸醬分量都多，米線軟硬剛好酸辣/魚腐/雞肉/烏冬/微辣 -- 一點都唔辣，足料酸菜，烏冬更軟，魚腐勁好味（推薦），但得兩粒，唔夠候...味道好味，抵食之選

好鍾意食米線，更鍾意食麻辣湯底！今日對腳又好自然咁走左去大角咀埃華街食米線😝😝😝今次點左個特價午餐套餐，大大碗米線$45有蟹籽丸，咸腩肉，特色炸醬，生菜四款餸，連一杯野飲，食到好飽👍🏻無辣不歡ge我即使喉嚨痛都忍唔住嗌左微辣😬😬😬抵擋唔到麻辣ge誘惑😅😅😅呢到d米線偏幼身，而且唔會太腍👍🏻咸腩肉都味道好，而且肥瘦剛好。今餐都算滿意，食飽又充滿力量工作💪🏻💪🏻💪🏻

有得早收工緊係唔會放過放黎呢邊搵食啦😍😍😍相愛十年的巴蜀中辣米線😋咁多年始終味道不變～湯底香濃，辣味總有種神秘的魔力🔮～下午茶餐仲有烤雞翼🍗，可以揀辣或唔辣，烤得皮脆肉嫩🙆🏻仲有鋪面的孜然粉，好惹味！好味指數😋：8.5/10翻啅指數🙆🏻：9/10人均消費💰：10-99服務態度👨🏼‍🍳：7/10乾淨指數🌝：7/10------------------------------

巴蜀麻辣米線在埃華街，夜晚來吃，成間鋪十幾張檯得一個叔叔做樓面，又要執檯又要落單又要傳菜又要收銀，睇到就覺得辛苦，但十分有禮，多謝前多謝後很有耐性。試了米線及上海拉麵，灼得岩岩好彈牙好吃；湯底出色，點了麻辣小辣，多麻小辣，飲兩啖麻到嘴震，過癮。配料正常無咩特別驚喜，吃完絕不口渴，吃過大角咀幾間米線，暫時呢間最好。網上街坊話這米線馳名已久，下午茶仲要極抵食，怪不得能屹立於埃華街呢個黃金地段咁多年啦！

如果話要介紹好味嘅米線鋪，相信「巴蜀」絕對係其中一間😈～食左差唔多10年，依然咁好食～但搵食兵團到宜家先講真係有啲慚愧🙈⋯--------------------- 湯底雖然唔係特別多選擇，都係清湯酸辣或麻辣，但味道卻好有自己風格同埋辣度真係會跟足黎落🙆🏻～特別嘅風味係第度無之餘隔一排就會吊起條癮⋯所以先有呢份十年之「癢」～不過係心癢想食果種😍😍😍～ 餸菜方面，呢度啲豬膶同豬脷都好好食，係好滑同埋入味😋～韮菜芽菜配料都多，成碗面好香～如果中意食雞翼嘅朋友，都要試下佢地辣雞翼，因為煎得皮好香脆，肉卻好嫩口仲要夠辣🐥～撞岩下午茶黎仲抵啲添～好味指數😋：8.5/10翻啅指數🙆🏻：9/10人均消費💰：10-99服務態度👨🏼‍🍳：7/10乾淨指數🌝：7/10------------------------------

由以前喺紅磡嘅巴蜀追到去大角咀呢間舖，我都食左差唔多10年喇！我決定第一次喺openrice寫嘅食評就寫俾巴蜀啦！我次次黎都係叫腩肉菜肉雲吞小小辣，雲吞係自己包嘅，味道啱啱好。佢嘅米線比出面連鎖店嘅幼滑，又唔會發漲晒咁。佢嘅咸腩肉都好味，不過肥多過瘦，雖然預左但如果可以瘦返少少多啲肉食就好喇。我以前叫微辣，而家覺得都係食小小辣先夠，食過再辣啲我自己又食唔到😅再食埋個即叫即烤雞翼，非常滿足下午茶好抵食，送豆漿同雞翼其實我唔係住附近架...不過有時都忍唔住要搭車去食！

叫左兩碗清湯米線，一碗魚腐，一碗菜肉雲吞。幾好味但有啲鹹。服務態度好好，啲伙計嘅笑容令我諗起臺中人嘅熱情同禮貌。因為喉嚨痛所以冇試到麻辣但係如果經過澳運同大角咀應該會再幫襯。

昔日「巴蜀米線」在紅磡的時候經已有光顧，現在很久沒有來大角咀這邊的分店，看到叔叔的臉容還是親切。下午茶時段再來，人流不多，真好。米線仍然是幼幼的米線，但沒有以往的彈力，失去了以往彈牙煙韌的感覺。腩肉肥多於瘦，其實比起瘦多於肥更好，叫得腩肉就預左食肥，比起瘦肉為主其實更差。這兒的腩肉，幾層肥瘦相間，因此挺美味。炸醬的香味仍然令人回味，說不出的味道，難以形容的香氣，用來伴米線吃相當美味，但是還是將炸醬另上會比較好。p.s. 最新看見有位有禮友善的哥哥仔及火爆急躁的妹妹仔。😂

睇完movie,我哋就行去大角咀食巴蜀啦巴蜀係我同友人集體回憶，以前店舖係紅磡果時，我哋都成日食搬到過嚟次次都係同友人食，今次都唔例外可能因為4點去，人流唔係咁多我哋叫咗下午茶A餐一個餸米線加兩隻雞翼加一杯豆漿，另加一個餸都係加4蚊，非常抵食我叫咗豬潤雞肉友人叫咗腩肉炸醬叫咗小小辣，其實唔係好辣大讚豬潤，煮得啱啱好，冇渣，份量又多雞肉唔似x仔咁碎，有咬口友人點嘅腩肉仍然出色但份量較少雞翼比x仔味道更佳雖然米線好幼，但口感一流，伴湯食最正

有兩年搬到大角咀住，一直都聽人講大角咀有世間美食。這兩年大概附近該吃的都吃過，一直都有不同類型的店開張，又有不同的店關門。唯獨巴巴米線一直長存，（我叫它作巴巴）聽附近街坊講這米線已經很多年，從前不在這位置，後來有搬遷什麼的。我比較常叫的是豬肉炸醬or豬潤炸醬。自己算可以吃辣，所以叫小辣已經足夠，如果你吃得好辣，可以試下中辣，自己試過一次，太辣。來巴巴米線最重要就是炸醬，配上辣湯一流。另外豆漿也非常好味。環境乾淨，招呼又okay，兩位下午茶賣單都只是$75左右。

一開始對呢間野好有期望 但真係⋯叫左個酸辣微辣米線 嘩 見到好大碗 一食 😕😕個湯完全唔酸亦無味 非常之差⋯⋯唯有食晒d送就算 好失望囉 唉 我第一次寫食評 對食物要求唔高 但真係忍唔住要寫一寫 香港好多米線既分店 連湯都無味 我自己係屋企都食煮啦

以前來都係食清湯底米線, 自從愛上麻辣後, 更經常來食麻辣米線, 特別係下午茶時段.一碗麻辣米線(附腐皮,芽菜及韭菜) 配菜肉雲吞, 一份(兩隻)麻辣烤雞翼,一杯豆漿, 埋單只需$30.麻辣雞翼烤到金黃色, 外趣肉嫩，雞肉嫩滑有肉汁.菜肉雲吞，白菜豬肉比例均勻, 啖啖都有肉同菜仲有冬菇粒，麻辣都無搶去雲吞的味道. 雲吞係店自己包的，客少時見過店員係樓面枱上包雲吞，皮厚度剛好，浸耐左都唔易散. 腐皮建議浸一下湯等食到中段先食，因為吸收左麻辣湯，當腐皮夾埋米線一齊入口，咬一口就感覺到湯汁從腐皮裡面滲出，一啖咬出湯汁腐皮同米線既溶合, 好味之至!

下午茶好抵食! 25一個餸既米線+2隻雞翼+凍豆漿同譚仔 雲貴香相比 真系好抵食所以今次我叫左 雞肉中辣米線+辣雞翼(因為有分辣同唔辣)+凍豆漿雞翼的辣度唔系同你講笑, 真系會辣到伸舌果種, 不過幾過癮!而米線 因為有雞肉 滲入湯裹面, 湯變得更甜, 而米線份量好多, 我一個人都系食唔哂,不過都幾彈牙, 唔會話好軟, 中辣湯底都唔系講玩, 真系會食到流淚, 不過這正系追求食辣既人所追求既!所以食辣既人真系不能錯過這個價錢, 這種刺激味蕾的快感, 值得!

同友人係奧海城新戲院睇完戲諗住到大角咀搵新野食點知黑仔嘅我地，心水個間食店話14年開始唔再做熱食，心水二號又冇開，心水三號又排長龍，最後就揀左呢間入去坐低叫左兩碗米線一碟麻辣雞翼炸醬腩肉米線：炸醬真係毫不吝嗇呀，咬到粒粒肉碎，唔錯！鹹腩肉，夠哂入味，雖然肥但可能切左薄片嘅關係，入口又唔覺太油膩可能我只係叫小小辣嘅關係，味道唔突出。朋友叫中辣，試左一啖湯，味道濃好多又唔算好辣，有少少藥材味？不過就冇乜麻嘅感覺米線比較幼身，但唔會過林，份量亦都好多麻辣雞翼：“，阿姐，點解會黎左六隻，我明明叫三隻。“ “下，你都無講“ 我唔肯定我有冇講到要三隻，但原來唔講的話阿姐就會認為兩個人會叫六隻的……味道普通，叫麻辣雞翼仲唔麻又唔辣附近仲有好多唔同嘅食店，得閒真係要黎一一試下