93
18
3
港鐵荃灣站 A1 出口, 步行約7分鐘 繼續閱讀
電話號碼
26084270
營業時間
今日營業
12:00 - 00:00
星期一至日
12:00 - 00:00
付款方式
Visa Master 現金
座位數目
20
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
食評 (125)
等級1 2020-03-27
0 瀏覽
睇完介紹去試下 去完食到嬲 真係把幾火 貼錢買難受咁1. 服務生服務態度差到一個點,你座位設計有問題,但比說話個客聽 2. 餐廳大約得18-20個座位,但2-3個服務生都care唔到樓面,出錯單,miss單,搵你買單都難3. 座位窄到一個點,standard座位空間都做唔到通道完全過唔到消防條例4. 食物素質唔似比人講到有幾好食,但叫價,你presentation 都唔岩價 性價比拉低。建議你地轉行做外賣生意啦,咁既服務質素環境想趕客咩,想做堂食就減番座位數目提升番d服務質素啦 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-27
0 瀏覽
嚟baba station 一定要揀時間因為 Weekend 多數好多人 (好事嚟!)今日繼續食超高性價比lunch set 今天菜單: 傳統咖喱雞🐓🍛 跟餐會有沙律+酥餅+飯飲品加了hkd16 轉了印度奶茶😊酥餅暖暖的 又香口 單食或點咖喱都好好食!傳統咖喱比上次試嘅另一款(butter chicken) 稍辣但個辣係一般人都可以接受嘅程度 送飯同酥餅都好食!!!😋令我暫時都要將減肥放埋一邊 唔食晒實在太可惜了!印度奶茶有d 香料嘅味道 幾特別又唔會太甜! 好滿足嘅一餐 在疫情中有美食打打氣😊 繼續閱讀
(以上食評乃用戶個人意見 , 並不代表OpenRice之觀點。)
巴巴站 BaBa’s Station (8.5/10) 推薦程度:🔥🔥🔥🔥 (5🔥為最高)今次黎到荃灣食好西,荃灣路德圍海壩街就出名多野食嘅,平時我經常去依兩條街掃街。海壩街就有一間正宗印度🇮🇳餐廳,平時無乜食印度菜嘅我一於就試吓正唔正先我叫左Butter Chicken (橙咖喱 番茄底) ($85),屋企人叫咗 Fish Makhani (橙咖喱 番茄底) ($85),未講嘢食之前。依間鋪本身應該唔多人識,我住喺附近都無乜留意到,直至杜生係YouTube 介紹依間餐廳先識。依間餐廳座位唔多,所以多數去到都要排隊,即使我哋個日特登唔係Lunch time 時間去都好多人排隊,等左25-30分鐘先入到去,好食嘅嘢就要排隊㗎喇,不過一切都值得嘅⋯⋯Butter Chicken (橙咖喱 番茄底) ($85)價錢偏貴💸,特別係度黎講算貴野,值唔值得就試過先知。賣相真係幾好,有個鍋仔裝住我叫嘅Butter Chicken ,個咖喱12OZ配埋油酥餅、飯同埋沙律,依個係一個套餐。單點個咖喱大份啲有16OZ,價錢同套餐一樣。以我所見全部人都係叫套餐,套餐乜都有唔使諗,同埋應該抵啲⋯⋯講咁多試吓個味先喇,個雞好嫩滑,細細件咁,加埋得5-6件左右。咖喱就少少辣喇,唔係好食辣野嘅我完全接受到,蕃茄底酸酸甜甜咁,成個12OZ 咖喱真係比想像中仲少,味道係好味嘅,配油酥餅好有係印度feel,唔飽都仲有飯,不過我食完都係啱啱好咋,食多個都仲得⋯⋯Fish Makhani (橙咖喱 番茄底) ($85)價錢同Butter Chicken一樣,賣相都係差唔多。有2舊魚,魚同咖喱就無咁夾喇,而且食落去又唔係好入味,唔係好推薦依個⋯⋯總括黎講Butter Chicken 真係好鬼正,雞又嫩又滑又同咖喱夾,不過12OZ 真係少咗,唔係好夠喉,下次試吓單點有16OZ。Fish Makhani 我就覺得麻麻地,魚肉又唔入味又同咖喱唔夾。入味真係好重要,尤其係咖喱。唔可以唔推薦BaBa’s Station 嘅Butter Chicken,貴係貴啲仲要有加一,係要預翻啲時間排隊,但係好味都值得嘅,有齊曬甜酸辣三樣。呢度有好多特色嘅印度飲品,有啲貴所以我就無叫啦,個時竟然無諗到叫個印度奶茶,感樣就可以一餐有齊曬甜酸苦辣。最後呢間餐廳環境好有氣氛,無論係裝修格局定係裝飾都令到我地呢啲食客覺得好舒適💛💛💛 繼續閱讀
(以上食評乃用戶個人意見 , 並不代表OpenRice之觀點。)
//#黃店地圖系列間野叫:BaBa's Station邊度黎:荃灣海壩街81號地舖環境點:暗沉的燈光呼應著印度濃厚的神秘感 店員唔鹹唔淡的粵語為香港注入懾人的異國風情 人龍依舊 建議6點左右好去排定隊🌝:LateShow Yellopenrice小店之一 店外貼滿文宣 有出售手足手藝品做籌款 老闆娘更親自派手足所設計嘅利是封同揮春比食客 提供ba1 ba2免費餐比學生 並親身到場支持運動▪橙咖哩雞(包油酥餅+飯+沙律) $85 8.5分 睇完Yellopenrice之後忍唔住要黎灼灼佢 呢個butter chicken果然名不虛傳 咖哩加入番茄底 微酸帶辣好鬼過癮 沾埋油酥餅食簡直一流 雞件全部已經去曬骨 零雪味 仲要夠入味 仲有陣燒烤香味 值得一提佢個油酥餅 咬落有層次感 近似酥軟版嘅手抓餅 好想瘋狂食曬佢啲油酥餅啊 飯就一般般 有些少軟爛 下次問下老闆娘飯可唔可以換做油酥餅先~▪傳統咖哩雞(包一份naan) $708分另一款傳統咖哩 雖然味道上不及橙咖哩驚喜 但係都好香濃 質地夠杰身 值得一讚係份量剛剛好 唔會食完仲剩低成兜齋咖哩 強迫症加不浪費食物主義者表示 終於唔洗覺得曬左啲咖哩啦 Naan(6.5分)就還好 我鍾意煙韌麵包感重的那種 呢度比唔到我 所以都係食返油酥餅先▪芒果乳酪(跟傳統咖哩餐) +$16 (原價$32)9.5分呢餐MVP一定係佢 芸芸眾多嘅Mango Lassi 佢絕對居榜首之位 我同口水佬都鍾情酸味味嘅東西 呢杯就夠曬酸 酸度剛剛好 唔係咁容易架 能夠保留乳酪濃稠嘅口感 同時保留芒果酸甜嘅果味 簡直完美融合 唯一挑剔就係佢太細杯 同我加大加大再加大! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-10
470 瀏覽
睇完杜生介紹專登來幫襯,舖頭真係好細下,排隊唔算好耐,幾個字左右,門口放咗黃薑水,免費添飲,有助排毒,又幾sweet 播店內充滿文宣,明確嘅立場🖐😷☝️研究左個menu好耐,原本想食黃咖哩雞,但唔知落錯單定係來錯左,食落應該係蕃茄咖哩,不過都好好味,好足料,不過略嫌雞肉太碎,如果大舊d應該會更加好味。油酥餅酥脆香軟,好好味,另外追加左蒜蓉烤餅都唔錯,不過都係覺得油酥餅好食啲豬勁肉唔掂喎,切得太薄,好乾啊,成塊燒完再切開會冇咁乾個honey lemon tea幾好味,我幾中意。 繼續閱讀
(以上食評乃用戶個人意見 , 並不代表OpenRice之觀點。)