巴打小食 (已結業)

《不負責任食評 — 巴打小食》評分：🌕🌕🌕🌗總評：元朗佢都算係間幾出名嘅小店主要都係買啲炸既小食或者係簡單嘅飯盒之前經美食平台叫咗乳鴿同黑椒牛仔骨炒烏冬乳鴿炸得好靚 皮脆肉嫩調味適中 的確係幾好食😋比起之前食過嘅炸子雞感覺更高質👍🏻炒烏冬夠乾身 黑椒味好熗辣好惹味牛仔骨份量都多 但可惜有啲真係燶到炭一樣🤯如果火候控制得更加好會幾好食之後都會再試其他👌

一啲都唔抵 個蛋就ok嘅 但係蠔冇蠔味 都算啦 咖哩唔夠多 食完仲有好多飯 仲有menu上面話會有椰菜 但係實物根本冇 泡芙根本唔值$20 雖然佢係送嘅 但係佢話原價的確係$20 而且都好細

尋日見到巴打小食嘅芝士薯波終於返黎今日即刻仆去買😻芝士薯波 $20/6pcs比起之前嗰款係大粒d嘅不過芝士味 好似之前嗰隻濃d另外買埋麥樂雞 $20/6pcs佢個甜酸醬真係好味好多

早排食完飯口痕得制，忍唔住帶左個靚靚食物袋去見巴打（全元朗國都知，店鋪最出名唔單止係食物，係巴打！），點知一試難忘！平時黃金饅頭食得多，今次去到禁鐘仔我揀左份鹽酥雞（$25大份）同埋魷魚鬚（ $28細份）真係唔熱氣都唔食～我平時有自備食物盒買外賣既習慣，今次都唔例外，我帶咗個食物袋買炸物，點知大隻巴一手接過之後完全無問點樣用點樣裝食物……睇嚟元朗國民都好環保，巴打對食物袋一啲都唔陌生，真係用慣用熟。依個食物袋好處係輕身而且容量夠大，絕對夠裝多款炸物，所以我無特登再帶多個盒出街，最緊要係我可以打開個袋邊行邊食，正!好好彩等咗唔使十分鐘就有得攞外賣，仲記得臨走個時大隻巴講左句：唔好焗住我啲雞啊！我梗係唔會焗住啲雞啦，我仲一路行一路食，周圍途人眼光光望住我袋入面裝左啲咩野食，第一次食炸物咩醬咩粉都唔使加，夠哂味！真魷魚鬚，清晰可見絕對唔係食緊炸粉，誠意推介！溫馨小提示：食物袋不易放入太高溫的食物，否則會釋出有害物質總結:食物味道＊＊＊＊*(5/5)食物種類＊＊＊＊(4/5)等候時間＊＊＊＊(4/5)容易走塑程度＊＊＊＊＊(5/5)

11月第二次申請Visa入元朗國，同朋友一早plan定搵食路線，先去beanlab買兩支豆漿，諗住去羅東肉羹，可惜太多人排隊，於是轉戰其他地方，行程都以小店為主，省略食過邊尐，我會再去嗰尐小店出食評。同朋友最後一站係去巴打小食，見好多人大讚佢地既炒米粉好好味，於是一早預定，等米粉期間叫咗黃金炸饅頭同唐揚魷魚鬚，見社交平台食群尐人大讚好味，必食推介，當拎到上手我朋友忍唔住x咗一聲，尐饅頭同魷魚鬚好。。難。。食！價錢貴唔緊要，味道是良知，炸到黑蚊蚊，尐饅頭爆開燶曬，食入口一食就知尐炸油係萬年油，好臭油益味，於是我到盒米粉出嚟嗰陣細細聲同店員講炸得燶咗啲，個店員木無表情同我講:"啱食就食唔啱食就冇下次!" 我有尐愕然，點解咁講嘢既？算，反正唔係國民，一次以後真係冇下次，我吞咗佢!返到屋企打開盒炒米粉，有幾碌炸午餐肉條，都係炸得偏燶係香口好味既，之不過盒米粉都幾碎，配菜太多，味道不過不失，以小食店嚟講價錢偏貴，味道同態度麻麻!Btw個店員唔帶口罩，但帶住手套收錢，唔知係佢唔記得定係廚房做嘢唔需要帶口罩，感覺上唔太衛生，收完錢又煮嘢食，唔帶口罩又出出入入!

元朗💛🤩炸物真係好好食！🏅蝦兵蟹將 （泰式甜咖喱配軟殼蟹+吉列蝦）$55我唔記得影咖喱😭 好好味架！ 就咁撈飯都好正😋😋😋 飯用左日本珍珠米，口感煙韌！想食飯既可以試依個呀🥰🥰個汁好好味！🏅脆炸單柄雞翼 $22單柄真係好方便☺️炸得好香口好熱辣辣，但係又唔會油👍🏼 應該話佢用既油真係唔同一般炸物店，食得出唔係用左好多次既油！🏅鹽酥雞 $25一份/$15半份鹽酥雞炸得好脆，但唔夠粉，食落唔夠之前係台式店食既果種鹽酥雞味😵 可以加d味道好了～～仲有好多款小食同飯😌會再幫襯啊！！ 我叫完都等左15-20分鐘左右，後來睇其他食評先知原來可以提早wtsapp落單，咁記唔洗等咁耐啦！真係太好啦！

黎支持下黃店禮拜日中午12點左右到本身想試流心芝士薯波,但係呢個時間未有住結果嗌咗麥樂雞、鹽酥雞同黃金饅頭-大概等咗5分鐘左右有得拎-黃金饅頭 $18/3個超級好味!! 必試外表酥脆 入面軟熟🤤配埋煉奶超夾-然後鹽酥雞 $25一份/$15半份呢個係一份👇份量可以多返少少🤏味道不過不失啦無話特別好味🤔味道都淡嘅-另外嗌咗麥樂雞 $15/6件都係市面麥樂雞d味ok la🤷-個人最推薦比較特別嘅黃金饅頭，另外仲有其他小食/飯，餐牌在此👇整體黎講唔錯

良心小店，梗係要支持下！第一次食，兩個人叫左一個飯一份小食外賣。幾分鐘就有得拎🤤一口豚肉泡菜飯，好大份，飯係用日本珍珠米，有誠意亦有質素保證，煙韌有飯香，豚肉入味爽口。豚肉泡菜比例均勻👍🏻炸午餐肉同鹽酥雞，之前未食過炸嘅午餐肉，原來真係幾好食，外脆內軟😋鹽酥雞就冇乜特別，粉可以少啲。檸檬薏米水。好健康嘅飲品，唔使成日飲冇益嘅凍奶茶凍檸茶😂話明健康就梗係唔會太甜，食完泡菜飲中和返幾好☺️兩個人最後係食唔晒，可以留多一餐。會再食過👍🏻

由上年12月至今幫襯不少於五十次,近排個月質素下降,特別炸嘢質素比較明顯,硬咗乾咗咸咗,魷魚鬚乾到柴賣＄45,芝士薯寶硬咗少少,鹽酥雞一時時,饅頭就不過不失,只係煉奶多攪gimmick,但三個蛋奶細饅頭炸一炸就賣18蚊都幾貴,而佢哋只係一間蚊型小食店無坐位.其次係飯,鹿兒島豚肉泡菜,豚肉似豬青肉 爽口,味道唔錯,係飯硬咗少少.另一次再食豚肉泡菜,食到泡菜變壞,成盒丟咗,第三次同女朋友分享蛋包飯,我同女朋友嘔同肚瀉,懷疑雞蛋本身有問題,因為係半熟滑蛋,佢哋應該唔係用日本蛋,整半熟滑蛋唔用日本蛋係好易有菌.痾清,嘔清後無事,之後朋友請我食炒米粉,炒得較碎多油,味道可以,希望質素可以維持到.題外話，其中一位巴打都幾鍾意flirt女，連我女朋友同女朋友嘅朋友都flirt,果然係真黃店,幫襯係支持同路人,但唔等於咩都啱.唔選擇面對面講係因為廢事煩,講咗都唔會認.

在交還單車途中見到這間黃店,既然有緣就支持一下。食評見到最出名的就是炸饅頭,所以我就加點一支飲品支持。炸饅頭 18元3粒  5/5分等了十分鐘是值得的,因為幾乎是我吃過最好食的炸饅頭,竟然是脆到嚇死人,而且煉奶好似唔洗錢咁,浸到成個底都係,雖然只有3粒,但卻沒有白花金錢。紫貝天葵  15元  3/5分飲品方面都在雪櫃,甜度方面會較淡,但不算太差,只是我在其他飲品店飲的會更勝一籌,支持一下就好。有一點想講,門前會有一個小鐘,當你要落單就要自己禁,因為老闆和店員會在店內,另外態度方面其實比較一般,小食店固然不是著重其態度,但如果多一份親切和禮貌,相信客人會絡繹不絕吧?大家都是同路人,多一句多謝和笑容,為香港增添多一點正氣。香港人,加油~

.平時去巴打小食💛都係食小食多，今日終於可以試到佢啲飯啦🥰。whatsapp 落單再payme 俾錢，好方便，十分鐘就有得拎👍🏻鹿兒島一口豚肉泡菜飯 $60超大碗，就算男仔都未必食得曬。飯量好多，但餸都同樣好多，泡菜夠香同小辣，如果再辣啲就好啦😋。豚肉角切都大大粒，食落豚肉味都夠，好有口感，不過豚肉份量唔算好多，但咁嘅價錢算係咁啦。黃咖哩吉列豬扒飯 $38份量又係好多，豬扒又大塊，炸粉唔太厚，豬扒肉質都算鮮嫩，再加上超香濃嘅咖哩汁，好惹味，撈飯食就一流🥰。黃金饅頭 $18外皮炸到金黃香脆，再加埋煉奶一齊食，無得輸。夜晚食飯食到依個價錢仲要咁大份又好食，性價比真係超高，仲要係黃店💛，如果可以記得自備食物盒同走餐具呀💚

今日小編放假因為有野要做，所以去咗元朗走一轉🏃‍♂️，聽人講元朗好多隱世美食✨，不過小編走咗一轉都好認同呢個講法🙇。可惜今日天氣不似如期，總係落雨搞到小編心情都唔好喇😫，唯有去最近而我又有興趣嘅小店開餐試食啦🤕。係輕鐵豐年路一出馬路見到有間叫《巴打小食》，個名夠特別😏，又夠黃，點都停低望返兩下有咩食，最後都一於唔理就食呢間😋。🎈熱溶芝士華麗蛋包飯 $42一開始食呢個餐嘅時候仲諗緊啲芝士係邊🤔，原來謎底就係"溶"咗係炒飯入面🤭，唔怪知得叫熱溶芝士啦。而個飯係蕃茄炒飯🍅，有栗米、蟹柳同蘑菇，係好經典嘅炒飯底🍚，亦都相當合適大眾口味。每一啖飯都食到淡淡芝士香，亦都有雞蛋伴飯🥚，不錯。蛋包飯表面佈滿好多蕃茄汁，而且又係蕃茄炒飯，蕃茄味咁就當然相當濃厚👄。🎈唐揚大魷魚鬚(小) $28大約有6-7塊，魷魚鬚香港人喜歡小食之一☑，平時係旺角街邊都有搵到🤩，亦都相當香口又脆，而小食店嘅魷魚鬚亦都香口而且肉質實肉有咬口🦷，修長嘅魷魚鬚令人食慾大增，又可口🤤。

今日同老婆去完黃金海岸，之後坐巴士去元朗行吓，一心帶老婆去掃街，行行吓發現這間黃店，於是停低買咗榴槤炸彈同芝士年糕，啲野食好食之餘老闆又好好，簡直值得推介比大家。

不嬲有追開社交平台既^我食在元朗^group,日日都俾佢地燒😂😂所以一早已bookmark 定依間小店，佢位置喺元朗廣場旁，易揾既，望住個公園仔，可以坐喺公園仔慢慢食之前喺社交平台見到佢出名做炸既小食，加上依家好小人做炸饅頭，所以就叫左個嚟食，店面會無人，唔好怕醜要襟鐘仔丫😂選擇唔算勁多，不過一早目標係炸饅頭，所以順便叫埋炸魷魚鬚等左一陣間就有得食饅頭下面嗰d咩事。。。。原本全部都係奶😅😅😅勁shock 😂😂食親炸饅頭既人，個個搶住點奶，依個多到可以沖水飲饅頭炸得剛好，外脆內軟，好正！由於要再去幫襯其他小店，所以淨係叫左2樣不過依個饅頭，I will be back

元朗廣場隔離間小食街有間好黃嘅小食店。有平又好食，鍾意食炸物嘅唔可以錯過🥰有好多炸物食，今次揀咗炸饅頭同鹽酥雞🤤炸饅頭炸了金黃色，賣相好靚，外層夠脆，入面都咁熱咁鬆軟，加埋煉奶一齊食簡直係邪惡呀🤤🤤🤤至於鹽酥雞，炸粉唔會太多，做到外脆內juicy👍🏻啲雞肉都好嫩😌係唔錯嘅選擇。不過依間餐廳就無飲品賣嘅，食完熱氣嘢可以選擇去對面嘅Aello 買杯飲品💛🌟🌟🌟🌟🌟