2
0
1
以上資料只供參考, 請與餐廳確認詳情
在social media群組入面見到好多人介紹呢間巨人餐廳，我都忍唔住去試吓！佢個雞髀薯條餐只係需要$36 ，真係超級抵！雞髀製作大概需要15分鐘，由於塊雞皮都好大，所以薯條係會用另外一隻碟裝住。薯條來講絕對不是外脆內軟，麥當勞薯條比佢仲好食，所以大家可以考慮只要炸雞髀套餐， $32嗰款。至於雞髀，真係好大隻，仲大過我塊面！以佢嘅調味都非常之出色，咬落又非常Juice!不過我第二次再去，隻雞髀已經冇圖入面咁大🥹唔知雞髀size係咪一期期
繼續閱讀
見到網上D人推介雞脾好大, 咁就去試下啦。一入去見到餐廳都有一半人我就同朋友2個人入去食,店員安排我2人同人搭枱 (中間都有塊透明板既),不過眼見隔離枱都開始食緊野, 而我見到餐廳再入D係有張吉枱, 我就問店員我2人可唔可以坐張吉枱咁又疫情, 我心諗盡量可以唔同陌生人坐埋一齊就最好啦, 人地安心我地又放心。但店員回應我既係, """唔可以!! 因為個張吉枱要留返俾4人黎坐!"""佢地店員都講到咁, 為由照坐啦咁個陣下午茶時間,大約2點半, 諗住叫雞脾餐, 佢地已經話賣晒。下午茶只係過左半小時都已經賣晒我唔知佢本身1日內預備左幾多雞脾啦真係冇野好講!!!咁我地2人之後就分別叫左唔同扒既鐵板餐店員上枱又唔會問下邊個叫邊個餐, 又唔會講聲係咩扒,一黎就放上枱, 只係問要咩汁咁我地要自己互相調返轉大家既鐵板。食物上, 味道上, 我覺得咩價錢咩質數, 所以總括覺得都係抵食但服務上真係好差, 店員態度真係唔友善, 如果大家唔介意服務既問題, 係可以試下呢個抵食既餐廳到最終我都係試唔同雞脾, 鐵板扒係算抵食既, 冇咩特別咁
繼續閱讀
今日因為去開嘅餐廳休息，所以行多兩步嚟到呢間新新地嘅巨人餐廳，門口放咗好多個餐牌，食物選擇都算豐富，普通茶餐廳有嘅基本上都有，仲有鐵板餐添！ 不過今日我係食下午茶嘅啫～下午茶餐都有唔少選擇，有面有飯有時要當午餐食都可以喎😯 見佢話雞髀係招牌，叫咗個雞髀沙律外賣返屋企食。而家叫外賣仲送糖水添！拎外賣返屋企既過程已經覺得好重手，返到屋企一打開真係嚇一跳，果然髀如其名叫巨人雞髀😱係同我屋企隻大碟一樣咁大，一個女仔真係食唔晒，要屋企人幫手食🤣 沙律方面質素正常啦，酸酸甜甜都可以中和雞髀嘅油膩，但係佢都係非常多沙律醬，如果可以少醬一啲就好啦～ 送嘅咋喳糖水係暖既，都足料又好食👍🏻睇返餐牌，我叫外賣轉凍飲夾夾埋埋$40埋單，性價比真係超級高！PS 由於雞髀係生炸既，預咗要等至少15分鐘，如果趕時間買外賣嘅話就唔好食雞髀啦！
繼續閱讀
第一次食，真係冇下次，燶到咁樣都可以比人食，根本煮完咁燶都唔應該出廚房啦，究竟有冇睇下煮成點㗎! 唯一可取係，同女侍應反映，佢話”你O唔OK丫? 你唔OK就換過比你丫” 不過，都係冇下次
繼續閱讀
今日來到諗住試下呢間新餐廳嘅早餐，點知原來開11點，係冇早餐時段，就唯有試下佢哋嘅午餐。兩個餐加埋杯凍飲都係$100。價錢來講都算係幾抵，特別滿意杯涷奶茶，茶味夠出值得一試
繼續閱讀