158
36
14
入口近蘆慈田74號
繼續閱讀
電話號碼
26626869
69934082
開飯介紹
大部分食材都已預先用竹籤串好，非常方便。必試硯煲。
繼續閱讀
特色
適合大夥人
附加資料
6 個人一個爐 , 開爐費$50
成人每位$178三小時
營業時間
今日營業
12:30 - 01:00
星期一至五
17:00 - 01:00
星期六至日
12:30 - 01:00
公眾假期
12:30 - 01:00
相關文章
突如其來即興燒烤，話行就行，想做就去做！下雨天那個濕滑的司機，那條濕滑的隧道？鍚紙焗牛油金菇，掉係網上不時轉位務求解受熱平均，牛油只在最外層沒有滲入，親手將牛油撈得每梳金菇都沾滿，牛油水水味淡，好彩金菇健康爽甜多汁。海蝦，燒蝦殼的氣味極為引誘口水流，不用燒兩分鐘魚肉變為白色不透明，起動！退去殼成條塞入，估唔到雪藏蝦都爽甜，只係鮮味不足。沙白蜆煲，平價卜卜蜆只要夠新鮮都可以非常美味！厚厚脹卜卜，彈牙爆汁回味再回味！牛柳粒，半肉半肥膏帶點筋，油潤甘香唔難食。醬油雞全翼，高難道我鍾意！用極限耐性處理，雞膇結實、中翼肥美、翼尖黏滑，全部香甜味美，損骨滋味無窮。雞柳，滑滑彈彈，雞皮連肉享用，快靚正！雞腎，爽脆雞味濃。腸仔，十分正常雞肉腸，貼近廚師腸質素味道，彈彈而咸甜平均。紅腸，有著獨特腸甜味，腸皮香脆。魷魚翼、魷魚鬚，沒什麼味道，燒得焦香一點還可以。雞扒，鳳脂澎湃特別甘甜，滑滑油潤連皮帶肉大啖咬，興奮莫名。牛仔骨，薄薄鬆化牛仔肉，表面焦脆裡面嚥韌，筋膜爽爽，牛味牛脂濃濃，多重享受。牛西冷，結實肉質，味道沉實，牛味濃郁，出點力嘴嚼，其實幾好食架喎。醬油雞中翼，主打食材，燒得兩面金黃略脆，兩焦少少焦黑香口，雞肉嫩滑滴汁，醃味香甜可口！香草羊架，羶香處處不嗆不過份，剛剛好！半肥瘦搭香草豉油，味道調得蠻喜歡，啖啖肉厚厚兩件已有點滯。芝士腸，脆皮爆出芝士腸汁，咸甜碰撞不錯。斯華力腸，脆皮雜肉腸肥美微量油香，滿意。牛丸、龍蝦丸，外購貨色普通火鍋級數，彈彈有味可以。南乳雞中翼，本身已經醃得滿意，洒上大量辣椒粉，惹味爆燈！乳香十足，味濃不嗆，搭上金黃脆皮嫩滑多汁白肉，還有辣椒粉點綴，滿分。豆角，爽甜外層，脆卜卜綠豆好食。金沙骨，甜甜叉燒醬夾靚靚排骨肉，彈彈有肉汁，必食。多春魚，慢慢烤到完全乾身香口，外層微脆，魚肉鬆軟，魚春香索索聲，咬掉魚頭整條食，三種滋味融合，攻擊力倍增。澳洲龍蝦，開邊乾消真係有點難度，必須反轉才可以熟透。抱歉底部略燒過火有點乾韌，幸好上半依然鮮甜爽彈，天然的龍蝦清香加蝦膏甘甜。啤酒燒扇貝，有幾粒唔新鮮，入口即吐。其餘都清甜滑滑，帶子味沉實。內臟我最喜歡，但剛才幾隻有異味，安全起見放棄。蒜蓉貴妃蚌，依款食得過，如果有豉油就更提味，只有蒜蓉加啤酒有點單調，鮮爽得得得！烤海烏頭，無鍚紙無緊要，最多不做鹽焗，不需要打鱗直接燒烤，魚鱗變乾變脆焦黑，禮成！溫柔地將整塊魚皮揭起，露出亮麗閃閃發光魚肉！白煙輕飄，好香魚味！大大舊魚汁鮮甜味濃，連調味也不需要！極品魚肚極品黏膠滑滑，食到停不下來！菠蘿，甜品不夠甜而酸味重，偏硬不夠熟。香蕉，耐心烤到全條舊變黑，其實溫度可以催熟條蕉，最後熟到軟綿勁腍，加上糖漿變成熱辣辣既甜品。
繼續閱讀
有班朋友好中意黎呢度食，因為一定有位，同埋唔駛卜都食得，但我真係食2次，2次都痾到七彩，我唔知係佢啲嘢唔乾淨定點，同行朋友就唔係全部痾，但都有1-2個話食完個肚唔舒服。佢個廁所係貨櫃改建嘅，當然唔乾淨得去邊，所以肚痛係有啲煩，試過2次都肚痾，之後我都唔敢再去。同埋佢拎食物係有啲遠嘅，要人多先夠手一次過拎多啲，如果唔係你就要行好多轉，個地下係爛車場咁，夜晚較暗，見過有細路跌親，自己睇路小心啲。總之呢個價錢咁嘅食物質素，我唔會特別推介，去食燒肉好過。
繼續閱讀
早兩個禮拜，入咗大埔踩單車，諗下諗下都唔知食乜，回想返六至七年前左右，同屋企人去過有一間一串串嘅重慶燒烤，搵吓搵吓終於見到個名，踩踩下單車仲要經過，二話不說6:00交車之後就行過去，佢都係剛剛看Pro正在整理東西，我記得之前冇咁大地方，今次去到見到佢超大地方，座位好闊落，環境都乾淨嘅，不過行去攞嘢食要少少距離囉，不過款式真係好多，只係有少少失望我記得之前有好多唔同味嘅米粉俾我哋選擇，而家就只得兩個味道
繼續閱讀
疫情開始左之後好耐冇去過郊遊，難得呢排情況穩定番，即刻約左朋友帶埋Ｄ狗狗去大美督活動下。一早計劃好郊遊完要去附近ＢＢＱ，上網見到呢間燒烤場評價唔錯，食物種類多，重點係可以帶大狗入去，仲要好闊絡下，於是就訂左台。去到原來個場仲可以免費泊車，有超大個停車場！價錢＄１７８一位，加＄５０開爐費，野飲加＄２０仲可以無限飲，燒３粒鐘，帶狗入場唔會另外收費，算係咁啦。每張台都有一份調味料同燒烤工具，好正。而每張台都會送硯，大蝦，菠蘿，香蕉一份，其他野食就任食，有牛，豬，雞肉呢Ｄ係基本野，我最中意食佢個雞軟骨，同原條茄子！熟食就有燒賣同魚蛋。講真佢Ｄ食物算衛生，全部都一串串整好晒，仲有專人係到睇住入去拎野食既客有冇帶口罩。最後我地個個都食到好飽同好滿意咁走，如果下次去大美督玩都會幫襯佢。
繼續閱讀
去親大尾篤一定要黎le到食埋個晚餐先走，甘平日就$178一位平日可以加$20變野飲放題再加$50開爐費！加$20有飲品放題wor梗係俾啦（唔計啤酒）！甘佢野食都係任食可以入去揀自己鍾意食嘅嘢然之後攞返埋位燒，我就覺得佢d牛肉串燒、八爪魚、雞腎、雞軟骨幾唔錯！幾他野食如果有鐘意都可以燒下黎食😛佢就有d海鮮係跟埋俾你，例如海蝦同蜆不過個人就覺得佢啲海鮮麻麻地🙁而且佢仲有菠蘿同香蕉比你燒，食都最後可以當甜品咁食😋佢le到d野食好好味而且有海景望下好寫意😌去開大埔、喺大尾督踩完單車或者咁啱好想食炭爐燒嘢食就一定要黎食下！😋
繼續閱讀