534
26
18
| 餐廳: | 巧得鍋 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
港鐵觀塘站 B2 出口, 步行約2分鐘
繼續閱讀
電話號碼
22345169
22345170
59188460 (WhatsApp)
營業時間
今日營業
11:30 - 15:00
17:30 - 23:00
星期一至六
11:30 - 15:00
17:30 - 23:00
星期日
17:30 - 23:00
公眾假期
17:30 - 23:00
以上資料只供參考, 請與餐廳確認詳情
有關餐廳
-
網上訂座服務暫停
優惠
88折
火鍋店$100現金券(堂食) -新派特色火鍋店 嚴選優質食材!
$88
$100
招牌菜
食家推介
有說本地餐飲業生意每況愈下，如果唔想將來只得食嘢只得大品牌選擇，真係要一齊多啲撐本地餐廳，尤其是小店！是夜來到觀塘工廈入面的一間餐廳，喺而家「任食橫行」的時候，呢間餐廳竟依然做散叫餐，可見餐廳對自家出品相當有信心，今次一於試佢的雞煲＋打邊爐set先！餐廳的巧得set包咗前菜、一款鍋物、一款肉類拼盤、海鮮及其他配料，以及一款特飲。鍋物除咗有火鍋湯底外，仲有雞煲、烤魚，食完雞煲再加湯打埋邊爐。肉類拼盤有牛、豬兩款選擇，每款設4個部位的肉肉，試下不同口味；海鮮有帆立貝、刀貝、廣島蠔等；其他配料除咗蔬菜盤，仲有餃子、丸類等，除非你想叫多啲配料試味，否則基本上一個set都好飽肚。雞煲辣度揀咗BB辣，雞肉分量、味道都幾好，比較抵讚嘅係，雞煲無乜油花，好清，就算之後加湯再打邊爐，都唔會覺得啲油浮晒面咁。牛肉拼盤有牛頸脊、牛肩胛、牛柳粒等，當中令我比較驚喜的係牛柳粒，係4款牛肉之中牛味最為濃郁，其次就係卷起來的牛頸脊；要注意擺喺底部的牛肩胛，因為肉質無乜油花，所以不宜灼得太長時間，容易變韌。帆立貝、刀貝等海鮮亦見fresh，惟要好掌握到timing，過熟即刻變得好韌。檸檬青蘋果梳打特飲以青蘋果蓉、蝶豆花、檸檬、薄荷葉調製而成的視覺系飲品，味道酸甜清新。
繼續閱讀
早排系觀塘發現到－間幾抵食既雞煲👍🏻👍🏻等我開心share 下先🤣我地揀左：🌟招牌二人雞鍋餐🌟 $168入面有：✨招牌雞煲（半隻雞）✨雞煲既秘製醬汁好濃稠，食落麻味十足，辣味鮮香得梨仲帶有點點甜味👍🏻隻味有d深度，唔會剩係得個死辣加上佢既辣度系可以揀既🔥想食幾辣就幾辣🌶️任君選擇，夠哂彈性；由於我同我阿媽都唔係啲好食得辣嘅人，所以我哋揀咗BB辣🌶️🤣雞煲入面d雞嫩滑得梨又多汁，仲－定冇偷工減料（肉肉都幾多下）；加埋基本配料莞茜、洋蔥、尖椒🤣全部煮到入哂味，索哂汁，真係惹味🌶️到不得了，送飯－流👍🏻✨魚湯娃娃菜✨魚湯超級鮮甜，娃娃菜亦煮得夠淋身同入味👍🏻白飯2大碗飲品揀左：✨檸檬青蘋果特飲✨ 跟餐價$10呢杯特飲青蘋果🍏味比較突出，味道酸酸爽爽，醒神開胃✨鮮果特飲✨ 跟餐價$10果味香甜，夠哂甜蜜💕呢個雞鍋又真係巧得👍🏻今餐又係好抵既－餐呢😍除咗雞煲之外，呢度仲有好多特色火鍋湯底；清湯蘿蔔牛腩鍋、滋補花膠燉竹絲雞鍋、海鮮鍋、酸菜魚鍋、邪惡牛雜鍋、招牌烤魚鍋．．睇落都好吸引🤩睇梨下次要再過梨試埋先得🔥巧得鍋📍觀塘成業街15-17號成運工業大廈1樓12-14號舖 港鐵觀塘站 B2出口,步行約2分鐘
繼續閱讀
入座後随即上咗九款火鍋調味料 送兩個前菜：黑木耳 同埋 油炸花生 炸花生係冇落鹽嘅，黑木耳就有啲蒜蓉喺上面，兩個都係淡口嘅健康食品。開一壺蕎麥茶，清清哋。每種鍋底或者煲都可以選擇大辣、小辣、bb辣及走辣，有多種特色鍋底：清湯蘿蔔牛腩鍋、滋補花膠燉竹絲雞鍋、海鮮鍋、酸菜魚鍋、邪惡牛雜鍋、招牌烤魚鍋、花膠、雲吞、鮑魚雞鍋等。🔸 青藤椒鮮辣牛雜鍋 $188呢個牛雜鍋有齊曬 牛肺、牛膀、牛腸、牛肚 幾樣嘢。伴菜有十幾舊蘿蔔同埋 好重麻辣味嘅花椒葉。成個鍋都係新鮮牛雜，可能滾得比較耐，牛雜都軟爛潤滑，係比較肥美嘅。牛雜鍋裏面有好多青蘿蔔，食落係好鮮甜，加上夾埋鍋裡裏面啲麻辣味，十分好食。味道：7/10性價比：7/10🔸 其他火鍋配料鮮蝦水餃 $88舖頭自家製水餃有8粒 都係大大粒嘅 新鮮又好食😋即炸嚮鈴 $58 炸魚片頭 $58都係即炸嘅 可以就咁食好香口嚮鈴就好似係油炸鬼咁樣 脆卜卜嘅，放落個 火鍋裏面熠幾下就可以攞返出嚟，可能係由於炸過嘅關係，食落都係比較油膩，不過幾好味。萵筍 $3812條三角柱，大大舊，要烚耐啲萵筍好新鮮，熠好之後仲係好爽脆青甜豆卜 $28醬料裏面個人覺得最正嘅就係有好多蝦米仔嘅老乾媽辣醬，其實唔喺好辣，但係好香，同金錢肚蘸住一齊食，好好味。送餐後甜品 維記雪米糍一粒味道：7/10性價比：7/10▪️🔹環境：喺成運工廈1樓上面，唔入去唔知，舖面都好大，可以一家十幾人一齊入去打邊爐都得🤪火鍋醬料每位 $18
繼續閱讀
位於工厦雞煲火鍋雞煲好入味趁熱好好食，汁液濃郁加埋配菜好香，令到人食到唔想停口，半隻雞份量都好多，夠哂三個人食，仲要係招牌雞鍋，難怪咁好食食到咁上下加湯就開始淥野，冬菇，冬瓜同皇帝菜都好適合打邊爐食，湯底又入味，推薦食海蝦一隻隻串住放落去淥好快熟，蝦肉好新鮮好易入口，蝦隻每隻都好大隻，日本水飼豬腩片都好鐘意，我都食左唔少，百花釀豆卡其中的餡料好多，蝦肉味道唔錯，又大大粒，魚片頭好香，流心玉米丸里面餡料多又大粒，稻庭鳥冬淥一淥就食得餐前餐後有小食甜品送好貼心，青藤椒涼拌花膠好食，如果你係鐘意小辣既就要試下味道，食完又送荔枝雪米糍，飲品有鮮榨哈蜜瓜汁，好新鮮即飲又大杯，仲有兩杯紙包飲品其實隱藏左係工厦既食肆都唔差，店員都好有禮貌同回應速度十分快，場地都乾淨同位置近地鐵站，幾適合一班朋友聚會
繼續閱讀
今晚同一位住響東九龍嘅朋友食飯，我就想坐得舒服啲，而佢就想食雞煲，最後我哋就揀咗去觀塘嘅巧得鍋食晚餐。🍗 巧得招牌雞鍋（半隻、小辣） $168個雞鍋超級香，料頭超足，仲有紅椒、黃椒、芫茜、洋蔥等🍲果然真係「巧得👍」雖然係半隻雞，但係肉嘅份量唔算少！等我哋之前仲擔心嗰份量唔夠添🤣🥩 牛肩胛（小碟） $128牛肉新鮮🤤，肉味濃郁！掛曬上去個架度，唔通呢啲就係氣勢😍？擺盤咁靚，打卡一流呀！🐟脆鯇骨腩 $68肉質咬落去好Q彈😍，平時好驚廚師會將啲脆鯇骨腩切得太厚或者太薄，但係呢度就冇呢個問題，個厚度非常完美，所以令到口感變得更加好。絕對係打邊爐首選！九宮格調味料架，令到成餐飯都增加咗唔少質感，加咗唔少分！樣樣都要啲啲，溝埋出嚟嘅豉油就非常好味🤤我哋仲見到水吧嘅師傅不停製作緊沙冰，可惜我哋已經食到太飽，而且仲食咗臨尾送嘅雪米糍，如果唔係都想試下。最後講講環境，餐廳環境舒適，最啱同埋一班嚟朋友聚會，吹下水食個雞煲🥳#巧得鍋 #觀塘美食 #打邊爐好選擇
繼續閱讀